üzərində şamaxılı memarın adı qalmışdır.
Sənduqələrin üslubi, kitabələrin mətni və s.
Şamaxı abidələrini, ələlxüsus Kalaxana kəndində vaxtilə mövcud olmuş abidələri
xatırladır. Hələlik bir neçə abidədə “bəy” titulu, ad və tarix qalmışdır. Həzrə abidələri
zahiri bəzək cəhətdən çox nəfis nəzərə çarpdığı kimi mətn cəhətdən də zəngindir.
Bütün sənduqələrin üzərində Qurandan götürülmüş 2-ci surənin 256-cı ayəsi yazılıb.
Yan tərəflərdəki düzbucaqlarda isə fars dilində mənzum parçalar və hədislər həkk olunub.
Mənzum parçalar sənduqələrin aşağı haşiyələrində də yazılıb. Azərbaycan bədii daşyonma
sənəti ustaları tərəfindən yazılmış rübai-beytlərdən, növhə mərsiyələrdən ibarət şer
parçaları feodal təbəqəsinə məxsusu dünyagörüşünü əks etdirir.
Həzrə kəndində belə zəngin abidələrə məxsus böyük qəbiristanlığın olması XIV-XVI
əsrlərdə buranın mühüm, iqtisadi-siyasi və ictimai əhəmiyyətə malik yaşayış məntəqəsi,
yaxud şəhər olduğunu sübut edir.
Bir qrup alimin uzun müddət Həzrədə yaşayıb, fəaliyyət göstərmələri,
özlərindən sonra
onların abidələrinin ziyarətgah olaraq xalqın xatirəsində yaşaması da qeyd olunan
mərkəzin mühüm sosial-mədəni əhəmiyyətindən danışmağa imkan verir...
Qəmərvan kəndindəki
İstisu isə həm müalicəvi əhəmiyyətilə bərabər, həm də səcdə
edilən ziyarət kimi tək rayonda deyil digər ətraf ərazilərdə də tanınır. Şəfalı mineral
komplekslərdən ibarət təbii su insanlara elə bil can gətirir. Buraya gələnlər vanna
qəbulundan sonra özlərində gümrahlıq duyur, sanki bütün ağrı-acılardan oradaca
qurtulurlar.
Bu kənd əsrarəngiz gözəlliyi olan məkanlardan biridir. Yay aylarında istirahətə
gələnlərin əksəriyyəti məhz buranı seçir. İstisuya salınan yolun da keyfiyyətli olması ona
olan marağı gücləndirir. İlahinin
qələm qüdrəti , rənglərin min bir çaları təbiətin üzərinə
elə həkk olunub ki, buradakı mənzərənin təsirindən ovsunlanıb, möcüzəli aləmə düşürsən.
Yaradanın nələrə qadir olmasından bir daha əmin olan insan övladı elə bu yüksəklikdə də
əllərini göylərə açıb, “ilahi özün yaratdığını özün də qoru, onu insan əlinin ixtiyarına
buraxma”-deyib, ulu tanrıya yalvarır. Elə bu yalvarışın özündə özünü dərkin, həyatı
qavrayışın ən incə mətləbləri belə açılmağa başlayır, nə qədər kamil insan olsa belə yenə
öz
acizliyini etiraf edərək, müəmmalı dünyanın tilsimindən xəbərsiz olduğunu gizlədə
bilmir. Bu gözəl məkan ölkəmizin başçısı İlham Əliyevin də çox sevdiyi guşələrdən
biridir. Yurdunun əsrarəngiz möcüzəsinə heyran olan gənc dövlət xadimi vaxt tapanda
buralara gəlməyi, bu yüksəklikdən vətənin buludlu mavi göyünə tamaşa etməyi, qeyri-
adi təbiət lövhələrini seyr etməyi xoşlayır,...
Qəmərvanda bu müalicəvi suyun təbabətdə istifadəsi
məqsədilə yeni müasir
standartlara cavab verən mərkəzin açılış xəbəri isə zənnimcə hər kəsin ürəyincə olacaq.
Qəbələlilərin yaxşı tanıdığı bu möcüzəli suyun şəfası dillərə düşəcək. Azərbaycanın
qüdrətli təbiətinin ecazkar nümunəsi olan bu nadir inci də insanların ixtiyarına veriləcək...
İslam dünyasının tanınmış şəxslərindən biri olan ilahiyyatçı alim, akademik Vasim
Məmmədəliyevin bu sözlərini xatırlatmaq istəyirəm. “Pirlər, övliyalar allahla insanlar
arasında vasitəçidir. Sanki onların timsalında tanrı istəkləri reallaşdırır.”...
