27
Tapşırığın
birinci bəndinə əsasən, ikinci qutudakı yaşıl topun nömrəsi birinci qutudakı
qırmızı topun nömrəsi ilə eynidir. Müvafiq olaraq, birinci və ikinci qutulara qoyulmuş topların
nömrələri nə 1-ci, nə də 2-ci qutuda ola bilməz
(hər qutunun və ona qoyulmuş iki topun nömrələri,
deməli, hər üç nömrə bir-birindən fərqlənir). Topların nömrələri 3 yaxud 4 ola bilər. Ancaq
gördüyümüz kimi, 4№
-li yaşıl top üçüncü qutudadır, deməli ikinci qutuda 3 №
-li yaşıl top,
birincidə isə 3 №
-li qırmızı top olmalıdır.
Tapşırığın ikinci bəndindən aydın olur ki, qutulardan birinə 2 №-li qırmızı və 1№-li yaşıl
top qoyulmuşdur. Bu ancaq dördüncü qutu ola bilər, çünki qalanlarında qırmızı yaxud yaşıl topların
nömrələrini artıq müəyyən etmişik.
İndi isə cədvəli “doldura” bilərik. Birinci qutuda 2 №-li yaşıl top, ikinci qutuda 4№-li
qırmızı top (çünki o üçüncüdəki 4№-li topla birlikdə ola bilməzdi), üçüncü qutuda isə 1№-li
qırmızı top var imiş.
Qutulardakı qırmızı topların yerləşməsi (b) cavabda verilən yerləşməyə uyğun gəlir.
9. Turist A şəhərinə qonaq getdi və şəhərin küçələrinin təmizliyinə,
yolun yüksək
keyfiyyətli örtüyünə və təhlükəsiz şəraitə heyran qaldı. Bunun əksinə olaraq o tez-tez kütləvi
informasiya vasitələrindən A şəhərində mövcud olan mürəkkəb kriminal vəziyyət, hərcmərclik və
xarab olmuş yollar barədə məlumat alırdı.
Turist
kütləvi informasiya vasitələrinin A şəhəri barədə səhv məlumat yaydığını
ehtimal etdi.
Aşağıda sadalananlardan bu ehtimalı hansı fakt
şübhə altında qoyur?
a) Turist A şəhərinin periferik
məhəllələrdən fərqlənən, şəhər üçün qeyri-tipik surətdə
qaydaya salınmış mərkəzi
məhəlləsinə getmişdir
b) A şəhərinin bələdiyyə idarəsi şəhərin
həm mərkəzi, həm də periferik məhəllələrində
nümunəvi səliqəni və təmizliyi təmin edir
c) A şəhərinin polis xidməti şəhərin bütün küçələrinə tam nəzarət edir
və müvafiq olaraq
burada heç vaxt adamlara hücum edilmir
ç) Kütləvi informasiya vasitələri əsasən etibarsız mənbələrə əsaslanır və müvafiq olaraq
səhv məlumat yayırlar
28
Tapşırığın şərtində deyilir ki, A şəhərinə getmiş turist burada gözlədiyinin əks mənzərəsi ilə
rastlaşmışdır. O, kütləvi informasiya vasitələrindən bu şəhər barədə neqativ (mənfi) məlumat
almışdı. Onun gördüyü real vəziyyət isə müsbət olmuşdur. Müvafiq olaraq turist A şəhəri barədə
kütləvi informasiya vasitələrinin yaydığı məlumatı
səhv hesab edir.
Tapşırığa əməl etmək üçün kütləvi informasiya vasitələrinə “bəraət qazandıran” yaxud
onların yaydığı
məlumatın səhv olması barədə turistin ehtimalını şübhə altında qoyan fakta və
müvafiq olaraq şəhərdə mövcud vəziyyətin müsbət olması faktına müraciət edək.
