63
•
Azərbaycan ədəbiyyatında tənqidi realizm
və romantizm dövrü
•
Əsərin sonrakı səhifələrindən məlum olur ki, bu səsin sahibi Sara həm də və-
tənini dərin məhəbbətlə sevən, xalqının azadlığı uğrunda həyatını qurban ver-
məyə hazır olan cəsarətli qızdır. Düşmənə yararlanan yaltaq həmyerliləri onu
kef məclisinə gətirir və qalib hökmdara “ölkəmizin ulduzu” adı ilə təqdim edir-
lər. İşğal olunmuş ölkədə baş verən qırğın, dağıntı bu qeyrətli qızı sarsıtmışdır.
Dodaqlarının qanı qaçan, solğunbənizli Sara yas içindədir. Rəqs etməyə məcbur
edilən Saraya həm də mahnı oxumaq əmri verilir.
Sara oxuyur, onun səsində
“ölkədə qaynayan kin”, mahnının sözlərində isə doğma yurda dərin məhəbbət
əksini tapır.
Saranın qaniçən hökmdarı zəhərləyərək öldürməsi ümumxalq üsyanının
başlanmasına, nəticədə ölkənin işğaldan azad edilməsinə səbəb olur.
Qalib
hökmdar obrazı poemada az görünsə də, oxucu onu qədərincə tanıya
bilir. Qanlı əməlləri onun haqqında ətraflı təsəvvür yaradır. İşğal etdiyi ölkənin
əhalisini qılıncdan keçirən xaqan yas içində olan yerli adamları ertəsi gün
bayram keçirməyə məcbur edir. Poemadakı təsvir və işarələr bu obrazı əhatəli
təhlil etməyə, müəllifin ona münasibətini aydınlaşdırmağa imkan verir.
Məğlub ölkənin hökmdarı, varlı adamları, din
xadimləri barədə poemada de-
yilənlər onların xarakteri, əməlləri üçün səciyyəvi olanları müəyyənləşdirməyə
və qiymətləndirməyə imkan yaradır.
Bitkin kompozisiyası, maraqlı süjet xətti olan poema oriji-
nal məcazları, dilinin aydınlığı ilə diqqəti cəlb edir. Səsli qıza
– Saraya müraciətlə deyilənlərin əks olunduğu ilk səhifələri
poemanın
proloqu saymaq olar. Bunun ardınca əsas hadisənin
təsviri başlanır. Bir-biri ilə bağlı olan təsvirlər oxucunu sonadək
gərgin
vəziyyətdə, intizarda saxlayır.
Əsərdə obrazlılığın təmin edilməsində məcazların xüsusi rolu vardır. Saranın
qeyri-adi səsini “büllur kimi səs”, ölkənin ağır vəziyyətini “qanlı mühasirə”,
“hıçqırıqlı diyar” şəklində ifadə edən şair məcazlardan ardıcıl istifadə etməklə əsə-
rin bədiiliyinin birə-beş artmasına nail olmuşdur.
Poemada bədiiliyin, obrazlılığın
qüvvətlənməsinə əhəmiyyətli təsir edən va-
sitələrdən biri də sözdən
məharətlə istifadə edilməsi, yığcam ifadələr işlətməklə
təsvir obyekti barədə zəngin təsəvvürün yaradılmasıdır.
Əsəri bir daha nəzərdən keçirməklə, mənbələri araşdırmaqla bütün bu
deyilənləri nümunələr əsasında geniş şərh etmək mümkündür.
Poema ideya-məzmununa görə zəngindir: vətənin düşmən
hücumundan müdafiə edilməsinin vətəndaşın şərəf işi olması;
ölkənin
müstəqilliyini, xalqın azadlığını heç nə ilə əvəz etmə-
yin mümkün olmaması; “insanlığın əzilməsinin”, insanın qəddarlıqla məhv edil-
məsinin yolverilməz olması və s.
Bu deyilənləri diqqət mərkəzində saxlamaqla mənbələrin araşdırılması,
poemanın bir daha nəzərdən keçirilməsi əsərin ideyasının əhatəli şərh edilməsinə
imkan verir.
Əsərin ideyası
nədir?
Əsər hansı bədii
xüsusiyyətləri ilə
diqqəti cəlb edir?
LAYİHƏ
64
ARAŞDIRMANI
DAVAM
ETDİRİN
1. Sinifdə öyrəndiklərinizi göstərilən mənbələrdən topladığınız məlu-
mat əsasında zənginləşdirin və tamamlayın.
Məlumatın əldə edildiyi
mənbə
Məlumatın
məzmunu və aid olduğu
mətnkənarı sual
2.
Araşdırma apararkən aşağıdakı sual və tapşırıqların cavablarını
geniş əhatə etməyə çalışın:
a) Döyüşün getdiyi ərazini, məğlub olmuş şəhərin və əhalinin vəziy-
yətini ətraflı şərh etməkdə şairin məqsədi nədir? Fikrinizi təsdiq
edən nümunələr göstərin.
b) Saranın cəsarətli addım atmasının əsl səbəbi, sizcə, nədir?
c) Əsərdəki hökmdar obrazlarının oxşar
və fərqli cəhətlərini müəy-
yənləşdirin. Poemadan nümunələr göstərin.
Müqayisə olunanlar
Müqayisə üçün əsaslar
d) Müəllifin güc və qəddarlığın qarşısında aciz qalmış insanın dav-
ranışı barədəki fikrini necə dəyərləndirirsiniz?
Müəllifin mövqeyi
Müəllifin mövqeyi barədə fikrim
e) Əsərdəki bədiiliyin, obrazlılığın artmasında məcazların
rolu nədən
ibarətdir? Fikrinizi nümunələrlə əsaslandırın.
Əsərdə işlənmiş
məcazlar
Obrazlılığın, bədiiliyin artmasında
onların rolunu təsdiq edən nümunələr
3. Yazılı qeydlər əsasında şifahi təqdimata hazırlaşın.
1. B.Nəbiyev. Əhməd Cavad. Bakı: Proqres, 2012, səh. 87-92.
2. XI sinif şagirdləri üçün elektron vəsait. http://edebiyyat.ucoz.com.
•
TƏTBİQ
•
MÜZAKİRƏ
•
YARADICI İŞ
1. Mövzulardan birini seçib işləyin:
a) “Ə.Cavadın yaradıcılığında milli azadlıq və müstəqillik ideyaları-
nın tərənnümü” mövzusunda inşa.
b) “Poemada təsvir olunanlara və obrazlara müəllifin münasibəti”
mövzusunda esse.
2. İşin icrasına ayrılan vaxt tamamlandıqdan sonra parta yoldaşınızla
yazılarınızı dəyişib oxuyun. Uğurlu saydıqlarınızı və arzunuzu –
nələri artırmağı və dəyişməyi lazım bildiyinizi qeyd edin.
3. Təqdimatlar etməklə yazılardan nümunələri müzakirə edin.
Yığcam məruzə yazın: Ə.Cavadın yaradıcılığında vətən mövzusu.
• EVDƏ İŞ
•
MƏNBƏLƏR
• IV dərs
• EVDƏ İŞ
LAYİHƏ