Azərbaycan Respublikası beynəlxalq idman və turizm əlaqələri sistemində
(1991-2005-ci illər)
67
müş və birgə yarışların təqvim planını imzalamışdı. 1999-cu ilin
martında Novruz bayramına həsr olunmuş mini-futbol üzrə
beynəlxalq turnirdə Qazaxıstanın “Aktau” komandası, həmin
ilin sentyabrında isə Bakıda H.Aslanovun xatirəsinə həsr olun-
muş cüdo üzrə beynəlxalq turnirdə Qazaxıstanın doqquz nüma-
yəndəsi iştirak etmişdi.
2000-ci ilin martında MDB ölkələri idman işləri üzrə dövlət
orqanları rəhbərlərinin Moskvada keçirilən müşavirəsində Qaza-
xıstan dövlət idman orqanının rəhbəri ilə Azərbaycanın müvafiq
qurum rəhbəri görüşmüşdü. Görüş zamanı mövcud əlaqələr və
gələcək perspektivlər müzakirə edilmiş, onların genişləndirilmə-
si üçün bütün imkanlardan istifadə ediləcəyi barədə razılığa gə-
linmişdi. Lakin yol xərclərinin baha olması əlaqələrin genişlən-
məsinə müəyyən maneçilik törətmişdi. Bu baxımdan gənclər və
idman nümayəndə heyətlərinə güzəştli biletlər satılması barədə
hökumətlərarası razılıq əldə olunması bu sahədə əlaqələrin daha
intensiv olmasına şərait yaradardı.
2002-ci ildə boks üzrə yığma komandamız Astanada dünya
kuboku yarışlarında iştirak etmiş və komanda hesabında beşinci
yeri tutmuşdu. Qazaxıstan yığma komandası da 1996-cı ildən
2005-ci ilə kimi boks üzrə ənənəvi Ə.Çoudri kuboku uğrunda
beynəlxalq Bakı turnirlərində iştirak etmişdir. Qazaxıstan boks-
çuları yeniyetmələrin beynəlxalq turnirlərinə, əməkdar məşqçi
və əməkdar idman ustası A.Ağalarovun xatirəsinə həsr olunmuş
beynəlxalq turnirlərə də dəvət olunmuşdular. Yuxarıdakı faktlar
idmanın boks növü üzrə Qazaxıstan-Azərbaycan əlaqələrinin
normal olduğunu göstərir.
26-30 iyun 2003-cü ildə mini-futbol və badminton üzrə
Azərbaycan yığma komandası Astanada keçirilən zəhmətkeşlə-
rin IV beynəlxalq idman oyunlarında və 10-16 iyun 2003-cü ildə
Astanada keçirilən bilyardın piramida növü üzrə Asiya açıq
çempionatında təmsil olunmuşdular.
Azərbaycan və Qazaxıstan respublikaları arasında əməkdaş-
lıq üzrə hökumətlərarası komissiyanın 28 fevral 2004-cü il tarix-
Həsənov Yusifəli Lətif oğlu
68
li ikinci iclas protokolunun icrasına dair ölkələrimiz arasında id-
man sahəsində müvafiq işlər görülmüşdü. 23-24 aprel 2004-cü
ildə Bakıda keçirilmiş bədii gimnastika üzrə “World Cup 2004”
dünya kubokunun mərhələ yarışlarında, 7-10 mayda Bakıda
H.Ə.Əliyevin xatirəsinə həsr olunmuş yeniyetmələr arasında
beynəlxalq boks turnirində iştirak etmiş, həmçinin Qazaxıstanın
ölkəmizdə fəaliyyət göstərən səfirliyindən aldığımız müraciətə
əsasən “Nevada-Semipalatinsk” beynəlxalq nüvəyəqarşı hərəka-
tın təşəbbüsü ilə 21 iyun-25 avqust 2004-cü ildə “Sülh marafonu
– 2004” veloyürüşü keçirilmişdi. Yürüşün marşrutunun bir his-
səsi 14-18 iyul 2004-cü ildə bəzi rayonlarımızı əhatə etməklə
Azərbaycan Respublikasının da ərazisindən keçmişdi. 2004-cü il
aprelin 28-də Astanada futbol üzrə Azərbaycan-Qazaxıstan ko-
mandaları arasında keçirilən yoldaşlıq görüşü iki türk xalqı, türk
dövləti arasındakı idman əlaqələrinin genişləndirilməsi baxımın-
dan əlamətdar bir hadisə sayılmalıdı.
