Microsoft Word sna 2014 survey Final Report
Yüklə 2,2 Mb.
|
|
Shënim: Të gjitha përqindjet janë përllogaritur mbi numrin total të firmave në nëngrupin e Rajonit Tabela 6.8: Statistikat përshkruese për numrin e punonjësve të cilët përftuan trajnim gjatë 12 muajve të fundit
Sektori i “Shërbimit administrativ dhe mbështetës” ka qenë sektori më aktiv për ofertën e trajnimit gjatë 12 muajve të fundit, ku 55.0% e kompanive të sektorit dhe 44.7% e punonjëve të tyre morën trajnim, për shkak të rritjes së shpejtë të nënsektorëve të saj, të tilla si “Shërbimet e Call Center” dhe të “Shërbimeve të Sigurimit”. Meqenëse ky sektor ka parashikuar 26.5% rekrutime të reja gjatë 12 muajve të ardhshëm, pritet që edhe të ruajë nivelet e vazhduara të trajnimit. “Aktivitetet financiare dhe të sigurimeve” dhe “Informacioni dhe komunikimi” janë sektorët e dytë dhe të tretë përsa i përket trajnimit të stafit me 38.9% dhe 37.5% të stafit të trajnuar gjatë vitit të kaluar. Kjo mund të lidhet edhe me natyrën e vendeve të kualifikuara të punës që ekzistojnë në të dy sektorët. E shprehur në shifra absolute, “Prodhimi” është sektori udhëheqës me 17,129 punëtorë të trajnuar gjatë vitit të fundit, ku pjesa më e madhe u trajnua për përdorimin e llojeve të ndryshme të makinave qepëse. Si shembull, një kompani e vetme e prodhimit të këpucëve në Tiranë, vitin e fundit ka trajnuar 1,822 punëtorë që merren me qepjen e lëkurës në lidhje me përdorimin e makinerive të reja. Tabela 6.9:Numri i punonjësve të cilët përftuan trajnim gjatë 12 muajve të fundit, sipas Sektorit
Shënim: Të gjitha përqindjet janë përllogaritur mbi numrin total të firmave në nëngrupin e Sektorit Ekonomik Gjatë 12 muajve të fundit është vlerësuar se janë trajnuar një numër prej 30,930 punonjësish nga 75.4% kompani të Mëdha në Shqipëri. Ky fakt është brenda logjikës që kompanitë e Mëdha përbëjnë edhe nëngrupin udhëheqës përsa i përket trajnimit të punonjësve. Ajo çka kërkon vëmendje këtu ka të bëjë me faktin që raporti “punonjës të trajnuar/punonjës në total” për nëngrupin e bizneseve Mikro është shumë i ulët (9.5%). Tabela 6.10: Numri i punonjësve të cilët përftuan trajnim gjatë 12 muajve të fundit, sipas grupit të Madhësisë
Shënim: Të gjitha përqindjet janë përllogaritur mbi numrin total të firmave në nëngrupin e Madhësisë. Siç u shpjegua edhe më lart, numri më i madh i barrierave që janë bërë pengesë për trajnimin e vazhdueshëm të stafit në rajonet e Veriut dhe të Jugut krahasuar me rajonin e Qendrës, kanë kontribuar në krijimin e hendekut midis përqindjes së kompanive dhe përqindjes së punonjësve të trajnuar në rajonin Qendror, dhe shifrave përkatëse për rajonin e Veriut dhe atë të Jugut. Tabela 6.11: Numri i punonjësve të cilët përftuan trajnim gjatë 12 muajve të fundit, sipas Rajonit
Shënim: Të gjitha përqindjet janë përllogaritur mbi numrin total të firmave në nëngrupin e Rajonit. Përqindja e kompanive dhe pëqindja e punëtorëve të trajnuar në në grupet që përfaqësojnë degët e kompanive me pronësi të huaj dhe ndërmarrjeve me kapital të përbashkët është më shumë se dy herë më i madh krahasuar me kompanitë që janë 100% biznese me pronësi shqiptare. Përsëri, një gjë e tillë mund të shpjegohet e të njëjtin argument të përdorur më lart, që grupi i “kompanive me kapital të përbashkët”, i mbizotëruar nga kompani të mëdha të vendosura në rajonin Qendror, mund ta justifikojë një situatë të tillë. Në të vërtetë duke përllogaritur raportin “punonjës të trajnuar/punonjës në total” për bizneset e Mëdha të rajonit Qendror, rezultati del 46.0%, që do të thotë se është në përputhje me rezultatet e paraqitura në Tabelën 6.12. Tabela 6.12: Numri i punonjësve të cilët përftuan trajnim gjatë 12 muajve të fundit, sipas Pronësisë
Shënim: Të gjitha përqindjet janë përllogaritur mbi numrin total të firmave në nëngrupin e Pronësisë. Bizneset u pyetën në lidhje me listën e trajnimeve të punonjësve të kryera gjatë 12 muajve të fundit. Studimi tregon se gjatë 12 muajve të fundit 1,019 biznese e kanë trajnuar personelin e tyre si “kamerierë dhe banakierë”, ndjekur nga 980 biznese të cilët trajnuan personelin e tyre si “shitës dyqanesh”. Kjo mund të shpjegohet me konkluzionin e mëparshëm të këtij studimi që kamerierët, banakierët dhe shitësit në dyqane janë profesione të cilat kanë nivelin më të lartë të mungesës së aftësive. Për këtë arsye ato pritet që të jenë përsëri në krye të listës së profesioneve të trajnuara nga bizneset. “Specialistët e financave” dhe “Drejtorët menaxhues dhe shefat ekzekutivë” janë ngjitur në vendin e tretë dhe të katërt me përkatësisht 895 dhe 557 kompani. Numri mesatar i personave të trajnuar në një profesion të caktuar duket se është më i lartë, madje shumë më i lartë për kompanitë “e mesme dhe të mëdha”, dhe një fakt i tillë nxjerr në pah rëndësinë e klasifikimit në këtë grup. Në krye të listës mbetet profesioni i “Specialistëve të Financës” me 237 kompani, i ndjekur nga profesioni i “Operatorëve të makinerive për produkte tekstile, gëzofi dhe lëkure” me 223 firma/kompani dhe “Punonjësit e shërbimeve mbrojtëse” me 192 firma. Tabela 6.13: 20 Profesionet kryesore, të grupuara sipas kodit ISCO, të klasifikuara sipas numrit të vlerësuar të firmave në Kornizë, për të cilat është kryer trajnim gjatë 12 muajve të fundit.
Bizneset kanë prirjen për të patur prioritete të ndryshme trajnimi në Rajone të ndryshme (në dy vendet e para nuk ka asnjë përputhje).Trajnimi i listuar në vendin e parë për rajonin e Veriut nuk është as edhe në 5 vendet e para për rajonin e Jugut dhe anasjelltas. Ajo që bie më shumë në sy është fakti që në Rajonin e Veriut, për cilindo nga profesionet, vetëm një numër relativisht shumë i vogël kompanish ka patur trajnim të stafit gjatë 12 muajve të fundit. Për të qenë në një linjë me dy rajonet e tjera, rajoni i Veriut duhet të kishte të njëjtin numër kompanish për 5 profesionet kryesore për të cilat është kryer trajnim në rajonin e Jugut, meqenëse numri i kompanive në të dy rajonet është pothuajse i njëjtë. Tabela 6.14: 5 profesionet kryesore për secilin Rajon, të grupuara sipas kodit ISCO, të klasifikuara sipas numrit të vlerësuar të firmave ku është kryer trajnimi për këto profesione gjatë 12 muajve të fundit.
Yüklə 2,2 Mb. Dostları ilə paylaş:
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||