8
predmeti deyildir. Kulturologiyanı elmi tədqiqatın xüsusi
predmeti kimi ayırdıqda müəyyən konseptual və metodoloji
zəminə əsaslandırmaq zəruridir. Problemin həllinin çətinliyi
mədəniyyətin elə bir fenomen olmasındadır ki, onu sırf zahiri və
empirik surətdə ictimai həyatın digər sahələrindən ayırmaq
mümkün deyildir. Mədəniyyət ən geniş mənada insanın həyat
fəaliyyətinin bütün əsas sahələrini – maddi istehsal, sosial-siyasi
münasibətlər, mənəvi inkişaf, məişət, insanlar arasında qarşılıqlı
əlaqə sahələrini səciyyələndirir. Müasir sosial həyatın istənilən
sahəsi bu fenomenin mədəni əhəmiyyəti və qiyməti baxımından
səciyyələndirilmək imkanına malikdir. Deməli, mədəniyyət
konsepsiyasının tədqiqi ilə digər ictimai elmlər predmetinin
tədqiqini bir-birindən ayıran sərhəddin haradan keçməsi
məsələsi mədəniyyətin müasir tədqiqatçıları qarşısında çox
kəskin şəkildə qoyulur.
Müasir cəmiyyətin bütün mədəni fəaliyyətinin başlıca
məzmununu və əsas məqsədini təşkil edən “insan şəxsiyyətinin
formalaşdırılması prosesi”nin mürəkkəb strukturu, eyni
zamanda mədəniyyət konsepsiyasının olduqca mürəkkəb
strukturunu aydınlaşdırır. Bu mənada kulturologiya, hər şeydən
əvvəl, insanın müəyyən cəhətlərinə görə mədəniyyət tərkibinə
daxil olan fəaliyyət növlərinin müxtəlifliyini (maddi əməyi,
ünsiyyəti, siyasi və ictimai fəaliyyəti, məişəti, asudə vaxtı, elmi,
incəsənəti, təhsili və i.a.) diqqətdə saxlamalıdır. İkincisi, o,
mədəni nemətləri və sərvətləri yaradan, qoruyan, irs qoyan,
mübadilə və istifadə edən mədəni fəaliyyətin özünün müxtəlif
sahələrini birləşdirməlidir. Üçüncüsü, mədəniyyət haqqında elm,
mədəniyyətin əsas elementlərinin – sərvətlərin, davranış
normalarının, nümunələrinin, dünyagörüşü prinsipləri və
ideyalarının, mənəvi və estetik ideallarının təhlinini verməlidir.
Deməli, cəmiyyətin və ayrılıqda götürülmüş fərdin bütün
mədəniyyət binası bu elementlərdən yaranır. Ona görə də
kulturoloji tədqiqatlarda məhz belə bir kompleks xarakterli
səciyyəvi xüsusiyyətlərə ciddi diqqət yetirilməlidir.
9
Bu sevindirici bir haldır ki, Azərbaycan Respublikasının
müasir dövrdə yürütdüyü mədəniyyət siyasətindən yaranan
imkanlar və milli mənəvi dəyərlərimizin mühafizəsinə göstərilən
qayğı, gənc alimlərin və tədqiqatçıların bu sahədəki araşdırma-
larına da stimul verməkdədir. Mədəniyyət siyasəti sahəsindəki
fəaliyyətlərə elmi dəstək vermək məqsədindən irəli gələn
“Müasir şəraitdə Azərbaycan dövlətinin mədəniyyət siyasəti və
mənəvi dəyərlərin inkişaf amilləri” mövzusundakı tədqiqatın
aparılması prosesində, təbii ki, mədəniyyət fenomeni ilə bağlı
yuxarıda qeyd olunan səciyyəvi xüsusiyyətlərin və bu sahədə
əldə edilmiş elmi qənaətlərin nəzərə alınması zəruridir. Elə
məhz bu baxımdan da, milli-mənəvi dəyərlərin inkişafına
yönəldilmiş yeni mədəniyyət siyasətinin tədqiqini nəzərdə tutan
monaqrafiya mövzusu aktuallıq kəsb etməkdədir.
