48
öz vəzifə və səlahiyyətlərini sürətlə icra etsinlər və qısa zaman
ərzində çoxlu sayda siyasi hadisələr törətsinlər, aktlar həyata
keçirsinlər. Siyasi hərəkətləri sürətləndirən əsas amillər içərisində
siyasi şəraitlər də mühüm rol oynayır. Hər bir siyasi şərait siyasi
subyektlərdə maraq doğurduğu üçün siyasi subyektlər də yaranmış
siyasi şəraitdən səmərəli istifadə etməyə çalışırlar. Bu zaman
subyektlər arasında və vahid-ümumi marağın birgə və tez təmin
edilməsi üçün gücün birləşdirilməsi siyasəti həyata keçirilir. Birgə
mübarizə siyasi hərəkətlərin sürətini artırır və siyasi aktların
ardıcıl olaraq sürətlə törədilməsini zəruri edir. Sürətli hərəkət
nəticəsində siyasi hadisələrin trayektoriyalarının sayı da artırılır.
Çünki maraqlar törəmə xassələrinə malik olduğundan müxtəlif
sahələrdə meydana gəlir. Müxtəlif sahəli maraqlar müxtəlif
trayektoriyaların yaranmasını zəruri edir.
Siyasi inkişaf üçün siyasi planların qurulmasının əsasları
Siyasi inkişaf zamanı siyasi hadisələr ardıcıl olaraq sürətlə
törədilir. Siyasətin subyektləri də sürətli hərəkət vəziyyətində
olurlar. Siyasət institutlarının daxil olduğu siyasi sistemin
mexanizmi də sürətli fəaliyyət göstərir. Siyasi inkişaf siyasi
hadisələrin sistematik olaraq törədilməsini tələb edən bir
vəziyyətdir. Siyasi inkişaf zamanı siyasətin subyektləri arasında
münasibətlər də sistemli şəkildə qurulur. Siyasi inkişaf tələb edir
ki, siyasi hadisələr qanunauyğunluqlara, təcrübələrə əsasən sürətlə
və ardıcıl olaraq törədilsin. Siyasi inkişafda siyasi vasitələrin
sürətli hərəkət dövriyyəsinə ehtiyac duyulur. Ümumiyyətlə, siyasi
inkişaf zamanı siyasi hərəkətlər sistemli mexanizmə əsasən
törədilir. Siyasi inkişaf zamanı bütün hərəkətlərin qarşılıqlı
tənzimlənməsini, qanunauyğunluqların müəyyən edilməsini,
siyasi hərəkətlərin elmi prinsiplərinin müəyyən edilməsini, real
siyasi şəraitin öyrənilməsini, tədqiq edilməsini, mövcud
vəziyyətin araşdırılmasını, qarşıya çıxan problemlərin həlli
yollarının araşdırılmasını, maraq yollarının müəyyən edilməsini,
maraqların tərkibinin müəyyən edilməsini təmin etmək məqsədilə
49
siyasi planların, siyasi hərəkət planlarının-siyasi strategiyanın
müəyyən edilməsi zərurətə çevrilir. Siyasi planlarda siyasi
maraqların təmin edilməsi arasında mövcud olan məsafələr,
zaman amili, maraqların təmin edilməsi üçün hərəkət istiqamətləri
öz əksini tapır. Siyasi planlar əsasən siyasi hərəkətlərin vahid
mərkəzdən və şaxələnmiş mərkəz mənbələrindən idarə edilməsini
yüksək səviyyədə təmin etmək üçün qurulur, tərtib edilir. Siyasi
planlarda siyasi hadisələrin törədilməsi vaxtları və siyasi
hadisələrin təsir dərəcələri də tədqiq edilir. Siyasi planlar siyasi
inkişaf zamanı siyasi hadisələrin törədilməsinin sürət tempinə də
nəzarət etmək məqsədilə də tərtib edilir, siyasi strategiya müəyyən
edilir. Siyasi inkişaf zamanı siyasi mühitdə aktivlik müşahidə
olunduğundan ola bilər ki, siyasi hadisələr öz məqsədyönlü
törədilmə trayektoriyalarından kənara çıxsın. Çünki elə bir siyasi
hadisə törədilə bilər və bu hadisə özündən sonra gələcək növbəti
hadisəyə elə bir təsir edə bilər ki, təsirin gücü ilə növbəti hadisə öz
trayektoriyasından kənara çıxa bilər. Belə olan halda, siyasi
hadisələrin törədilmə trayektoriyasında ardıcıllıq pozula bilər,
