٢٠٦
Mәrd anadan mәrd oğul,
Namәrdә bәy, mәrdә qul.
Qorxax töhmәt artırar,
Baş ucaldar mәrd oğul.
Mәrd sözü sözdi ali,
At qaçar parlar xali.
Mahir ovçu ovluxda
Nişani gözdәn ali.
Namәrdi, mәrdi tani,
El sürәr mәrd atani.
Oğul beşuur çıxsa,
Öldürәr dәrd atani.
Nә desәn qanıram mәn,
Sәni yar sanıram mәn.
Mәnә od nә gәrәhdi,
Odsuz da yanıram mәn.
Nilufәrәm, açmaram,
Yersiz әtir saçmaram.
Yar yolunda can qoysam.
Öz әhdimnәn qaçmaram.
O da mәni yandırar,
Bu da mәni yandırar.
Soyundum, suya düşdüm
Su da mәni yandırar.
O kimdi atar mәni,
Hәr dәrdә qatar mәni.
Namәrd gәlib dost olmaz,
Dostluxda satar mәni.
On bir onnan yaxşıdı,
Çuxa donnan yaxşıdı.
Düşmәnә boyun әymә,
Ölmәh onnan yaxşıdı.
Oturubsan daş üstә,
Çal papağın qaş üstә.
Sәn haçan göz elәdin?
Mәn demәdim baş üstә.
Oturmuşam daş üstә,
Papaq durar qaş üstә.
Sәn düşmani nişan ver,
Nallamaği baş üstә.
Ovçu, ovçu, ha maral,
Budu getdi ha maral.
Belә can almax olmaz,
Can alırsan hamar al.
Ovçu әlindә oxdu,
Oxun hesabi yoxdu.
Min dost adama azdı,
Düşmәn bir olsa çoxdu.
Pәrişanam, pәrişan,
Yox halımı soruşan.
Hani mәntәk dünyada
Dәrdi dәrdә qarışan.
٢٠٧
Saralmışam, solmuşam,
Bulud kimi dolmuşam.
Saralmayım neylәyim?
Qapına baş qoymuşam.
Sәn mәnim ağa dostum,
Yaxın gә bağa, dostum.
Sәn duman ol, mәn bulud,
Çәkilәh dağa, dostum.
Sәrraf kimi söz seç,
Pisә mәhәl qoyma heç.
Sayana hörmәt elә,
Saymayanı sayma heç.
Sәyyada bax, sәyyada,
Torun qurub qayada.
Toruna tәrlan düşüb
Adamı yox oyada.
Sәyyad dağda tor qurmaz,
Qorub boynunu burmaz.
Sınıx qapı pişlәsәn,
Gәnә su gedәr durmaz.
Sözümü qәlәm yazdı,
Qış keçәr, dalı yazdı.
Katiblәr eşq adına
Min kitab yaza azdı.
Su gәlәr, bәndә dәyәr,
Zülfün kәmәndә dәyәr.
Bir gözәl qız sövmüşәm
Min evli kәndә dәyәr.
Su gәlәr, axar, gedәr,
Viranı yıxar, gedәr.
Bu dünya pәncәrәdi
Hәr gәlәn baxar, gedәr.
Su gәlir mәnnәn ötrü,
Axır çәmәnnәn ötrü.
Mәn hara, dağ-daş hara?
Gәzirәm sәnnәn ötrü.
Su gәlir qalxa-qalxa,
Tökülür bizim arxa.
Burda bir qızı sevmişәm,
Anamnan qorxa-qorxa.
Sular sarı axmaram,
Başa hәna yaxmaram.
Bir dәfә üzün görsәm,
Aya, günә baxmaram.
Şamaxı bir bazarmış,
El bazardan azarmış.
Bülbüldәn gül istәdim,
O da güldәn bezarmış.
Şamama tağda durdu,
Çiçәk budağda durdu.
Cәfa çәhdim, gül әhdim,
Onu da şaxta vurdu.
٢٠٨
Şirvanın yasti yolu,
Su gәldi, basti yolu.
Qaçdım başım qurtarım,
Әzrail kәsdi yolu.
Şumaldan bir yel әsdi,
Sәbro-qәrarım kәsdi.
Sağ gözüm sәnә qurban,
Sol gözüm mәnә bәsdi.
Tarla dari xәrmәni,
Gözәtçisi ermәni.
Qoyunu qurd qaçırdar,
Çoban verәr cәrmәni.
Ulduz göydә sayılmaz,
Çiy yumurta soyulmaz.
İki könul bir olsa,
Bir-birinnәn ayrılmaz.
Ürәk yara olmasın,
Sınsın para olmasın.
Rәngin qara olsa da,
Qәlbin qara olmasın.
Üzündә xaldi sәnin,
Yanağın aldi sәnin.
Şәkәr şәrbәt yanında
Dodağın baldi sәnin.
Üzüyündә qaşam mәn,
İyidlihdә başam mәn.
Yaxşi gündә gәz, dolan,
Pis gündә yoldaşam mәn.
Yaxşi dost düz günümә,
Gәldi bir söz günümә.
Fәlәk әlimә düşsә,
Salaram öz günümә.
Yar göründü dağ üstә,
Yol ayrılır bağ üstә.
Fәlәyin qaydasıdı
Daği çәkәr dağ üstә.
Yar bilәr yar qәdrini,
Tar çalan tar qәdrini.
Cәfa çәkmәyәn bülbül
Bilmәz bahar qәdrini.
Yarın ala gözlәri,
Gәlmir yola gözlәri.
Hәr baxanda az qalır
Canım ala gözlәri.
Yaralıyam yaralı,
Düşdüm yardan arali.
Getmişdim ov vurmağa
Uca dağlar marali.
Yatmış idim, oyandım,
Dәrdә-ğәmә boyandım.
Daş olsaydım әrirdim,
Torpağidim dayandım.
٢٠٩
Yatmışam, yaralıyam,
Vәtәnnәn aralıyam.
Başım al dizin üstә,
Mәn deyim haralıyam.
Zәhmәtsiz bir iş olmaz,
Buludsuz yağış olmaz.
Dağa bir duman düşsә,
Onnan qarlı qış olmaz.
Zülfün qara yaxşıdı,
Çәksә dara yaxşıdı.
Düşmәnim ağ giyәnmiş,
Mәnә qara yaxşıdı.
Dostları ilə paylaş: |