_____________Milli Kitabxana_____________
156
vasitələrinin seçilməsi həmçinin şagirdlərin yaş və fərdi xüsusiyyətləri ilə şərtlənir.
Aşağı siniflərdə induktiv, yuxarı siniflərdə isə deduktiv mühakiməyə üstünlük
verilir. Üsulun seçilməsi məktəbin konkret şəraitindən və müəllimin ümumiləş-
dirməni nə dərəcədə mənimsəməsindən də asılıdır. Riyaziyyatın tədrisində ümumi-
ləşdirmə didaktikanın təlim üsulları haqqında ümumi göstərişini riyaziyyatın xüsu-
siyyətlərinə uyğun şəkildə həyata keçirməklə öyrənilməlidir. Riyaziyyatın xüsusiy-
yətlərini nəzərə alaraq ümumi təlim metodlarını konkretləşdirmək və formasını
dəyişməkdən əlavə bunları riyaziyyatın özündə istifadə edilən idrak əməliyyatları
ilə tamamlamaq da bu fənnin tədrisi metodikasının mövzusuna daxil olan
məsələdir. Elmi metodların təlimdə əks olunmasının qoyulması problemi tamamilə
qanunidir. Birincisi, təlimin məqsədinə təkcə müəyyən elmi faktlar məcmusunun
mənimsənilməsi deyil, habelə elmdə istifadə edilən, bu faktlara nail olma metodları
daxildir. İkincisi, elmi tədqiqat metodları bu elmdə yeni biliklər qazanmaq
metodudur, təlim metodları – bu təlim (idrak) fəaliyyətində yeni bilikləri
mənimsəmək metodudur. Odur ki, təlim üsulları, baxılan elmdə istifadə olunan
idrak metodlarını əks etdirməlidir. Riyaziyyatın özünün metodlarının inikası olan
xüsusi təlim metodları şagirdlərin riyazi təfəkkürünün inkişafında mühüm yer
tutur. Belə təfəkkür bir tərəfdən riyaziyyatın müvəffəqiyyətlə mənimsənilməsi
üçün lazımdır, digər tərəfdən isə riyaziyyatın ümumi didaktik üsullarla
məqsədəuyğun öyrənilməsi təfəkkürün inkişafı üçün geniş imkanlar yaradır.
Beləliklə, riyaziyyatın öyrənilməsinin üsulları sistemi didaktikanın hazırladığı və
riyaziyyatın xüsusiyyətlərinə uyğunlaşdırılmış ümumi üsullardan və bu elmin
özündə istifadə edilən, əsas idrak metodlarının inikası olan, xüsusi üsullardan
ibarətdir.
Riyaziyyatın tədrisində ümumiləşdirmə də şagirdlərin idrak fəaliyyətidir.
Psixologiyada bu fəaliyyətin üç əsas komponenti öyrənilir: 1) ümumi məntiq
təfəkkür priyomları; 2) əqli fəaliyyətin xüsusi (baxılan halda riyaziyyat üçün)
priyomları; 3) biliklər sistemi
Ümumi – məntiq təfəkkür priyomlarına induksiya və deduksiya, analiz və
sintez, analogiya, ümumiləşdirmə və mücərrədləşdirmə, xüsusiləşdirmə,
_____________Milli Kitabxana_____________
157
konkretləşdirmə, təsnifat aiddir. Bu priyomlar istənilən məzmunda, şərh edilə və
mənimsənilə bilər. Lakin onların riyaziyyatın tədrisində tətbiqi başqa bilik
sahələrinə tətbiqindən əsaslı surətdə fərqlənir. Onlar bir tərəfdən məktəb
riyaziyyatının məntiqini, digər tərəfdən onun mənimsənilməsi priyomlarını əks
edir, başqa sözlə təlimin məzmunu və metodları arasındakı əlaqəni müəyyən edir.
Riyaziyyata aid olan xüsusi əqli fəaliyyət priyomları həqiqi aləmin dərk
olunmasında, bu elmdə istifadə olunan idrak metodlarının əsasında durur:
öyrənilən hadisələrin, proseslərin (xarici aləmin dərk edilməsinin daha səmərəli
metodlarından biri, proqnozlaşdırma və müxtəlif proseslərin idarə edilməsi) riyazi
modellərin qurulması metodları, riyaziyyat üçün xarakterik olan, xüsusən riyazi
modellərin qurulmasında istifadə edilən mücərrədləşdirmənin müxtəlif üsulları,
həqiqi varlığın riyazi modelinin qurulması əsaslarından biri olan, hökmlərin
doğruluğunun müəyyənləşdirilməsinin riyaziyyatda qəbul edilmiş üsullarını
xarakterizə edən və eyni bir riyazi nəzəriyyənin müxtəlif sahələrə tətbiqinə geniş
imkan yaradan aksiomatik metod. Göründüyü kimi riyaziyyatda istifadə olunan
bütün idrak metodları nəticədə sanki, öyrənilən həqiqi varlığın riyazi modellərinin
qurulması metodikasına inteqrasiya olunur. Bu tamamilə qanunidir, çünki
riyaziyyatın son məqsədi həqiqi aləmi, özünə məxsus metod və vasitələrlə,
öyrənməkdir. Riyazi modelləşdirmə metodu hazırda elmin müxtəlif sahələrində
geniş tətbiq olunur və məhz onun vasitəsi ilə riyaziyyatın yeni-yeni tətbiqləri
tapılır.
