71
Məsələ 508: Heyzdə “ədədiyyə” adəti olmayan bir qadın doğuşdan sonra
bir ay yaxud çox ardıcıl olaraq qan görsə, onun ilk on günü nifas, ikinci on
günü isə istihazədir. Ondan sonra gördüyü qanın heyz olması mümkün
olduğu kimi, istihazə də ola bilər. Heyzi təyin etmək üçün ötən məsələdə
açıqlanan göstərişə əməl etməlidir.
Məssi-meyyit (meyitə toxunma) qüslü
Məsələ 509: Bir şəxs ölmüş bir insanın soyumuş və qüsl edilməmiş bə-
dəninə məss edərsə, yəni, istər yuxuda olsun, istərsə də oyaq vaxtı, istər
ixtiyari olsun, istərsə də qeyri-ixtiyari, bədəninin bir yerini ona toxundurarsa,
məssi-meyyit (meyitə toxunma) qüslü etməlidir. Hətta onun dırnaq və ya sü-
müyünün bir yeri meyitin dırnaq və ya sümüyünə toxunarsa, qüsl etməlidir.
Amma ölmüş bir heyvana toxunarsa, qüsl etmək vacib deyildir.
Məsələ 510: Bədəni tam soyumamış meyitin soyumuş bir yerinə toxunu-
larsa, qüsl vacib olmaz.
Məsələ 511: Əgər öz tükünü meyitin bədəninə yaxud öz bədənini meyi-
tin tükünə və ya tükünü meyitin tükünə toxundursa, qüsl vacib deyildir.
Məsələ 512: Uşaq ölü dünyaya gələrsə, vacib ehtiyata əsasən, onun ana-
sı məssi-meyyit qüslü etməlidir. Anası öldükdən sonra dünyaya gələn uşaq,
yetkinlik yaşına çatdıqdan sonra vacib ehtiyata əsasən, məssi-meyyit qüslü
etməlidir.
Məsələ 513: Əgər bir şəxs, üç qüslü tamamilə verilmiş meyitə toxunar-
sa, ona qüsl vacib deyil. Amma üçüncü qüslü qurtarmamışdan əvvəl bədəni-
nin bir yerinə toxunarsa – o yerdə üçüncü qüslü tamam olsa da – məssi-mey-
yit qüslü etməlidir.
Məsələ 514: Əgər dəli və ya yetkinlik yaşına çatmayan uşaq meyitə to-
xunsa, dəli ağıllandıqdan sonra və uşaq yetkinlik yaşına çatdıqdan sonra
məssi-meyyit qüslü etməlidir. Əgər “müməyyiz” – yaxşını pisdən seçə bilən
uşaqdırsa, qüslü düzgündür.
Məsələ 515 Əgər diri bədəndən yaxud qüslü verilməmiş ölünün bədə-
nindən bir hissə ayrılsa, ayrılmış hissəyə qüsl verilməmişdən əvvəl insan ona
toxunsa, məssi-meyyit qüslü lazım deyil. Əgər həmin hissə sümüklü olsa da,
hökm eynidir. Amma bir meyitin bədəni tikə-tikə olsa, bir adam onların
hamısına yaxud əksər hissəsini toxunsa, qüsl vacibdir.
Məsələ 516: Qüslü verilməmiş bir sümüyə toxunmaq, istər ölmüş insan-
dan ayrılsın, istərsə də diri insandan, qüsl vacib olmaz. Ölmüş və ya diri in-
sandan ayrılan dişə toxunmaq da həmin hökmü daşıyır.
Məsələ 517: Məssi-meyyit qüslü eynilə cənabət qüslü kimi icra edilir və
dəstəmaz əvəzindən kifayət edir. (Yəni, bu qüslü verəndən sonra namaz
qılmaq istəyən şəxsin dəstəmaz alması lazım deyil).
72
Məsələ 518: Əgər şəxs, bir neçə meyitə toxunarsa yaxud bir meyitə neçə
dəfə toxunarsa, bir qüsl etməsi kifayətdir.
Məsələ 519: Meyitə toxunduqdan sonra qüsl etməyən şəxsin məsciddə
dayanması, qadınla yaxınlıq etməsi və səcdəsi vacib olan ayələri oxumasının
eybi yoxdur. Amma namaz və bu kimi əməllər üçün qüsl etməlidir.
Can verənin (mühtəzirin) hökmləri
Məsələ 520: “Mühtəzir”i, yəni, can verən mömini, istər kişi olsun, istər-
sə də qadın, istər böyük olsun, istərsə də kiçik, ehtiyata əsasən, imkan daxi-
lində arxası üstə uzadılmalıdır, belə ki, ayaqlarının altı üzü qibləyə olsun.
Məsələ 521: Yaxşı olar ki, meyitin qüslü qurtarmayanadək onu əvvəlki mə-
sələdə deyildiyi kimi, üzü qibləyə uzandırsınlar. Amma qüslü qurtardıqdan son-
ra, yaxşı olar ki, ona namaz qılınan zaman uzandırdıqları kimi uzandırsınlar.
Məsələ 522: Ehtiyata əsasən, can verəni üzü qibləyə çevirmək hər bir
müsəlmana vacibdir. Əgər can verənin özü razı olsa və “qasir” də olmasa, bu
iş üçün onun qəyyumundan icazə almaq lazım deyildir. Bundan digər hal-
larda onun qəyyumundan icazə almaq vacib ehtiyatdır.
