43
Katalitik riforminq: Hazırda katalitik riforminq prosesi neftayırma
sənayesinin əsas proseslərindən biri sayılır. Bu prosesi aparmaqda məqsəd alçaq
keyfiyyətli benzin fraksiyalarından yüksək oktanlı komponentlər istehsal etməkdir.
Məlumdur ki, istər keçmiş ittifaqda, istərsədə xarici ölkələrdə ilk distillə
qurğularında alınan benzinlərin oktan ədədi az olmşdur. Məs, Ust-balıq neftindən
alınan q.b. −150ºC-də qovulan fraksiyanın oktan ədədi 50-51olur. Bu fraksiyanı
riforminq prosesindən keçirdikdə ondan oktan ədədi (motor üsulu ilə) 80-90 olan
80-85 % benzin alınır[ 4].
lk distillə benzinlərindən başqa, katalitik riforminq prosesində xammal kimi
kokslaşma, termiki krekinq və hidrokrekinq proseslərində alınan benzin
fraksiyalarından da istifadə etmək olar.
Bütün bu fraksiyaların neftə görə çıxar faizi bir o qədər də yüksək deyil (bir
qayda olaraq, neftə görə 15-20 %), ona görə riforminq qurğularının məhsuldarlığı
katalitik krekinq qurğularına nisbətən az olur. Buna baxmayaraq katalitik riforminq
prosesinin daha da genişləndirilməsinə böyük diqqət yetirilir.
Katalitik riforminq prosesinin üstün istiqamətlərindən biri də hidrogenləşmə
prosesi üçün lazım olan ucuz hidrogen tərkibli qazların alınmasıdır.
Katalitik riforminq qurğusu ilk dəfə 1940-cı ildə istifadəyə verilib. Bu
qurğularda katalizator kimi alüminium oksidi üzərində hopdurulmuş xrom və ya
molibden oksidindən istifadə edilirdi. Katalitik riforminq prosesində alçaq
keyfiyyətli liqroin fraksiyasından oktan ədədi ≈80 olan benzin fraksiyası alındı. Bu
prosesin sənayedə daha da geniş yayılmasına ikinci dünya müharibəsində kimya
sənayesində toluol əsasında trinitrotoluolun (partlayıcı maddə) alınması səbəb
oldu.
Piroliz rejimi daha sərt rejimdə neft və qaz xammalının termiki krekinqi
deməkdir. Bu proses bir qayda olaraq, 700−900ºC temperaturda aparılır. Prosesi
aparmaqda əsas məqsəd tərkibi olefinlərlə zəngin olan qaz karbohidrogenləri
almaqdır.
Rejimi düzgün götürüldükdə piroliz prosesində maksimum miqdarda, etilen,
propilen, butilenlər, butadien və.s almaq olar. Bu prosesdə qaz karbohidrogenləri
44
ilə birlikdə bir qədər də maye məhsullar alınır. Bunların tərkibində monotsiklik
(benzol, toluol, ksilollar) və politsiklik aromatik karbohidrogenlər (naftalin,
antrasen) olan qatranlar alınır.
Katalitik riforminq prosesi sənayeyə tətbiq olunana qədər aromatik
karbohidrogenlər almaq üçün piroliz yeganə proses idi. Hazırda piroliz prosesinin
məqsədi, tərkibi olefinlərlə zəngin olan qaz karbohidrogenləri almaqdır ki, bunun
da içərisində etilen əsas yer tutur.
Maye məhsulların pirolizinə nisbətən qaz karbohidrogenlərin pirolizində
etilenin çıxarı daha yüksək olur.
70-ci illərdən sonra bütün dünyada neftin emalı daha da dərinləşdirilirdi və
benzinin satış qiyməti artırıldı. Bununla əlaqədar olaraq piroliz prosesində xammal
kimi benzin fraksiyasından deyil, kerosin-qazoyl fraksiyasından, vakkum
qazoyldan və daha ağır fraksiyalardan istifadə etmək təklif edildi.
Aşağıdakı cədvəllərdə müxtəlif xammalların pirolizindən alınan məhsulların
miqdarı (maddi balansı) göstərilmişdir (cədvəl 2.3 və 2.4)[ 27]