Riyaziyyatın öyrənilməsi və bu zaman riyazi təfəkkürün ikişafında
məsələlərin böyük rolu vardır. Bu məlum faktdır. Riyazi biliklərin mənimsənilməsi
və şagirdlərin riyazi biliklərinin səviyyəsi həmişə məsələlər vasitəsilə yoxlanılmış,
yoxlanılır və gələcəkdə də belə olacaqdır. Odur ki, riyaziyyatın öyrənilməsi
üsulları probleminə məsələ həlli metodlarının mənimsənilməsi də daxildir. Şagird-
lərə məsələ həll etməyi necə öyrətməli? Bu olduqca mürəkkəb və mühüm pedaqoji
problemdir. Bu haqda kifayət qədər tədqiqatlar vardır. Burada yalnız onu qeyd
etməklə kifayətlənirik ki, şagirdlərdə ümumiləşdirmə və xüsusiləşdirmə qabiliyyə-
tini inkişaf etdirmək məqsədi ilə məsələlərdən daha çox istifadə etmək lazım gəlir.
_____________Milli Kitabxana_____________
158
Məktəb riyaziyyat kursunda müxtəlif alqoritmlərə baxılır. Çoxrəqəmli
ədədlərin toplanması, kvadrat tənliyin həlli, verilmiş funksiyanın diferensialının və
inteqralının tapılması alqoritmləri və s. Tədris materialının xüsusi hissəsini təşkil
edən belə alqoritmləri necə öyrənməli?
Əlbəttə, alqoritmləri hazır şəkildə də şagirdlərə təqdim etmək olar. Lakin bu
metodun faydası azdır. Şagirdləri əsasən real idrak fəaliyyətinə yönəldən təlim
üsulları onları eyni tipə aid olan məsələləri həll etmək üçün, ayrı-ayrı halları təhlil
etmək və ümumiləşdirməklə axtarışlar aparmağı öyrətməyi tələb edir. Məktəb
riyaziyyat kursunda çoxlu sayda standart olmayan məsələlər də vardır. Bunlar
isbata, hesablamaya, qurmaya, cəbri ifadələrin çevrilməsinə, tənliklər, bərabər-
sizliklər və s. aiddir. Standart olmayan məsələlər çox vaxt hər –hansı standart
məsələyə gətirilir və uyğun alqoritmlərdən istifadə etmək zərurəti yaranır.
Beləliklə, alqoritmləri bilmək nəinki standart məsələlər həllində, habelə standart
olmayan məsələlər həlli üçün də lazımdır.
Təlim üsullarından qarşılıqlı əlaqəli şəkildə istifadə olunur. Tədris
prosesində (tədris materialının müəyyən bir bölməsinin öyrənilməsində) təkcə bir
üsulun ayrıca tətbiqinə təsadüf etmək çətindir. Universal təlim metodu yoxdur. Bu
və ya digər metodu hər bir mövzunun öyrənilməsi üçün seçmək olmaz. Müxtəlif
təlim üsullarının seçilməsi və birləşdirilməsi əsasında obyektiv (təlimin məqsədi və
məzmunu) və subyektiv (müəllim, şagird) faktlar durur. Təlimin məqsədi və
məzmunu təlim üsullarını birqiymətli təyin etmir. Eyni bir məzmun hər dəfə
qoyulan məqsədə nail olmaqla müxtəlif metodlarla öyrənilə bilər. Digər tərəfdən
müxtəli müəllimlər tərəfindən tətbiq olunan eyni bir təlim üsulu müxtəlif nəticələr
verə bilər. Müəllim riyaziyyatın ümumi, habelə xüsusi təlim üsullarının
xüsusiyyətlərini yaxşı bilməlidir. Onları öyrənmək məqsədi ilə hər bir metoda
digərindən təcrid edilmiş şəkildə, habelə məktəb riyaziyyat kursunun müxtəlif
mövzuları üzərində bir-biri ilə əlaqədə baxmaq olar. Təlimin məqsədi, xüsusiyyəti
və quruluşundan asılı olaraq müxtəlif metodların məqsədəuyğun seçilməsi və
birləşdirilməsi haqqında müəyyən fikir demək mümkündür. Lakin bu fikirlər qəti
olmayıb yalnız tövsiyyə xarakteri daşıyır.
Dostları ilə paylaş: |