170
Azərbaycanda torpaq tədqiqatlarının operativ, obyektiv və riyazi əsaslarla
aparılmasını təmin edən informasiya sistemi yaradılmışdır.
Çox təəssüflər olsun ki, hələ də bəzi alimlərimiz torpaqdan səmərəli
istifadənin təşkili probleminə primitiv yanaşaraq ‘‘problemin həlli yalnız
mənlikdir’’ təkəbbüründən çıxış edirlər. Biz problemin həllinə belə bəsit
yanaşmalarla onun həllinə nail ola bilmərik. Problemin həlli yalnız və
yalnız kompleks yanaşmadadır.
Torpaqdan səmərəli istifadənin təşkili probleminə ictimai-siyasi
münasibətlər, bu münasibətlərin tərkib hissəsi olan torpaq münasibətləri,
istehsalatın təşkili, iqtisadiyyatı, idarə edilməsi, torpaqlardan istifadənin
ərazicə kompleks təşkili kontekstindən yanaşmalıyıq. Əks təqdirdə ana
təbiət, torpaq lüzumsuz laboratoriya analizlərinin nəticələri ilə, bir çox
hallarda xeyrindən çox ziyanı olan mineral gübrələrlə üzbəüz qalar.
Torpaq torpaqşünasla, aqrokimyaçı ilə, məhəndis-mexaniklə,
yerquruluşçusuyla, iqtisadçıyla ayrı-ayrılıqda danışmaq istəmir.
Yerquruluşu bir “bulaq”dır. Bu “bulağ”ın “göz”ləri torpaqşünaslıq,
aqrokimya, əkinçilik, meliorasiya, sahə iqtisadiyyatı, kompüter
texnologiyası və s. kimi elmlərdir. Bu “göz”lərdən süzülmüş təklif, tədbir
dolu “damcı”lar yerquruluşu layihə və sxemlərində birləşib “saf bulaq
suyu”nu – kompleks yerquruluşu tədbirlər sistemini əmələ gətirirlər.
4.3. Yerquruluşu istehsalat prosesinin iştirakçıları
Yerquruluşu əməliyyatları prosesində yaranan münasibətlərin
iştirakçıları yerquruluşu işlərinin aparılmasını sifariş edənlərdən,
yerquruluşu işlərinin podratçılarından və yerquruluşu işləri yerinə
yetirilərkən hüquqlarına və qanuni maraqlarına toxunulan şəxslərdən və
ya qüvvədə olan qanunvericiliyə uyğun olaraq bu münasibətlərdə iştirak
edən orqanlar və şəxslərdən ibarətdir.
Yerquruluşu sənədlərinin sifarişçisi kimi yerquruluşu işlərinin
görülməsi barədə qərar qəbul etmiş və ya vəsatət qaldırmış şəxslər
(hüquqi və fiziki) çıxış edə bilərlər. Bütövlükdə yerquruluşu sənədlərinin
sifarişçiləri siyahısına aşağıdakıları aid etmək olar:
–
icra hakimiyyəti orqanları;
–
Azərbaycan Respublikası subyektlərinin icra hakimiyyəti orqanları;
–
yerli özünüidarəetmə orqanları;
171
–
torpaq sahəsinin alınmasına iddialı olan vətəndaşlar və hüquqi
şəxslər;
–
torpaq sahəsi ilə bağlı əqdlər bağlanarkən və ya torpağa hüququn
dövlət qeydiyyatı zamanı yerquruluşu işlərinin yerinə yetirilməsi barədə
qərarlar qəbul etmiş torpaq üzərində hüquqa malik vətəndaşlar və hüquqi
şəxslər.
Yerquruluşu işlərinin aparılmasına başlanması barədə əsas verən
hallar aşağıdakılar ola bilər:
–
mərkəzi dövlət hakimiyyəti orqanlarının, Azərbaycan Respublikası
subyektlərinin dövlət hakimiyyəti orqanlarının, habelə yerli
özünüidarəetmə orqanlarının müvafiq qərarları;
–
vətəndaşlar, hüquqi şəxslər və yerquruluşu işlərini həyata keçirəcək
strukturlar arasında yerquruluşu işlərinin aparılması barədə bağlanmış
müqavilələr;
–
hüquqi qüvvəyə minmiş məhkəmə qərarları.
Yerquruluşu işlərinin podratçısı qismində bu işlərin aparılmasına
səlahiyyəti və lisenziyası olan fiziki və hüquqi şəxslər çıxış edə bilərlər.
