— 99 —
III FƏSlL
AŞIQ ƏHMƏDİN DASTAN YARADICILIĞI
AZƏRBAYCAN DASTANÇILIQ ƏNƏNƏSİ VƏ AŞIQ
ƏHMƏD
Bütün növ xalq yaradcılığının əsas kriteriyasını nəsildən-
nəsilə ötürülən ənənəvi normaların sabitliyi, dəyişməzliyi təşkil
edir. Buna görə də xalq nəğməkarı özünün bütün improvizasiya
imkanlarını və ustalığını ənənənin qəbul olunmuş normaları
çərçivəsində reallaşdırmaq məcburiyyətindədir. P.A.Qrinçerin
qeyd etdiyi kimi, epik söyləyicinin əsas vəzifəsi də dinləyici
üçün tanış, ənənəvi olan hekayəti ona tanış, ənənəvi yolla nəql
etməkdir və uğurlu, fasiləsiz ifa üçün ifaçı şifahi yaradıcılıq
texnikasına, başqa sözlə, ənənəvi dil, ənənəvi tematika, ənənəvi
kompozisiya fəndlərinə tam yiyələnməlidir» (151, 32).
Diqqətəlayiqdir ki, epos poetikasının bu universal qa-
nunauyğunluğu Şirvan aşıq mühitində həm də görkəmli dastan-
çı kimi tanınmış Aşıq Əhmədin yaradıcılığı üçün də səciyyəvi-
dir. O, elə bir dastançılıq mühitində pərvəriş tapmışdır ki, bu-
rada aşıq sənəti, onun yaradıcılıq, ifaçılıq, o cümlədən dastançı-
lıq ənənələri çoxəsrlik tarixə malikdir. Şirvan aşıq mühitində
dastançılığın «ənənəvi dili», «ənənəvi tematikası və ənənəvi
kompozisiya fəndləri» Azərbaycan-türk (oğuz) aşıq sənətinin
daşlaşmış sənət kodlarıdır və Aşıq Əhməd bu ənənənin klassik
təmsilçilərindən olmuşdur.
Aşıq Əhməd dastançılığının özünəməxsusluq texnikasını
gözdən keçirməzdən əvvəl sənət ənənəsinin universal «göstəri-
ciləri» olan ənənəvi dil, tematika, kompozisiya ünsürlərinə aşı-
— 100 —
ğın mənsub olduğu Azərbaycan-türk dastançılığı əsasında diq-
qət yetirək.
Dastan ifaçılığının «ənənəvi dil» ünsürü dastan təhkiyyəsi-
nin daşlaşmış elementlərini nəzərdə tutur. Burada ənənəvi dil
dedikdə heç də canlı dilin lüğət tərkibi, dialekt keyfiyyəti nə-
zərdə tutulmur. Bu «dil» dastanın özünə məxsus olan təsvir və
ifadə vasitələrinin, qəliblərinin sistemidir. Məsələn, Aşıq
Əhmədin mövzusu müasir həyatımızdan götürülmüş «Şirvan və
Fərqanə» dastanından bir səciyyəvi parçaya diqqət edək. Dasta-
nın əvvəlində ənənəvi olaraq üç ustadnamə verilmişdir. Dasta-
nın nəsr – yurd hissəsi belə başlayır:
«Gəzək diyarbadiyar, dolanaq elbəel, sizə xəbər verək tor-
pağının hər qarışı yüz nemətli , «ağ qızıl» bəhrəli (pambıq nə-
zərdə tutulur – Y.Ə.), «qızıl əllər» (pambıqçı insanların əlləri
nəzərdə tutulur – Y.Ə.) diyarı Azərbaycan ölkəsindən...» (18).
Dastanın bu başlanğıc hissəsi bütün dil xüsusiyyətləri ilə
ənənəvi üslubdadır. Təkcə Aşıq Əhmədin təhkiyəsinə yox, bü-
tövlükdə dastan təhkiyəsinə xasdır. Bu, mövzunun dastanın dil
kodundan təqdim olunması deməkdir. Dastan elə bir quruluşa
malikdir ki, onun özünün dil, məzmun, kompozisiya göstərici-
ləri vardır. Dastan bu göstəricilərin vəhdətində dastan olaraq tə-
zahür edir. Həmin göstəricilər dastançılıq ənənəsində nəsillər-
dən-nəsillərə ötürülməklə yaşayır. Aşıq Əhmədin XX əsrə aid
bir mövzunu dastan «dilinin» özünəməxsus üslubu ilə təqdim
etməsi sənətkarın mövzunu dastan ənənəsinə «oturtması», das-
tanlaşdırması deməkdir.
