Fəsil 7. ÇƏNƏ SÜMÜYÜNÜN BƏDXASSƏLİ ŞİŞLƏRİ
181
Periferik nəhənghüceyrəli şiş (epulid) əksərən 30-40 yaşlı qadınlarda
rast gəlinir. Epulidin əmələ gəlməsində diş ətinin dişlərin kəsici kənarları və
protezlə uzun müddətli travmatizasiyası əsas rol oynayır. Epulid üstdən selikli
qişa ilə örtülü olur. Onun konsistensiyası bərk və ya yumşaq olub, bəzən böyük
ölçülərə çatır. Histoloji quruluşuna görə fibroz, angiomatoz və nəhənghüceyrəli
epulid ayırd edilir [şəkil 7.4].
Müalicəsi elektrokoaqulyasiya, kriodestruksiya, lazer destruksiyası və
cərrahi yollarladır. Cərrahi əməliyyat zamanı çənənin alveolyar çixıntısı bir və
ya iki dişlə birgə rezeksiya edilir.
7.5. TNM kliniki təsnifatı
(AJCC – 2002)
Çənə sümüyünün birincili bədxassəli şişlərinin TNM kliniki təsnifatı
hazırkı dövrə qədər işlənib hazırlanmamışdır. Eyni
zamanda bütün birincili sü-
mük şişlərinin TNM təsnifatı mövcuddur (mieloma, yukstokortikal osteosar-
koma və yuskstokortikal xondrosarkoma istisna olmaqla).
T – birincili şiş
Tx – birincili şişin qiymətləndirilməsi üçün lazımi məlumat yoxdur
T
0
– birincili şiş müəyyən edilmir
T
1
– şiş prosesi sümüyün kortikal təbəqəsi ilə məhdudlaşır
T
2
– şiş kortikal təbəqədən kənara yayılır
N – limfa düyünləri
N
0
– regionar limfa düyünlərində metastaz əlamətləri yoxdur
Şəkil 7.4. Nəhənghüceyrəli epulid
BAŞ-BOYUN ŞİŞLƏRİ
182
N
1
– regionar limfa düyünlərində metastazlar var.
M – uzaq metastazlar
M
x
– uzaq metastazların olmasını təyin etmək mümkün deyildir
M
0
– uzaq metastazlar yoxdur
M
1
– uzaq metastazlar var
M
1a
– ağciyərlərdə olan uzaq metastazlar
M
1b
– digər lokalizasiyalı uzaq metastazlar
G – diferensiasiya dərəcəsi
G
1
– yüksək
diferensiasiya dərəcəsi
G
2
– orta diferensiasiya dərəcəsi
G
3
– aşağı diferensiasiya dərəcəsi
G
4
– diferensiasiya olunmayan şiş
Mərhələlərə görə qruplaşdırma
Mərhələ
G
TNM
I
A
1,2 T
1
N
0
M
0
I
B
1,2
T
2
N
0
M
0
II
A
3,4 T
1
N
0
M
0
II
B
3,4
T
2
N
0
M
0
III Müəyyən edilməyib
IV
A
İstənilən
T
1-2
N
1
M
0
IV
B
İstənilən T
1-2
N
0-1
M
1
7.6. Klinika
Çənə sümüyünün bədxassəli şişlərinin kliniki gedişi şişin növündən asılı
olaraq fərqlidir.
Çənə sümüyünün odontogen bədxassəli şişlərinin kliniki
anatomik
formalarına «periferik» və «mərkəzi» xərçəng aid edilir. «Periferik» xərçəng
çənə sümüyünün alveolyar çıxıntısından, «mərkəzi» xərçəng isə sümüyün də-
rinliyindən inkişaf edir.
«Periferik» xərçəng zamanı şişin tez bir zamanda ağız boşluğuna doğru
böyüməsi, ağız suyunun təsiri, çeynəmə və mimiki hərəkətlər zamanı şişin
travmatizasiyası şişə ikincili iltihabın qoşulmasına səbəb olur və onun dağılma-
sına gətirib çıxarır. Xəstəliyin erkən mərhələsində diş əti nahiyəsində ağrısız
bərklik və qalınlaşma müşahidə olunur, az sonra ağrılar əmələ gəlir. Diş ətinin
qalınlaşmasına müvafiq nahiyələrdə dişlərin patoloji hərəkətliliyi əmələ gəlir.
