_____________Milli Kitabxana_____________
153
“Riyaziyyat – bütün elmlərdən birincisidir və onlar üçün faydalı həm də
zəruridir”
Bekon R.
3.2. Riyaziyyatın təlimi üsulları və elmi-məntiqi metodlar
3.2.1. Təlim üsulları problemi didaktikada (ümumi təlim nəzəriyyəsində)
və riyaziyyatın tədrisi metodikasında (tədris fənni kimi riyaziyyatın spesifikası
öyrənilən konkret təlim nəzəriyyəsində) əsas yer tutur. Bu da, şagirdlərin
ümumiləşdirmə və xüsusiləşdirmə apara bilmələri baxmından, onun ən mühüm
cəhətidir. Müəllim şagirdi biliksizlikdən biliyə doğru, xüsusi faktlardan ümumiyə
və tərsinə keçmək istiqamətlərində necə aparmalı, onun səthi və empirik deyil,
dərin-ümumi nəzəri biliyə yiyələnməsini təmin etmək, yaradıcılığını inkişaf
etdirmək, müstəqi idraka alışdırmaq, ona kollektiv və fərdi surətdə işləməyi
öyrətmək üçün hansı yolu seçməli məsələsinin həllində xüsusi ilə çətinlik vardır.
Tədris fənni kimi riyaziyyatın, yalnız ona aid olan bir sıra xüsusiyyətləri vardır.
Burada həmin xüsusiyyətlər üzərində dayanmağa ehtiyac yoxdur. Yalnız
riyaziyyatın, onun əsas xüsusiyyətlərinin müvəffəqiyyətlə öyrənilməsində istifadə
olunan başlıca metodlarının ümumiləşdirmədə əhəmiyyətinə, elmi tədqiqat
metodları, əqli nəticələrin, təsnifatların və anlayışların formalaşdırılmasının riya-
ziyyatın məqsədəuyğun öyrənilməsinə tətbiqinə, onların qarşılıqlı əlaqəsinə xüsusi
diqqət verməyi zəruri hesab edirik.
Zənnimizcə, müşahidə, təcrübə (eksperiment), müqayisə, analiz-sintez,
ümumiləşmə-xüsusiləşmə, mücərrədləşmə, konkretləşmə, induksiya-deduksiya,
təsnifat, tərif, şərt-nəticə və s. adlanan təfəkkür əməliyyatlarına həm elmi-tədqiqat
həm də təlim metodları kimi baxılmasından məktəb riyaziyyat kursunun müvəffə-
qiyyətlə mənimsənilməsi üçün əsaslandığımız dayaqlar aydın görünür.
Problemli, proqramlaşdırılmış, diferensial, inteqrasiya, humanistləşdirmə,
humanitarlaşdırma, əməkdaşlıq, evristik və xüsusi təlim metodları, habelə məsələ
vasitəsilə təlim də həmin elmi tədqiqat (tədris) metodlarının müxtəlif kombina-
_____________Milli Kitabxana_____________
154
siyaları ilə həyata keçirilir.
Şagirdlərin ümumiləşdirmə qabiliyyətinin inkişaf etdirilməsində də təlimin
göstərilən üsullarından istifadə etmək lazımdır. Təlim üsulları problemi necə
öyrətmək? sualına cavab verməkdən ibarətdir.
Şagirdlərə nəyi isə necə öyrətmək məsələsini həll etmək üçün, birinci bunun
nə üçün öyrənildiyini, şagirdlər nəticədə hansı bilik, bacarıq və vərdişlər qazanmalı
olduqlarını aydınlaşdırmaq tələb olunur; ikincisi öyrənilənin məntiqi – didaktik
təhlilini aparmaq, yəni şagirdlərin əqli fəaliyyət səviyyəsini; onların hansı bilik,
bacarıq və vərdişlər üzərində verilmiş həcmidə təlimin qurula biləcəyini aydınlaş-
dırmaq lazımdır. Yalnız nə üçün, nəyi və kimi? sualları üzrə kifayət qədər məlumat
olduqda biz necə sualına da əsaslı cavab verə bilərik. Təlim üsulları – təlimin
vəzifələrini yerinə yetirmək üçün müəllimlə şagirdin birlikdə göstərdikləri
fəaliyyətin yollarıdır. Təlim üsulunun daşıdığı ikitərəfli xarakterdə məlumatveri-
cilik və idarəçilik funksiyasını yerinə yetirən öyrətmə üsulu (müəllim şərh edir,
təlimatlandırır, ümumiləşdirmə və xüsusiləşdirmə nümunələri göstərir) ilə öyrənmə
üsulunu (şagird dinləyir, müşahidə edir, oxuyur, müstəqil ümumiləşdirir) bir-
birindən fərqləndirmək lazımdır. Beləliklə hər bir təlim üsulu ilə şərhə daxildir: 1)
müəllimin öyrədici fəaliyyəti; 2) şagirdin təlim (idrak) fəaliyyəti; 3) bunlar
arasında əlaqə və ya müəllimin hansı təlim fəaliyyətinin şagirdin idrak fəaliyyətini
idarə etməsi.
