BAŞ-BOYUN ŞİŞLƏRİ
200
KT burun boşluğu və onun əlavə ciblərinin radioloji müayinəsində mü-
hüm metoddur. Bu müayinə metodu şişin sümük strukturlarına münasibətini
dəqiq müəyyən etməyə imkan verir, lakin ətraf yumşaq toxumalarının vəziy-
yətini tam əks etdrmir.
MRT üz-çənə nahiyəsinin
yumşaq toxuma element-
lərinin vəziyyətini yüksək dəqiqliklə müəyyən edir və nəticədə şişin yayılma
dərəcəsini daha dəqiqliklə təyin etməyə imkan verir. Ona görə də KT və MRT-
in müştərək istifadəsi daha optimal sayılır və müalicə taktikasının daha düzgün
seçilməsinə kömək edir [şəkil 8.8-8.11].
Diaqnozun dəqiqləşdirilməsi üçün
morfoloji müayinə metodları həlledi-
ci rol oynayır.
Sitoloji müayinə xoralı şiş səthindən yaxma-izin, punktatın və
ya yuyuntunun,
histoloji müayinə isə şiş kütləsindən bioptatın
götürülməsi ilə
aparılır.
Boyun limfa düyünlərinin metastatik zədənməsinin təsdiqi üçün
USM və
böyümüş düyünündən götürülmüş punktatın sitoloji müayinəsindən istifadə
edilir. Şiş prosesi əng cibinin selikli qişası ilə məhdudlaşdıqda və onun divarını
təşkil edən sümüklər zədələnmədikdə Haymor boşluğu punksiya edilir və möh-
təviyyatın
sitoloji müayinəsi aparılır. Lakin qeyd etmək lazımdır ki, bu metod-
la bir sıra hallarda diaqnozun dəqiq qoyulması mümkün olmur. Belə hallarda
diaqnostikanın son mərhələsi kimi endoskopik müayinə (rinoantroskopiya)
vasitəsi ilə
biopsiyadan istifadə edilir. Müayinə üçün aşağı burun keçəcəyindən
əng cibi açılır. Rinoantroskop həmin dəlikdən boşluğa daxil edilərək baxış
aparılır və histoloji müayinə üçün material (bioptat) götürülür.
8.6. Diferensial diaqnostika
Burun boşluğu və onun əlavə ciblərinin xərçəngini, əsasən, həmin nahi-
yənin xroniki iltihabi xəstəlikləri (xroniki haymorit, xroniki odontogen osteo-
mielit, sinusit, rinit, pollinoz, papillomatoz), xoşxassəli şişləri və sarkomaları
ilə diferensiasiya etmək lazımdır [şəkil 8.12].
Əng cibinin xərçəngindən fərqli olaraq
xroniki haymorit zamanı burun-
dan
gələn ifrazatda qan olmur, rengenoloji müayinədə isə əng cibində sümük
dəyişikliyi aşkar edilmir.
Uzun müddət davam edən odontogen sistin irinləməsi nəticəsində əng
cibinin divarlarından birinin
osteomieliti rentgenoloji olaraq əng cibinin xər-
çəngini xatırlada bilər. Lakin osteomielit zamanı palpator olaraq sümük üzərin-
də yumşaqlıq, xışıltı və ya flüktuasiya müəyyən edilir ki,
bu da bədxassəli şiş
prosesi üçün xarakterik deyildir.
Əng cibinin
xoşxassəli şişləri dəqiq konturlara və xarakterik rentgenoloji
şəklə malik olurlar. Əng cibinin
sarkoması üçün xarakterik əlamət dişlərin
patoloji hərəkətliliyindən əlavə, onların sürətlə böyüyən şişin təziyiqi nəticə-
sində yerini dəyişməsidir.
Fəsil 8.
BURUN BOŞLUĞU VƏ BURNUN ƏLAVƏ CİBLƏRİNİN ŞİŞLƏRİ
203
8.7. Müalicə
Burun boşluğu və onun əlavə ciblərinin xərçənginin müalicəsində şişin
lokalizasiyasından, yayılma dərəcəsindən və histoloji quruluşundan asılı olaraq
aşağıdakı metodlardan istifadə olunur:
• Cərrahi
• Şüa
• Kimyəvi-şüa
• Kombinəolunmuş
• Kompleks
Cərrahi müalicə açıq və endoskopik olmaqla iki yolla aparılır.
Endo-
nazal rezeksiya mərkəzi lokalizasiyalı, kiçik ölçülü və yüksək diferensiasiyalı
şişlərdə istifadə edilə bilər. Qalan bütün digər hallarda
açıq cərrahi əməliyyat-
lardan istifadə olunur. Cərrahi əməliyyatın həcmi şişin lokalizasiyası və yayıl-
ma dərəcəsindən asılı olur.
Burun boşluğu və onun əlavə ciblərinin cərrahiyyəsində aşağıdaki əmə-
liyyat növlərdən istifadə olunur:
• Denker əməliyyatı
• Mur əməliyyatı
• Prayzing əməliyyatı
• Veber – Ferqyuson əməliyyatı
• Kraniofassial rezeksiyalar
− transfassial
− transkranial
Burun boşluğunun xarici divarının aşağı şöbələrinin kiçik ölçülü şişlə-
rində
Denker əməliyyatından istifadə olunur. Əməliyyat ağızdaxili yolla üst
dodağın keçid büküşləri boyu əməliyyat olunacaq tərəfin molyarından və yü-
yəndən keçməklə əks yarının köpək dişinə qədər aparılır [şəkil 8.13].
Mur əməliyyatına göstəriş burun boşluğunun orta və yuxarı şöbələrinin
şişləridir. Bu əməliyyat zamanı dəri kəsiyi qaşın daxili üçdə birindən başlayır,
göz yuvasını yanından keçməklə burun yəhərinin
kənari boyu davam etdirilir,
daha sonra burun qanadını dolanıb keçərək üst dodağın burun dəliyində qurtarır
[şəkil 8.14].
Prayzinq əməliyyatı, əsasən, alın ciblərinin şişlərində icra edilir. Əmə-
liyyat T-vari dəri kəsiyi vasitəsi ilə aparılır. Kəsiyin horizontal hissəsi qaşüstü
qovslərin ən yüksək nöqtələrini birləşdirilir, vertikal kəsik isə burun yəhəri bo-
yu aşağıya doğru aparılır [şəkil 8.15]. Qeyd etmək lazımdır ki, yuxarıda qeyd
olunan əməliyyatlar yalnız kiçik ölçülü şişlərdə istifadə olunur. Yayılmış şiş
proseslərində bu tip əməliyyatlar radikallığı təmin etmir.