Mirzə İbrahimov və xalq yaradıcılığı
61
ehtiram hissi ilə qarşılaşırıq. Rüstəm kişinin qızı Pərşan
oxucuya aşıq şeirinin vurğunu kimi təqdim olunur: “Pərşan
Aşıq Ələsgər şerlərini oxumaqla məşğul olduğundan artıq
atasına baxmırdı” (98, 22). Əsərin girişi oxucunu sanki folklor
aləminə çağırır. Briqadir Şirzadın oxuduğu bayatılar Rüstəm
kişinin arvadı Səkinənin qəlbini oxşayır. Onlar bu bayatıların
təsiri altında olduqları üçün başqa bir şey haqqında fikirləşmir-
lər.
Araz başdan lil gəlir,
Dəstə-dəstə gül gəlir
Neyləyərəm belə yarı
Ayda-ildə bir gəlir.
Rüstəm kişi bu səsi eşidib xoşhallandı” (97,12). Əslində
Şirzadın oxuduğu bayatıların bir ünvanı vardır. Bayatılar
Şirzadın “gözaltısı” Pərşan üçün oxunurdu.
Gül getdi yatan yerə,
Ay getdi batan yerə.
Sinəm nişana qoydum,
Yar oxun atan yerə.
Ayrı zaman olsaydı bəlkə də Rüstəm kişi bu sözlərə fikir
verərdi. Pərşan kimi yetişmiş qızın evinin dalında belə yanıqlı
bayatı çağırmağın əbəs olmadığını düşünərdi” (97,12).
Romanda başlıca surətlərdən biri də Rüstəm kişidir. O,
əsərin qəhrəmanıdır. Yazıçı Rüstəm kişini oxucuya həm
nöqsanları, həm də müsbət cəhətləri ilə birlikdə təqdim edir. Bu
surət vasitəsilə adət-ənənəyə, xalq istəyinə, milli cəhətlərin
gözlənilməsinə sənətkarın münasibəti üzə çıxır.
Xalqın adət-ənənəsinə hörmət məsələsi Qaraşla Mayanın
ailə qurması üstündə Rüstəm kişinin evindəki narazılıqlar, qan-
qaraldıcı hərəkətlərdə özünü biruzə verir. Ata razılığını
almadan, elçi göndərmədən Mayanı evlərinə gətirən Qaraş
sanki Rüstəm kişiyə ağır bir zərbə vurur. Kişi adlı-sanlı toy
eyləmək tədarükü gördüyü halda gəlin öz ayağı ilə gəlib
çıxmışdı. El-oba içində daxili əzab çəkən Rüstəm kişi “yarası
Fazil Əliyev
62
qövr eləyən xəstə vəziyyətində qalır. Daxili monoloqla özündən
soruşurdu: “ bu nə işdir ay Rüstəm kişi? Belə də arvad olar?!”
(97, 53).
Adət- ənənəyə xilaf çıxan oğlunun hərəkətləri Rüstəm
kişini ürək gəmirən şübhələr içində sıxırdı. Belə adətdən kənar
evlənmənin bir cəhəti ilə də Rüstəm kişi barışa bilmirdi:
“....evində yetişmiş Pərşan vardı. Sabah Pərşan da onun kimi
birisinə qoşulub qaçmaq fikrinə düşməyəcəkdimi? Bəs bu qızın
ata- anası yoxdurmu, ğöbələk kimi yerdən ki, bitməyib”
(97,54).
Müəllif burada bədii ilgəkdən (piryomdan) istifadə
etmişdir. Maya ilə Qaraşın evlənməsi adət-ənənədən kənar
şəkildə icra olunmuşdur. Bu təcrübə başqalarına da təsir
göstərir. Onda ata-babadan qalan elçilik-şahidli toy adəti,yaxşı
düşünülmüş el adəti zərər çəkər, pozula bilər.
Burada müəllif bədii şəkildə ilgəkdən istifadə edir.
Mayanın atası və anası vəfat etmisdir sözləri ilə Rüstəm kişi
“özü gələn” gəlin haqqında müsbət təssürat yaratmağa çalışır.
Atasız, anasız qızın Qaraşa qoşulub kəndə gəlməsini, onların
adət-ənənədən kənar iş tutmaları müəllifi düşündürür. Bu
məsələnin bədii cəhətdən həlli yolunu, elçisiz gəlin gəlməsini
qızın kimsəsiz olması ilə əlaqələndirir. Nəticə bunu göstərir ki,
sənətkar xalq adət-ənənəsinin bu gün üçün də əhəmiyyətli
onlanlarını saxlamaq, onlardan bəhrələnmək yolunu üstün tutur.
Mirzə İbrahimov “Böyük dayaq” romanında Rüstəm
kişinin simasında milli ruhlu obrazın tipik nümunəsini
yaratmışdır. Bu obrazın xarakterində millilik öz ifadəsini
tapdığı kimi, onun dilində də xalq deyimi və duyum tərzi
üstünlüyü təşkil edir.
Qaraşın toyu məsələsində arvadı Səkinə ilə mübahisə
zamanı deyir: “Görürsən, tərs damarı tutub, danışma, çıx get
havası keçəndə qayıt, bir az orasını-burasını sığalla, pambıq
kimi yumşalsın, istədiyinə razı sal. Səbr ilə halva olar, ey qora
səndən” (97, 21).