qanunauyğunluq olmaya bilər və nəticədə trayektoriyaların
istiqaməti də dəyişə bilər. Ümumilikdə siyasi mühitdə, siyasi
sistemdə hərəkət mexanizmi və siyasi subyektlərin qarşılıqlı
hərəkət münasibətləri pozula bilər. Bu baxımdan siyasi
strategiyanın müəyyən edilməsi, siyasi hadisələrin törədilməsi
zamanı sürət ritminin müvafiq tələbata və şəraitə uyğun olaraq
saxlanılması məsələləri zərurətə çevrilir. Siyasi strategiya,
fəaliyyət planı bir növ siyasi hərəkətlər üçün istiqamətverici və
sərhədlərini müəyyənedici rol oynayır. Siyasi planlar həmçinin
siyasi hadisələrin törədilməsinin qısa, orta və uzun müddətə
törədilməsinin əsaslarını müəyyən edir. Siyasi inkişaf zamanı
siyasi hadisələrin təsir dərəcələri dəyişən xüsusiyyətlərə malik
olur. Məsələn, bir siyasi hadisə öz ardınca nisbətən böyük təsir və
əhəmiyyətə malik olan hadisənin törədilməsini zəruri edir. Siyasi
inkişaf zamanı sürət amili siyasi hadisələrin törədilmə
dərəcələrinə də təsir göstərir və bu baxımdan da təsir dərəcələri də
50
artır. Siyasi inkişaf zamanı siyasi hadisələrin bir-birilərinə
keçidləri də sürətlənir. Siyasi inkişaf zamanı siyasi hadisənin
trayektoriyadakı ardıcıl düzülüşündə yeri dəyişdirilə bilər.
Məsələn, onuncu olaraq törədilən hadisə beşinci də törədilə bilər.
Bu hər şeydən öncə siyasi vasitələrin gücündən asılı olur. Bu
zaman siyasi vasitələrin gücü, siyasi kapital tələb edir ki, siyasi
hadisələr öz trayektorik məkanını dəyişsin. Məhz bu baxımdan da
siyasi inkişaf zamanı siyasi fəaliyyət planında da müəyyən
dəyişikliklər etmək olar. Siyasi inkişaf zamanı siyasi maraqların
da tərkib dəyişiklikləri baş verə bilər. Siyasi inkişaf zamanı elə
güclü siyasi hadisələr törədilə bilər ki, ümumilikdə siyasi mühitin
əksər hərəkət trayektoriyasına təsir etmək imkanına malik olsun.
Məsələn, dünya iqtisadiyyatının lokomotivi hesab edilən neft və
qazın qiymətinin qaldırılması bütün sahələrdəki siyasi hadisələrə,
eyni zamanda dövlətin xarici və daxili siyasət fəaliyyətindəki
hadisələrə təsir edir. Belə siyasi hadisələrə əsas, ümumi təsiredici
hadisələr demək olar. Eləcə də büdcənin artırılması bütün
sahələrdəki siyasi hadisələrə təsirini göstərə bilir. Elə siyasi
hadisələr də olur ki, daha çox trayektoriyada özündən sonra gələn
siyasi hadisəyə təkan verə bilir. Digər trayektoriyadakı hadisələrə
isə qismən təsir edə bilir. Bu hadisələr içərisində konkret təsiredici
faktları göstərmək olar. Ümumiyyətlə isə siyasi hadisələr daha çox
müəyyən mənbələrdən həmin mənbələrin təsirləri ilə törədilir. Bu
bir növ şarlarla dolu olan bir kisənin ağzının açılaraq, şarların boş
bir məkanda yerə tökülməsi mənzərəsini xatırladır. Şarlar kisənin
ağzı açılaraq boş məkanda yerə boşaldılan zaman ayrı-ayrı və ya
eyni istiqamətlərdə diyirlənməyə başlayırlar. Şarların diyirlənməsi
tamamilə bir-birinə oxşamır, bir-birinin ardınca eyni sürətdə
getmir. Siyasi hadisələr də trayektoriyalar üzrə törədilir, lakin eyni
sürətlə törədilmir. Burada fərq ondan ibarətdir ki, siyasi
hadisələrin trayektoriyaları siyasi sistemlə müəyyən edilir. Siyasi
sistemin fəaliyyət istiqamətləri siyasi hadisələrin törədilməsi
trayektoriyalarıdır. Siyasi hadisələr siyasi şəraitin tələbləri
əsasında da törədilir.
Dostları ilə paylaş: |