Şeşpər babaya da inam güclüdür. Hər bir qəbələlinin and yeridir. Dəfələrlə şahidi
olduğum hadisədir ki, Bakıda uzun müddət yaşayıb-işləyən müxtəlif nailiyyətlərə qədər
ucalan bir Qəbələli yol üstündəki Şeşpər baba ziyarətində ayaq saxlamamış ötsün. İstər
ateist mövqeli alimi olsun, istərsə də yüksək
vəzifə sahibi, fərqi yoxdur. Qəbiristanlığın
yanından keçəndə maşından düşüb babanın ruhuna salavat verir, nəzirlərini qoyurlar.
Şeşpər baba təxminən, XIX əsrin əvvəllərində anadan olub, 1870-ci ildə vəfat edib.
Anadan gəlmə əl və ayaq barmaqları altı olan Şeşpər baba sümük boşluğundan əziyyət
çəkib. Kim onu ziyarətə gəlibsə duaları düşərli olub. Sözünü Xudanın eşitdiyi ilahi
kəslərdən sayılıb və sağlığındaca müqəddəsləşib. Üstünə ümidlə gələnlərə cəddi elə
kömək olub ki, yaşadığı dövrdə insan övladına işıqlı yol göstərən müqəddəs varlıq hesab
edilib. Günü-gündən ona sitayiş gücləndikcə ocağındakı var-dövlət çoxalmağa başlayıb.
Şeşpər baba da öz növbəsində kimsəsiz insanları, ehtiyac içində yaşayan yoxsul balaları
himayəsinə götürərək onlara yardımçı olub. Soltan Nuxa kəndində yaşadığı yer mollalar
məhəlləsi adlanıb, indinin özündə də həmin məkana belə deyilir. Onun yaxını Molla Səid,
Molla Qədir də Şeşpər babadan örnək alan insanlar olub, əməlləri ilə halallığın carçısı, pis
niyyətlərdən uzaq olanları tanrı dərgahında əmanət sayıblar.
Bu gün Şeşpər babanın yaşadığı ev insanların ziyarətgahıdır. Uyuduğu məzarıstanda
qəbri abadlaşıb, üstündə künbəz tikilib.
Tolerant ölkə olan respublikamızda xalqın dini yaddaşının bərpa olunmasında
dövlət
siyasəti gerçəkləşməkdədir. Ölkə başçısı İlham Əliyevin və Heydər Əliyev Fondunun
prezidenti Mehriban xanım Əliyevanın müqəddəs yerlərə, dini abidələrə qayğısı sayəsində
yüzlərlə ocaqlarımız bərpa olunub. Bu mənada millət vəkili Fəttah Heydərov da Qəbələdə
yerli camaata dəstək göstərib, ölkə siyasətinin tələblərinə uyğun olaraq xalqın etiqad
məbədinə biganə qalmayıb. Şeşpər babanın ziyarətçiləri üçün yay və qış aylarında bura
gələnlərə kömək məqsədi
ilə xüsusi yerlər tikilib, əhalinin rahatlığı üçün şərait yaradılıb.
Ziyarətgaha artezian suyu çəkilib və qurban kəsənlərin işi rahatlaşıb.
Kov Murad (el arasında Komrad adlanır) dağının üstündəki məzar da insanların
güvənə bildiyi məkandır.
Buranı övlad arzusunda olanlar ziyarət edir. Məzar kiçik dağın üstündə olsa da ona üç
saat ərzində piyada qalxan xanımlar niyyətlərinin hasil olmasından ötrü yorulmaq
bilmədən zirvəni fəth edir. Kov Murad dağına maşınla qalxmaq da mümkündür. Oraya yol
ancaq ziyarətə gələnlər üçün salınıb.
Qəbələ şəhərinin özündə
Molla baba kimi tanınan hörmətli şəxs də olub. Əsl adı
Balakişi Salahov olan bu mömin insan elə bir dindar nəsildəndir ki, həm atasının
və həm
də babasının məzarı el tərəfindən ziyarət edilir. Əsl kökü Dağıstanlı olan bu nəslin
nümayəndələri hara köçməsindən asılı olmayaraq əməlləri ilə seçiliblər. Babası Osman
Çuxur Qəbələdə torpağa tapşırılıb, atası Saleh kişinin məzarı isə Ağdaşın Mürsəlli
kəndində yad edilir. Yatdıqları məzarıstan onların adları ilə tanınır. Bu nəsil böyük olsa da
onun adlarını çəkdiyim üç nümayəndəsi xalqa arxa sayılan şəxslər kimi dünyasını
dəyişiblər...
Söhbət ki, belə insanlardan düşdü, yeni Dızaxlıda yaşamış
Əhməd babanı da
xatırlasaq ruhu şad olar. Bu el ağsaqqalı da xalqın etimadını qazanan din xadimlərindən
olub. 1929-cu ildə Sörüyanda doğulub. Atası Məhəmməd kişidən ruhani dərsləri alıb. 9
yaşından Qurani Kərimi mükəmməl bilirmiş. Dövrünün tanınmış ziyalılarından olan