94
NİSƏ AZİKQIZI
1993-cü il noyabrın 6-da Bakıda anadan olub. 2011-
ci ildə Maştağa qəsəbəsindəki 108 saylı orta məktəbi
bitirib, Bakı Dövlət Universitetinə daxil olub. Yazıları
“Paklıq” qəzetində dərc olunub.
MƏNİM İDEALIM
Dünyada bir çox gözəl və vacib olan peşələr vardır.
Bu peşələr və peşə sahibləri olmazsa, cəmiyyət inkişaf
edə bilməz və hər bir sahə getdikcə tənəzzül edər. Lakin
bu peşələr içərisində elə bir peşə var ki, o olmazsa, yer
üzündə mükəmməl nə həkim, nə hakim, nə mühəndis,
nə kosmonavt, nə də alim ola bilməz. Bu müəllimlikdir.
Müəllim sənəti, peşəkar müəllimlər olmasa, heç bir sahə
üzrə mütəxəssis yetişə bilməz. Lakin danılmaz faktdır
ki, hər müəllim boynuna düşən vəzifəni layiqincə yerinə
yetirməyə səy göstərmir.
Müəllimlik ən məsuliyyətli, ən vacib və müqəddəs
bir işdir. Əsl müəllim təkcə fənni tədris etməklə kifayət-
lənməməlidir. O həm də şagirdə öz fənnini sevdirməli,
ona düzgün istiqamət verməli, ən əsası özündən güclü
kadrlar yetişdirməyə çalışmalıdır.
Biz çox xoşbəxtik ki, orta məktəb həyatımızda belə mü-
əllimlər ilə rastlaşmışıq. Mən bu yazımda müəllim adını
şərəflə daşıyan, şagirdlərinə daima doğru yol göstərən, öz
vəzifə borcunu heç vaxt unutmayan, şagirdlərinin idealına
çevrilən bir müəllim haqqında danışmaq istəyirəm.
95
Haşiyə: Dadaşova Samirə Davud qızı 1971-ci il no-
yabrın 30-da Maştağa qəsəbəsində anadan olmuş, 1978-
88-ci illərdə qəsəbədəki 255 saylı orta məktəbdə təhsil
almışdır. Hələ məktəb illərində fəallığı, dərslərə ciddi
münasibəti, bilik və bacarığı ilə yoldaşlarından seçilmiş,
müəllimlərinin hüsn-rəğbətini qazanmışdır.
1989-cu ildə Bakı Dövlət Universitetinin filologiya
fakültəsinə daxil olan Samirə tələbəlik illərində də özü-
nəməxsus cəhətlərilə seçilmiş, 1994-cü ildə universiteti
fərqlənmə diplomu ilə bitirmişdir. 1996-cı ildən indiyə
kimi qəsəbədəki C.Nurməmmədov adına 108 saylı orta
məktəbdə ana dili və ədəbiyyatı fənnini tədris edir.
Samirə müəllim uşaqlara təkcə doğma dilimizin
qrammatikasını və milli mədəni sərvətimiz olan ədəbiy-
yatımızı öyrətməklə kifayətlənmir. O sadəcə müəllim
deyil. Millətin gələcəyi olan şagirdlərə sirdaş, onların
sevincinə, kədərinə şərik olan, onları daim düzgün yola
çağıran, istedadlarının üzə çıxarılmasında yardımçı olan
gözəl bir dostdur. O bizə təkcə savadı ilə deyil, cəsarəti,
daim öncüllüyü, ağlı-kamalı, mənəvi dəyərlərimizə olan
münasibəti ilə örnək olub. Məktəbdə çalışdığı on bir il-
də bütün müəllim və şagird kollektivinin sevimlisinə
çevrilib. Ona qibtə edənlər də az deyil. Yetirmələri onun
adını daim uca tutmağa çalışır. Məktəbdə oxuyanların
hər biri Samirə müəllimənin şagirdi olmağı arzulayır və
bu arzusuna çatanlar isə öz müəllimi ilə fəxr edir.
Belə bir kəlam var: ”Valideyn uşağı göydən yerə en-
dirir, müəllim isə onu yerdən göyə qaldırır”. Əsl müəl-
lim olmaq üçün ilk öncə gözəl mənəvi dəyərlərə malik
olmaq lazımdır. Bu müsbət xüsusiyyətlər də Samirə mü-
əllimdə cəmləşib. O əslində Allahın çox xöşbəxt bəndə-
96
sidir ki, əlində çox qiymətli bir xəzinənin–elm xəzinəsi-
nin açarını tutub. Elm ilə insanlığın vəhdətində müəllim
də ideallaşa bilir. Bütün həyatları boyu ondan nümunə
götürən, onun yolunu davam etdirən, onu özü üçün ide-
allaşdıran şagirdlər bu gün də var, sabah da olacaqdır.
