Fəsil 8.
BURUN BOŞLUĞU VƏ BURNUN ƏLAVƏ CİBLƏRİNİN ŞİŞLƏRİ
197
Əng cibinin
aşağı-ön şöbəsinin şişləri zamanı əvvəlcə diş ağırları əmələ
gəlir. Şiş böyüdükcə əng sümüyünün alveolyar çıxıntısına və sərt damağa sira-
yət edərək onların deformasiyasına səbəb olur, ağız dəhlizinin diş tacını infil-
trasiya edir. Nəticədə dişlərin patoloji hərəkətliliyi və tökülməsi,
tökülmüş və
ya çıxarılmış dişlərin yerində isə kələ-kötür səthli şiş kütləsi müşahidə olunur.
Şiş
aşağı-ön şöbənin daxili divarından inkişaf etdikdə burun boşluğuna in-
kişaf edərək burun tənəffüsünün çətinləşməsinə, burundan irinli ifrazata səbəb
olur. Bəzi hallarda şiş prosesinin ilk əlaməti burun qanaxması olur.
Aşağı-ön
şöbənin xarici divarının şişləri zamanı prosesə damaq badamcıqları, çənə sü-
müyü
cəlb olunur, proses çeynəmə əzələlərinə sirayət etdikdə isə ağızın açıl-
ması çətinləşir.
Yuxarı-arxa şöbənin şişləri orbita, xəlbirvari sümük və gicgah çuxuru is-
tiqamətində inkişaf edirlər. Bu şöbənin
daxili divarının şişləri zamanı ek-
zoftalm və burun tənəffüsünün çətinləşməsi müşahidə olunur, bir sıra hallarda
baş ağrıları və üçlü sinirin ikinci şaxəsinin innervasiyasına müvafiq nahiyənin
dərisinin paresteziyası qeyd edilir.
Yuxarı-arxa şöbənin xarici divarının şişləri
özünü ekzoftalm, diplopiya, göz yarığının daralması, şişin
gicgah çuxuruna
inkişafının nəticəsi kimi trizm əlamətləri ilə göstərir [şəkil 8.4].
Alın cibinin şişləri üçün şişlə zədələnmiş nahiyədə müxtəlif intensivlikli
ağrılar xarakterikdir. Şişin sonraki böyüməsi nəticəsində üzün deformasiyası,
onun orbitaya yayılması nətəcəsində göz almasının aşağı və xaricə yerdəyiş-
məsi, göz qapaqlarının ödemi müşahidə olunur.
Gecikmiş mərhələdə burun boşluğunun və onun əlavə ciblərinin şişləri
üzün dərisinə və yumşaq toxumalarına, burun-udlağa, beyin əsasına yayılır.
Eyni zamanda qeyd etmək lazımdır ki, əng sümüyünün bədxassəli şişləri eyni
vaxtda bir neçə istiqamətdə inkişaf edə bilərlər.
Şəkil 8.4. Əng cibinin xərçənginin yayılması yolları
BAŞ-BOYUN ŞİŞLƏRİ
198
8.5. Diaqnostika
Haymor boşluğunun bədxassəli şişlərinin diaqnostikası xəstəliyin erkən
mərhələsində çox çətindir. Bu ilk növbədə onun möhkəm sümük divarlarına
malik olması ilə izah olunur. Xəstəliyin aydın kliniki əlamətləri şiş prosesinin
Haymor boşluğunun divarını təşkil edən sümükləri
destruksiya edərək ətraf to-
xumalara yayıldıqdan sonra müşahidə olunur. Ondan fərgli olaraq burun boş-
luğunun və xəlbirvari cibin şişləri erkən mərhələlərdə belə xarakterik kliniki
əlamətlərə (burunla tənəffüsün çətinləşməsi, burundan ifrazat, burun qanax-
ması) malik olurlar.
Burun boşluğu və onun əlavə ciblərinin şişlərinin diaqnostikasında aşa-
ğıdakı əsas müayinə metodlarından istifadə olunur:
• Kliniki
müayinə
• Endoskopik müayinə
• Radioloji müayinə
• Morfoloji müayinə
• USM
Xəstəliyin
kliniki müayinəsində anamnez, baxış və
palpasiya mühüm
əhəmiyyət kəsb edir. Əng cibinin bədxassəli şişlərinin
ilk əlamətlərindən biri
intakt üst yan dişlərdə ağrıların əmələ gəlməsi və onların patoloji hərəkətliliyi,
həmçinin əsaslı səbəb olmadan burun tərəffüsünün birtərəfli çətinləşməsidir.
Bundan əlavə çəkilmiş üst diş yuvasında patoloji kütlənin əmələ gəlməsi
həkimi əng cibinin bədxassəli şişindən şübhələndirməlidir.
Endoskopik müayinədə ön və arxa rinoskopiya, orofarinqoskopiya,
burun-udlağın barmaq müayinəsi dəyərlidir. Göstərilən metodların müştərək
istifadə edilməsi burun və ağız boşluğuna, udlağa sirayət edən şişlərin müəy-
yən edilməsinə böyük kömək edir. Bu zaman şişin xarici görünüşü, lokalizasi-
yası ilə yanaşı, Haymor boşluğunun selikli qişası ilə məhdudlaşmış «qapalı»
şişlərin dolayı simptomları da (burun boşluğunun lateral divarının defor-
masiyası, selikli qişanın ödemi) aşkar edilə bilər. Ağız boşluğuna baxış ağız
dəhlizinin əng sümüyünün alveolyar çıxıntısının, sərt damağın deformasiyasını,
şişkinliyini və ya destruksiyasını aşkar etməyə imkan verir [şəkil 8.5-8.7].
Burnun və onun əlavə ciblərinin radioloji
müayinəsi rentgenoqrafiya, KT
və MRT ilə aparılır.
Rentgenoqrafiya zamanı əng cibində qeyri-homogen
«kölgəliyin» aşkar edilməsi bədxassəli prosesdən şübhələnməyə əsas verir.
Belə hallarda müayinəni davam etdirərək əng cibinin
rentgenotomoqrafiyası
aparılır. Haymor boşluğu divarlarının nazikləşməsi və onların kənarlara
itələnməsi uzun müddət mövcud olan xoşxassəli şişə dəlalət edir. Bədxassəli
şişin əsas rentgenoloji simptomu isə intensiv «kölgəliklə»
müşayiət olunan əng
cibinin divarlarının sümük destruksiyasıdır.