156
Cədvəl 5.32 ‐də isə eyni binanın müxtəlif mərtəbələrində radonun
konsentrasiyasına dair müəlliflərin aldıqları nəticələr göstərilmişdir Алиев Ч.С. и др.,
2012).
Cədvəl 5.32.
Eyni binanın müxtəlif mərtəbələrində radonun konsentrasiyası.
Qeyd: Respublikamız üçün radonun yol verilən konsentrasiya həddi 200 Bk/m
3
‐dir (Алиев
Ч.С. и др., 2012).
Mərtəbə
Radonun konsentrasiyası, Bk/m
3
maksimal
minimal
orta ədədi
orta
‐1
175,86
28,65
61,51
38,41
1
1109,02
0,32
90,24
62,20
2
546,96
0,71
68,96
51,97
3
68,24
0,32
24,87
23,99
4
44,83
0,32
23,50
23,20
19,30
19,30
19,30
19,30
157
FƏSİL VI
__________________________________________________________________
TEXNOGEN (ANTROPOGEN) MƏNŞƏLİ RADİASİYA MƏNBƏLƏRİ
Bu gün təbii radiasiya fonu yaradan şüalar sırasına insanın əməli fəaliyyətinin
məhsulu olan süni – antropogen şüalanma da daxil olmuşdur.
Qeyd edək ki, radioaktiv ölçmə işlərinin nəticələri atom enerjisindən hərbi və
dinc məqsədlər üçün istifadənin yaratdığı süni şüalanmanın insanların məruz qaldığı
ümumi şüalanmanın 2 ‐ 3 % ‐ ni təşkil etməsini göstərir. Göründüyü kimi, bu rəqəm
kifayət qədər kiçik rəqəmdir. Nəzərə alsaq ki, bu rəqəm süni şüalanmanın Yerin ümumi
həcminə görə hesablanmış orta qiymətidir, onda konkret ərazi üçün süni şüalanma
həddinin kifayət qədər yüksək ola bilməsi fikrini söyləmək mümkündür. Məsələn,
fəaliyyətdə olan ayrı‐ayrı reaktorların və sürətləndiricilərin ərazilərində (o cümlədən də,
Çernobıl zonasında) işləyən personal üçün radiasiya yükü kifayət qədər yüksək olur.
Bu məsələdə narahatlıq doğuran amillərdən biri də antropogen radioaktivliyin
payının günbəgün artmasıdır. Aydındır ki, bu artma tendensiyası müəyyən bir anda
real təhlükə mənbəyinin yaranması ilə nəticələnməlidir. Burada əhəmiyyətli bir faktı da
yaddan çıxarmaq olmaz. Belə ki, sonuncu onilliklərdə insanın əməli fəaliyyəti təbii
radionuklidlərin ətraf mühitdə yenidən paylanmasına səbəb olmuşdur. Bu fəaliyyətə
faydalı qazıntıların çıxarılması və emalı, üzvi yanacaqlardan və müxtəlif gübrələrdən
istifadə, tikinti materiallarının istehsalı və istifadəsi, texnoloji tullantılarla rəftar və s.
daxildir. Bundan başqa, XX əsrin sonuncu onillikləri ərzində insanın həyata keçirdiyi
nüvə reaksiyaları hesabına təbiətdə mövcud olmayan yüzlərlə yeni süni radionuklidlər
əldə etmək mümkün olmuşdur ki, onlardan da müxtəlif məqsədlər üçün təbabətdə,
enerji istehsalında, atom silahlarının yaradılmasında, elmi ‐ tədqiqat işlərində,
sənayedə, kənd təsərrüfatında, faydalı qazıntı yataqlarının axtarışında, yanğınların
yerlərinin müəyyənləşdirilməsində, saatlara işıqsaçan sferblatların quraşdırılmasında və
s. geniş istifadə edilməyə başlanılmışdır. Bütün bunlar isə, həm ayrı ‐ ayrı insanların,
həm də bütövlükdə Yer kürəsi əhalisinin məruz qaldığı şüalanma dozasının artmasına
səbəb olmuşdur. Qətiyyətlə demək olar ki, bu gün süni radionuklidlər biosferin ayrılmaz
komponentinə çevrilmişlər.
Dediklərimizdən aydın olur ki, Yerdə həyat radiasiya fonunun texnoloji
dəyişməsinin təsiri altında inkişaf edir. Əksər hallarda bu dozanın kiçik olmasına
baxmayaraq, bəzi hallarda onların yaratdığı şüalanma təbii şüalanma mənbələrinin
şüalanmasından bir neçə min dəfə yüksək ola bilir. Bu səbəbdən də, ayrı ‐ ayrı
insanların süni radiasiya mənbələrindən aldığı fərdi dozalar da kəskin fərqlənə bilir.