ELXAN ELATLI İLƏ MÜSAHİBƏ
“Paklıq” qəzetinin bu dəfəki qonağı tanınmış detektiv
yazıçı, bu gün gənc oxucuların sevimlisi Elxan Elatlıdır.
1962-ci il dekabrın 19-da Şamaxı rayonunda anadan
olub, 1985-ci ildə BDU-nun mexanika-riyaziyyat fakül-
təsini bitirib. 157 saylı orta məktəbdə müəllim kimi çalı-
şır. On üç romanı çap olunmuşdur. Azərbaycan Yazıçı-
lar Birliyinin üzvü, “Qızıl qələm” mükafatı laureatıdır.
F.Köçərli adına uşaq kitabxanası onu “İlin yazıçısı” elan
etmişdir. Qəzetimizin əməkdaşı Nisə Azikqızının yazıçı
ilə müsahibəsini oxuculara təqdim edirik.
-Sonuncu əsərinizdə o biri əsərlərdən fərqli olaraq
oxucularınıza yeni detektiv obrazı təqdim etdiniz. Bu
obraz oxucular tərəfindən nə dərəcədə bəyənildi?
-Əslində, bu obraz da digər iki obraz kimi sevildi və
qəbul olundu. Düzünü desəm, Ayxan Asayev Qasımlı
və Ələmdarı əvəz edə bilmədi. Məncə o biri qəhrəman-
lar olmasaydı, Ayxan daha çox sevilərdi.
-Əsərləriniz real həyatda baş verən hadisələrin, yoxsa
öz fantaziyanızın məhsuludur?
-Real həyatda baş verən hadisələri tam olaraq roman-
da vermək olmaz. Bu heç də maraqlı alınmaz. Təbii ki,
müəyyən oxşarlıqlar var. Əsasən də “Cəhənnəmdən gə-
lən səs” və “Qisas gecəsi” romanlarında daha çox real
97
hadisələr üstünlük təşkil edir.
-Sizin əsas ixtisasınız riyaziyyatdır. Siz riyaziyyatçı-
sınız. Bəs necə oldu ki, bədii əsər yazmağa başladınız?
-Uşaqlıqdan detektiv janrına xüsusi marağım olub.
Şamaxıda rayon qəzetində kiçik şeirlərim və məqalələ-
rim dərc olunurdu. 2000-ci ildən isə artıq detektiv yaz-
mağa başladım.
-Bədii yaradıcılığınız sizi öz ixtisasınızdan ayırır?
-Bəli. Hətta demək olar ki, artıq öz sahəmdən uzaqla-
şıram.
-Oxucularınız əsərlərinizi nə vaxtsa film kimi görə-
cək?
-Təkliflər çox olub. Amma məni qane edən təkliflər
olmayıb. Təbii ki, nə vaxtsa ola bilsin ki, əsərlərimdən
film və ya serial çəkilsin.
-Niyə məhz “Elatlı” təxəllüsünü seçdiniz?
-Bu təxəllüsdən hələ şeir yazanda istifadə edirdim.
“Elatlı” el-obalı deməkdir. Çox bəyənmişdim. Sonralar-
sa dəyişmək istəmədim.
-Milli qəhrəman Mübariz İbrahimova həsr etdiyiniz
“Qisas gecəsi” romanı oxucular tərəfindən çox sevildi.
Hansısa qəhrəmana əsər həsr etmək fikriniz var?
-Hələ ki, dəqiq bilmirəm. Amma Ramil Səfərova həsr
olunmuş bir əsər yazmaq istərdim.
-Sırf Qanbay Qasımlının öz həyatı haqqında roman
yazmaq istəyirsiniz?
-Bəlkə də nə vaxtsa yazdım. Hal-hazırda isə belə bir
fikrim yoxdur.
-“Ələkeçməz yaquar” romanında təqdim etdiyiniz de-
tektiv Melisa obrazı oxucular tərəfindən çox sevildi. Ye-
nə də əsərlərinizdə detektiv qadın obrazları olacaq?
Dostları ilə paylaş: |