yaradılacaq yeni-yeni müəssisələrin açılışında iştirak edəcəyik. Doğma Vətənimizi
hərtərəfli inkişaf etdirəcəyik.
Bir daha sizin hamınızı bu körpünün açılışı münasibətilə ürəkdən təbrik edirəm.
Xeyirli, uğurlu olsun. Sağ olun.”
Bu hadisə əlamətdar bir dövrə təsadüf edir. Baş nazir İlham Əliyevin ucqarda yaşayan
sakinlərlə ilk görüşü həm də ona görə yadda qalan oldu ki, bir neçə gündən sonra ölkə
prezident seçkiləri ərəfəsində idi.
Gördüyü işlərlə xalqda etimad yaradan gənc siyasətçinin birbaşa yerli əhalinin
içərilərinə getməsi və yerindəcə vədi insanların diqqətindən yayına bilməzdi. Yüksək
əhval-ruhiyyədə qarşılanan siyasət aləminin yeni lideri öz ünsiyyəti ilə özünə inamın
əsasını qoydu...
Bu söhbətdən çox vaxt keçmir. Ölkədə gedən quruculuq işləri, nəhəng layihələr
reallaşdıqca, sürətlənən iqtisadiyyat bölgələrdə də hiss olunur. Xalqımız öz dahi
şəxsiyyətini itirsə də, onun amalları bu gün yenə də özünün etibar edib arxalandığı İlham
Əliyevin siyasi xəttində uğurla həyata keçirilir, elimizə, obamıza yeniliklər gətirir.
Heydər Əliyev düşüncəsindən ilham alan və dahi şəxsiyyətin təcrübəsindən bəhrələnən
gənc siyasətçi Azərbaycanı özünəməxsus yaradıcılığı ilə inkişaf etdirir. İlham Əliyev
bütün siyasi məqsədlərini məhz Azərbaycanın lider olmasına səfərbər etdiyi üçün layiqli
bir insana etibar edilən bu millət öz seçimindən razıdır.
Dövlətin iqtisadi təməli güclü olmalıdır ki, vətəndaşların həyat səviyyəsi bugünün
tələbatına tam cavab versin. Məhz buna görə də ilkin olaraq İlham Əliyev regionların
inkişafına çalışdı, bir neçə dövlət sənədi imzaladı ki, bölgələrdə həyat öz axarına düşsün.
Regionların sosial-iqtisadi inkişafı ilə bağlı Dövlət Proqramı 2004-cü ildən həyata
keçirilməyə başladı. Həmin sənədə əsasən bütün rayonların spesifik xüsusiyyətinə uyğun
olaraq yerlərdə islahatlar keçirildi. Bir neçə bölgədə əlavə tədbirlərin görülməsi
istiqamətində yeni dövlət sərəncamları da qüvvəyə mindi. Qarşıdakı illər ərzində dövlət
tərəfindən verilən bütün tapşırıqlar reallaşmalı idi.
Qəbələ rayonunda da görüləsi işlər həddindən artıq çox idi. İllərlə yığılıb qalan
problemlər həllini gözləyirdi...
PREZİDENT İLHAM ƏLİYEVİN QƏBƏLƏYƏ
2005-ci il AVQUST SƏFƏRİ
övlət başçısının Qəbələ rayonuna prezident kimi ilk gəlişi idi. Əhali yeni
rəhbərin ölkəni tikinti-quruculuq meydanına çevirdiyinin şahidi olduğundan onun
bu bölgəyə səfərinə də ümidlə baxdı. Həm də bu gəliş yeni bir ünsiyyətin başlanğıcı
sayılmalıdır. Bu dəfə də sadə kütlənin arasında olduğundan məmnunluq duyan, onları
narahat edən məsələləri özlərinin dilindən eşidən cənab İlham Əliyev rayonda gedən
dəyişikliyə təkan verdi.
