Nifrətin göz yaşları
67
asılı deyil. Mən atamla nəfəs alıram. Sizə müsbət ca-
vab verə bilmədiyim üçün məni bağışlayın.
- Kimi istəyirsiniz sevin, ailə qurun. – deyən Sə-
manın baxışları qeyri-ixtiyari Atəşin baxışları ilə qo-
vuşdu. Bu qovuşuqdan Səma içərisindən bir titrəyişin
keçdiyini hiss etdi.
- Səma, bir dəfə sevmişəm, o da sizsiniz. Üç ilə
yaxındır ki, mən sizə ürəyimi açmağa cəsarət etmir-
dim. Bu günkü söhbətimiz üçün olan cəsarəti siz aşı-
ladınız mənə. Siz dediyiniz kimi, sizin məhəbbətiniz
ürəyimə elə sərhəd xətti çəkib ki, o sərhəddi heç bir
qız, heç cür poza bilməz. Yadda saxlayın ki, məhəbbət
düşünülmədən gələn bir bəladı. Heç kim o bəladan ya-
xasını qurtara bilmir. Hər şeyi zaman özü göstərəcək, -
deyən Atəş ayağa durdu.
- Düz deyirsiniz Atəş, hər şeyi zaman özü həll
edir. Bizdən asılı olmayaraq.
Səma da ayağa durdu və baxışları ilə Atəşi qa-
pıya kimi ötürdü.
* * *
İş vaxtı qurtarandan sonra Atəş parka getdi. Bir
az gəzinib daldey bir yerdə qoyulmuş oturacaqlardan
birində əyləşdi. Gündüz Səma ilə aralarında olan söh-
bəti xatırlayıb təhlil etməyə başladı. Hiss etdi ki, başı
dumanlıdı. Durub çayçıya tərəf getdi. Çöldə qoyulmuş
stullardan birində əyləşdi. Çayçının gətirdiyi çaynik-
dən stəkana çay süzdü. Ətrafa boylandı. Tərs kimi ta-
nışlardan heç kim gözünə dəymədi. Və birdən-birə
içində bir tənhalıq hissi baş qaldırdı. Ətrafda heç kim,
heç nə gözünə görünmədi. Kimsəsiz bir səhrada tənha
olduğunu gördü. Çığırmaq istədi. Səsinin çıxmadığını
başa düşdü.
Fazil SƏNAN
68
Getdikcə bədənini tər basmağa, boğulmağa baş-
ladı. Bir neçə dəfə udqunsa da, hiss etdi ki, havası çat-
mır.
- Atəş, nə olub? Elə bil özündə deyilsən?
Cavab gəlmədiyini, sudan kənara düşmüş balıq
kimi Atəşin ağzının açılıb-yumulduğunu görən Ramiz
tez içəridən su gətirdi. Əlini Atəşin çiyninə qoyub
yavaş hərəkətlə silkələyərək, «Al, bu suyu iç» deyib
əlində su dolu stəkanı Atəşin ağzına tərəf uzatdı.
Suyu içib özünə gələn Atəş, dərindən köksünü
ötürdü.
- Nə olub? Ağrıyırsan, nədi?
- Yox, Ramiz, əyləşdim bir stəkan çay içəm.
Birdən-birə hiss etdim ki, havam çatmır, bədənimi tər
basır.
- Atəş, dur gedək, taksi ilə səni yola salım. Sə-
hər özünü həkimə göstər. Ramiz Atəşin qolundan
tutub, dayanacağa gəldilər. Ramiz Atəşi taksi ilə yola
saldı.
* * *
Səma evin işlərini yoluna qoyandan sonra te-
levizorda gedən verilişə baxsa da, fikri Atəşlə olan
söhbətin yanında idi. Durub yataq otağına keçdi. İşığı
söndürüb yatağına uzandı. Atəşin utancaqlığı, sonra
cəsarətlənib ürəyini boşaltmasını yenidən xatırlaya-
raq, öz-özlüyündə götür-qoy etməyə başladı.
Yaxşı oğlandı. Sevilməyə və ailə qurmağa la-
yiqdir. – fikrinə gələn Səma, «bəs yaxşı, elədisə, nə
üçün, «hə» demədin?» Özündən asılı olmayaraq öz su-
alı qarşısında özünü «itirdi».
- Yox, mən atama olan məhəbbətimi parçalaya
bilmərəm. Hiss edirəm ki, mənim içimdə Atəşə qarşı
bir istək var. Heç vaxtı o istəyin pöhrələnməsinə im-
Nifrətin göz yaşları
69
kan verə bilmərəm. Sevdiyim bir nəfər var, o da atam-
dır. Nə qədər atamın ömrü varsa ona qulluqçuyam.
