ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
35
görə, demokratik dövlətlər dünyada mövcud olan bütün ölkə-
lərin təxminən 1941-ci ildə 25%, 1996-cı ildə 40%, 2000-ci il-
də isə 75%-ni təşkil edir. Təxminən oxşar rəqəmləri ABŞ-ın
“Azad ev” təşkilatı da açıqlayır.
Tədqiqatçılar dünyada dövlətlərin siyasi sisteminin de-
mokratikləşməsi və ümumiyyətlə, “demokratik dövlət” anlayı-
şının meydana çıxmasını 1820-ci ildən – ABŞ Prezidenti V.
Vilsonun “dünyanı demokratiya üçün təhlükəsiz etməliyik”
çağırışından başlayırlar. Bu çağırışdan sonra və ümumiyyətlə,
Birinci dünya müharibəsinin başlanmasına qədər (1914) ABŞ
da daxil olmaqla Avropanın iyirmiyə yaxın ölkəsi daxili idarə-
çiliklərini qanunların aliliyinin, seçki institutlarının, parlament
və çoxpartiyalı sistemin, azad fikir və düşüncə prinsiplərinin
yaradılması və fəaliyyəti üzərində qururlar (təxminən 21
dövlət).
Sonrakı illərdə Almaniyada faşizmin meydana çıxması və
bəzi Avropa ölkələrinin bu dövlətin təsiri altına düşərək de-
mokratik idarəçilikdən imtina etməsi prosesi (1920-1940)
Avropada demokratik dövlətlərin sayını azaldır.
İkinci dünya müharibəsinin sona çatması ilə dünyada de-
mokratikləşmə dalğası güclənir və ideoloji-sinfi qarşıdurma
dövrünün əsas faktorlarından birinə çevrilir. Bu dövrdə həm
kapitalist, həm də sosialist dünyası demokratiyanı və insan hü-
quqlarını öz fəaliyyətlərinin əsas prinsipi kimi elan etsələr də,
hər biri bu anlayışa özünəməxsus yanaşma nümayiş etdirməyə
başlayır və müstəqillik əldə etmiş digər dövlətləri öz tərəfin-
dən bu prosesə qoşmağa çalışırdı. Müstəmləkə rejimlərindən
azad olunmuş dövlətlərin bəziləri ABŞ və SSRİ-nin başçılıq
etdiyi blokların təsiri altına düşsə də, bəziləri öz müstəqil
siyasətlərini yürüdürdülər. Bu ölkələr “bitərəf ölkələr bloku”
adlanan birlik tərkibində öz daxili və xarici fəaliyyətlərini
məxsusi prinsiplər üzərində qururdular.
Яли Щясянов, Адил Вялийев
36
Ümumən, 1945-1960-cı illəri tədqiqatçılar “dövlətlərin
demokratiyadan geri çəkilməsi” dövrü kimi xarakterizə edirlər.
Bu da onunla bağlı idi ki, Almaniyaya qarşı İkinci dünya mü-
haribəsinin əsas ağırlığını daşımış SSRİ müharibədən sonra
Şərqi Avropa və bəzi Asiya ölkələrində kommunist idarəçi-
liyinin bərqərar olmasına nail olur. Bundan başqa, SSRİ-nin
təsirini və müharibədən sonrakı illərdə sosialist inqilabına ar-
tan rəğbəti aradan qaldırmaq üçün bəzi Qərbi Avropa ölkələri
də daxili idarəçiliyi müəyyən qədər sərtləşdirir, kommunist
meyilli qüvvələrin fəaliyyətini məhdudlaşdırırdı. Bu illərdə
hətta Yunanıstan, Çili, Portuqaliya, İspaniya və s. kimi ölkə-
lərdə avtoritar yönlü hakimiyyətlər formalaşmışdı.
S. Hantinqtonun və ABŞ-ın “Azad ev” təşkilatının fikrinə
görə, 1970-ci illərdən dünyada demokratiyanın inkişafının
üçüncü dalğası başlanır.