Dastançılıq ənənəsinin mühüm göstəricilərindən biri «ənə-
nəvi tematikadır». Aşıq Əhmədin yaradıcılığında biz «ənənəvi
tematikanı» onun yaratdığı dastanlarda aydın şəkildə müşahidə
edirik. Baxmayaraq ki, aşığın yaratdığı dastanlar klassik dastan
mövzuları ilə «yüzdə-yüz» üst-üstə düşmür, ancaq bununla ya-
naşı, onun mətnləri əsas göstəriciləri etibarilə «ənənəvi temati-
— 101 —
kanı» qoruyur. Məsələn, Aşıq Əhmədin yaratdığı «Aşıq Bilal»
dastanı onun dastan yaradıcılığının zirvəsi sayılır. Orijinal sü-
jetə malik olan bu mətn, adından göründüyü kimi, Şirvan aşıq
mühitinin çox görkəmli nümayəndəsi Aşıq Bilala (Aşıq Bilal
haqqında geniş məlumat üçün bax: 103) həsr olunmuşdur. Das-
tanda Aşıq Bilalla bağlı çox maraqlı bioqrafik faktlar epikləşdi-
rildiyi üçün mətnin mövzusu orijinaldır. Ancaq Aşıq Əhməd
sənətkarlığı özünü onda büruzə vermişdir ki, o, orijinal bir
mövzunu dastan süjetinin ənənəvi tematikasına, ənənəvi süjet
sxeminə «sığışdıra» bilmişdir. Dastanın özünəməxsus olan sü-
jet sxemi vardır. Aşıq Əhməd əsərin qəhrəmanı olan Aşıq Bila-
lın həyatını bu sxemə tabe etdirmişdir. Yəni o, Aşıq Bilalın hə-
yatından elə məqamları qabartmışdır ki, bunlar məhəbbət das-
tanlarının süjeti üçün səciyyəvi mövzu ünsürləridir. Buraya: baş
qəhrəmanın eşqə düşməsi, sevgiyə mane olan qüvvələrlə müba-
rizə aparması, deyişmələr və s. aiddir. Dastandakı bütün bu ha-
disələr sənətkar tərəfındən məhəbbət dastanları üçün xarakterik
olan «tematik sxemə» uyğunlaşdırılmış və nəticədə sənətkarlıq
baxımından orijinal və Şirvan dastançılığında çox məşhur olan
bir dastan hasilə gəlmişdir.
Dastançılıq ənənəsinin daha bir özünəməxsusluq göstəricisi
«ənənəvi kompozisiya»dır. Qeyd edək ki, dastan kompozisiyası
dastançılıq ənənəsinin mühüm ünsürlərindəndir. Onun daşlaş-
mış, sabit qurum elementləri vardır. Aşıq Əhmədin dastanların-
da dastan kompozisiyasının sabit elementləri daim qorunmaqla
yaradıcı şəkildə inkişaf etdirilmişdir. Bu, onun dastanlarını din-
ləyicilər üçün maraqlı edən, onları məşhurlaşdıran amillərdən
biridir. Aşıq Əhməd qocaman sənətkar kimi uzun illər Şirvan
aşıq mühitində dastançılıq ənənələrinin qorunması və yaşadıl-
masında görkəmli rol oynamışdır.
Aşıq Əhmədin yaradıcılığında dastançılıq ənənəsinin iki tə-
zahür qatını aydın şəkildə müşahidə edirik:
— 102 —
1. Azərbaycan epik düşüncəsinin Şirvan regionu üçün sə-
ciyyəvi olan dastançılıq ənənəsi;
2. Aşıq Əhməd dastançılığının novator xüsusiyyətləri.
Aşıq Əhmədin dastançılığı bütün hallarda Azərbaycan-türk
dastançılıq ənənəsinin xarakterik yaradıcılıq xüsusiyyətlərini
özündə əks etdirir. O, dastançılıq ənənələri ilə çox zəngin olan
bir mühitdə yetişmiş, bu ənənəni ruhuna, yaddaşına hopdurmuş
və öz dastanları ilə, birmənalı olaraq, bu ənənələrin klassik təm-
silçisinə çevrilmişdir. Ancaq bununla bərabər, biz Aşıq Əhməd
dastançılığında onun istedadından, sənətkarlıq qüdrətindən irəli
gəlməklə nəzərdən keçirəcəyimiz novator keyfiyyətləri də sis-
temli şəkildə müşahidə edirik.
Epos poetikasının universal qanunauyğunluqlarına görə,
epik əsər hər ifa prosesində «yenidən doğulmasına» baxmaya-
raq, xalq ruhundan heç vaxt məhrum olmur. Epik təhkiyəsi bü-
tün hallarda onun yaddaş ehtiyatında olan süjet və motivlər, ha-
zır model və formullar, kompozisiya üsulları əsasında işləyir:
«Epik söyləyicinin dili ənənəvi formulların dilidir və o, bu for-
mullardan öz hekayətinin tələbatına və kontekstə (yerinə) uy-
ğun istifadə edir» (151, 36). Formul M.Parrinin müəyyən etdiyi
kimi, epik dilin əsas vahididir.
Aşıq Əhmədin dastanları sənətkar fərdiliyini əks etdirən
keyfiyyətləri ilə bərabər, xəlqi ruhu daim əks etdirir. Dastançı-
lıq ənənəsinin bütöv sistemi onun əsərlərində öz lirik və epik
təcəssümünü tapmışdır. Burada dastan yaradıcılığının özünə-
məxsus keyfiyyətləri ilə yanaşı, dinləyici auditoriyasının özünə-
məxsus keyfıyyətləri də qorunmuşdur. Dastan söyləyici yadda-
şında yaşadığı kimi, dinləyici yaddaşında da yaşayır. Audito-
riya ənənəyə uyğun gəlməyən dastanı qəbul etməz. Aşıq
Əhməd dastanlarının Şirvan məclislərinin bəzəyi olması da öz
növbəsində onun dastan yaradıcılığının ənənəyə sadiqliyinin
daha bir göstəricisidir.