Microsoft Word safruh. Inama dogru doc
Yüklə 2,84 Mb. Pdf görüntüsü
|
- Bu səhifədəki naviqasiya:
- Elm və Din.
- Krşnaçı nəzəriyyədə
_________________Milli Kitabxana ________________
14 ***
Atamız var olsun! Qar ayı, 18-il. İDRAK və KÖNÜL (İçsəs)
İnsan ağlına batmayan şeyə insanı inandırmaq olmaz. (İnsan ağlının batmadığı şeysə yoxdur. Bu insan olmasın, o insan olsun...). ***
İnsanın qəlbinə yatmayan şeyi insana sevdirmək olmaz. ***
İnsanın ağlıyla könlünü bir-birindən ayırmaq olmaz. ***
Duyğuyla Düşüncə — Aşiqlə Məşuqə kimidir. ***
Elm və Din. Dində Cin var, Elmdə Cin yoxdur (Çin var). Din Cinlə uyar sözdür — həmqafiyədir, Elm — Çinlə. (Çin — Doğru, Həqiqət). Deməli, Din Elmə əsaslana bilməz. Elm Dinə qulluq eləyə bilməz. Din Elmin dediyini deyə bilməz, Elm dinin dediyini dinləyə də bilməz... *** Allah hər zaman hər yerdədirsə, atlı və ya ayaqla, “Onun yanına” getmək sözünün heç bir anlamı yoxdur. ***
İnkişaf anlayışı sonlu olaylara və sonsuzun bölümlərinə aiddir. ***
Asif Ata da səhrada addımlayırsa, Buddanın, İsanın xidməti nədən ibarətdir? ***
Paveli və o dörd Öyrəncini (Həvarini, Apastolu, Evladı) İsanın öz Sözünə uyğun əkib-bitirdiyi saymaq olmazmı? *** Düşüncə səbəb axtarır, Duyğu sonucla döyüşür.
*** Canlı gələnəkləri qırılmış, qalın torpaq qatlarının altında qalmış Misir, Şumer, Elam, Orhun və b.k. qədim yazıları oxuyan adam gələndə Sultan taxtından düşüb yerini ona verməlidir. ***
_________________Milli Kitabxana ________________
15 “Allah vergisi” deyilən şey vardırsa — o da budur — canlı gələnəkləri itib unudulmuş əski yazıları oxumaq hünəri. ***
Canlı gələnəkləri kəsilmiş qədim yazıların oxunması — ölmüş, min illər bundan öncə ölmüş bir kimsənin dirildilməsi möcüzəsinə bənzəyir. Bu — Allahın, Musanın, İsanın “möcüzəsi” yox, İnsanın möcüzəsidir, insanlara bəxş etdiyi fərəhdir; insan idrakının böyüklüyünə və ölməzliyinə inam fərəhi!.. *** İnsan suçludursa, Allah yoxdur; insan suçluykən Allah da varsa, onların bir- birinə qarışacağı yoxdur. ***
Allah heç bir Yer dilini bilmir, çün Onunku Göy dilidir. Buna görə də bütün Göy həsrətli Yerlilər Onun dilini bilirlər. ***
(İçsəs)
Zərdüşt odundan Budda külü törədi. Asif Ata.
“Süç üstündən suç işlə, ancaq sonda özünü ona yox, Mənə həsr elə — bütün suçlarını yuyaram”. Bu, din partiyaçılığının sözüdür, altından kimin imzasını qoymalı — Krşnanın, Musanın, Məhəmmədin? *** Krşnaçılıq — dini yanıltmacdır — açılmazından. *** “Filan şeyi yalnız Allahın fədailəri bilər”; “Tanrını bir şəxsiyyət kimi qəbul etməyən Qitaya toxunmasın”... kimi sözlər - oynamaq istəyənin “onamıram” deməsinə bənzəyir.
***
Krşnaçı nəzəriyyədə: Materializmdən ən uzaq qaçdığını zənn edən materialist; ruhu fiziki ölçən... Krşnaçı həyatda: Daim tutulmuş Günəş altında yaşayan, solğun, fərəhsiz... ***
_________________Milli Kitabxana ________________
16 Krşna həyatçılığı dolayı (süni) mayalanmaya oxşayır; həyatı birbaşa mayalamanın fərəh və doğmalığından insanı ayırır. ***
...Krşnaçılığın qaş qayırmaq istədiyi — sezilir, göz çıxardığı — gendən çağırır. ***
Krşna, İslam təlimlərinin sovxaları üzərində öz Sözümün gələcəyinə ağlayıram. Gələcəkdə adı, çörəyi mənim Sözümdən çıxanlar Onu da Qitanın, Quranın gününə sala bilərlər... ***
Krşnanı sevən Krşnaçıya deməlidir: “Sənin içində Krşnaya çatmaq imkanı var”. Mən özüm barədə belə düşünürəm; Krşna necə düşünərdi özü barədə? — onu bilmirəm. ***
Kiminsə mənə (Safruha) çatmasını, hətta məni ötməsini onun məni danması saymıram. Mən o olayı sevincsiz, təlaşla gözləyirəmsə, Sözümün gözəlliyinə inamım və gözəlliyə sevgim mütləq deyil. ***
“Bhaqavad-qita”da nədənsə Tanrı öz bəndələriylə Ezop dilində danışır. “Gec açılar öz-özünə dolaşan” (Aşıq Sadıqlı) — Krşnaçılıq kimi, Musaçılıq kimi, İslam kimi... ***
Kiçiltdiyinə “Məni böyüt” deyə bilməzsən. ***
Bəhailik açıq Yurdsuzluq, Ulussuzluq təbliğidir; Krşnaçılıq — guya belədir (əslində Hindçilikdir). *** Anlamsızlıqda və məntiqsizlikdə inad eləmək “Vur ölüm!” deməkdir. *** “Bhaqavad-qita olduğu kimi”yə inansaq, Krşna Onun təlimində zorun olub- olmadığını özü üçün hələ aydınlaşdırmayıb. ***
Cəmiyyət, dövlət, mühit, şərait insandan onların qanunlarına əməl olunmasını, boyun əyilməsini tələb edirlər. Tanrı da onlara qoşulduqda insan sal divar qarşısında yalqız, köməksiz qalır və onun bu divarı yıxıb-yaxmaqdan başqa çıxış yolu qalmır. *** Allah nəyə görə ucaldılır? Yalnız insanın kiçildilməsinə görə. Məgər bu, insafdandır?! ***
Yurdçuluğu, Ulusçuluğu ələ salan Krşnaçı anlamır ki, Yurd, Ulus təəssübü çəkməyən kəs Dünya və İnsan təəssübünü də çəkməz. Yüklə 2,84 Mb. Dostları ilə paylaş:
|