79
lərin qanı ilə yazılmışdır – iddiasında danılmaz bir həqiqətin ifa-
də edildiyi şübhəsizdir. Bu təcavüzdə minlərlə ailələr yurdun-
dan-yuvasından, isti ocağından didərgin salınmış, minlərlə in-
sanların günahsız qanları axıdılmış, körpələr beşikdə ana laylası
ə
vəzinə naqafil açılan güllələrin səsindən vəhşətə gəlmişlər.
Hadisələri sağlam və qərəzsiz düşüncə ilə izləyənlər Xo-
calı soyqırımını doğru olaraq Qarabağ hadisələrinin ən vəhşi
xarakter daşıyan hadisəsi hesab etmişlər.
Yaradıcılığı haqqında söhbət gedən – bundan qabaqkı
bölmələrdə qeyd etdiyimiz kimi – Qulamrza Səbri Təbrizi fa-
ciənin başlandığı gündən sənətinin və qələmənin bütün qüdrəti
ilə tarixin az-az şahidi olduğu bu faciənin sorağını dünyanın kar
olmuş qulağına çatdırmaq üçün mübariz və haqq-ədalət uğrunda
döyüşən şair hünəri göstərmişdir. Onun bu şəhaməti az qala
özünün həyatı bahasına başa gəlmək həddinə çatmışdır.
Ş
air “Xocalı şəhidlərinin xatirəsinə” adlı qələm məh-
sulunda mövzuya yaradıcılıq səliqəsinə çox uyğun gələn yöndən
yanaşmışdır. Bu isə bir qələm məhsulu kimi şeirə özünəməxsus
poetik sima bəxş etmişdir. Bu faciədən özlərinin mənafeləri
xeyrinə istifadə edənlərə - təəssüf ki, belələri də az olmamışdır –
üzünü tutaraq deyir, “Məni pul qazanmaqdan ötrü körpü elə-
məyin”, “Mən ölməmişəm, diriyəm xalqımın ürəyində”.
Ş
airin tərənnümündə oxucuya ciddi təsir eyləyən bir
nüyans aparıcı mövqe tutur. Bu barədə şəhid dilə gələrək deyir:
Ölməmişəm...
Diriyəm xalqın ürəyində...
Bu nə gözəl yoldu.
Ölümümlə
Yenidən doğulmuşam...
Ş
eirdə ən güclü məntiqi vurğu isə bir də bu misraların
üzərinə düşür:
80
Şə
hidlər ölmürlər,
Diridirlər həyatda (25, s.149).
Maraqlı və qiymətləndirilməyə çox layiq olan bir rəydir.
Bu cəhət şairin “Deməliyəm həqiqəti” əsərinin misraları açıqgöz
və sədaqətli şairin oxucularına, onların simasında bütün xalqına,
hələ bu da hamısı deyil, dünyaya çatdırmaq istədiyi həqiqətin
sədaqətli elçilərdir. Bu mövzu şairin yaradıcılığından məcralarda
od qalayan qüdrətli bir axın kimi ötüb keçir: rüşvət və onun
cəmiyyətdə törətdiyi fəsadlar.
Dediyimiz fəsada qarşı şairin üsyanı daha kəskindir. Bu-
na bir səbəb də tərənnüm obyekti kimi alınan obyektin vətənin
Güneyindən olmasıdır.
Söhbət ondan gedir ki, bir güneyli gənc təhsil almağa yol
tapmaq üçün arzularının bargahı olan ana yurdun şimalına pənah
gətirir. Vətənin quzeyində ürək açan həyatın müşahidəsi onda
dərin qürur və sevinc hissləri doğurur. Azacıq belə şübhə doğur-
mayan sözlərlə etiraf edir: Gəldim qaldım, sevdim Azərbaycanı
– deyir.
Fəqət arzusunun oxları daşlara dəyəndə şax-budaqlı nə-
həng ağac kimi qol-qanadı quruyub tökülür. Bəs bu səmum yeli
haradan əsir?
Amma qəbul
Etmədilər məni,
Rüşvətsiz bir
Universitetə (28, s.113).
Güneyli gəncin varlığını oda, atəşə yaxan bu hadisələr
barədə şairin rəyi bundan ibarət olur:
Onlar ki, sındırırlar inamı –
Bu məsum uşaqlarda,
Xəyanətkardırlar,
81
Cinayətkardırlar,
Vətən xainidirlər!