Onsuz bir gün də yaşaya bilmərəm. Birdən özünün-
özünə acığı tutdu Səmanın.
Boş-boş şeylər barədə düşünürəm. Özlüyündə
qəti fikrini bildirdi. «Sağ ol Atəş! Mən sizi sevə bil-
mərəm. Sizi xoşbəxt edə bilmərəm. Sizə xoşbəxtlik
arzulayıram. Mən atam üçün yaşayıram. Mən atamın
rahibəsiyəm. Ömrümü ona sərf etmişəm və edəcəyəm
də».
Anasının «A bala, işə gecikmirsən?» sualına
gözlərini açan Səma divardakı saata baxdı və cəld qal-
xıb paltarını geyindi.
* * *
İş yerində, Atəşin otağında arabir səslənən «Sa-
rışınım» mahnısı Atəşin məhəbbət iztirablarının Səma-
ya tərcümanı idi. Səmada da bu mahnıya gizli bir ma-
raq yaranmışdı. Səma da mahnını telefonuna yazdır-
mışdı. Hər gecə yatağına girəndə özündən asılı olma-
yaraq «Sarışınımın» melodiyası ilə yuxuya gedirdi.
Tədricən mahnı Səma üçün o dərəcədə doğma-
laşdı ki, hər dəfə qulaq asanda mahnının misralarında
Atəşin yalvarışını, ürək döyüntülərini, məhzun baxış-
larını görüb hiss edirdi. Aradabir mahnının təsir dairə-
sinə düşən Səmada bir yumşaqlıq yaranır və telefonu
götürüb zəng edərək «Səni sevirəm» demək istəsə də,
tez özünü ələ alaraq içindən gələn «Sən nə iş görür-
sən? Özün demirdinmi, atama olan sevgimi heç vaxt
parçalaya bilmərəm. Sən ki onu xoşbəxt edə bilməyə-
cəksənsə, bu addımı atmağa dəyməz» və tez də telefo-
nu söndürüb dolabın üstünə qoyar və ayağa durardı.
Mahnının oyatdığı xoş ovqatdan uzaqlaşmağa çalı-
şardı.
Fazil SƏNAN
70
Səma həmişə işdən çıxan kimi evə tələsər, pal-
tarını dəyişmədən atasını qucaqlayıb öpər və «Nə ye-
misən, nə içmisən? Anam nə bişirmişdi?» sualları ilə
vəziyyəti öyrənməyə çalışardı. Bunu görən anası «A
qızım, atanı ac saxlamırıq ha. Mənim işim-gücüm ona
qulluq etməkdi», deyər və gülümsünərdi.
- Yox, ana. Atam ürəyi istədiyini bişirməmisi-
niz. Bu dəqiqə qızı ona qulluq edəcək. Mənim atam,
dünyanın ən yaxşı atasıdır. Səma təkrar atasının boy-
nunu qucaqlayıb öpüşlərə qərq edərdi.
Qızının bu cür qayğısından Şəmilin gözləri do-
lar və baxışlarını qızından gizlətməyə çalışardı. Sə-
manın sinəsinə dağılmış qızılı saçlarını sığallayıb öpə-
öpə deyərdi:
- Sağ ol, qızım. Sağ olsun anan, nə lazımdısa
eləyir. Allah hər ikinizdən razı olsun.
- Yox, ata, mənim özüm nəzarət eləməliyəm.
Körpəcə qızlar kimi Səma şıltaqcasına atasını öpər və
«Ata, nə yeyirsən, onu bişirim» deyərdi.
Atasının etirazına baxmayaraq, Səma inadkar-
lıqla Şəmilin ürəyi istəyən yeməyin adını öyrənər və
bişirməyə başlardı.
Bir göz qırpımında yeməyi bişirib, stolu hazır-
layan Səma ata-anasını stola dəvət edər və özü də on-
larla birgə əyləşib atasının yeməyinə nəzarət edərdi.
Qızının ona qarşı istəyini, qayğısını görən Şəmil için-
də kövrəlsə də bunu heç vaxt büruzə verməzdi. Sə-
manı nəzərdən keçirən atanın köks ötürməsini görən
qızı tez: «Ata, qurban olum. Niyə köks ötürdün. Dü-
zünü de» sözlərinin inadkarlığı qarşısında deyərdi:
- Bir ilə yaxındır ki, əməliyyat olmuşam. Ana-
bala sizin qayğınızla yaşamışam və yaşayıram. Fərqi
yoxdur nə qədər yaşasan da axırda qara torpağın qona-
Dostları ilə paylaş: |