83
“..Cənabi Qulamrza Səbri Təbrizinin əsərləri... sərbəst
olsalar da onlardakı daxili ritm və qafiyələr ruhu azəriləşdirir,
doğmalaşdırır. Qulamrza Səbrinin şeirləri gənc nəsli tərbiyə
etmək, onları mənfi əxlaqi keyfiyyətlərdən çəkindirmək, müsbət
ə
xlaqi keyfiyyətlərə alışdırmaq arzusu ilə yazılıb. Belə parçalara
hətta “Nəsihatnamə” də demək mümkündür və ən yaxşı cəhəti
odur ki, onlar təsvirçilik, uzun-uzadı sözçülükdən uzaqdır. Nəyi
etmək, nəyi etməmək iki-üç misra ilə müəyyənləşir. Lakonik-
dirlər... şair şərəfdən, ləyaqətdən, qeyrətdən əl çəkənləri kəskin
şə
kildə tənqid atəşinə tutur. Göstərir ki, “Elm unudulub, kitab
dəftər, dərs yaddan çıxıb, ləyaqət ucuzlaşır. “Qulamrza Səbri
ş
eirində gəncliyə düzgün tərbiyə verin, dostu-düşməni tanıdın
deyir, onlara paklıq nümunəsi göstərir. Əks təqdirdə uşaqlarda
inamsızlıq yaranacaq. Bu isə millətin ən ağır faciəsidir” (22,
s.177-178).
Bu əqidə sahibi olan şairin gələcək həyatda müşahidə
etdiyi bəzi neqativ hallar onu az qala sarsılmaq həddinə çatdırır.
Lakin ən ağır, dözülməsi çətin olan anlarda onun bütün sarsıntı
və üzüntülərdən xilas edən yenə şair qələmi olur. Şair məhz bu
yorulmaz fədainin nəfəsi ilə sarsıntılarını açıqladıqca elə bil
üstündən yük götürülür. Qəlbindən, şüurundan keçənləri məhz
bu sədaqətli fəadinin kömyəi ilə misrələrinə çevirir. Amma yük
doğurdan da ağırdır. Gecə-gündüz vətənpərvərlikdən, azərbay-
cançılıqdan danışanlara üzünü tutaraq: “Burax, tərifi-şüarı, qar-
daş”, onu narahat edənləri yenə də pisliyə, əyriliyə, laqeydliyə
tutulanlara bir həqiqət carçısı olan şair cəsarəti ilə müraciət edə-
rək yazır: min tərif və tosif əvəzində “Əyil doldur” laqeydlərin,
ciblərinə işləyənlərin yaratdıqları maddi, mənəvi çala-çüxurları.
Ə
sl şəhamət və qəhrəmanlıq bu olardı”.
Yaradıcılığının bütün mərhələlərində ürəyinin, ruhunun
ona verdiyi bir sorğuya cavab verməyə laqeyd qalmamışdır. Şair
nə üçün vətəndən ayrıldı. Halbuki, yaşamağa rahat məkanı, ye-
məyə halal çörəyi, ruhu üçün bol-bol qida verən nazlı-nemətli
vətəni olmuşdur. Lakin bütün bunlar doğma torpağının azadlıq
84
və qurtuluşu ilə əlaqədar onu düşündürən mətləblərə cavab ver-
məkdən aciz qalmışdır. Şair hər açılan səhərin, hər doğan günə-
ş
in onun vətən və xalqı haqqında düşüncələrinə intibah gətirməsi
təmənnasında olmuşdur. Min dolu süfrə vətən övladının həyati
ehtiyaclarını ödəməkdən aciz qalmışdır. Qonşuluqda yaşayan bir
uşağın soyuqdan, aclıqdan çəkdiyi əzab onun xoşbəxt həyat ba-
rədə düşündüklərinin vətən torpağında həyat donu geyəcəyinə
inamını alt-üst etmişdir. Bütün bunlar isə vətəni ona qürbətə
çevirmişdir.
Azərbaycanın xalq şairi, qüdrətli söz ustası Balaş Azər-
oğlunun sənətkar qayəsinin görkəmli müasirinin baxışları ilə
həmahəng səsləşən ustad qənaəti olmuşdur. Xalq şairi sənətinə
hörmət bəslədiyi filosof təbiətli həmkarı ilə doğma səsləşən
“Mən səadət axtarıram” adlı şeirində yazır:
Səadət vətəndədir, məncə.
Torpağı, göyü,
Suyu, sərvəti azad vətəndə.
Oğlu, qızı,
Dili, sənəti azad vətəndə.
Ayağın altında doğma torpaq,
Başın üstündə doğma asiman,
Qəlbindən keçəni
Azad danışasan-
Ağızdolusu, ürəyincə.
Güləsən də,
Ağlayasan da-
Fəqət, öz diləyincə... (1, s.49).
Bu problemin izahında Qulamrza Səbri Təbrizinin çox
sərrast və bir mənalı cavabı vardır:
Bəlkə də
Vətəndən ayrılmazdım,
85
Ə
gər çevirməsəydilər
Qürbətə vətəni (33, s.100).
Ş
air dövründən, zəmanəsindən, tamahkar və acgöz qüv-
vələrin vətəndə yaratdıqları mühitdən, cəmiyyətdə hakimiyyət
taxtına yüksəltdikləri eybəcərlikləri açıqlamaq üçün müraciət et-
diyi ürəyəyatan mənbələrədən birini də qüdrətli sələflərinin yadi-
gar qoyub getdikləri ədəbi, poetik xəzinə təşkil edir. Bu cəhət-
dən onun məftunu olduğu sələflərindən biri ulu Sabirdir. Şair bu
ə
bədiyaşar sənət qaynağına müraciət etdikdə onun qələminə il-
ham, təbinə rəvanlıq, poetik məntiqinə sarsılmaz qüvvət gəlir.
Bu güc və qüvvətin ümumi qaynaqlarından birini də qüdrətli söz
ustasının malik olduğu poetik güc və qüdrətdir.
Ş
air “Yaxşı yaşamağın sirri” ünvanlı qələm məhsuluna
“Sabiranə” adlı epiqraf əlavə etmişdir. Ədalətli yanaşsam deyə
bilərəm ki, şair bu bir kəlmə sözü ilə ulu Sabirin satirik aləminə
layiqli yol açmışdır.
Söz yox ki, bu baxışın həqiqətlə nə səviyyədə səsləşdiyi-
ni əyani şəkildə müşahidə etmək üçün qüdrətli satira ustasının
aşağıdakı misralarını yada salmaq məqsədəuyğun olardı:
-Görmə. –Baş üstü, yumaram gözlərim.
-Dinmə. –Mütiəm, kəsərəm sözlərim.
-Bir söz eşitmə. Qulağım bağlaram.
-Gülmə.-Pək iyi, şamu səhər ağlaram.
-Qanma.-Bacarmam. Məni məzur tut.
Beyləcə təklifi - məhalı unut.
Qabili - imkanmı olur qanmamaq,
Məcməri nar içrə olub yanmamaq (44, s.108).
Təbii ki, ustadın qüdrətli qələmi yuxarıların xalqı məh-
kum etdikləri məhrumiyyətlərlə dolu həyatın real mənzərəsini
təqdim etmişdir. Söhbət burasındadır ki, şair adını xatırlatdığı-
mız satirasını yaratdığı çağlarda hökm sürmüş ictimai-siyasi
Dostları ilə paylaş: |