٢٠٢
Xoruz ban verәndә gәl,
Yaram qan verәndә gәl.
Sağlığımda gәlmәdin,
Bari can verәndә gәl.
İlqarın oldu yalan,
Könlümü etmә talan.
Ayrılsın, ayrı düşsün
Bizә ayrılıx salan.
İnci burdan, dür burdan,
Min atını, sür burdan.
Mәclisdә yerin tani
Demәsinnәr dur burdan.
İstikanın sarısı,
İçdim qaldi yarısı.
Yarlıların yarı var,
Yalqızların tarısı.
İşim düşdü bәndә, yar,
Can qalmadi tәndә, yar.
Allah mәni öldürsün
Sәn dә qurtar, mәn dә, yar.
İşim düşdu divana,
Axiri gәldim cana.
Heç zәman bel bağlama
Bir nadana, bir xana.
Kәbab yanar, köz ağlar,
Dil alışar, söz ağlar.
Yar yardan ayrı düşsә,
Ürәk yanar, göz ağlar.
Keşmiri şalın ollam,
Üzündә xalın ollam.
İlqarın doğru çıxsa,
Vәfali yarın ollam.
Qapına daş qoymuşam,
Qaş üstә qaş qoymuşam.
Ölәm, sәnnәn dönmәrәm,
Yolunda baş qoymuşam.
Qara atın kakili,
Tel-tel olub töküli.
Hәr yetәnә yar desәn,
Yar bacadan töküli.
Qarabağda quş durmaz,
Dәrdli başda huş durmaz.
Yarı hәr yerdә görsәm,
Yanmış dilim diş durmaz.
Qarali, ağlı mәnәm,
Qanadi bağlı mәnәm.
Hamının dәrdi olsa,
Ürәgi dağlı mәnәm.
Qaşların qiblәgahdi,
Qiblә desәm, günahdi.
Dağlara duman çöksә,
O da mәn çәkәn ahdi.
٢٠٣
Qaşların qәmәridi,
Tellәrin kәmәridi.
Dәvәni sarvan әyәr,
İyidi ğәm әridi.
Qәribәm, vәtәnim yox,
Bu yoldan ötәnim yox.
Düşdüm dәrin dәryaya,
Әlimdәn tutanım yox.
Qәrәnfil әsdi, neylim?
Sәbrimi kәsdi, neylim?
Üzdә dost, dalda düşmәn,
Mәn belә dostu neylim?
Qәrәnfil abi gәrәk,
Yar yarın babı gәrәk.
Qәtrәcә eşqi olanın
Dәryaca tabı gәrәk.
Qәrәnfilsәn, butasan,
Saldın mәni oda sәn.
Mәn o güldәn dәgilәm
İyliyәsәn, atasan.
Qışda güllәr açılmaz,
Tikan gülә saçılmaz.
Düşmәn istәsәn çox var,
Dost axtarsan tapılmaz.
Qızılgül әrsin-әrsin,
Qızılgülü kim dәrsin?
Ürәyinin mәtlәbin
O ağam Әli versin.
Qızılgül pәncә-pәncә,
Sәni kim sevәr mәncә?
Adım yazdım kağaza
Dolandıram yanımca.
Qızılgül üç gül açar,
Üç yәrpax, üç gül açar.
Çağırsan Әbülfәzli
O, yaxci müşkül açar.
Qızılgülü dәrәrәm,
Eyvan üstә sәrәrәm.
Vәfali dostum olsa,
Yolunda can verәrәm.
Qızılgülәm açmaram,
Açsam da, dolaşmaram.
Sәn dövlәtli, mәn kasıb,
Mәn sәnә yaraşmaram.
Qoyma tәk qalam, qardaş,
Sәngәrim, qalam, qardaş.
Yağı töküldü aldi,
Sovruldu balam, qardaş.
Qurbanam xan gözünә,
Xumar baxan gözünә.
Genә sürmә çәkibdi
Evlәr yıxan gözünә.
٢٠٤
Quşum, gәl, ha quşum, gәl,
Qanadı sınmışım, gәl.
