77
Bu sükut adi sükut deyildi. Bu sükutda donmuş səbr-
lərin ölümə qarşı səssiz inqilabı, çağırışı eşidilirdi. Bu,
Heydərə layiq ehtiram idi. Bu, bütün dünyaya Heydərin
xalq, xalqın da Heydər olduğunu sübut edən həqiqət idi.
Heydərin xalq yaşadıqca varlığını, yaşadığını təsdiq
edən həqiqət!
15.12.2003
75-ci BAHARIN MÜBARƏK!
Dünya yaranandan üzü bəri inkişafa yol alıb. On il-
lərlə, yüz illərlə təkmilləşən insanlar həmişə yenilik ax-
tarışında olub. İnsanların xeyrinə yönələn yenilik dün-
yanın inkişafına, xalqların mədəniyyətinin daha da yük-
səlişinə xidmət edir. Bu məsuliyyəti Allah-təalanın hər
bir xalqa bəxş etdiyi xalqın yükünü çəkən, sözünü ifadə
edə bilən, lazım gələn anda öz xalqını təmsil etməyi ba-
caran tək-tək şəxsiyyətlər daşıyır. Bu, Allahın o xalqa
lütfüdür...
Allah-təalanın lütfü ilə Azərbaycan xalqına bəxş olu-
nan nadir insanlardan biri də xalq yazıçısı Anardır. Bu
gün xalqımızın fəxri olan Anar da dünyadakı bütün
uşaqlar kimi doğulub. Dünyaya göz açandan hamı kimi
böyüsə də gördüklərini dərk süzgəcindən keçirdikcə
başqa uşaqlardan seçilib. Anar adi uşaqlar tək doğulsa
da, yaşadığı mühit adi olmayıb. Çünki o, dünyada fərqli
ömür yaşamış böyük ürəyə malik xalq şairi Rəsul Rza-
nın, qadınlığa xas bütün gözəl xüsusiyyətləri özündə
cəm edən, kişi qeyrətli, lakin qəlbi ən incə, ən zərif duy-
ğularla köklənən şairə xanım Nigar Rəfibəylinin oğlu
idi. Bu bir-birinə dərin tellərlə bağlı iki qəlbin sevgisin-
78
dən doğulan uşaq da məhz Anar kimi olmalıydı...
Adıyla ilkinlik qazanan Anar, çox keçmir ki, yaradı-
cılığı ilə də seçilir. Adından yüzlərlə körpə adına məna
gələn Anar yaradıcılığı ilə də bir çox gənc yazarlara isti-
qamət verir.
Anar Azərbaycan mədəniyyəti üçün o qədər böyük
şəxsiyyətdir ki,onun haqqında tariximiz irəliləyincə, onu
oxuyub dərk eləyənlər, zaman-zaman Anarı ananlar,
onun əsərlərinin dərinliyində bəlkə bizim edə bilmədiyi-
miz kəşflər etdikcə yeni-yeni kitablar yazılacaq. Mən
Anarın əsərlərinin dərinliyinə heyran bir Azərbaycanlı-
yam. Bu heyranlıq məni illər boyu izləyib. Anarın adi
hekayəsinə belə mən böyük əsər kimi yanaşmışam.
Oxuduqca vaxtı, zamanı unutmuşam. Mən Anarın əsər-
lərini oxuduqca özümü onunla həmyaşıd hesab edirəm
və onun haqqında danışanda həmyaş insan kimi danışı-
ram. Budur Anarın yaradıcılıq qüdrəti! O, bütün zaman-
larda onu sevənlərlə, oxuyub dərk edənlərlə, onu anla-
yanlarla həmyaş olacaq. Mən Azərbaycanın fəxri olan
Anar haqda həmişə fəxrlə danışıb və yazıram. Əsərləri
ilə tanışlığımdan sonra elə sanıram ki, o böyük sənətkar-
la hələ gənclik çağından tanışam. Anarı əsərləri ilə sev-
mişəm, sevgimi yazdıqlarımda sübut etməyə çalışmışam
və ömrüm qədəri də sevəcəyəm. Çünki Anar sevilməyə
layiq sənətkardır. Ulularımız “Dünya bir pəncərədir, hər
gələn baxıb keçər.”-deyib, Anar bu pəncərə önündə dün-
yaya nə üçün gəldiyini dərk edərək düşünməyi bacardı.
Düşündüklərini zamanın sürətilə eyniləşdirə bildi. Dü-
şüncələriylə yanından ötüb keçənlərdən fərqləndi, seçil-
di. Dünya pəncərəsindən görüb dərk etdiklərini düşünən
beynin təxəyyül süzgəcindən keçirərək dərk etmək istə-
79
yənlərə miras qoymağı düşündü və dünyanın gözünə ba-
xa-baxa zamanı əlinə alıb zamansızlıq sehrini oxudu.