Bu mərhələdə xəstələrin bir çoxuna hipertrofik qinqivit və ya paradontitə görə
müalicə təyin edilir, lakin müalicə fonunda şişin inkişaf sürəti artır
və patoloji
nahiyə xoralaşır. Dişlərin çəkilməsi təbii ki, xəstənin vəziyyətini yüngülləş-
Fəsil 7. ÇƏNƏ SÜMÜYÜNÜN BƏDXASSƏLİ ŞİŞLƏRİ
183
dirmir, əksinə ağrılar daha da artır. Şiş tez bir zamanda alveolyar çıxıntıdan ət-
raf nahiyələrə və çənə sümüyünün cisminə yayılır. Xəstəliyin bu mərhələsində
demək olar ki, həmişə regionar limfa düyünləri böyüyür. Böyümüş limfa dü-
yünlərinin metastatik xarakterli olmasının əsas əlamətləri onların bərk konsis-
tensiyalı, ağrısız və ya az ağrılı olmaları, bir birləri ilə birləşərək və ətraf toxu-
malara sirayət edərək məhdud hərəkətli və ya
hərəkətsiz konqlemerat əmələ
gətirmələridir.
Çənə sümüyünün «mərkəzi» xərçəngi «periferik» xərçəngdən fərqli olaraq
çənə sümüyünün mərkəzi şöbələrindən inkişaf edir. Şişin çənə sümüyünün
dərinliyindən inkişaf etməsi səbəbindən xəstəliyin erkən dövrü simptomsuz keçir.
Bunun nəticəsində xəstələr klinikaya, «periferik» xərçəngi olan xəstələrdən daha
gec müraciət edirlər. Xəstəliyin ən erkən əlaməti çənə sümüyünün bu və ya digər
nahiyəsinin deformasiyası hesab olunur. Bu özünü ən çox çənə sümüyünün
buxaqaltı nahiyəsində göstərib, onun bucağı və şaxələri
nahiyəsində daha az nəzə-
rə çarpır. Palpator müayinə zamanı çənənin şiş prosesi ilə zədələnmiş nahiyəsi,
adətən, ağrısız olur. «Mərkəzi» xərçəng zamanı çənə kanalında yerləşən damar-
sinir dəsti zədələndiyi üçün nevroloji əlamətlər erkən meydana çıxır və bəzən
müəyyən müddət ərzində xəstəliyin yeganə əlaməti olaraq qalır. Xəstəliyin erkən
mərhələsində çənə siniri yalnız mexaniki qıcıqlanmaya məruz qalır və xəstələr
sinir boyu gicgaha və qulağa irradiasiya edən kəskin ağrılardan şikayətlənirlər.
Xəstəliyin inkişaf mərhələsində isə sinir-damar dəstinin şişlə infiltrasiyası və
onunla tam sıxılması nəticəsində patoloji nahiyədə dəri həssaslığı azalır, bəzən isə
tam anesteziya müşahidə olunur. Xəstəliyin gecikmiş mərhələsində sümüyün
infiltrasiyası və osteolizis nəticəsində şiş ətraf yumşaq toxumalara yayılır, üzün
deformasiyası artır. Prosesin bu mərhələsində şiş toxumasının dağılması nəti-
cəsində böyük və dərin xora sahələri əmələ gəlir. Şiş çənə sümüyünün bucağı və
şaxələrində yerləşdikdə çeynəmə və qanadabənzər əzələlərin infiltrasiyası səbə-
bindən kontraktura və ağızın çətin açılması müşahidə olunur.
Çənə sümüyünün «mərkəzi xərçəngi» zamanı sümüyün süngəri maddəsi
çox tez dağılır, ondan fərqli olaraq kompakt təbəqənin tamlığı isə bir
müddət
saxlanılır. Çənənin birincili «mərkəzi» xərçəngi zamanı patoloji sınıqlar da çox
təsadüf edir və bir sıra hallarda xəstələr ilk dəfə olaraq klinikaya patoloji sınıq
simptomları ilə müraciət edirlər.
Çənə sümüyünün qeyri-odontogen bədxassəli şişlərinin kliniki gedi-
şinin digər sümüklərin sarkomalarından fərqləndirən əsas xüsusiyyətlərinə aşa-
ğıdakilar aiddir:
• Xəstəliyin daha böyük yaşlarda (30-40) rast gəlinməsi
• Ləng böyüməsi
• Müalicədən sonra residivlərin tezliyinin çox olması
• Limfogen (5%-ə qəgər) və hematogen metastazların (xondrosarko-
mada 6-8%, osteogen sarkomada 15-20%, fibroz histiositomada 45-
50%) nisbətən az müşahidə olunması