Mәn sәnә vәfalıyam,
Sınaxdan çıxmışım, gәl.
Quzum, gәl, ay quzum, gәl,
İşıqlı ulduzum, gәl.
Özgәyә qurban kәssәm,
Sәnә qurban özüm, gәl.
Maral durduğu yerdә,
Boynun burduğu yerdә.
Әli sınsın ovçunun
Sәni vurduğu yerdә.
Mәlә, ceyranım, mәlә,
Balani vermә әlә.
Mәn mәlәdim, gәlmәdi,
Sәn mәlә, bәlkә gәlә.
Mәn aşığam vәxt dәyil,
Sinәm yara tәxt dәyil.
Banlama vәxtsiz, xoruz,
Yar getmәli vәxt dәyil.
Mәn aşıq oda yaxar,
Qәlyanın oda yaxar.
Dost dostun yolunda
Canını oda yaxar.
Mәn aşıq nәdәn yana?
Pәrvanә nәdәn yana?
Yaxşı dost yaman gündә
Çәkilir nәdәn yana.
Mәn aşıq yara yazıb,
Ağ üzdә qara yazıb.
Mәn fәlәyә neylәdim
Bәxtimi qara yazıb.
Mәn aşıq söz yeri var,
Üzündә göz yeri var.
Mәclisdә yerin tani,
Hәr kәsin öz yeri var.
Mәn aşıq oda giryan,
Mәn giryan, o da giryan,
Dedim odumu söndür,
Demәdim oda gir, yan.
Mәn aşıq kasad olmaz,
Mәrd әli kasad olmaz.
Yüz namәrdin çörәyin
Doğrasan, kasa dolmaz.
Mәn aşıq acalmışam,
Gün geçib acalmışam.
Dörd aydi ayrılmışam,
Dörd illik qocalmışam.
Mәn aşıq sari dağdan,
Gәlirdim sari dağdan.
Dönsün fәlәkin çәrxi,
Ayırdi yari yardan.
٢٠٥
Mәn aşıq günә düşdüm,
Kölgәdәn günә düşdüm.
Düşmәnә xәbәr olsun,
O diyәn günә düşdüm.
Mәn aşıq necә geçim?
Bu sudan necә geçim?
Dünyani namәrd alıb
Mәrdlәri necә seçim?
Mәn aşıq gözlәrinә,
Qoy baxım gözlәrinә.
Canım canına qurban,
Gözlәrim gözlәrinә.
Mәn aşıq sәndә qalsın,
Sәndәdir, sәndә qalsın,
Can mәndә qәrar tutmaz,
Qoy verim sәndә qalsın.
Mәn aşıq yaman gündә,
Boynumda yaman gündә.
Bir yaxşi yüz yaşasın,
Ölsün yüz yaman gündә.
Mәn aşıq çәmәn yerdә,
Dörd yani çәmәn yerdә.
Min laçın baş uzadar
Bir sona çimәn yerdә.
Mәn aşıq tikan gülә,
Sarmaşıb tikan gülә.
Fәlәk gözünü tikib
Mәn gözüm tikәn gülә.
Mәn aşıq gülә-gülә,
Gül әkdim gülә-gülә.
Düşmәn evimi yıxdi
Üzümә gülә-gülә.
Mәn aşıq şanәsidi,
Bu zülfün şanәsidi.
Hәr işdә kamalı olmaq
Kәmal nişanәsidi.
Mәn aşıq kәman yedi,
Qaş-gözün kәman yedi.
Mәrdlәr baş aldi getdi,
Namәrdlәr zәman yedi.
Mәn aşıq gülәm bari,
Qoymadın gülәm bari.
Sizdә var dәstә-dәstә,
Bizdә var gül anbari.
Mәn aşıq lala daği,
Bürüyüb lala daği.
Hәr yara sağalsa da,
Sağalmaz bala daği.
Mәnim adım Hәsәndi,
Mәnzilim Daşkәsәndi.
Fәlәkә bel bağlama,
Fәlәk zәncir kәsәndi.
Dostları ilə paylaş: |