Ölkə başçısının bu səfəri təkcə rayon üçün deyil, ölkə əhəmiyyətli obyektlərin
təməlinin qoyulması ilə yadda qaldı. Səmimiyyətlə qarşılanan dövlət başçısı ümummilli
liderin adına salınmış bağda sakinlərlə görüşdü. Heydər Əliyevin abidəsinin önündə baş
əydi. Ağsaqqalların söhbətini dinlədi, problemləri və qayğılarıyla maraqlandı. Təbii ki,
yenə də hər yerdə olduğu kimi ən isti sözləri eşitdi, layiq olduğu dəstəyi gördü. Apardığı
daxili və xarici siyasətin uğurundan danışan rayon nümayəndələri bölgələrin inkişafı
üçün gördüyü işlərə görə prezidentə minnətdarlığını bildirdilər... Həmin səfəri olduğu
kimi xatırlayaq.
Azərbaycan Prezidenti İlham Əliyev avqustun 18-də Heydər bağında sakinlərlə
görüşdükdən sonra Qəbələ rayon Mədəniyyət Evinə gəlir. Burada Mədəniyyət Evinin
ansamblının çıxışını dinləyir sonra təşkil edilmiş sərgi ilə tanış olur. Son aylar ərzində
görülən işlər və sərgi barədə məlumatlanan dövlət başçısı 2004-cü ildə Bakıda keçirilən
müsabiqədə birinci yer tutan Texniki yaradıcılıq mərkəzinin əl işlərinə tamaşa edir.
Azərbaycan Prezidenti Uşaq yaradıcılıq mərkəzində məşğul olanların əl işləri, qədim
xalq sənəti nümunələri, “Mənsur 555” müəssisəsinin istehsal etdiyi mebellə, qapı və
pəncərələrlə tanış olur. Regionların Sosial-İqtisadi İnkişafı Dövlət proqramına uyğun
olaraq, bu müəssisə fəaliyyətini genişləndirib və əlavə 20 iş yeri açılıb.
Ağac üzərində oyma sənəti ilə məşğul olan Şahin Rəhimov öz əl işləri barədə
Azərbaycan dövlətinin başçısına məlumat verərək deyir ki, bu məhsullar xaricilər
tərəfindən də yüksək qiymətləndirilir və münasib qiymətə satılır. Prezident İlham Əliyev
xalq sənətinin, onun dəyərli nümunələrinin qorunub saxlanmasının vacibliyini bildirir.
Sonra Azərbaycan Prezidenti incəsənət məktəbi uşaqlarının əl işlərinə, turizm istirahət
mərkəzlərinin fotoşəkillərinə, “Azərxalça”nın yeni yaranmış və 80 nəfərlik işçisi olan
Qəbələ filialında toxunan xalçalara baxır, makaron məmulatları fabrikinin məhsullarının
çeşidləri ilə maraqlanır. Bildirilir ki, bu fabrikdə 20 nəfər işlə təmin olunub.
Prezident İlham Əliyev sərgidə nümayiş etdirilən məhsullara bazarda tələbat olduğunu,
qədim xalq sənətinin yaşadılmasının zəruriliyini vurğulayır, sahibkarlara dövlət tərəfindən
bundan sonra da qayğı göstəriləcəyini bildirir.
Azərbaycan Prezidentinə üzərində ümummilli liderimiz Heydər Əliyevin, özünün
portretləri və Azərbaycanın bayrağı toxunmuş xalçalar hədiyyə edilir.
D
Azərbaycan Prezidenti daha sonra yeni bərpa olunmuş Mədəniyyət Evi, onun 300-dən
çox tamaşaçı tutan yaşıl teatrı ilə tanış olur və burada xatirə şəkli çəkdirir...
Həmin gün Azərbaycan Prezidenti İlham Əliyev Qəbələdə yenidən bərpa edilmiş
Cümə məscidində olur. Qəbələdə məscid 1899-1906-cı ildə tikilib, 1920-ci ilədək dini
ocaq kimi fəaliyyət göstərib. Sonralar binadan savadsızlığın ləğvi klubu, anbar, kinoteatr,
mədəniyyət evi, muzey kimi istifadə edilib. 2005-ci ildən bərpa edilərək yenidən
dindarların ixtiyarına verilib. Burada eyni vaxtda 1000 nəfər namaz qıla bilir. Rayon
mərkəzində başqa bir məscid də vardır.
