Mirzə İbrahimov və xalq yaradıcılığı
145
və bədii təcrübə fikirlərə daha dərin təsir buraxır,
nəzəriyyənin
yolunu dəyişməyi bacarır” (103,273).
M.İbrahimov qazandığı bədii təcrübəni nəzəri cəhətdən
əsaslandırmaq sahəsində mühüm işlər görmüş Azərbaycan
ədəbi mühitinin inkişafında ana dilimizin təəssübünü çəkməkdə
möhtəşəm xidmət göstərmiş, yazıçı, ictimai xadimdir.
1957-ci ildə Moskvada Yazıçılar İttifaqında “Böyük da-
yaq” romanını müzakirə edərək M.Arif, İ.Qrinburq, V.Druzin,
V.Bertse kimi sənətkarlar əsərdəki realizm, milli kolorit, xalqa
bağlılıq haqqında çox qiymətli fikirlər şöyləmişdir.
Xalq yazıçısının yaradıcılıq uğurlarına dair müxtəlif
əsərlər yazılmış, dissertasiyalar müdafiə olunmuşdur. İstər
“Böyük dayaq” romanının müzakirəsində, istərsə də digər
tədqiqatlarda M.İbrahimovun yaradıcılığında folklor məsələsi
geniş əks olunmamışdır. Sənətkarın ədəbi abidələrdə, dastan və
nağıllarda yaşayan xalq şəxsiyyətinə, xalqın mənəvi təfəkkür
işığına münasibəti geniş açıqlanmamışdır.
Bəzi müəlliflər yazıçının əsərində folklor motivlərinə
toxunmuşlar. Hüseyn İbrahimov 1962-ci ildə “İbrahimovun
nəsri haqqında bəzi mülahizələr” adlı məqaləsində “Çobanın
məsləhəti”, “Şairin yadigarı”, “Pələng və insan” hekayələrinin
xalq əfsanələri əsasında yazıldığınə qeyd edir. Professor Azad
Nəbiyev “Yazıçı və folklor” (90), “Xalq ruhuna məhəbbətlə”
(89), “Unudulmaz sənətkar” (91) adlı əsərlərində xalq
yazıçısının folklora münasibətindən bəhs etmişdir.
Professor Yaşar Qarayev “Torpağın övladı” məqaləsində
Mirzə İbrahimov yazıçı məfkurəsində folklorun aparıcı yer
tutduğunu şərh etmişdir. Məqalədəki faktiki materiallardan
daha çox müəllif ümumiləşdirilməsi diqqəti cəlb edir. Yaşar
Qarayev yazır: “Geniş nəzəri əhatə və miqyas faktlar
zənginliyi, aydın metodologiya, estetik qiymətin və meyarın
dəqiqliyi, məntiq və ifadə sərrastlığı, bütün bunlar Mirzə
İbrahimovun filoloji əsərlərinin məğzini təşkil edir” (81,148).
Fazil Əliyev
146
Bədii əsərlərində olduğu kimi, elmi-nəzəri görüşlərində
də folklor ruhu, tədqiqat obyektini xalq kimi dərk etmək səyi
daha güclüdür. Sanki yazıçı Mirzədə folklor üslubu özünü
təsdiq etdiyi kimi, alim Mirzədə də xalqın təfəkkür dərinliyi,
xalq fəlsəfəsi milli özünüdərketmə səlahiyyəti yaşayır.
Mirzə İbrahimov aşıq poeziyasının inkişaf mərhələlərini
Qurbani, Tufarqanlı Abbas, Xəstə Qasım kimi sənətkarların
meydana çıxması ilə əlaqələndirmişdir. Bununla da aşıq
ədəbiyyatının tədqiqinə yeni istiqamət vermişdir. Ədib Aşıq
Ələsgər yaradıcılığına təkcə aşıq poeziyasında deyil, həm də
Azərbaycan ədəbiyyatında yeni mərhələ kimi baxır: “Aşıq
sənəti çərçivəsindən çıxaraq Azərbaycan və dünya
ədəbiyyatının klassik simaları ilə yanaşı duran yaradıcılar da
var. Əlbəttə, bu barədə danışanda birinci olaraq hamımız Aşıq
Ələsgəri xatırlayırıq”(102,494).
Mirzə İbrahimov aşıq poeziyasında Ələsgər mərhələsinin
mahiyyətini şərh etmişdir: “Ələsgər klassik ədəbiyyatın fikri
dərinlik, tipikləşdirmə və bədii ümumiləşdirmə qanunlarını aşıq
poeziyasının canına hopmuşdur” (104, 495) ideyasını irəli
sürməklə Ələsgər şeirinin əsl elmi-nəzəri qiymətini vermişdir.
Ədibin yaradıcılığında “Folklor və musiqi” mövzusu da
mühüm yer tutur. Tədqiqatdan aydın olur ki, xalq yazıçısı
folkloru milli musiqinin qidalandığı başlıca qaynaqlardan biri
sayır. Onun “Sənətin qüdrəti” (102, 99-105), “Bir-birinə bağlı
iki keyfiyyət” (102, 225-234), “Xalqın böyük bəstəkarı”
(102,346-66). “Üzeyir Hacıbəyov sənət və sənətkarlıq
haqqında” (102,405) əsərlərində Üzeyir sənətinin qüdrəti
folklorla, xalq musiqisi ilə bağlı şəkildə şərh olunur. Yazıçı
göstərir ki, ana laylası kimi eşitdiyimiz muğamat, xalq havaları
Bethovenin, Çaykovskinin ölməz
əsərlərindən həzz
almağımıza mane olmur. Əksinə onların musiqi aləmini dərk
etməkdə təfəkkür aydınlığı yaradır.
