196
51.
Öz imkanlarına görə yaşa, imkanlarından artıq işi,
vəzifəni öhdənə götürmə. Yeməkdə, içməkdə, idmanda orta
vəziyyəti seç və hədləri keçmə.
52.
Cəmiyyətlə, ətraf insanlarla, ailənlə, fasiləsiz ünsiyyətdə
ol və ünsiyyət qaydalarına ciddi əməl et. Ünsiyyətdə olmasan,
geri qalacaqsan, yaddaşın itəcək və özün özünü unudacaqsan.
53.
Təcrübəli insanlarla fikirlərini bölüş. Özünə müdrik
məsləhətçi seç və həmişə məslhətləş.
54.
Müdrikliyə çatandan sonra özün xahiş edənlər üçün
məsləhətçi ol, onlara düz yol göstər. Düz yol seçə bilmədiyinə
görə insanlar həyatları boyu hədsiz səhvlər edirlər.
Ümumiyyətlə, məsləhət xidməti yarat. İnsanlara düz məsləhət
vermək ən düzgün davranış, ən böyük yaxşılıqdır
55.
İnsanların başına bütün bəlalar onların öz hərəkətlərindən
və ya hərəkətsizliklərindən gəlir. Bu onların ağıl, düşünclərinin
nəticəsidir. Lakin onlar səhvlərini görə bilmirlər. Ona görə hər bir
məsələni ağılla gör və səhvlər etməməyə və səhvini tez görməyə
və düzəltməyə çalış.
56.
Səhvlərin hamısını insan görməyə qabil deyil. Bir
hissəsini insan daha tez görə bilər. Bir çox səhvləri çox
qocalandan sonra (50 yaşdan sonra), bəzilərini heç ölənədək də
görə bilməz. Ona görə də səhvlərini tapmaq üçün insanlarla
ünsiyyətdə ol, düz strategiyalarla, səmərəli davranış növləri ilə öz
hərəkətlərini müqayisə et, diqqətlə sənə deyilən sözlərə fikir ver,
onların içərisində bir həqiqət var. İnsanların əsasən sənin barəndə
qəsdləri yoxdur,onlar gördüklərini, öz şəxsi müşahidələrini
deyirlər. Bu yaxşı mənbədir.
57.
İnsanlar mühitlərin müxtəlifliyinə görə müxtəlif növlərə,
xarakterlərə, yaşamaq üsuluna malikdirlər- aldatmaqla,
hiləgərliklə, düzlüklə, xəbərçiliklə, ara-qızışdırmaqla, paxıllıqla,
xəyanətlə, öz əməyi ilə çalışmaqla. Eyni xarakterli xasiyyətlilər
tez bir - birini tapır, cütlər, qruplar yaranır. Mənfi xarakterli belə
qruplar düz adamı tələyə salmaq, onun hesabına yaşamaq, ona
mane olmaq istəyirlər. Düz adam həmişə qorunmalıdır ki, onu
aldatmasınlar, malını oğurlamasınlar. Hiyləgər, əxlaqsız adamı
incitməyə heç kəs cürət etmir. Mühit pisləşdikcə bütün qolu
zorlular, qaniçənlər, yalançılar, istismarçılar, rüşvətxorlar,
dələduzlar, xainlər meydana çıxır. Bu təbii qanundur. Bunları
başa düşərək hər vicdanlı adam özünü qorumalıdır və ya mühiti
yaxşılaşdırmalıdır.
197
58.
Mühit yaxşılaşdıqca yaxşı xarakterli, davranışlı, əxlaqa
riayət edən adamlar, alicənab, xeyirxah, dostlar, əməkdaşlar
meydana çıxır.
59.
Başqalarına qiymət verməyə çalışma, vəzifən tələb
etmirsə. Onsuz da onlar səndən fərqlidir. Onların necə olmasına
görə nayrahat olma. Sən, özün kimi ol. Sənin öz səbəbin, onların
öz səbəbləri var.
60.
Heç vaxt din adamlarını özünə ağsaqqal - məsləhətçi
seçmə, o sənə məsləhət verməyə qabil deyil ; habelə əxlaq və
etikanı gözləməyəni, rüşvət alanı, həkimi, alverçini, aldatmaqla
yaşayanı həyat məsələlərində özünə məsləhətçi seçmə.
61.
Hər peşənin, hər adamın özünə uyğun peşəsinin, yaşadığı
mühitin yaratdığı fərqli düşüncəsi, dəyərləri, əxlaqı var.
Adamlara münasibətdə bunu nəzərə al və düşünmə ki, onlar da
sənin kimi düşünməli və sənin kimi olmalıdırlar. Bu ola bilməz,
çünki siz müxtəlif mühitdə yaşamış və başqa peşəniz var.
62.
Həyatda, biznesdə ( peşə, iş, pul qazanmaqda )
uğursuzluğa düçar olsan, bunun səbəbini öyrən və ruhdan düşmə,
yenə çalış. Əgər yenidən uğursuzluğa düşsən bu o deməkdir ki: 1.