Hal-hazırda yerquruluşu işlərinin aparılması üzrə əsas podratçı
təşkilat kimi Azərbaycan Dövlət Torpaq və Xəritəçəkmə Komitəsi
strukturuna daxil olan dövlət unitar yerquruluşu müəssisələri çıxış edirlər.
Belə təşkilat kimi Azərbaycan Dövlət Yerquruluşu Layihə İnstitutu
çıxış edir. Bu İnstitutunun respublikamızın regionlarında idarələri də
fəaliyyət göstərir.
Yerquruluşuna dair böyükhəcmli (aerofotogeodezik, topoqrafik və
digər planaalmalar) işlər həmçinin Aerogeodeziya və Kadastr İstehsalat
Birliyi tərəfindən həyata keçirilir.
Yerquruluşu sənədlərinin hazırlanmasının təkmilləşdirilməsi, görülən
işlərin keyfiyyətinin yaxşılaşdırılması, görülən işlərin keyfiyyətinin
standartlara uyğunlaşdırılması
məqsədilə yerquruluşu işlərinin
podratçısının borcudur ki:
–
yerquruluşu sənədlərinin hazırlanması və həyata keçirilməsinə dair
təlimatların, normativ-texniki sənədlərin tələblərini, habelə Azərbaycan
Respublikasının qanunlarını və digər hüquq normalarını rəhbər tutsun;
–
yerquruluşu prosesində mənafelərinə toxunula biləcək şəxslərin
hüquq və qanuni maraqlarına riayət etsin;
–
maraqlı tərəfləri yerquruluşuna dair işlərin aparılacağı barədə
172
məlumatlandırsın;
–
yerquruluşuna dair işlərin aparılması ilə bağlı əldə etdiyi məlu-
matlara münasibətdə dövlət sirri barədə qanunçuluğun tələblərinə riayət
etsin.
Yerquruluşu işlərinin podratçısı yerquruluşu sənədlərində nəzərdə
tutulmuş işlərin dəqiqliyinə, keyfiyyət və ekoloji təhlükəsizliyinə görə
tam məsuliyyət daşıyır.
Yerquruluşu zamanı yaranmış münasibətlərin iştirakçısı kimi,
yuxarıda göstərilən sifarişçidən və podratçıdan başqa, yerquruluşu prosesi
həyata keçirilərkən hüquqlarına və qanuni maraqlarına toxunula bilən
üçüncü şəxs də ola bilər.
Bu kateqoriyaya yerquruluşunun sifarişçiləri olmayan, amma
yerquruluşu aparılan ərazilərə bitişik və ya onların sərhədləri daxilində
yerləşən torpaqların sahibləri – fiziki və hüquqi şəxslər ola bilərlər.
Yerquruluşu iştirakçılarının tərkibinə həmçinin torpaq sahələri
olmayan, amma bu işlərlə əlaqədar mənafelərinə toxunulacaq vətəndaşlar,
ictimai təşkilatlar və digər hüquqi şəxslər də ola bilərlər.
Yerquruluşu prosesi iştirakçılarının hüquqları aşağıdakılardır:
–
yerquruluşunun aparılması vəziyyəti və nəticələri barədə ödənişsiz
informasiya almaq;
–
qanunçuluğa müvafiq olaraq yerquruluşu aparılarkən iştirakçının
qanuni hüquqları pozulduğu halda hüquqa zidd hərəkətlər barədə şikayət
etmək.
Eyni zamanda yerquruluşu prosesi iştirakçılarının vəzifələri də
müəyyənləşdirilib:
–
yerquruluşu prosesi iştirakçıları tərəfindən torpaq münasibətlərinə
və yerquruluşuna dair Azərbaycan Respublikasının qanunvericiliyinə,
normativ - hüquqi aktlarına, yerli özünüidarəetmə orqanlarının normativ -
hüquqi aktlarına riayət edilməsi;
–
torpaq ehtiyatlarından istifadəyə və onların mühafizəsinə nəzarət
edən orqanların səlahiyyətləri çərçivəsində iştirakçıdan iddia etdikləri
tələblərin yerinə yetirilməsi;
–
təsdiq edilmiş yerquruluşu sənədlərinin həyata keçirilməsinə dair
dövlət hakimiyyəti və yerli özünüidarəetmə orqanlarının qərarlarına riayət
edilməsi;
–
yerquruluşu işləri görülərkən yerquruluşunun maraq dairəsindəki
Dostları ilə paylaş: |