Gərək mühakimə
Olunalar ( 28, s.113).
Rüşvətxorlar, vətənin, xalqın dərdlərinə, ehtiyaclarına bi-
ganə baxanlar haqqında şairin necə deyərlər, oxucularının ürək-
lərindən tikan çıxardan belə bir rəyi də vardır. O, bu qüsura qur-
ş
ananları, özlərinin cılız mənafeləri, dolmaq bilməyən cibləri
üçün əldən-ayaqdan gedənləri ürəksizlər, bəşəri duyğudan məh-
rum canlılar hesab edir. Dünyanın səadət və dərrakə işığından
məhrum olanlar kimi qiymətləndirir. Şairə görə bu zümrəyə
daxil olanlar kasıbı, işsizi, evsizi, soyuqdan donanları görməyən
korlar, bəşəri duyğudan məhrum olanlar, yaşamaq haqqı olma-
yanlardır. Bəs onları sadəcə olaraq hərəkət edən mexanizmlər
halına salan nədir? Bu sorğuya şairin çox qısa, lakin olduqca
kəsərli səslənən cavabı vardır:
Çün dünya malı
Kor edib,
Onların gözlərini (28, s.150).
Tale və hadisələrin gedişi şairə həyatda bir sıra söz və
sənət əhli ilə tanış olub ünsiyyət tapmasına imkan vermişdir.
Nəzəri cəlb edən başlıca cəhət odur ki, şair bu xoşbəxtlikdən,
onun sevib hörmət bəslədiyi söz və mərifət sərraflarından fay-
dalanmağa çox tələbkar yanaşmışdır. Bu gülüstandan rayihə və
rəngləri, boyaları zəngin olan güllərdən, çiçəklərdən bəhrələn-
məyə çalışmışdır. Onun bu qabiliyyəti illər, əsrlər boyu el ara-
sında gəzib dolaşan “Zər qədrini zərgər bilər” hikmət dolu kəla-
ma təsdiq möhürü vurmuşdur.
Azərbaycan söz sənətinin görkəmli nümayəndələrindən
olan Əzizə xanim Cəfərzadəyə onun bəslədiyi şairanə münasibə-
ti haqlı olaraq söz qədri bilənlər tərəfindən yüksək qiymətləndi-
82
rilmişdir. Bir cəhətə diqqət edək. Sağlığında qüdrətli sənətkar və
el anası kimi Əzizə xanımın qapısının onu ziyarət etmək arzu-
sunda olanların üzlərinə açıq olmasından, qayğıdan şair ürək do-
lusu söz açır. Alim və nasir həmkarının vətənin və xalqın qayğı-
keş hamisi olmasından söhbət açmağı qələmi üçün borc hesab
edir. Qələm dostunun vətənə və xalqa olan məhəbbətindən bəhs
edərkən onu yüksək qiymətləndirərək bir qədər də ülviyyət mə-
qamına vardırır. Şair bu fikirdədir ki, Əzizə xanımın ana yurda,
doğma xalqa sevgisi və qayğısı elə bir həddə olmuşdur ki, torpaq
da ona qoynunda yer verməyi özü üçün borc bilmişdir. Məhz bu
münasibətin ülviyyəti və sevgisi xalq anasının bələdçilərinə çev-
rilmiş, vətən torpağı onunla daimi ünsiyyətdə olmağı sevgisinin
hökmü hesab etmişdir:
Səsin ulu millətin
Haqq istəyən səsidir.
Qəlbində daşıdığın,
Bu vətənin dərdidir.
Torpaq da səni sevdi-
Şə
hidlərin anası,
Qəriblərin anası-
Sən onu sevən kimi (28, s.213).
Söhbətimizin bu yerində xalq yazıçısının bir ədəbiyyat-
ş
ünas kimi Qulamrza Səbri Təbrizinin yaradıcılığında, başqa
sözlə onun sənətkarlığına verdiyi ustad qiymətin yanından sükut-
la keçməyi doğru hesab etməzdim. Əzizə xanım qəlbindən su
içən bir inamla bu fikirdə idi ki, Qulamrza Səbri Təbrizi poe-
ziya, onun ifadə tərzi və poetik səliqəsinə gətirdiyi yeniliklərlə
də qüdrətli sənətkardır. Xalq yazıçısının zərgər dəqiqliyi ilə qə-
ləmə aldığı bu mülahizələri sənət aləmində çox qiymətlidir. O,
yazır:
Dostları ilə paylaş: |