BAŞ-BOYUN ŞİŞLƏRİ
188
yəvi-şüa terapiyasından
istifadə olunur, ançaq residiv və qalıq şiş təqdirində
cərrahi əməliyyat icra edilir.
Çənə sümüyündə müşahidə olunan osteogen sarkoma, rabdo və leyomio-
sarkoma, bədxassəli fibroz histositoma yüksək bədxassəlilik xüsusiyyətlərinə
malik olub
sürətli və infiltrativ böyümə, yüksək regionar və uzaq metastazver-
mə (25-60%) qabiliyyətinə malikdirlər. Bu qrup şişlərin müalicə metodu
kom-
pleks olub neoadyuvant və adyuvant polikimyəvi müalicədən istifadə etməklə
aparılır. Bu zaman kimyəvi
preparatlardan adriamisin, metotreksat, sisplatin və
ifosfamidin müxtəlif kombinasiyalarından istifadə etməklə aparılan neoadyu-
vant polikimyəvi müalicə bir sıra hallarda şişin hətta tam reqressiyasına səbəb
olur, adyuvant polikimyəvi müalicə isə ümumi və residivsiz yaşama göstə-
ricilərini artırır.
Çənə sümüyünün sarkomaları zamanı icra edilən cərrahi əməliyyatın mi-
nimal həcmi ekzartikulyasiya ilə çənənin yarısının rezeksiyası, proses buxaqaltı
nahiyədə yerləşdikdə isə mandibulektomiyadır. Əməliyyatın
bu həcmi çənənin
sümük iliyinin əksər hallarda şiş prosesinə cəlb olunması və ya şişin çənə sü-
müyü kanalı ilə perinevral yayılması ilə izah edilir. Lakin qeyd etmək lazımdır
ki, kiçik ölçülü şişlərdə məhdud həcmli əməliyyatların (çənə sümüyünün seq-
mentar rezeksiyaları) aparılması da mümkündür. Çənə sümüyünün rezeksiyası
sərhədlərində histoloji müayinə zamanı şiş hüceyrələrinin tapılmaması halların-
da xəstəliyin proqnozu yaxşı olur. Əks halda hətta əməliyyatdan sonraki dövr-
də adyuvant müalicə aparıldığı təqdirdə belə xəstələrin əksəriyyətində şişin
residivi müşahidə olunur.
Çənə sümüyü çeynəmədə, udmada, nitq əmələgətirmədə aktiv
rol oyna-
yır. Onun tamlığının pozulması bütün yuxarıdaki funksiyaların zəifləməsinə
səbəb olur, həmçinin kosmetik pozgunluqlara və üzün aşağı zonasının defor-
masiyasına gətirib çıxarır. Bütün bunları nəzərə alaraq çənə sümüyündə
aparılan radikal cərrahi əməliyyatdan sonra sümüyün fasiləsizliyinin bərpası
mühüm əhəmiyyət kəsb edir. Hal-hazırda bu məqsədlə konstruktiv plastinlər
(sərbəst halda və ya dəri-əzələ parçaları ilə kombinasiyada),
mürəkkəd dəri-
əzələ-sümük parçaları və sərbəst sümük transplantları (sərbəst və ya mürəkkəb
dəri-fassial-sümük tərkibində) vasitəsi ilə rekonstruktiv plastik əməliyyatlardan
istifadə olunur [şəkil 7.8-7.9].
7.9. Proqnoz
Çənə sümüyünün bədxassəli şişlərinin
cərrahi və kombinəolunmuş
müalicəsindən sonra umumiləşdirilmiş 5 illik yaşama göstəricisi 20-30% təşkil
edir. Kompleks müalicə metodlarından istifadə 5 illik yaşama göstəricisinin 50-
60%-ə çaşdırılmasına imkan verir.
BAŞ-BOYUN ŞİŞLƏRİ
190
F
F
ə
ə
s
s
i
i
l
l
8
8
BURUN BOŞLUĞU VƏ BURNUN
ƏLAVƏ CİBLƏRİNİN ŞİŞLƏRİ
Bədxassəli şişlərin ümumi strukturunda burun boşluğu və burnun əlavə
ciblərinin şişlərinin xüsusi çəkisinin az olmasına baxmayaraq bu qrup xəstə-
lərin mütləq sayı çoxdur və son illərdə artmaqdadır. Bu nahiyənin anatomo-
topoqrafik xüsusiyyətləri şişin sürətli böyüməsi və onun
tez bir zamanda ətraf
orqan və toxumalara yayılması üçün şərait yaradır. Xəstələrin 70-90%-i mü-
alicə üçün ixtisaslaşmış klinikaya şiş prosesinin gecikmiş mərhələlərində mü-
raciət edirlər. Bu zaman prosesin yayılması səbəbindən kliniki müayinə zamanı
şişin ilkin lokalizasiyasını müəyyən etmək həmişə mümkün olmur ki, bu da
adekvat müalicə taktikasının seşilməsini çətinləşdirir. Bütün bunlar burun
boşluğu və onun əlavə ciblərinin bədxassəli şişlərinin klinikası, diaqnostikası
və müalicəsi problemini aktual edir.
8.1. Epidemiologiya və risk amilləri
Burun boşluğu və burnun əlavə ciblərinin şişləri bütün bədxassəli şişlərin
0,5-1%-ni, baş-boyun nahiyəsi şişlərinin isə 8-9%-ə qədərini təşkil edir. ABŞ-
da hər il bu onkopatologiyalı 2000 yeni xəstələnmə hadisəsi qeydə alınır. Xəs-
təlik, əsasən, 40 yaşından yuxarı şəxslərdə, böyük əksəriyyətdə isə (65-70%)
40-60 yaşlı insanlarda rast gəlinir. Lakin bu lokalizasiyalı şişlərin gənc yaşlar
və hətta uşaqlarda da rast gəlinməsi haqqında çoxsaylı ədəbiyyat məlumatları
vardır. Burun boşluğu və onun əlavə ciblərinin xərçəngi kişilərdə qadınlara
nisbətən daha çox müşahidə olunur.
Burun boşluğu və onun əlavə ciblərinin xərçənginin risk amillərinə aşağı-
dakılar aid edilir:
• Siqaretçəkmə
• İstehsalat zərərləri (ağac emalı müəssisələri, mebel və ayaqqabı is-
tehsalı, boyaq və metallurgiya sənayesi)
• Xroniki iltihabi proseslər (pollinozlar, sinusitlər)
• Travmalar
• Viruslar (insan papilloma virusu)