119
təhriketmə və genişləndirmə siyasətindən kənar durur.
2006-cı il dekabr ayının 6-da BMT Baş Assambleyasında
“Nüvə sınaqlarını hərtərəfli qadağan edən Müqavilə”nin
imzalanmasını və ratifikasiyasını sürətləndirməyin vacibliyi
haqqında qətnamə qəbul edildi. Çünki sözügedən sənəd
bəzi dövlətlər tərəfindən hələ də imzalanmamışdır, imza
atan bir çox dövlətlər isə ratifikasiya etməmişlər.
Nüvə silahları ilə bağlı SSRİ (Rusiya) ilə ABŞ arasında
tarazlıq məsələsi, münasibətlərin əsasları dövrlərə görə belə
xarakterizə edilir:
-1945-1949-cu illər-nüvə silahında ABŞ monopoliyası;
-1949-1960-cı illərin başlanğıcı-nüvə silahının və nüvə
silahı daşıyıcılarının sayına görə ABŞ-ın üstünlüyü;
-1960-cı illər nüvə gücü ilə bağlı məsələlərin tədricən
bərabərləşməsi;
-1970-ci illər-strateji nüvə paritetinə nail olmaq;
-1980-ci
illər-strateji
nüvə
paritetinin
qorunub
saxlanılması;
-1990-cı illər nüvə paritetinin səviyyəsinin minimuma
endirilməsi.
1
XX əsrin ikinci yarısı boyunca ikiqütblü dünya arasında
yaşanan
“termoklin” tarazlığı SSRİ-nin çökməsindən sonra
öz yerini tədricən vahid məkanda mövcud olan tarazlığa-
regional tarazlığa (qarışmış və mülayim xassəli tarazlığa)
verməli oldu. Sosialist rejimindən yaxa qurtaran ölkələr sürətlə
Qərbin iqtisadiyyat mərkəzinə (inkişaf üçün güc mərkəzinə)
yaxınlaşmağa başladılar və xalqlar arasında iqtisadiyyatdan
keçməklə tarazlı münasibətlər yaratmağa üstünlük verdilər.
1990-cı ildə Almaniyanın birləşməsi, 1989-1990-cı illərdə
Rumıniya, Polşa, Macarıstanda iqtisadi və siyasi sahələrdə baş
1
Владимир
Иванович
МЕДВЕДЕВ
генерал-лейтенант
в
отставке,
руководитель группы РСМД на переговорах по ядерным и космическим
вооружениям, бывший начальник Центра по уменьшению ядерной опасности.
Российско-американские соглашения в области контроля над ядерными
вооружениями. http://www.armscontrol.ru/ course/lectures03b/vim031008.htm
120
verən rejim dəyişiklikləri, Çexoslovakiyanın bölünməsi
(Çexiya və Slovakiyanın ayrı subyektlər olaraqa yaranması) bu
məkanın sürətlə Qərbin iqtisadiyyat mərkəzinə inteqrasiya
olunmasına səbəb oldu. Keçmiş sosialist məkanındakı
boşluqların doldurulması üçün AvroAtlantik sisteminin aparıcı
qüvvələri iqtisadi, siyasi və hərbi yardımlar göstərərək
uyğunsuzluqların azaldılması üçün müəyyən işlər həyata
keçirdilər. Avropa Birliyinin (Jean Mannet müharibədən sonra
Almaniya-Fransa birliyinə çalışırdı. Alman Robert Schuman
Avropanın birləşdirilməsi planını irəli sürdü. 1951-ci ildə Paris
müqaviləsi ilə Avropa Kömür və Polad Birliyi (Belçika, AFR,
Lüksemburq, Fransa, Hollandiya və İtaliyadan ibarət altılıq
ittifaqı) yaradıldı və 1957-ci ildə Roma müqaviləsi ilə Avropa
İqtisadi Birliyi və Avropa Atom Enerjisi Birliyi təşkil edildi.
