159
Qeyd edək ki, peşə fəaliyyətindən alınan dozanı iki müxtəlif səbəbə görə
qiymətləndirmək çox çətindir. Bu səbəblərdən birincisi iş şəraitlərinin kəskin
fərqlənməsi, ikincisi isə tələb olunan informasiyanın olmamasıdır.
Şüalanmanın növləri kimi nüvə reaktorlarına xidmət edən personalın aldığı
doza da kəskin fərqlənə bilir. Dozimetrik cihazlar isə çox nadir hallarda şüalanmaya dair
dəqiq məlumat verə bilir. Belə ki, bu cihazlar yalnız işçi personalın şüalanmasının
yolverilən həddi aşmamasına nəzarət etmək üçün nəzərdə tutulub. ARTEK ‐ in təxmini
qiymətləndirməsinə əsasən uran yataqlarının özündə və onun zənginləşdirilməsini
həyata keçirən fabriklərdə işləyən personalın aldığı şüalanma hər Qiqavatt ‐ il elektrik
enerjisi üçün orta hesabla 1 insan ‐ Zv təşkil edir. Bu dozanın təxminən 90 % ‐ i
yataqların payına düşür. Buna görə də şaxtalarda işləyən personal ən çox şüalanmaya
məruz qalır (НКДАР ООН, 1982).
Nüvə yanacağı istehsal olunan zavodlardan alınan kollektiv ekvivalent doza da
hər Qiqavatt – il elektrik enerjisi üçün təxminən 1 insan ‐ Zv təşkil edir (НКДАР ООН,
1982).
Cədvəl 6.1. ‐də istilik ‐ nüvə tsiklinin müxtəlif mərhələlərində işçi personalın və
yaxın ərazidə yaşayan əhalinin aldıqları şüalanma dozaları göstərilmişdir. Rəqəmlər
gözlənilən kollektiv effektiv ekvivalent dozanın istehsal olunan hər Qiqavatt ‐ il elektrik
enerjisi üçün insan ‐ Zv ‐lərlə tipik qiymətlərini əks etdirir
.
Cədvəl 6.1.
İstilik ‐ nüvə tsiklinin müxtəlif mərhələlərində işçi personalın və yaxın
ərazidə yaşayan əhalinin aldıqları şüalanma dozaları (НКДАР, 1982)
Nüvə
yanaca‐
ğının
çıxarıl‐
ması
Nüvə
yanaca‐
ğının
zənginləş‐‐
dirilməsi
İstilikayırıcı
elementlə‐
rin
hazırlan‐
ması
Reaktorla‐
rın
işləməsi
Nüvə
yanacağı‐
nın
regenera‐
siyası
Radioaktiv
tullantıla‐
rın
basdırıl‐
ması
İşçi
personal
0.9
0.1
1
10
10
‐
Əhali
0.5
0.04
0.0002
4
1
‐
Aydındır ki, müxtəlif xarakterli işləri görən işçilərin aldıqları dozalar da eyni
olmayacaq. Cari və planlaşdırılmamış təmir işləri zamanı işçilər çox böyük şüalanma
dozası qəbul edirlər. Məsələn, ABŞ‐da istismar edilən reaktorlardan personal bu
xarakterli işlər zamanı şüalanmanın ~70 % ‐ ni qəbul edir (НКДАР ООН, 1982) (şəkil
6.1.).
160
Şəkil 6.1. Nüvə reaktorlarında müxtəlif xarakterli işlər görən personalın
aldıqları dozalar.
ARTEK
‐ in araşdırmaları Uindskeyl və La ‐ Aqa zənginləşdirmə fabriklərinin
işçi heyətinin daha çox şüalanmaya məruz qalmasını göstərir. Hesablamalar 70 ‐ ci
illərdə hər Qiqavatt ‐ il enerji üçün Uindskeyl fabrikində orta illik kollektiv dozanın 18,
La – Aqa fabrikində isə 6 insan ‐ Zv olduğunu göstərmişdir (НКДАР ООН, 1977).
Yeni müasir zənginləşdirmə zavodlarında bu doza nisbətən kiçikdir və ARTEK
‐
in hesablamalarına əsasən bu rəqəm yaxın gələcəkdə 10 insan ‐ Zv həddini aşmayacaq
(НКДАР ООН, 1977).
Peşə fəaliyyəti ilə əlaqədar alınan şüalanma dozasının bir qismi də nüvə fizikası
və energetikası sahələrində çalışan elmi‐tədqiqat işçilərinin payına düşür. Bu qəbildən
olan şüalanma da, həm müxtəlif ölkələrdə, həm də müxtəlif müəssisələrdə bir‐birindən
xeyli fərqlənir. Bu fərq bəzi hallarda 10 dəfəyə qədər ola bilir. Bütün ölkələr üzrə hər
Qiqavatt ‐ il enerji üçün kollektiv dozanın orta qiyməti ~ 5 insan ‐ Zv ‐ə bərabər olur
(НКДАР ООН, 1982).