Ölkələrimiz arasında idman sahəsində əlaqələrin genişlən-
məsi üçün Qazaxıstanın nümayəndələri respublikamızda keçiril-
miş aşağıdakı yarışlara dəvət edilmişlər: H.Ə.Əliyevin xatirəsinə
həsr olunmuş yeniyetmələr arasında beynəlxalq boks turniri,
Ə.Çoudrinin kuboku uğrunda beynəlxalq boks turniri, sərbəst və
yunan-Roma güləşi üzrə beynəlxalq turnir, otüstü hokkey üzrə
beynəlxalq turnir, futbol üzrə gənclər arasında beynəlxalq turnir,
iki dəfə Sovet İttifaqı Qəhrəmanı general H.Aslanovun xatirəsi-
nə həsr olunmuş cüdo üzrə beynəlxalq turnir.
Bunlardan başqa, 13-15 aprel 2005-ci ildə Bakıda Azərbay-
can Gimnastika Federasiyasının kuboku uğrunda və 3-9 oktyabr
2005-ci ildə yenə də Bakıda bədii gimnastika üzrə dünya çem-
pionatında Qazaxıstan idmançıları da iştirak etmişdilər. Sadala-
nanlarla yanaşı, 23-27 sentyabr 2005-ci ildə Bakıda Böyük Və-
tən müharibəsində faşizm üzərində qələbənin 60 illik yubileyinə
həsr olunmuş MDB-yə üzv olan dövlətlərin “Sülh və sağlamlıq
dostluqdadır” devizi altında beynəlxalq idman oyunlarında Qa-
zaxıstan idmançıları daşqaldırma, badminton, stritbol, yüngül at-
Azərbaycan Respublikası beynəlxalq idman və turizm əlaqələri sistemində
(1991-2005-ci illər)
69
letika, voleybol, darts, stolüstü tennis, kəndirdartma və mini-fut-
bol növlərində də yarışmışlar. Həmçinin informasiya mübadilə-
sinin aparılması, hakimlər və məşqçilər üçün seminarların təşkil
olunması, təkbətək mübarizə idman növləri üzrə yeniyetmələr-
dən ibarət seçmə komandaların birgə təlim-məşq toplanışlarının
keçirilməsi üzrə Qazaxıstan ilə əməkdaşlığın genişləndirilməsi
nəzərdə tutulmuşdu. Azərbaycan idmançıları da öz növbələrində
bu dost ölkədə keçirilən idman oyunlarında – 19-23 yanvar
2005-ci ildə Aktauda boks üzrə beynəlxalq turnirdə, 24-27 mart
2005-ci ildə cüdo üzrə S.Cardosovun xatirəsinə həsr olunmuş
XII beynəlxalq turnirdə, 23-27 noyabr 2005-ci ildə Almatıda bil-
yard üzrə dünya çempionatında iştirak etmişlər.
Yuxarıdakı faktlar 2005-ci ildə Azərbaycan-Qazaxıstan iqti-
sadi əməkdaşlıq üzrə hökumətlərarası komissiyanın 22 may
2005-ci il tarixli üçüncü iclas protokolunun 7-ci bəndinin düz-
gün icra olunduğunu göstərir (protokolun 7-ci bəndində idman
sahəsində əməkdaşlığın daha da genişləndirilməsi nəzərdə tutu-
lurdu).
Azərbaycan Respublikasının qonşu Gürcüstanla əlaqələri də
böyük maraq kəsb edir [140, s.131-135]. Belə ki, bu əlaqələrin
çox xoş bir tarixçəsi var. Hələ SSRİ dövründə Azərbaycan digər
sahələrlə yanaşı idman sahəsində də Gürcüstanla sıx dostluq əla-
qələri saxlamışdı və bu əlaqələr hal-hazırda da davam etdirilir.
Ölkəmızın idmançıları qonşu dövlətin idman tədbirlərində ya-
xından iştirak edirlər. Eyni zamanda respublikamızda keçirilən
müxtəlif miqyaslı yarışlara digər ölkələrlə yanaşı Gürcüstan id-
mançıları da dəvət olunurlar. Qeyd etmək lazımdır ki, keçirilən
bütün gənclər və idman tədbirlərinin və yarışlarının iştirakçıla-
rına ölkəmizin həyatında baş verən mühüm ictimai-siyasi hadi-
sələr barədə ətraflı məlumat verməklə yanaşı, qonaqların yemək,
yataq xərcləri də respublikamızın hesabına ödənilmiş və onların
asudə vaxtlarının səmərəli keçirilməsi məqsədilə mədəni-kütləvi
tədbirlər təşkil olunmuşdur. Gənclər və idman sahəsində dövlət
siyasətini ardıcıl həyata keçirən Gənclər və İdman Nazirliyi ya-
Dostları ilə paylaş: |