357
bölməlidir. Kasıb qızılları bölmək istəmir, birinci dəfə daş atıb ilanın
quyruğunu zədələyir, ikinci dəfə yolunu dəyişib başqa istiqamətdən
gedir. Axırda tutduğu işə peşman olur.
Qarabağ, II kitab, s.378-381; V kitab, s.205-206; VI kitab, s.255-
256; IX kitab, s.193-196; s.196-200
559 Danışmayan qız. Qəhrəman xəstə atası üçün tutulmuş ba-
lığı dəryaya buraxır. Onun köməyi ilə padşahın qızını danışdırır və
onunla evlənir.
Qarabağ, II c., s.196-202, kont.653A+976*A+661*; III kitab,
s.182-191, kont.661*+653A+976*A; VI kitab, s.224-228, kont.661*+
653A
590 Ana divlə əlbir olub oğlunu öldürmək istəyir. Özünü xəs-
təliyə vurub oğlunu Ağ divin bağında bitən dirilik almasını gətirməyə
göndərir. Oğlunun bu səfərdən sağ qayıtdığını görən ana onun qolunu
yayın kirişi ilə bağlayıb gözlərini çıxarır, özünü isə quyuya atır. Tula
gözləri dilinin altında saxlayır. Qəhrəman göyərçinlərin verdiyi lələklə
gözlərini sağaldır. Divi və anasını öldürüb onlardan qisas alır.
Qarabağ, III kitab, s.199-201
[650** Zal və Rüstəm]. Zal getdiyi şəhərdə bir qadınla siğə
elətdirir və ondan bir oğlu olur. Uşaq atasının kim olduğunu öyrənib
onu axtarmağa gedir və başqa bir padşahın pəhləvanı kimi onun qarşı-
sına çıxır. Zal uşaqdakı fəndləri görüb gələcəkdə onu üstələyəcəyin-
dən ehtiyat edir və onu öldürür. Qolundakı bilərzikdən oğlu olduğunu
tanıyır. Bir ağsaqqaldan uşağı qırx gün qucağında gəzdirərsə, onun
diriləcəyini öyrənir. Otuz doqquz gün onu qucağında gəzdirir, sonuncu
gün əlindən yerə qoyur, uşaq çırpınıb keçinir.
Qarabağ, II kitab, s.267-269
653A Ən qiymətli hədiyyə. Qardaşlar atalarının verdiyi pula üç
əşya alır: böyük qardaş uçan xalça, ortancıl qardaş güzgü, kiçik qardaş
isə dirilik suyu alır. Həmin əşyaların köməyi ilə dünyasını dəyişmiş
əmisi qızlarını dirildirlər. Kəlbəcər rayonundan qeyd alınmış variantda
isə, qardaşlardan biri uzaq vilayətdə yaşayan bacılarının can üstə
olduğunu xəbər verir, o biri cənnətdən meyvə gətirir, üçüncü isə onları
qızın yanına çatdırır və meyvəni verib bacılarını sağaldırlar.
Qarabağ, II c., s.196-202; VI kitab, s.224-228, kont.559+661*
358
661* Xarrat, dərzi və kimyagər. Dülgər taxtadan qadın heykəli
düzəldir, dərzi ona paltar tikir, molla isə can verir. Daha sonra qadın
üstündə mübahisə edirlər.
Qarabağ, II c., s.196-202; VI kitab, s.224-228, kont.559+653A
670 Ovçu Pirim. Ağdam variantında Musa peyğəmbər eşşəklə
öküzün danışığını eşidib gülür, Cəbrayıl variantında isə Süleyman
peyğəmbər maydanla dayçanın danışığını eşidib gülür. Hər iki variant-
da arvad ərindən gülməyinin səbəbini öyrənmək istəyir. Peyğəmbər
əvvəl sirri açmaq istəyir, amma qoçun qoyuna verdiyi cavabı və ya itlə
xoruzun söhbətini eşidib bu fikirdən daşınır.
Qarabağ, I kitab, s.181-183, kont.207A; s.184
670**** Göydən gələn bəla. Heyvanların dilini bilən bir kişi
atının, camışının öləcəyini bilib onları ucuz qiymətə satır, axırda bəla
onun özünə gəlir.