Peşə fəaliyyəti ilə bağlı şüalanmanı təkcə atom sənayesi müəssisələrinin
fəhlələri almır. Adi müəssisələrin fəhlələri və tibbi personal da müəyyən dozada
şüalanmaya məruz qalırlar.
Radioloji müayinə ilə məşğul olan tibbi personal yüksək tibbi xidmətə malik
ölkələrdə əhalinin kollektiv ekvivalent dozasına hər milyon sakin üçün 1 insan ‐ Zv
qədər töhvə verir.
Yüksək sənaye potensialına malik ölkələrin adi sənaye müəssisələrində
personalın şüalanması, əlavə olaraq, illik kollektiv dozaya 0.5 insan ‐ Zv qədər pay
verir (НКДАР ООН, 1982).
161
Bir qrup insanlar, həm də yüksək təbii radiasiyanın təsirinə məruz qalırlar. Bu
qrup insanlara təyyarə ekipajını misal göstərmək olar. Ekipajın kosmik şüalanmanın
təsirinə məruz qalmasının səbəbi uçuşların böyük yüksəkliklərdə keçirilməsidir. Misal
olaraq, göstərmək olar ki, ABŞ ‐ da təxminən 70000, Böyük Britaniyada isə 20000
ekipaj, əlavə olaraq, hər il 1‐2 mZv şüalanma dozası qəbul edir (НКДАР ООН, 1977).
Yerdən daş kömür, dəmir filizi və s. kimi faydalı qazıntılar çıxaran şaxtaçıların
da yüksək şüalanma dozası qəbul etmələri məlumdur. Ayrı‐ayrı şaxtalarda şüalanma
dozasının fərqlənməsinə və yeraltı işlərin xarakterindən asılı olaraq, bu dozanın, bəzi
hallarda uran yatağının yaratdığı dozadan da yüksək olmasına dair də məlumatlar
mövcuddur.
Daha yüksək dozanı (ildə 300 mZv ‐dən çox) müalicə məqsədi ilə kurortlarda
radon vannası qəbul edən personal qəbul edir. Qeyd edək ki, bu doza atom sənayesi
işçiləri üçün qəbul olunmuş beynəlxalq standartdan təxminən 6 dəfə çoxdur (НКДАР
ООН, 1977).
6.1.1. Atom enerjisindən dinc məqsədlər üçün istifadə ilə bağlı
şüalanma mənbələri.
İstilik‐nüvə tsiklinin müxtəlif mərhələlərində professional şüalanma. Əvvəlcə
qeyd edək ki, nüvə enerjisi istehsalında professional şüalanma kömürlə işləyən elektrik
stansiyalarında elektrik enerjisi istehsalı zamanı yaranan şüalanma ilə müqayisədə
iki tərtib çox olur. Adı çəkilən istehsal sahəsinin müxtəlif mərhələlərində şüalanma
səviyyələrini müqayisə etmək üçün kollektiv dozanı zənginləşmiş uran vasitəsilə istehsal
edilən vahid enerjiyə görə normalaşdırmaq qəbul edilmişdir. Normalaşma bir ildə
istehsal olunan hər Meqavatt elektrik enerjisinə görə aparılır.
Baxılan tsiklin ilkin mərhələlərində (uran filizinin çıxarılması, onun emalı, nüvə
yanacağının hazırlanması və daşınması mərhələlərində) kollektiv doza, adətən, nisbətən
kiçik
olur (cədvəl 6.2).
Buna baxmayaraq, uran filizi çıxarılan mədən və karxanalarda, onun
zənginləşdirilməsi və nüvə yanacağının hazırlanması ilə məşğul olan müəssisələrdə kiçik
bir ehtiyatsızlıq nəticəsində insan sağlamlığına ciddi zərər verə bilən şüalanma dozası
yarana bilir. Deyilənləri nəzərə alaraq, bu məsələ üzərində ətraflı dayanaq.
Bildiyimiz kimi, uran nüvələrinin şüalandırdığı α ‐zərrəciklərin yaratdığı xarici
şüalanma, radioaktiv təsir baxımından, çox da təhlükəli deyil. Uran və onun müxtəlif
birləşmələrinin orqanizmə daxil olmasına gəldikdə isə, bu, təkcə radioaktiv təsir
baxımından deyil, həm də kimyəvi təsir baxımdan kifayət qədər təhlükəlidir. Buna
səbəb uranın kifayət qədər yüksək toksiki xassəli, suda yaxşı həll oluna bilən
dayanıqlı birləşmələr yarada bilməsidir. Bu formada birləşmələrə misal olaraq, uran ‐
heksaftorid kimi kimyəvi aktiv maddəni göstərmək olar. Adı çəkilən birləşmə havada
su buxarının iştirakı ilə asanlıqla hidroliz prosesinə uğrayır ki, bunun da nəticəsində
uranilftoridin yüksək toksiki xassəli, kiçik dispersli (ölçülü) aerozolları yaranır.
Aerozolların və həmçinin də uran tozunun orqanizmə daxil olması onların ağciyərdə,
böyrəklərdə, qaraciyərdə və sümüklərdə toplanmasına səbəb olur. Uran və onun
Dostları ilə paylaş: |