gücü 500 kubmetr, ikincisinin dəyəri 60 min ABŞ dolları, sutkalıq istehsal gücü 200
kubmetrdir.
Zavodlar iki növbədə işləyir, hər növbədə 50 nəfər çalışır.
2005-ci ilin aprel ayında fəaliyyətə başlayan Asfalt zavodunun saatda 60 ton məhsul
buraxmaq gücü var. Burada iki növbədə 30 nəfər işləyir.
Kərpic zavodunda dəyəri 3 milyon ABŞ dolları olan avadanlıq quraşdırılır. Zavodun
tikintisində 150 nəfər çalışır və yaxın vaxtlarda işə başlaması nəzərdə tutulur. Zavod ildə
30 milyonadək kərpic buraxacaq və burada bir növbədə 70 nəfər çalışacaqdır.
“Aqrotexservis”in 1 milyon ABŞ dolları həcmində avadanlığı və 30 ədəd kənd
təsərrüfatı texnikası, habelə texniki yardım və təmir emalatxanası var. Yaxın vaxtlarda
texnikanın sayı 60-a çatdırılacaqdır. Fermerlərə və torpaq sahiblərinə texniki xidmət
göstərən “Aqrotexservis”də 60 nəfər çalışır. Mütəxəssislər hazırlayan kurslar da açılıb.
Prezident İlham Əliyev istehsal sahələri ilə tanış olur, görülən işlərin
genişləndirilməsinin vacibliyini bildirir. Sonra bu müəssisəyə iki ədəd “Belarus” markalı
traktor hədiyyə edir.
Prezident İlham Əliyev buraya toplaşan rayon sakinləri
ilə səmimi görüşüb söhbət
edir, onların problemləri ilə maraqlanır, şikayətlərini dinləyir və məsələlərin həll
olunacağını bildirir.. Sakinlər ümummilli lider Heydər Əliyevin tarixi xidmətlərini
xatırlayaraq, onun yolunu davam etdirdiyinə və rayonlarda, bölgələrdə əhalinin
vəziyyətinin yaxşılaşdırılmasına görə Prezidentə minnətdarlıq edirlər.
Avqustun 18-də Azərbaycan Prezidenti İlham Əliyev Qəbələ Tarix-Diyarşünaslıq
muzeyində olur və “Heydər Əliyev muzeyi”nin binasının tikintisinə baxır.
Prezident İlham Əliyevə və Mehriban xanıma məlumat verilir ki, Tarix-Diyarşünaslıq
muzeyi və tikilməkdə olan “Heydər Əliyev muzeyi” eyni ərazidə yerləşir. Tarix-
Diyarşünaslıq muzeyi 1980-ci ilin mayından fəaliyyət göstərir. 2004-cü ilin aprelindən
yeni binaya köçüb. Fondda 12 mindən çox eksponat vardır. Bunların
xeylisi nadir
eksponatlardır. Muzey Qəbələnin 2500 illik tarixini əks etdirir. Burada ümummilli lider
Heydər Əliyevin və Prezident İlham Əliyevin Qəbələyə səfərlərini əks etdirən fotoşəkillər
də toplanıb.
Muzeyin doqquz yüz kvadratmetrlik binası, bir hektar torpaq sahəsi, 13 ekspozisiya
zalı, fondu, Heydər Əliyev xatirə otaqları, şəkil qalereyası, zəngin elmi kitabxanası, qədim
daş abidələrdən açıq səma altında təşkil olunmuş sərgi meydançası var.
Prezident İlham Əliyev Qafqaz Albaniyası dövrünə aid eksponatlarla tanış olur,
bunların böyük əhəmiyyəti olduğunu, Azərbaycanın qədim tarixə malik olmasını sübut
etdiyini vurğulayır.
Azərbaycan Prezidenti “Heydər Əliyev muzeyi”nin binasının tikintisinə də baxır.
Prezident İlham Əliyev Tarix-Diyarşünaslıq muzeyi ilə tanışlıqdan sonra xatirə
kitabına ürək sözlərini yazır:
“1980-ci illərin əvvəlində xalqımızın ümummilli lideri Heydər Əliyevin təşəbbüsü ilə
yaradılmış Qəbələ diyarşünaslıq muzeyi, şübhəsiz öz eksponatları ilə diyarın qədim
tarixini əks etdirir. Qəbələ Azərbaycanın qədim torpağıdır, eramızdan əvvələ aid yazılı
mənbələrdə Qəbələnin adını çəkirlər. Biz öz tarixi və mədəni irsimizə böyük diqqətlə
yanaşırıq. Biz öz qədim tariximizi sevməliyik, onu dərindən öyrənməliyik və beynəlxalq
ictimaiyyətə təqdim etməliyik. Qəbələ diyarşünaslıq muzeyi bu vəzifələri uğurla yerinə
yetirir. Qəbələlilərə öz dərin hörmət və məhəbbətimi bildirirəm”.