Mirzə İbrahimov və xalq yaradıcılığı
63
Xalq deyim tərzi obrazın təbiiliyini, canlılığını təşkil edən
başlıca vasitələrdən biri kimi özünü göstərir: “Səninlə danışan
gərək ağzına gərək bir batman saqqız ala ki, hövsələdən
çıxmaya. Batırdın rayonun maarifini, günah bizdədi ki, sənin
kimlərini raykomun bürosuna çəkib əlləzini əzbərdən
oxutmuruq” (97, 32).
Hövsələdən çıxıb maarif müdirinin yaxasından tutmaq
istəyəndə “lənət sənə kor şeytan!” deyə əl saxlaması, yaxud
Pərşana ...qız uşağı sürtülmüş aşıq kimi alça durmaz. Ağır otur
batman gələr” (97, 57). “Sənin çilovunu çəkmək mənə borc
olsun, ay müəllim” (97, 34), “Qaynananın miyançılığına
baxma, ay gəlin! Sən mənim sözümü tut, sırğa elə qulağından
as. Adam nə qədər kiçiklik eləsə, o qədər böyüyər – deyir. Bu
sözlər Rüstəm kişi surətinin bütövlüyü üçün zəmin yaradır.
Müxtəlif səciyyəli hadisələrlə münasibəti onun haqqında aydın
təsəvvür oyadır, surətin təbiəti, həyata baxışı gözümüz qarşısın-
da canlanır.
Romanda yüzlərlə atalar sözü, zərb-məsəl, hikmətli ifa-
dələr, xalq deyim tərzli sözlərin əksəriyyəti Rüstəm kişinin
dilində işlədilir. Milliliyin bu surətdə qabarıq şəkildə üzə
çıxmasına folklor mühüm təsir göstərmişdir. Folklorla bağlılıq
Rüstəm kişi surətinin nitqində fərdiliyi, özünəməxsusluğu
gücləndirir. Nitqin zahiri cəhətdən sadəliyi nəzərə çarpır.
“Nitqin sadəliyi Rüstəm kişinin söz ehtiyyatının məhdudluğun-
dan deyil, onun dil materialından istifadə üsulunun özünə-
məxsusluğundan irəli gəlir”.
Zənnimizcə, atalar sözləri, zərb-məsəllər, hikmətli ifadə-
lər surətin dilinin sadəliyi daha çox məntiqi cəhətdən tutumlu
olmasına xidmət edir.
Müəllif Rüstəm kişini onun təbiətinə uyğun təhkiyə ilə
danışdırır. Ötkəmlik, mənəm-mənəmlik əhval-ruhiyyəsində
xilas olmayan Rüstəm kişinin istədiyi ifadələr, xalq deyimləri,
folklor nümunələri əsərin daha təbii və axıcı bir dillə yazılma-
sını təmin etmişdir.
Fazil Əliyev
64
Rüstəm kişinin dilində işlədilən folklor nümunələrinin
mənzərəsinə diqqət yetirsək aydın olur ki, atalar sözləri, zərb-
məsəllər, aforistik ifadələr, xalqın təfəkkür tərzinin məhsulu
olan digər nümunələr əsərin bədii cəhətdən mükəmməl
olmasında mühüm rol oynamışdır. Qısa desək, folklor üslubu
əsərin məzmununa hopmuş, onun bədii mündəricəsində
həlledici mövqe qazanmışdır. Rüstəm kişinin dilində atalar
sözləri aşağıda göstərilən qaydada işlədilmişdir. Atalar sözləri
əsərin təhkiyəsindən olduğu kimi işlədilir. Onlara heç bir söz
əlavə edilmir: “Səbr ilə halva bişər, ey qora səndən”, “Acıqlı
başda ağıl olmaz”, “Toydan sonra nağara”, “Adını qoydun
dəyirmançı, çağır gəlsin dən Koroğlu”, “Pendiri dəri saxlar,
arvadı əri”, “İki qoçun başı bir qazanda qaynamaz”, “Halva-
halva deməklə ağız şirin olmaz”, “Yüz ölç, bir biç”, “Yeddidə
alacağı yox, doqquzda verəcəyi”, “Qozbeli qəbir düzəldir”,
“Avazın yaxşı gəlir, oxuduğun Quran olsa”, “Arı yeyib namusu
atmısan”, "Qardaş yaxşı olsaydı, allah özü üçün yaradardı”,
“Gah nala, gah mıxa döyürsən”, “Südnən gələn sümüknən
çıxar”, “Od olmayan yerdən tüstü çıxmaz”, “Acın duası
dərgaha çatmaz”, “Milçək murdar olmaz, ürək bulandırar”, “Atı
at yanına bağlarsan, həmrəng olmasa, həmxasiyyət olar”, “Hər
it öz çanağından yesə yaxşıdır” və s.
Rüstəm kişi surətinin psixoloji vəziyyəti, onun özündən
ağıllı adam tanımamağı, qarşısındakı adama yuxarıdan aşağı
baxmağı və s. kimi zəif və güclü cəhətləri da folklor işığında
üzə çıxır. Onun xarakterinə uyğun deyim tərzi, təhqir etməkdən
çəkinməmək, kobud ifadələr işlətmək, qarşıdakı adamla
mübahisədə dözümsüzlük, nifrətini açıq şəkildə bildirmək kimi
hallar əsərdə canlılıq və təbiilik məqsədilə işlədilmişdir.
Rüstəm surəti həyatda olduğu kimidir, süni bədiləşmədən
uzaqdır. Çünki bu surətin varlığına folklor, xalq hikməti,
kişilik, adət-ənənəyə bağlılıq kimi təfəkkür müstəqilliyi
yaşayır. Rüstəm kişi sözündə möhkəmdir, xalq deyim tərzindən
istifadə etməklə müəllif onun bu xarakterini aşkarlayır: