10
Azərbaycan¯n su ehtiyatlar¯n¯n m³asir dəyi¼mələri
Bir əsr əvvəl, 1917-ci ilin bu günlərində dünyanın unikal qurğularından
hesab edilən Şollar-Bakı Su Təchizatı Qurğular Kompleksinin istismara veril-
məsi ilə Azərbaycanın su təsərrüfatı tarixinin şanlı səhifələrindən biri yazıl-
mışdır. Bu qurğu Azərbaycanın su təsərrüfatı sahəsində ilk iri infrastruktur
layihəsi kimi tarixə düşmüşdür.
Oxucuya təqdim edilən bu monoqrafiya məhz Şollar-Bakı Su Təchizatı
Qurğular Kompleksinin 100 illik yubileyinə həsr olunmuşdur. Monoqrafiya
bir-birini tamamlayan iki hissədən ibarətdir. Birinci hissə “Su ehtiyatları və
onların müasir dəyişmələri”, ikinci hissə isə “Su ehtiyatlarının idarə edilməsi”
adlanır.
Birinci hissədə hidrologiya və hidrogeologiyanın müasir problemləri, su
ehtiyatlarının kəmiyyət və keyfiyyət göstəriciləri, sudan istifadənin müasir
vəziyyəti təhlil edilmişdir.
İkinci hissədə su ehtiyatlarının inteqrasiyalı idarə edilməsi üzrə Milli və
Strateji Fəaliyyət Planlarına, daşqın və quraqlıq hadisələrinin vurduğu ziyanın
minimuma endirilməsi məsələsinə baxılmış, Azərbaycanın transsərhəd su
siyasəti haqqında məlumatlar verilmişdir. Göstərilmişdir ki, Azərbaycanın əsas
transsərhəd çayları axın boyu çoxsaylı qollar qəbul edir və onların sularından
keçdikləri ölkələrdə müxtəlif məqsədlər üçün geniş istifadə edilir. Nəticədə bu
çayların illik axımı çay boyu təbii və antropogen transformasiyaya uğrayır.
Məsələn, Kür çayının illik axımı son 25 ildə şərti-təbii dövrlə müqayisədə 425
m
3
/s və ya 49.8% azalmışdır. Belə ki, 325 m
3
/s azalma bilavasitə Kürün öz
hövzəsində, 100 m
3
/s azalma isə Araz hövzəsində qeydə alınmışdır. Çayların
1972-ci ilə kimi olan və 1973-2010/2011-ci illəri əhatə edən dövrlər üçün or-
ta illik su sərflərinin çoxillik kəmiyyətləri müqayisə edilərək müəyyən olun-
muşdur ki, Azərbaycanın yerli çaylarının hidroloji müşahidə məntəqələrində
qeydə alınan cəm illik axımı hazırda antropogen amillərin təsiri nəticəsində
əvvəlki dövrlə müqayisədə 1.642 km
3
(15.9%) azalmışdır.
Bu kitab, Azərbaycanın yerüstü və yeraltı sularının həm kəmiyyət, həm
də keyfiyyət göstəricilərinin tədqiqinə həsr olunmuş ilk monoqrafiyadır.
Monoqrafiya su ehtiyatlarından kompleks istifadə məsələləri ilə məşğul olan
elmi tədqiqatçılar və mühəndislər, həmçinin hidroloq, hidrogeoloq və eko-
loqlar üçün faydalı ola bilər.
Qorxmaz Hüseynov
“Azərsu” ASC-nin sədri
və inteqrasiyal¯ idarə edilməsi
11
GİRİŞ
XXI əsrin aktual qlobal problemlərindən biri əhali və təsərrüfa-
tın müxtəlif sahələrinin su ilə təminatıdır. Əhalinin artımı və iqtisadiy-
yatın inkişafı şəraitində bütün dünyada su ehtiyatlarından istifadə sü-
rətlə artır, əksər region və ölkələrdə su təminatı kəskin pisləşir. Qlobal
istiləşmə nəticəsində mövcud su ehtiyatlarının azalma tendensiyası
müşahidə olunur. Su probleminin kəskinləşməsi əhalinin ərzaq təmina-
tı və regionların ekoloji təhlükəsizliyinə birbaşa təsir göstərir. Hazırda
su ölkənin dayanıqlı inkişafının həlledici amillərindən birinə çevrilmiş-
dir. Gələcəkdə su təminatını yaxşılaşdırmaq üçün yalnız sudan isti-
fadəni azaltmaq, ondan qənaətlə istifadə etmək kifayət deyil və su ehti-
yatlarının artırılması istiqamətində tədqiqatlar və praktiki işlər sürət-
ləndirilməlidir. Məhz bu yolla Azərbaycanın su siyasətinin əsas məq-
sədinə – əhali və iqtisadiyyatın bütün sektorlarını tələb olunan həcmdə
və beynəlxalq standartlara uyğun keyfiyyətdə su ilə təmin etmək və ey-
ni zamanda çay, göl və su anbarlarında yaxşı ekoloji statusa nail olmaq
mümkündür.
Bu monoqrafiyanın əsas məqsədi Azərbaycanın səth və yeraltı
sularının müasir vəziyyətinin qiymətləndirilməsi, həmçinin su təsər-
rüfatının infrastrukturunun təhlili əsasında su ehtiyatlarından istifadə
və onların mühafizəsinin düzgün planlaşdırılması, eyni zamanda inteq-
rasiyalı idarə olunması üçün etibarlı hidroloji və institusional baza ha-
zırlamaqdır.
Bu məqsədə müvafiq olaraq monoqrafiya iki hissədən ibarətdir.
Birinci hissə Azərbaycanın həm səth, həm də yeraltı sularının
kəmiyyət və keyfiyyət göstəricilərinin təhlilinə həsr olunmuşdur. Bu
hissədə su ehtiyatlarından istifadə, antropogen amillərin çayların reji-
minə təsiri, axım xarakteristikalarının müasir dəyişmələrinin qiymət-
ləndirilməsi və s. məsələlərə də baxılmışdır.
12
Azərbaycan¯n su ehtiyatlar¯n¯n m³asir dəyi¼mələri
Kitabın ikinci hissəsində əsas yer su ehtiyatlarının inteqrasiyalı idarə olun-
ma üsulları və su çatışmazlığı probleminin həlli yollarının təhlilinə verilmişdir.
Ayrı-ayrı fəsillər su siyasəti və su qanunvericiliyi, su təsərrüfatının infrastrukturu,
transsərhəd çayların su ehtiyatlarından istifadənin beynəlxalq-hüquqi məsələlərinə
həsr olunmuşdur.
Monoqrafiya hidroloqlar, hidrogeoloqlar, coğrafiyaçılar, ekoloqlar, su təsər-
rüfatının müxtəlif sahələrində çalışan mütəxəssislər üçün nəzərdə tutulmuşdur. O,
həmçinin tələbə və doktorantlar üçün də faydalı ola bilər.
Monoqrafiyanın 3-5, 11, 14-15-ci fəsilləri c.e.d., prof. F.Ə. İmanov, 6-8,
13-cü fəsilləri g.-m.e.d. A.B. Ələkbərov, qalan fəsilləri isə müəllflər tərəfindən
birgə yazılmışdır.
1. Bərpa olunan su ehtiyatlarinin sosial-iqtisadi inki¼afda rolu...
13
SU EHTİYATLARI
VƏ ONLARIN
MÜASİR DƏYİŞMƏLƏRİ
1. BƏRPA OLUNAN SU EHTİYATLARININ
SOSİAL-İQTİSADİ İNKİŞAFDA ROLU, HİDROLOGİYANIN
VƏ HİDROGEOLOGİYANIN MÜASİR PROBLEMLƏRİ
1.1. BƏRPA OLUNAN SU EHTİYATLARININ
SOSİAL-İQTİSADİ İNKİŞAFDA ROLU
Su təbiətdə ən çox yayılmış maddələrdən biri olmaqla insan-
ların həyatında və ətraf mühitdə əvəzsiz rol oynayır. Şirin suların
rolu xüsusilə böyükdür. Su bir tərəfdən, vacib təbii resurs, digər tə-
rəfdən isə ətraf mühitin başlıca komponentidir. Bununla yanaşı, su
böyük dağıntılara səbəb olan ən güclü təbii fəlakətlərdən biridir. Su-
dan istifadə etdikdə o həm də mühafizə olunmalıdır ki, ətraf mühitin
tarazlığı pozulmasın. İnsanların su mənbələri ilə qarşılıqlı əlaqələri
müxtəlif ölkə və regionlarda özünəməxsus xüsusiyyətlərə malikdir.
Cəmiyyət inkişaf etdikcə və iqlim şəraiti dəyişdikcə bu əlaqələr
dəyişikliyə uğrayır.
XXI əsrin başlanğıcında dünyanın ən aktual elmi-texniki
problemlərindən biri su problemidir. Bu problemin həlli ildən-ilə
daha çox səy və vəsait tələb edir. Su problemi milli sərhədləri aşa-
raq qlobal problemə çevrilmişdir. Belə ki, o planetimizdə yaşayan
milyardlarla insanın həyatı ilə bilavasitə bağlıdır.
İnsanlar tarix boyu şirin su ehtiyatlarından və mənbələrindən
öz məqsədləri üçün istifadə etmişlər, lakin bir çox yüzilliklər ərzin-
də onların su ehtiyatlarına təsiri çox zəif olmuşdur. Təbii suların
unikal xüsusiyyəti onların öz-özünə təmizlənməsi və su dövranı nə-
ticəsində bərpa olunmasıdır. Buna görə də çox uzun müddət ərzində
su ehtiyatlarının miqdarı demək olar ki, dəyişməmiş və onların key-
fiyyəti pisləşməmişdir. Bu məlum illuziya ilə nəticələnmişdir: su
I H
İSS
Ə
Dostları ilə paylaş: |