Ümumiləşdirmə ilə əlaqədar şifahi şərh bir təlim üsulu olmaq etibarı ilə
yalnız müəllimin məlumatını deyil, şagirdin materialı qavramağa, anlayıb başa
düşməyə yönələn fəaliyyətini də əhatə edir. Deməli, təlim üsulu həmişə dərs
deyənin və dərs deyilənin fəaliyyətini əhatə edir. Bu xüsusiyyətin bir cəhəti də
ondan ibarətdir ki, şagirdin ümumiləşdirmə fəaliyyətini idarə edən müəllim təlim
üsulunun həm daxili, həm də xarici cəhətlərini görməlidir. Üsulun pedaqoji
məziyyəti idrak prosesinin zahiri ifadə forması ilə deyil, çox vaxt örtülü qalan
daxili cəhəti ilə müəyyən edilir. Ümumiləşdirmədə istifadə olunan təlim üsullarının
xüsusiyyəti bir də ondan ibarətdir ki, onlar sabit qalmayıb inkişaf edir. Üsulun
inkişafı təlim prosesində şagird mövqeyinin dəyişməsi ilə əlaqədardır. Təlim
_____________Milli Kitabxana_____________
155
idrakda şagirdin müstəqilliyini tədricən gücləndirir, bununla da birlikdə idraka
daha çox özünü təhsil daxil etmək imkanı yaradır. Müəllim bu vəziyyəti
məktəblinin öyrənmə fəaliyyətinə rəhbərlik prosesində yerinə yetirir. Təlim
üsullarının təsnifatında, aşağıdakı cəhətlərin nəzərə alınması mühümdür: 1) üsul
didaktik məsələni həll etməlidir. Bununla da ümumiləşdirmənin məzmunu həll
edilir; 2) burada üsulun daxili mahiyyəti təzahür etməlidir və 3) onda şagirdin
idrakını idarə etmək üçün yeganə bir vasitə olmaq etibarı ilə müəllimlə şagirdin
qarşılıqlı surətdə əlaqədar olan fəaliyyətinin forması müəyyən olunmalıdır. Biz
ümumiləşdirmə ilə əlaqədar tədris materialına ilkin yiyələnmə vəzifəsini yerinə
yetirən və biliyin möhkəmləndirilib təkmilləşdirilməsinə kömək edən üsulları şərh
edəcəyik. Birinci qrupa məlumat inkişaf etdirici və axtarış, yaxud da evristik
üsullar, ikinci qrupa isə qazanılmış bilik, bacarıq və vərdişlərin ümumiləşdirilib
təkmillləşdirilməsini təmin edən üsullar daxildir.
Hər bir təlim üsulunun intensivliyini artırmaq üçün bütöv bir vasitələr
sistemi olmalıdır. Belə geniş mənada təlim vasitələrinə riyaziyyatdan dərsliklər və
məsələ kitabları, didaktik və əyani vasitələr, EHM və başqa texniki vasitələr,
riyaziyyat kabineti daxildir. Odur ki, bunların hamısında ümumiləşdirmə
baxımından yeniləşdirmə olmalıdır. Təlim üsulları obyektiv olaraq ümumi məqsəd
və vəzifələrdən asılıdır. Ona görə də ictima tarixi şəraitin dəyişməsi ilə birlikdə
ümumiləşdirmədə istifadə olunan təlim üsulları da dəyişir. Şagirdləri bu cəhətdən
müstəqil təhsilə hazırlamaq onların yaradıcılıq imkanlarını inkişaf etdirmək və
elmi üsullara alışdırmaq vacib olduğundan bu vəzifələri yerinə yetirən üsulların
əhəmiyyəti də artır. Təlim üsullarını həyatın tələblərinə uyğunlaşdırmaq vəzifəsi
müstəqil Azərbaycan respublikası hökuməti tərəfindən müasir məktəbin zəruri
vəzifəsi kimi irəli sürülmüşdür. Təlim üsullarının seçilməsində məhz bu tələblər
rəhbər tutulmalıdır. Müəllimin müraciət etdiyi üsullar və vasitələr sistemini həm də
öyrənmənin psixoloji qanunauyğunluqları müəyyən edir. Aşkardır ki, üsul həm
müəllimin həll etdiyi didaktik məsələdən, həm də proqramda nəzərdə tutulmuş
ümumiləşdirilmiş materialın məzmun xüsusiyyətindən asılıdır. Riyaziyyatın
məzmun cəhəti üsulların ümumi istiqamətini müəyyən edir. Təlim üsulu və
Dostları ilə paylaş: |