Məsələ 523: Can verən şəxsə şəhadət kəlmələrini, on iki imamın
(Allahın salamı olsun onlara!) təsdiqi və sair haqq inancları başa düşəcək bir
qayda ilə təlqin etmək müstəhəbdir. Yuxarıda deyilənlərin ölən vaxtadək tək-
rar olunması da müstəhəbdir.
Məsələ 524: Can verən şəxsə bu duanı başa düşəcəyi tərzdə təlqin etmək
müstəhəbdir:
Allahumməğfir liyəl-kəsirə min məasikə, vəqbəl minnil-yəsirə min
taətikə, ya mən yəqbəlul-yəsirə və yə`fu ənil-kəsirə, iqbəl minnil-yəsirə və`fu
ənnil-kəsirə innəkə əntəl-əfuvvul-ğəfur. Allahummər-həmni fəinnəkə rəhim.
Məsələ 525: Müstəhəbdir ki, çətin can verən şəxsi narahat olmasa, na-
maz qıldığı yerə aparsınlar.
Məsələ 526: Müstəhəbdir ki, can verən şəxsin rahat olması üçün başı
üzərində mübarək “Yasin”, “Saffat”, “Əhzab” surələri, “Ayətəl-kursi”,
“Əraf” surəsinin 54-cü ayəsi və “Bəqərə” surəsinin son üç ayəsini, eləcə də
Qurani–Kərimdən mümkün olan digər ayələri oxusunlar.
Məsələ 527: Can verəni tək qoymaq, qarnının üstünə ağır şey qoymaq,
yanında cənabətli və aybaşı qadının olması, həmçinin çox danışmaq, ağla-
maq və qadınları onun yanında tək qoymaq məkruhdur.
Ölümdən sonrakı hökmlər
Məsələ 528: Ölümdən sonra meyitin gözlərini, dodaqlarını və çənəsini
bağlamaq, əl və ayaqlarını uzatmaq, üzərinə parça örtmək, əgər gecə ölmüş-
73
dürsə öldüyü yerdə çıraq yandırmaq, onun dəfn edilməsi üçün möminlərə
xəbər vermək və dəfninə tələsmək müstəhəbdir. Amma öldüyünə əmin deyil-
lərsə, ölməsi məlum olana qədər gözləməlidirlər. Həmçinin əgər meyit hami-
lədirsə və bətnindəki uşaq diridirsə, onun bir yanını yarıb, uşağı çıxararaq
yenidən onu tikincəyə qədər dəfnini təxirə salmalıdırlar.
Meyitin qüsl, kəfən, namaz və dəfninin vacib əməlləri
Məsələ 529: Müsəlmanın qüslü, hənutu, kəfəni, namaz və dəfni on iki
imama etiqadı olmasa da onun qəyyumuna vacibdir. Qəyyum bu işləri ya
özü görməli ya da başqasını ona məmur etməlidir. Bu işi bir şəxs qəyyumun
icazəsi ilə icra edərsə, vəzifə qəyyumun üzərindən götürülər. Əgər dəfn və
bu kimi işləri qəyyumun icazəsi olmadan icra etsələr, yenə də vəzifə qəyyu-
mun üzərindən götürülər, onları yenidən təkrar etmək lazım deyildir. Əgər
meyitin qəyyumu olmasa yaxud da qəyyum bu işlərin icrasından imtina edər-
sə, yerdə qalanlara “kifai vacib”dir ki, həmin işləri icra etsinlər. Əgər bəziləri
bu işləri icra etsələr, başqalarının boynundan götürülər. Əks təqdirdə, onların
hamısı günahkar sayılırlar. Meyitin qəyyumu imtina edən surətdə onun ica-
zəsi artıq şərt deyildir.
Məsələ 530: Əgər bir şəxs meyitin işləri ilə məşğul olsa, başqasına bu işi
görmək vacib deyildir. Amma bu əməli yarımçıq qoysa, başqaları tamam
etməlidirlər.
Məsələ 531: Əgər insan başqa birisinin meyitin işləri ilə məşğul olduğu-
na əmindirsə, meyitin işləri ilə məşğul olması ona vacib deyildir. Amma
şəkk və ya güman edərsə, bu işlə məşğul olmalıdır.
Məsələ 532: Bir şəxs meyitin qüsl, kəfən, namaz və ya dəfninin batil
şəkildə icra olunduğunu bilərsə, onları yenidən icra etməlidir. Amma batil
olduğunu güman edərsə və ya düzgün olub-olmadığına şəkk edərsə, bu işlə
məşğul olması lazım deyildir
.
Məsələ 533: Qadının qəyyumu onun əridir. Bundan başqa hallarda isə
irsin təbəqələrində deyildiyi kimi, varis meyitin qəyyumudur, irs aparan kişi-
lər, aralarındakı tərtibə əsasən, qadınlardan irəlidirlər. Meyitin atasının meyitin
oğlundan, meyitin babasının onun qardaşından, meyitlə atabir-anabir qardaş
olanın yalnız ata və ana tərəfindən olan qardaşından, yalnız ata tərəfdən olan
qardaşının ana tərəfdən olan qardaşından və əmisinin meyitin dayısından irəli
olması məsələsi mübahisəlidir. Deməli, belə hallarda ehtiyata əməl olunmalı-
dır. Əgər qəyyum bir neçə nəfər olarsa, birinin icazəsi kifayətdir.
Məsələ 534: Yetkinlik yaşına çatmamış uşaq və dəli, meyitin işlərini
görmək məsələsində qəyyum deyildir. Həmçinin şəxsən özü və ya bir nəfəri
meyitin işlərini görməyə təyin edə bilməyən qaib bir şəxsin qəyyumluq hü-
ququ yoxdur.
Dostları ilə paylaş: |