Demokratikləşmənin üçüncü dalğası artıq tək-tək dövlət-
ləri deyil, bütün qitələri əhatə edərək Avropada, Asiyada, Afri-
kada və Latın Amerikasında çoxsaylı dövlətlərin demokratik
yönlü inkişafı ilə səciyyələnmişdir. Bu illərdə Yunanıstanda,
Argentinada, Cənubi Koreyada, Portuqaliyada avtoritar rejim-
lər süquta uğrayırlar. İspaniya, Dominikan Respublikası, Hon-
duras, Braziliya, Peru, Çili, Türkiyə, Filippin, Tayvan, Tai-
land, Macarıstan, Çexoslovakiya, Polşa, Rumıniya, Bolqarıs-
tan, Cənubi Afrika Respublikası demokratik inkişaf yoluna
qədəm qoyurlar.
Sosializmin iflası və SSRİ-nin dağılmasından sonra Kuba
istisna olmaqla keçmişdə bu düşərgəni təşkil edən bütün sosia-
list ölkələri, SSRİ tərkibinə daxil olan üç Baltikyanı ölkə,
Rusiya, Ukrayna, Azərbaycan, Gürcüstan, Moldova, Ermə-
nistan, Belarus demokratik inkişaf istiqaməti götürərək, dünya
siyasətinin yeni tendensiyasına qoşulurlar.
ABŞ-ın “Azad ev” təşkilatının hesablamalarına görə,
1972-ci ildə dünyada 192 dövlət içərisində 42 demokratik və
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
37
“azad” ölkə var idisə, 2002-ci ildə onların sayı artıq 89-a çatır.
Bu siyahıya SSRİ tərkibinə daxil olan respublikalardan yalnız
üç Baltikyanı respublika salınıb. Qalan ölkələr – Azərbaycan,
Rusiya, Gürcüstan, Moldova, Ukrayna və Ermənistan “Azad
ev” təşkilatının təsnifatında “nisbətən azad”, Belarus, Qazaxıs-
tan, Tacikistan, Türkmənistan və Özbəkistan “qeyri-azad”
ölkələr sırasına daxil ediliblər.
Demokratik və “azad dövlət” anlayışının beynəlxalq
aləmdəki bugünkü standartları bir neçə faktorla: hakimiyyətə
gəlmənin və onu idarə etmənin rəqabət prinsiplərinə, açıq və
demokratik siyasi mübarizəyə söykənməsi; dövlətin vətəndaş-
larının əsas hüquq və azadlıqlarının konstitusiya və qanunlarla
təmin edilməsi; hakimiyyət bölgüsü prinsiplərinin bərqərar
olması; vətəndaşların dövlət həyatında, onun idarəçiliyində,
daxili və xarici siyasətin formalaşması və həyata keçirilmə-
sində iştirakı; hakimiyyətlərin tərkibinin formalaşmasında
azad seçkilərin keçirilməsi və s. ilə ölçülür.
Tədqiqatçılar demokratikləşmənin inkişaf trayektoriyası-
nın və dərinliyinin müəyyən edilməsi, ölkələrin siyasi sistemi-
nin qiymətləndirilməsi metodologiyasına görə fərqli mövqe
nümayiş etdirirlər. Keçmiş postsovet ölkələrində üçüncü de-
mokratikləşmə dalğasının qiymətləndirilməsində əsas götürü-
lən meyarlara münasibətdə fikir ayrılığı xüsusi nəzərə çarpır.
Rus politoloqu A.Melvilin fikrinə görə, müasir siyasi
inkişaf səviyyəsinin və demokratikləşmənin müəyyən edilməsi
məqsədilə ABŞ-ın “Azad ev” təşkilatının tətbiq etdiyi meto-
dika bir çox faktorları nəzərə almadığı üçün konkret məkan və
zaman çərçivəsində baş verən proseslərin obyektiv qiymətlən-
dirilməsinə imkan vermir. Məsələn, postsovet məkanında Bal-
tikyanı dövlətlərin demokratik inkişafı ilə Tacikistan və Türk-
mənistan kimi ölkələri heç cür müqayisə etmək olmaz. Bu öl-
kələrin hər birinin demokratik inkişafının sürəti və əhatəsi
onların siyasi elitasının səviyyəsi, ictimaiyyətinin təhsili,
Dostları ilə paylaş: |