Sənin həyatda əldə etdiyin dəyərlər, biliklər, dünyagörüş bu işin
uğuruna gətirə bilməz, demək onu dəyişməlisən; 2.Və ya
tutduğun məqsəd sənin qabiliyyət-potensialından kənardadır,
məqsədi dəyiş; 3. Və ya məqsədi və onu əldə etmək planını səhv
tutmusan, planı dəyiş. Bu üç məsələnin bir - birinə uyğun olması
və düzgün olması uğurun açarıdır. Yadında saxla, hər bir
məsələnin həlli var. Lakin uğurlu iş içün birinci şərt: - etdiyin
işi rasional bəşəri – ictimai dəyərlərdən və etikadan kənar
etməyə haqqın yoxdur, çünki başqası da belə etsə, sənin xoşuna
gəlməyəcək. İkinci şərt: - məqsədi düzgün müəyyən et, bu işin
50%-ini görməkdir. Və düzgün plan- fəaliyyət addımları təyin et.
Üçüncü şərt: - öz gücünə imkanlarına görə özünə məqsəd,
fəaliyyət seç. Lakin bilik və qabiliyyətini artırmaqla imkanlarını
genişləndir.
63.
Varlı olmaq normal və ya kasıb həyat şəraitinə malik
olmaqdan yaxşı deyil; hər vəziyyətin öz poblemləri var. İnsanın
stimul və ya həyat formulası belədir : Rahatlıq : Nayrahatlıq
(Problemlər) = K. Burada K əmsalı həm varlı, həm kasıb üçün
həmişə eyni qalır. Bu əmsal nayrahatçılıq -dözməmək əmsalı
olaraq fəaliyyət üçün stimul rolunu daşıyır. Sən varlandıqca
problemlərin azalmır, yeniləri çıxır, səni sıxan hisslərdən qurtara
198
bilmirsən.Yəni kasıb özünü necə hiss edirsə, varlı da özünü elə
səviyyədə hiss edir. Ona görə də artıq var dövlət yığmağa
çalışma, başına problem açma.
64.
Əhval ruhiyyən, kefinin necəliyi özündən asılıdır. Istəsən,
onu həmişə yaxşı saxlaya bilərsən, nə baş verməsindən asılı
olmayaraq. Bunun üçün qəbul et ki: a) “nə baş verirsə təbii
qanunauyğun baş verir, nəyin varsa, nəyin yoxsa, yenə təbiidir,
belə olmalıdır”, sənin fəaliyyətinin və s. amillərin nəticəsidir.Və
bunlarla sən razısan; b) xüsusi metodlarla heç nəyin səni özündən
çıxarmağa imkan vermə, şən əhvalı saxla; c) Hesab etsən ki,
sənin çox şeyin maşının, böyük evin və s. niyə yoxdur, bu sənə
əzab verəcək, paxıllıq, xəbislik hissi və hərəkətləri yaradacaq,
həyatının sonunda başa düşəcəksən ki, boş yerə əzab çəkmisən.
Hesab et ki, sənin heç nəyin - olanlar da yoxdur, bu sənə rahatlıq
gətirər.
65.
Tənbəl olma, heç vaxt özünü məşquliyyətsiz qoyma. Hər
keçən vaxtda bir iş gör.
66.
Ağıl ağıldan üstündür deyiblər, zamana görə bu deməkdir
ki, indiki zamanın zəkası keçmişdəkindən, gələcəkdəki zəka isə
indikindən üstün olacaqdır. İndiki zamanda isə elə zəka var ki,
səninkindən üstündür. Elə bilmə ki, sən hamıdan ağıllısan.
67.
Ailədə daxili məsələləri səsvermə və ya səs çoxluğu ilə
həll etmə, burada tam razılıq əldə edilməlidir, lakin zor olmadan,
könüllü başa düşərək, hər insanın şəxsi haqlarını pozmadan.
68.
Müdrik kişilərin məsləhətinə əməl et, onlar deyiblər:
“Qadın nə desə hə de, lakin öz bildiyin kimi et”. Onlar uzağı
görmədikləri və və yalnız onları razı salan, yaxşı söz eşitmək
istədikləri üçün bu ən optimal davranışdır. Həm onlar razı qalar,
həm işin uğurlu olar.
69.
Yadında saxla, sənə pislik və ya xəyanət edənlər, səni ən
çox tanıyan adamlar içindən olacaq. Ona görə özünü tanıtmağa
çalışma, tanıtsan həm dostlar, həm düşmənlər çoxalacaq. Sən
onları düşmən kimi görməsən də, onlar görəcəklər.
70.
Lakin insanların xoşun gəldiklərinlə də, gəlmədiklərinlə
də kənar hədlərdə (ən pis və ən yaxşı) münasibət saxlama, hamısı
ilə ancaq yaxşı münasibət saxla. Bu günkü dost sabah düşmən;
düşmən olan isə sabah dost ola bilər. Bu rollar keçicidir və real
həyatın nəticəsidir, səndən asılı deyil.
71.
Adamlardan pulsuz, əvəzi ödənilməyən köməyi qəbul
etmə. Bununla öz azadlığını məhdudlaşdırarsan. Yeri gələndə
Dostları ilə paylaş: |