Mədəni dünyaya sürətlə inteqrasiya etməkdə olan
Azərbaycan Respublikasının demokratik inkişafı üçün zəruri
olan təsisatlar və hüquqi baza artıq formalaşmışdır. Dövlət
quruculuğu sahəsində aparılan islahatlar mədəniyyət siyasətinin
səlahiyyətlərin bölünməsi prinsipi əsasında gerçəkləşməsini
təmin etməkdədir. Respublikada müxtəlif yönlü siyasi
partiyaların, ictimai təşkilatların azad fəaliyyət göstərməsi,
çoxsaylı mətbuat orqanlarının sərbəst çıxması, özəl televiziya və
radio kanallarının öz verilişlərini efirə çıxarması və sairə kimi
hallar Azərbaycanda siyasi plüralizm, fikir azadlığı,
demokratiya ab-havasının hökm sürməsinin konkret əyani
nəticələridir. Vicdan və söz azadlıqları, şəxsiyyətin
toxunulmazlığı, əsas insani və vətəndaş hüquq və azadlıqlarının
təmin edilməsi, tolerantlıq mühitinin bərqərar olması əsl
vətəndaş cəmiyyəti formalaşdırmaq üçün atılmış zəruri
addımlardandır.
Digər sahələrlə yanaşı mədəniyyət siyasətində əldə edilmiş
mühüm nailiyyətlər ölkəmizin müstəqilliyinin möhkəm-
ləndirilməsinə şərait yaradır. Müstəqil respublikamızın nüfuzlu
beynəlxalq təşkilatlara, o cümlədən Avropa Şurasına tam-
10
hüquqlu üzv qəbul edilməsi onun beynəlxalq mövqeyinin
möhkəmləndirilməsinə, dünya ölkələri içərisində öz layiqli
yerini tuta bilməsinə əlverişli imkan vermişdir. Azərbaycanın
dövlət müsqətilliyinin möhkəmləndirilməsinə xidmət edən
mədəniyyət siyasəti dünyanın bütün dövlətləri ilə
bərəbərhüqüqlu əsaslar üzərində faydalı əlaqələrin inkişaf
etdirilməsinə də şərait yaradır.
Mədəniyyətin tərəqqisi haqqında fikir müxtəlifliyi və
uyğunsuzluqları isə yalnız elmi səbəblərlə deyil, eləcə də daha
dərin sosial-tarixi səbəblərlə şərhini tapır. Mədəniyyət nəinki
nəzəri izah tələb edən anlayışdır, həmçinin ictimai inkişafın real
praktik və vacib məsələsidir. Mədəniyyət sahəsində siyasət
müstəqillik dövründə təkcə bizim deyil, həm də digər dünya
dövlətlərinin siyasətinin tərkib hissəsinə çevrilmişdir. Mədəni
inkişaf məsələləri müxtəlif partiyaların, beynəlxalq siyasi
sənədlərin, proqramların mühüm tərkib hissəsi olmuşdur.
Beləliklə, “mədəniyyət” anlayışının fundamental nəzəri
əhəmiyyəti və mürəkkəbliyi müasir tarixi situasiyada
mədəniyyət problemlərinin qloballığı və çoxcəhətliyi ilə
şərtlənir. Bəşər tarixində yeni epoxanın – insan həyatının bütün
sahələrində köklü dəyişikliklər epoxasının xarakterini dərk
etmədən geniş mənada mədəniyyətin məzmununu başa düşmək
mümkün deyil. Azərbaycanda yeni cəmiyyətin qurulması ilə
şərtlənən dəyişikliklərin mühüm amili, ümumiyyətlə yeni
dövrdə geniş miqyas almış elmi-texniki tərəqqidir. Təbii ki,
cəmiyyətdə baş verən genişmiqyaslı dəyişikliklər mədəniyyətin
inkişafına da təsirsiz qalmamışdır. Bəşər mədəniyyətinin
perspektivləri ilk növbədə, dünyanın mövcud dilemmanı necə
həll edəcəyindən asılıdır ki, bu baxımdan dövlətlərin
mədəniyyət siyasətləri və xalqların mənəvi dəyərlərinin
mühafizəsi problemlərilə bağlı tədqiqatların əhəmiyyəti
danılmazdır.
Bu vaxta qədər bütün dünyada, o cümlədən Azərbaycan
Respublikasında mədəni quruculuq məsələləri, mədəniyyət
Dostları ilə paylaş: |