Prezident İlham Əliyevi burada məscidin axundu ehtiramla qarşılayır. Qurani-Kərim
hədiyyə edilir, Azərbaycan dövlətinin başçısına Allah-Təaladan cansağlığı, uzun ömür
arzulanır.
Axund məscidi ziyarət etdiyinə görə Prezident İlham Əliyevə təşəkkür edərək deyir ki,
Azərbaycanın inkişafı yolundakı fəaliyyətinizdə Allah sizə yar olsun. Xalqın ədalətli
Prezidentisiniz və biz hamımız Sizin uğurlu siyasətinizi dəstəkləyirik və daim Sizə arxa
olacağıq.
Prezident İlham Əliyev dindarlara uğurlar və xoşbəxtlik arzulayaraq bildirir ki, çox
şadam, rayonlarda böyük işlər görülür, yerlərdə vəzifəli şəxslər, icra hakimiyyəti başçıları
yaxşı işləyirlər. Abadlıq, quruculuq işləri gedir, problemlərin aradan qaldırılması üçün
mühüm tədbirlər görülür. Bütün dövrlərdə xalqın həqiqi lideri olan Heydər Əliyevin
uzaqgörən siyasəti indi də öz bəhrəsini verir. Eyni zamanda milli-mənəvi, dini
dəyərlərimizin qorunmasında da ulu öndərin böyük xidmətləri vardır.
Qəbələnin qədim Qafqaz Albaniyasının paytaxtı olduğunu xatırladan Prezident İlham
Əliyev deyir ki, ulu öndərimiz 1970-ci illərdəki fəaliyyəti zamanı Azərbaycanın bugününü
düşünürdü. Çünki ən böyük sərvət xalqın, dövlətin azadlığı və xoşbəxtliyidir. Azərbaycan
Prezidenti bildirir ki, görülən işlər daha da sürətlənəcəkdir. “İstəyirik ki, problemlər tez
həll olunsun, lakin bunun zamana da ehtiyacı vardır. Ancaq biz siyasi, iqtisadi istiqaməti
düz seçmişik. Əsas odur ki, bölgələr inkişaf etdirilir, onların problemləri həll olunur.
Bölgələrin paytaxt Bakının səviyyəsinə çatdırılması üçün çox işlər görülməlidir”.
Dindarlar Prezidentə bir daha təşəkkürlərini bildirirlər, ölkə-mizdə aparılan quruculuq
işlərini yüksək qiymətləndirirlər...
İlham Əliyev avqustun 18-də daha bir neçə yerə baş çəkir. Qəbələ şəhərinə çəkilmiş
yeni içməli su xəttinin açılış mərasimində iştirak edir. Tikilməkdə olan konserv zavodu ilə
tanış olur və müəssisənin inzibati binasının təməlinin qoyulması mərasiminə qatılır.
Həmçinin İlham Əliyev Qəbələdə “Gilan” yeyinti məhsulları istehsalı müəssisəsinin
açılışını da edir. Bu müəssisə fındıq emalı və çörək zavodlarından ibarətdir...
“Gilan” tikinti materialları istehsalı müəssisələri kompleksinə gələn prezident İlham
Əliyev burada iki qum-çınqıl zavodu və asfalt zavodu, tikilməkdə olan kərpic zavodu və
yeni yaradılmış “Aqrotexservis”lə tanış olur, Belarusdan alınmış kənd təsərrüfatı
texnikasına baxır.
Müəssisənin rəhbəri Tofiq Allahverdiyev bildirir ki, “Gilan” tikinti materialları
istehsalı müəssisəsi 2004-cü ildə yaranıb. Kompleksə 4 zavod, 1 aqroservis xidməti
daxildir. Qum-çınqıl zavodlarından birinin dəyəri 200 min ABŞ dolları, sutkalıq istehsal
Dostları ilə paylaş: |