İlham Əliyev
Azərbaycan Respublikasının Prezidenti.
Azərbaycan Prezidenti İlham Əliyev avqustun 18-də Qəbələ rayonunun ən qədim
yaşayış məntəqələrindən olan Nic qəsəbəsinə gəlir.
2300 illik tarixi olan bu qəsəbənin sakinləri dövlətimizin başçısı İlham Əliyevi və
xanımı Mehriban Əliyevanı böyük səmimiyyət və ehtiramla, gül-çiçəklə qarşılayırlar.
Prezident İlham Əliyevə məlumat verilir ki, Nicin 6,5
min nəfər əhalisi var, bunun 4
mindən çoxu udinlər, qalanı azərbaycanlılar və ləzgilərdir. Qəsəbədəki 5 orta məktəbin
3-də tədris rus dilində, 2-də isə Azərbaycan dilində aparılır. Nicdə qədim alban kilsəsi
və digər abidələr vardır. Respublika hökumətinin köməyi ilə burada tarix muzeyi və açıq
havada etnoqrafiya qoruğu yaradılacaqdır. Eçmiədzin (erməni) katolikosluğunun təkidi ilə
Peterburq Müqəddəs Sinodu 1836-cı ildə alban katolikosluğunu ləğv etdikdən sonra
udilərin dini fəaliyyətlə məşğul olmasına qadağan qoyulmuşdu. 2003-cü
ildə Azərbaycan
Respublikasının Dini Qrumlarla İş üzrə Dövlət Komitəsi udilərin dini fəaliyyətinin bərpa
olunması barədə qərar vermişdir. 1993-cü ildə ümummilli liderimiz Heydər Əliyevin
hakimiyyətə qayıdışından sonra Nic məktəblərinin I-IV siniflərində udi dili də tədris
olunur. Udilər bunu ulu öndər Heydər Əliyevin xidməti kimi yüksək qiymətləndirirlər.
Prezident İlham Əliyev qəsəbə sakinləri qarşısında nitq söyləyir.
“...Mən ilk dəfədir ki,
Nicdəyəm. Çox eşitmişəm, bilirəm ki, Nicin çox böyük tarixi var, çox böyük mədəniyyəti
var, nailiyyətləri var, tarixi irsi çox zəngindir. Ona görə bu gün çox xoşbəxtəm ki, özüm
gəlmişəm sizin yanınıza, sizinlə birlikdəyəm. Görürəm ki, burada əhval-ruhiyyə də
yaxşıdır, ab-hava da yaxşıdır. Bütövlükdə rayonda görülən işlər məni çox sevindirir.
Rayon rəhbərliyi yaxşı işləyir, çalışır ki, bütün problemləri həll etsin. O cümlədən sizin də
problemlərinizin həllində çox böyük işlər görür. Mən də çalışacağam ki, sizin
problemlərinizi bundan sonra daha da sürətlə həll edək. Sizi narahat edən, sizə çətinlik
yaradan, maneəçilik yaradan hansı məsələ varsa, indi mənə deyin ki, Bakıya qayıdanda
bunların hamısını həll edim.
Əgər bir sözünüz yoxdursa, onda sizin hamınıza uğurlar, can sağlığı arzulayıram.
Arzu edirəm ki, həmişə olduğu kimi xoşbəxt yaşayaq, Azərbaycan inkişaf etsin” - deyən
cənab prezident sakinlərin problemlərini öz dilindən eşidir, lazımi tapşırıqlar verir.
İqtisadiyyatın artımı üçün dövlət tərəfindən görüləcək işləri sadalayan ölkə başçısı hər
bir vətəndaşın da məsuliyyətini xatırladır
və bildirir ki, Azərbaycanın ən böyük
nailiyyətlərindən, sərvətlərindən biri də odur ki, bizim ölkəmizdə milli və dini baxımdan
həmişə mehribanlıq olub.
“Bu zəmində heç vaxt ayrı-seçkilik, ziddiyyət olmayıbdır. Milli
və dini dözümlülük bizim ölkəmizin inkişafında böyük töhfədir. Hamımız bilirik ki, heç də
bütün ölkələrdə vəziyyət buna bənzər deyildir. Dünyada elə ölkələr var ki, orada yaşayan
müxtəlif xalqlar bir-biri ilə yola getmir, müxtəlif dinlərin nümayəndələri ünsiyyətdə
olmurlar. Onlar təcrid olunmuş vəziyyətdə yaşayırlar. Bu, həmin ölkələrin bəlası,