Qarabağ, I kitab, s.225-226, kont.751C+332; V kitab, s.180-181,
671C** Dağyunusun xəzinəsi. Cəbrayıl variantında ata körpə
uşağını quşlarla bir yerdə böyüdür və bu yolla onun quş dili öyrənmə-
sinə nail olur. Daha sonra çoxlu heyvan kəsdirib ətini quzğunlara ye-
dirtməklə onlardan Dağ Yunusun çovğuna düşmüş karvanının yerini
öyrənir. Kəlbəcər variantında isə quş dili bilən Bəhlul Danəndə qəcir-
lərin söhbətinə qulaq asmaqla Harın Qarının xəzinəsinin yerini öyrənir.
Qarabağ, I kitab, s.270-271; VI kitab, s.253; s.254
679* = AT 875D Balıqların gülməsi: Qız atasının çaydan
tutduğu quru kəllənin tozundan uşağa qalır. Dünyaya gələn uşaq balıq-
ların gülməyinin səbəbini izah edir.
Qarabağ, II c., s.182-187
707A = AT 707 Uşağın dəyişdirilməsi. Böyük bacı bir yumurta
ilə qırx qonağı yola sala bilir, ortancıl elə bir xalça toxuya bilir ki, onun
üstündə yüz adam oturur, kiçik bacı isə bir teli qızıl, bir teli gümüş
övlad dünyaya gətirəcəyini deyir. Padşah kiçik bacı ilə evlənir. Vəzir
kiçik bacının doğduğu qeyri-adi uşaqları oğurlatdırıb yerinə it küçüyü
qoyur. Arvadının onu aldatdığını zənn edən padşah onu saraydan
qovur. Nağıl kiçik bacının günahsız olduğunun üzə çıxması və padşah
yenidən ailəsinə qovuşması ilə tamamlanır.
Qarabağ, III kitab, s.289-294; s.294-296; IV kitab, s.262-265
359
[740 = AT 740* Evdən qovulmuş qardaş]. Böyük qardaş arva-
dının sözü ilə kiçik qardaşı və atasını evdən qovur. Allah qocanın
quşları qovmaq üçün əlinə götürdüyü daşı qızıla döndərir. Kiçik qardaş
həmin daşı qırx dəvə yükü qızıla padşaha satır və onun hesabına
varlanır. Böyük qardaşın isə bütün var-dövləti əlindən çıxır və dilənmək
məcburiyyətində qalır.
Qarabağ, III kitab, s.300-305
DİNİ NAĞILLAR
750B* İbadət yaxşıdı, yoxşa səxavət. İmam Həsənlə İmam
Hüseyn Əli Əleyhsalamın məsləhəti ilə əvvəl abidə, sonra naxırçıya
qonaq olurlar. Abid onlara evində yer vermir, amma naxırçı onları
mehriban qarşılayır, qoyunlarını kəsib onların böyrəyindən qonaqlara
yemək hazırlatdırır. Bu hadisənin şahidi olan İmam Həsənlə İmam
Hüseyn səxavətin ibadəti üstələdiyinə əmin olurlar.
Qarabağ, I kitab, s.197-199; II kitab, s.287-293, kont.934G*; V
kitab, s.170-173; s.176-177, kont.750**
750D Peyğəmbərlə üç yolçu. Peyğəmbər yolçuların arzusunu
yerinə yetirir: onlardan birinə bağ, birinə qoyun sürüsü, birinə də halal
südəmmiş qız qismət edir. Daha sonra yolçuları sınamaq üçün növbə ilə
onlara baş çəkir.
Qarabağ, VI kitab, s.233-234
750D* Dərviş və iki yolçu. Yolçulardan biri qurud əzir, digəri
təzək yığır. Dərviş onların arzusunu yerinə yetirir, birinə padşahlıq,
digərinə vəzirlik verir, amma uşaqlarının birini ona verməlidirlər. Şərti
pozduqları üçün var-dövlətləri əllərindən çıxır.
Qarabağ, III kitab, s.241-243
[750İ* Kürək kürəyə yapışmış qardaşlar].
Bu süjetin bölgədən
iki variantı qeydə alınmışdır. Ağcabədi variantında Musa peyğəmbər
qızınmaq üçün kürəyini abidin kürəyinə sürtür, Tərtər variantında isə
iki qardaş o qədər kürək kürəyə verib otururlar ki, kürəkləri bitişir.
Naxırçı və yaxud haramıbaşı öz oğlunun başını kəsib qanını qardaşla-
rın (Musayla abidin) kürəyinə tökməklə onları bir-birindən ayırır.
Xeyirxahlığına görə Allah onu cənnətlə mükafatlandırır.
Dostları ilə paylaş: |