Bir qayda olaraq, təbii mənbələrlə müqayisədə süni radiasiya mənbələrinin
variabelliyi daha aydın formada özünü göstərir. Bundan başqa, nüvə partlayışları ilə
bağlı şüalanmanı çıxmaq şərti ilə, süni radiasiya mənbələrinin yaratdığı şüalanmanı
158
daha asan formada nəzarətdə saxlamaq mümkündür. Qeyd edək ki, kosmik və ya yer
mənşəli şüalanmalar nəzarətdə saxlanıla bilməyən şüalanmalardır.
6.1. Peşə fəaliyyəti ilə bağlı şüalanma mənbələri.
İnsanın əməli fəaliyyəti çoxlu sayda süni radiasiya mənbələrinin yaradılmasına
səbəb olmuşdur. Bunlara misal olaraq, yüklü zərrəciklər sürətləndiricilərini,
plazmatronları, implantatorları, nüvə reaktorlarını, rentgen aparatlarını göstərmək
olar. Elmdə, texnikada, təbabətdə istifadə olunan həm neytron, həm də müxtəlif
radionuklid mənbələrini də bu qəbildən olan mənbələrə aid etmək olar. Uranın
zənginləşdirməsi ilə məşğul olan zavodların tullantıları, istifadəyə yaramayan uran
mənbələri də ionlaşdırıcı şüalanma yaradan mənbələr sırasına daxildir.
Bir çox iri şəhərlərin radioekoloji vəziyyətinin öyrənilməsi radioaktiv çirklənmə
səviyyəsi əhəmiyyətli dərəcədə yüksək olan minlərlə lokal ərazilərin mövcudluğunu
aşkar
etdi. Bu cür “radioaktiv zibilliklər” germetik izotop mənbələrin, maye və toz‐
ovuntu formasında olan radioaktiv maddələrin, tərkibinə ionlaşdırıcı şüalanma
mənbələri daxil edilmiş müxtəlif cihaz hissələrinin zibilliklərə atılması və ya
onların itməsi nəticəsində yaranır.
Qeyd edək ki, kosmik aparatların qəzaya uğraması nəticəsində enerji mənbəyi
kimi istifadə olunan bort reaktorlarının ayrı ‐ ayrı hissələri (o cümlədən də, radioaktiv
mənbələrin hissələri) müxtəlif ərazilərə səpələnir ki, bunlar da, öz növbəsində, yeni
ionlaşdırıcı şüalanma mənbəyi rolunu oynayır. Qlobal miqyasda isə ətraf mühitin
radioaktiv çirklənməyə məruz qalmasında rekord yeri atom ‐ nüvə silahlarının yerüstü
və yeraltı sınaqlarının keçirilməsi tutur.
İnsanlara, onların sağlamlığına təsir edə bilən süni şüalanma mənbələrini
ümumiləşdirməklə, onları aşağıdakı kateqoriyalara bölmək olar:
1) İnsanların məskunlaşma mühitinin süni şüalanma mənbələri;
2) Atom sənayesi müəssisələrinin və atom elektrik stansiyalarının radioaktiv
tullantılarının yaratdığı çirklənmə mənbələri;
3) Atom‐nüvə partlayışları zamanı yaranan radioaktiv maddələrin qlobal
çöküntülərinin yaratdığı mənbələr.
Burada belə bir faktı qeyd etmək yerinə düşərdi. Belə ki, süni ionlaşdırıcı
şüalanmanın təsiri öyrənilərkən professional şüalanmanı (insanların peşə fəaliyyətləri
ilə bağlı şüalanmalarını) əhalinin ümumi şüalanmasından ayırmaq çox vacibdir. Bu
səbəbdən də təsirlərin müxtəlifliyini nəzərə alaraq, biz aşağıda əsasən nüvə enerjisi
istehsalının istilik ‐ nüvə tsiklinin müxtəlif mərhələlərində və nüvə partlayışlarında
ətraf mühitin radioaktiv çirklənməsinin yaratdığı professional şüalanmalar
üzərində
dayanacağıq.
Atom sənayesi obyektləri, artıq qeyd etdiyimiz kimi, potensial şüalanma
mənbələri sırasına daxildir. Bu obyektlərdə ən çox şüalanma dozasını həmin
obyektlərdə işləyən insanlar alır. Şüalanma dozasının bu növü insanların məruz qaldığı
bütün şüalanma dozalarının ən böyüyüdür.
Dostları ilə paylaş: |