Üzeyir musiqisinin orijinallığı, novatorluğu haqqında
dərin məzmunlu mülahizələri ilə M.İbrahimov musiqişünasların
Mirzə İbrahimov və xalq yaradıcılığı
147
yolunu işıqlandıran fikirlər irəli sürmüşdür. Odur ki, tədqiqatda
M.İbrahimovun folklora bağlı görüşlərini üç istiqamətdə
ümumiləşdirməyin mümkün olduğunu əsaslandırmalı olmuşuq.
1. Ədəbiyyatşünaslığa, sənətkarlara, ədəbi əsərin təhlilinə
həsr etdiyi əsərlərdə, publisistik məzmunlu məqalə və
çıxışlarında folklorla bağlı mülahizələr.
2. Folklora həsr olunmuş əsərlərdə, dastanlar, ustad
aşıqlar folklordan bəhs edən əsərlər haqqında məqalələrdə irəli
sürülmüş fikirləri.
3. Teatr, musiqi mədəniyyətimizə aid əsərlərdə folklora
münasibət.
Göründüyü kimi, M.İbrahimov folklora dair görüşləri
onun bədii yaradıcılığı ilə bir vəhdət təşkil edir. O, bir sənətkar
kimi bədii əsərlərdən folklora körpü salmışdır.
İlk qələm təcrübələri olan “Zəhra” (1929), “Mələk”
(1930), “Qaçaq” (1932) hekayələrində sənətkarlıq cəhətdən
bəsitlik duyulsa da,xalq adət-ənənələrinə münasibət, onların
münasibət, onların müsbət cəhətlərini yaşatmaq səyi özünü
göstərmişdir.
Mirzə İbrahimov hekayələrdə atalar sözünə, zərbi-məsələ
yaradıcılıqla yanaşır. Çox zaman folklor nümunələri heka-
yələrin süjet xəttində, üslubunda həlledici mövqe tutur. “Yüz
ölç, bir biç” atalar sözü “Məntiq Həsənoviç” hekayəsində, “Qız
papaq deyil ki, bu başdan o başa qoyulsun” misalı “Etibar”
hekayəsində, “İgidin adı çıxınca, canı çıxsa yaxşıdır” atalar sö-
zü “Metamorfoza” hekayəsində əsərin quruluşunda, bədii görü-
mündə xüsusi məna yaradır. Bilavasitə hekayələr folklor motiv-
ləri ilə canlanır, bədiilik həmin nümunələr üzərində qurulur.
Həm də bu hal Mirzə İbrahimovun, hekayə yaradıcılığının özü-
nəməxsus keyfiyyəti kimi üzə çıxır. Adətən Mirzə hekayələrin-
də folklor deyim tərzi təbiilik keyfiyyəti yaratmışdır.
Xalq sınamaları, mifik təfəkkürdən doğan inamlar da
sənətkarın bəhrələndiyi qaynaqlardan biridir. “İran qızı” (95,
349-371) hekayəsində “bayquş ulaması”, “toyuq banlaması”,
Fazil Əliyev
148
“tonqal başında” (95, 20-51) hekayəsində öz ürəyini çıxaran
qəhrəman Elcan haqqında Kərim kişinin söylədiyi əfsanə-
rəvayət bunu aydın göstərir.
Hekayə və povestlərində folklordan bəhrələnmə yüksələn
xətt üzrə davam edir. Altmışıncı illərdə qədərki hekayələrdə
folklor motivləri əsasən atalar sözləri, zərbi-məsəllərdən
ibarətdir. Lakin altmışıncı illərdən sonra yazdığı əsərlərdə
“Fırtına quşu” (25), “Sahildə ev” (95, 437-502) povestlərində
folklor üzdə deyil, daha dərin qatdadır, folklor bu əsərlərin
məzmununda əks olunur.
İri həcmli nəsr əsərlərində 1940-cı illərdə yazılmış
“Gələcək gün” romanında folklor deyim tərzi əsərin daxili
qatından yeraltı sular kimi süzülüb keçir. İlk oxunuşda bu
cəhət diqqəti cəlb etmir. Əsərin folklor üslubunun tədqiqi
göstərir ki, nağılvari söyləmələrin azlığı, eyni zamanda ictimai-
siyasi məzmunun üstün mövqeyi folklor motivinin üzdə
olmasına imkan yaratmır. Musa kişinin başına gələn faciələr,
onun zindanda düşdüyü dəhşətli vəziyyət nağıl və dastanlarda
ifadə olunan eyni məzmunlu hadisələrlə səsləşir.
“Gələcək gün” romanında atalar sözləri, sınamalar, alqış
və qarğışlar, xalq deyimləri folklor motivinin özülünü təşkil
edir. Əsərdə rəvayətlər, folklor obrazları nisbətən az yer tutsa
da romanın məzmunu ilə dərindən əlaqələnir. M.İbrahimov
sənətinin təbiiliyi, özüllüyü hər bir ifadənin xalq deyim tərzinin
öz məqamında işlənməsi ilə səciyyəvidir. “Gələcək gün” də
hazır folklor nümunələrindən bəhrələnmə daha çox üzdədir.
Tədqiqat göstərir ki, M.İbrahimovun folklordan bəhrələn-
mə imkanı “Böyük dayaq” romanında xüsusi pilləyə qalxmış-
dır. Sanki “Gələcək gün” əsərində dərin məcrada qərarlaşmış
folklor qatı “Böyük dayaq” romanında dağ çayı kimi üzə çıx-
mışdır. Folklor xalq yazıçısının fərdi sənətkarlıq üslubunda
həlledici mövqe qazanmışdır. Bu romanda “folklor nəfəsi”
güclüdür. Rüstəm kişi obrazının dilində xalq deyimləri zəngin
olduğu kimi, onun şəxsiyyətində, xarakterində də folklor