Cavabın hər bir variantını müzakirə edək:
a) Turist A şəhərinin periferik məhəllələrdən fərqlənən, şəhər üçün qeyri-tipik surətdə
qaydaya salınmış mərkəzi məhəlləsinə getmişdir
Cavabın bu variantına əsasən, turist şəhərin qeyri-tipik mərkəzi məhəlləsini görmüş və
bunun əsasında bütün şəhər haqqında nəticə çıxarmışdır. Periferik məhəllələrdə isə vəziyyət başqa
cürdür. Mərkəzi məhəllələrdən fərqli olaraq onlar qaydaya salınmamışdır. Beləliklə, kütləvi
informasiya vasitələrinin şəhərdə mövcud olan xoşagəlməz şərait haqqında yaydığı məlumat
həqiqətə uyğun ola bilər.
Gördüyümüz kimi, kütləvi informasiya vasitələri tərəfindən səhv məlumat yayılması barədə
turistin ehtimalını məhz bu fakt şübhə altında qoyur.
Cavabın bu variantının düzgün olmasına baxmayaraq, cavabın yeganə düzgün cavabı
olduğunu yəqin etmək üçün başqa variantları da müzakirə edək.
b) A şəhərinin bələdiyyə idarəsi şəhərin həm mərkəzi, həm də periferik məhəllələrində
nümunəvi səliqəni və təmizliyi təmin edir
Cavabın bu variantı şəhərdə qaydanı təmin edən müəyyən idarəni göstərir və bununla şəhərin
səliqəli olması kütləvi informasiya vasitələri tərəfindən səhv məlumat yayılması haqqında turistin
ehtimalını şübhə altına salmır və daha da möhkəmləndirir. Müvafiq olaraq bu düzgün deyildir.
c) A şəhərinin polis xidməti şəhərin bütün küçələrinə tam nəzarət edir və müvafiq olaraq
burada heç vaxt adamlara hücum edilmir
Cavabın bu variantında şəhərin küçələrində təhlükəsizliyi qoruyan müəyyən idarə göstərilir
və cavabın (b) variantı kimi, turistin ehtimalını şübhə altına salmır və daha da möhkəmləndirir.
ç) Kütləvi informasiya vasitələri əsasən etibarsız mənbələrə əsaslanır və müvafiq olaraq
səhv məlumat yayırlar
Cavabın bu variantında kütləvi informasiya vasitələrinin nə üçün səhv məlumat yaymasının
səbəbi göstərilmişdir. Müvafiq olaraq bu cavab bu konkret halda da kütləvi informasiya
vasitələrinin A şəhəri barədə yaydığı məlumatın səhv ola bilməsi barədə turistin ehtimalını
möhkəmləndirir. Cavabın bu variantı da düzgün deyildir.
Beləliklə, tapşırığın yeganə düzgün cavabı (a)-dır.
10. Roma imperiyasının bəzi bölgələrində sudan enerji mənbəyi kimi intensiv surətdə
istifadə edirdilər. Ancaq böyük şəhərlərdə su enerjisindən istifadə olunmurdu.
Bəzi tarixçilər bu
faktı belə izah edirlər: sıx məskunlaşmış yerlərdə hakim elita ənənəvi enerji mənbələrinə
üstünlük verirdi ki, bu da böyük miqdarda işçi qüvvəsi tələb edirdi; su enerjisindən
istifadənin tətbiqi isə xeyli adamı işsiz qoyur və sosial iğtişaşa səbəb olurdu.
Aşağıda sadalananlardan bu izahı hansı fakt şübhə altında qoyur?
a) romalılar böyük məharətlə akveduklar – özünəməxsus kanallar çəkirdilər, onların
vasitəsilə iri şəhərlərə uzaqdan su verilirdi
b) Roma imperiyasının su enerjisindən istifadə olunmayan bütün bölgələrində çaylarda
suyun axını il ərzində çox
qeyri-sabit olurdu
c) Roma imperiyasının böyük şəhərlərində su enerjisini çox qısa müddətdə, həm də böyük
məsrəflərsiz tətbiq etmək mümkün olurdu
ç) Roma imperiyasının sudan enerji mənbəyi kimi istifadə olunmayan bütün bölgələrində
daha ənənəvi enerji mənbələrinə üstünlük verilirdi