Təşkilati bazasında Avropa İttifaqının (2007-ci il 13 dekabr
tarixli Lissabon sammitinin sənədi-“Avropa İttifaqında
islahatlar Müqaviləsi” təşkilatın vahid bir ittifaq kimi və
subyekt olaraq yüksək statusunu-dövlətəbənzər qurum kimi
fəaliyyətini əsaslandırdı), bu baxımdan vahid iqtisadi, mədəni
və siyasi mərkəzin yaradılması, eləcə də NATO-nun şərqə
doğru
genişləndirilməsi
və
təhlükəsizlik
sferasının
böyüdülməsi prosesləri həyata keçirildi.
XX əsrin ikinci yarısında dövlətlər arasında münasibətlərin
balanslaşdırılması vəziyyətlərinin təkmilləşdirilməsinə dair bir
çox tədbirlər həyata keçirildi, sənədlər qəbul edildi. Bu
sənədlər beynəlxalq hüquq prinsiplərini formalaşdırdı və tarazlı
münasibətlərin təkmilləşməsinə və qorunub saxlanılmasına
kömək etdi. Belə ki, 1970-ci ilin 24 oktyabrında BMT Baş
Assambleyası tərəfindən “BMT Nizamnaməsinə müvafiq
olaraq dövlətlərarası əməkdaşlığa və dostluq əlaqələrinə aid
olan beynəlxalq hüquq prinsipləri haqqında Bəyannamə”
qəbul edildi. Bəyannamədəki prinsiplər aşağıdakılar hesab
edilirdi:
121
-BMT Nizamnaməsinin məqsədlərindən irəli gələrək,
dövlətlər beynəlxalq münasibətlərdə ərazi toxunulmazlığına və
ya istənilən dövlətin siyasi müstəqiliyinə qarşı bu və ya digər
üsullarla güc vasitəsilə hədələmələrdən çəkinir;
-dövlət beynəlxalq sülh və təhlükəsizliyə, ədalətə xələl
gətirməmək məqsədilə, öz beynəlxalq mübahisəsini sülh yolu
ilə həll edir;
-Nizamnamə ilə müəyyən olunmuş öhdəliklərə əsasən,
dövlət başqa dövlətlərin daxili səlahiyyətlərinə aid olan
məsələlərə qarışmır;
-Nizamnamyə müvafiq olaraq dövlətlər bir-biriləri ilə
əməkdaşlıq etmək öhdəliklərini götürür;
-xalqların bərabər hüquqları vardır və öz müqəddaratını
təyin edə bilər;
-dövlətlər bərabər suverenlik hüququna malikdir;
-dövlətlər Nizamnamə ilə qəbul etdikləri və üzərlərinə
götürdükləri öhdəlikləri vicdanla yerinə yetirir.
1
Beynəlxalq hüququn prinsiplərinə dair bir sənəd olaraq
1975-ci ilin avqust ayının 1-də Helsinkidə Avropada
əməkdaşlıq və təhlükəsizlik Müşavirəsinin Yekun aktı
imzalandı. Bu sənəddə beynəlxalq hüququn əsas prinsipləri bir
daha təsdiq edildi. Sənəddə qeyd edilən prinsiplər aşağıdakılar
idi:
-suveren bərabərlik, suverenliyə məxsus olan hüquqlara
hörmət;
-güc tətbiq
etməmək və güclə hədələməmək;
-sərhədlərin toxunulmazlığı;
-dövlətlərin ərazi bütövlüyü;
-mübahisələrin dinc yolla həli;
1
Декларация о принципах международного права, касающихся дружественных
отношений и сотрудничества между государствами в соответствии с
Уставом Организации Объединенных Нации. 24 октября 1970 г. Действующее
международное право. В трех томах. Составители проф. Ю.М. Колосов и
проф. Э.С. Кривчикова. Москва. Издательство Московского независимого
института международного права. 1996., səh.. 65-67.