Anar Azərbaycan mədəniyyətini öz əsərləriylə bir pillə
də yüksəldə bidi. Xalqın mədəniyyəti toxunulmaz bir
qalaya bənzər. Nə qədər ki, bu dünyanın pəncərəsi var,
nə qədər ki, insanlar bu pəncərə önündən gəlib keçir, bir
o qədər də xalqımızın mədəniyyət qalası hörülməkdə
davam edəcək, ta zaman öz sözünü deyənəcən... Bu hör-
güdə Anarın da bir ömür yazdıqları var. Bu əsərlər
yazıldıqca oxunur. Sabah da bu yazılanları zaman özü
vərəqləyib yeni-yeni nəsillərə oxudacaq.
Bu gün ömrünün 75-ci pilləsinə qədəm qoyan xalqın
sevimli yazarı Anara Allahdan yaşadığı ömür qədər də
sağlam həyat arzulayırıq. Qoy ömrünün pillələri artdıq-
ca, bu pillələri qalxan sevimli Anarımız gənc nəslin sev-
gisiylə qarşılaşsın. Qoy keçmişiylə bu günü arasında
ömrünün hissələri həkk olunmuş cild-cild əsərləri gənc
nəsli salamladıqca, Anar yaşadığı ömrün nə qədər də-
yərli, gərəkli olduğunun bir daha şahidi olsun. Qoy öm-
rünün qapısı hər il bahar qoxusuyla, bahar təravətilə, ba-
har sevgisiylə açılsın! Amin!
QƏDİR DÜNYASI
Sənət aşiqi Qədir Rüstəmovun ecazkar, cazibədar
məcnunanə səsi... O səs gücünü ilahi qüdrətdən alır.
Ona görə də o qədər ürək titrədən, ürək göynədəndir. O
səs sanki səhrada tək-tənha dolaşıb nakam sevgisini si-
nəsinə basaraq, ilahi qüdrətlə danışırmış kimi əllərini
göyə açıb ah-nalə edən aşiqin ürək yanğısını xatırladır.
Qədir yanğısını yerə-göyə əyan edir. Qədiri dinlədikcə
80
sanki sən də özünü səhrada kənardan dayanıb onu dinlə-
yən kimi hiss edirsən. Sən də yanırsan onu duyan, onu
sevən bir ürək kimi. Məcnunlaşırsan Qədiri dinləyə-din-
ləyə. Özün də bilmədən o səsə vurulub ondakı qeyri-
adiliyə qibtə eləyirsən.
Qədir dünyası... Çoxlarının dərk etməyə qadir olma-
dığı bir İnsan dünyası. O dünyanın qeyri-adiliyini yalnız
onu sevən, duyan, bütün varlığıyla qəbul edən Qədir ki-
mi məcnunlar hiss edə bilər.
Qədir dünyasında bir ocaq yanır. Xalqının, millətinin
dərdiylə, ağrı-acısıyla, iç dünyasına sıza bilən qəm-kə-
dəriylə alışan bir ocaq. Bu ocağın istisində Qədir üşü-
yür. Xalqının dərdini–çörəyimizi, suyumuzu yeyib-içən
düşmənlərimizin zəbt etdiyi torpaqlarımızın ah-naləsini
dinlədikcə bir İnsan dünyası aşiqanə nalə çəkir. Qədirin
səsindəki nalə əzəlidir. Sanki Qarabağlı, Şuşalı, Ağdam-
lı, Laçınlı günlərimizdə bu torpaqların bir gün bizsiz,
yetim qalacağı günü əvvəlcədən hiss edib içindəki yan-
ğısını səsinə axıdıbmış. Qədir xalqının əzablı, məşəqqət-
li gününü görüb onun dərdiylə əriyən bir sənətkardır. Bu
millətin dərdi həmişə olub və olacaqdır. Nə qədər ki,
onun Qədir kimi vətən, millət, xalq dərdi çəkən aşiq sə-
nətkarları, yazıçı-şairləri, yaradıcı insanları var. Nə
qədər ki, xalqımız ürəyiyumşaq, dostuna, düşməninə
məhəl qoymadan həmişə, hər yerdə hamının köməyinə
qaçan, dadına yetəndir, bu millətin dərdi tükənməz.
Qədir sevgisi, Qədir naləsi tükənmədiyi kimi.
Bəzən Allahın ilahi vergi bəxş etdiyi yaradıcı insan-
lar olacaqları öncədən hiss edib duyur. Elə vaxt olur ki,
hiss etdiyini, qabaqcadan duyduğunu dilə gətirməyə çə-
kinir. Susur, öz-özünə bunların həqiqət olmayacağıyla
Dostları ilə paylaş: |