Milli Kitabxana
104
dodaqlarını sıxıb dayandı ki, yalançı sözlər daha çıxa bilməsin.
Çünki anasına yazığı gəldi.
—Məgər məktəbə fıl gətiriblər?
Anasının bu sözündən sonra Yaşar nə qədər axtardısa
doğru sözləri tapa bilmədi. Axı yalançı sözlər onları o qədər
təpikləyib, dümsükləmişdilər ki, yazıqlar qaçıb haradasa
gizlənmişdilər. İndi yalançı sözlər onun ağzından sakit-sakit
çıxırdı. Yaşarı öz günlərinə salıb yalançı etmək istəyirdilər.
Amma buna da Yaşar deyərəm. Üç dəfə udqunub gözlərini
ayaqqabılarının burnuna dikdi ki, bəlkə həqiqi sözlər
gizləndikləri yerdən çıxa, amma heyif ki, onlar bərk
incimişdilər. Əlacsız qalan Yaşar axırda dodaqlarını gəmirə-
gəmirə yalançı sözləri dişlərinin arasından buraxdı:
—Məsələ belədir ki, məktəbimizin həyətini zoopark
ediblər. Bundan sonra zoologiya dərslərini elə oradaca, açıq
havada keçəcəyik.
—Sən nə danışdığını bilirsən? — anası necə qışqırdısa
Yaşarın ürəyinin lap dərinliyində gizlənib mürgü döyən həqiqi
sözlər özlərini onun dodağına yetirdi və Yaşarı çətin
vəziyyətdən çıxarmaq üçün bu saat çölə çıxmağa hazır
dayandılar. Amma elə bu zaman yalançı sözlərin başçısı bircə
zərbə ilə onların hamısını gəldikləri yerə qaytardı və özü asta-
asta dişlərin arasından sürüşüb çıxdı:
—Atamın canı üçün doğru deyirəm!
Aydın məsələdir ki, Yaşar bu yalançı sözlərin başçısını
qətiyyən dilinə gətirmək istəmirdi. Amma özünüz deyin, axı bu
uşaqda nə təqsir var?
Ana uşağı evə gətirib yatağa uzatdı. Tez istilikölçən
qoyub, qızdırmasını ölçdü. Yox canım, hər şey öz qaydasında
idi. Bəs onda uşağa nə olmuşdu ki, bu boyda yalan danışsın.
Anasının başqa şeyə gücü çatmadı. Yaşarın bu sözlərini atası
eşitsəydi gör nə olardı.
Doğru sözlər harasa yoxa çıxmışdılar. Daha yalançı
sözlər rahatca süzülüb gəlirdi.
Milli Kitabxana
105
—Axı niyə məktəbin həyətində zoopark tikmək olmaz?
Bu sözlərdən sonra bir qəribə iş oldu. Anası oxlovla Yaşarın
əlinin üstündən vurdu. Əlbəttə, Yaşar orasını qətiyyən başa
düşmədi ki, onun əllərinin təqsiri nədir. Yalançı sözlər əldən
çıxmırdı ha.
Anası onun əllərindən vurduğu üçün Yaşar ondan
küsdü. Anası da Yaşardan yalan danışdığı üçün küsdü. Ah bu
yalançı sözlər. Onlar Yaşarın əlinə düşsəydi...
Milli Kitabxana
106
İKİ TƏNBƏL
iri vardı, biri yoxdu, iki tənbəl vardı. Bir dəfə bu
tənbəllərin nənələri onları yanına çağırıb dedi:
—Meşəyə gedin. Bəlkə dovşandan-zaddan tutdunuz,
bişirib yeyərik.
Nənələri tənbəllərin yoluna yağlı fətir qoydu.
Onlar meşəyə getdilər. Aydındır ki, əvvəlcə yağlı
fətirləri yedilər. Sonra da ağacın kölgəsində uzandılar. Bir də
gördülər ki, yolla bir оvçu gedir. Birdən kolun dibindən bir
çaqqal qaçdı. Ovçu arxasına aldığı kisəni yerə qoydu ki,
çaqqalı vursun. Ovçunun başı çaqqala qarışanda kisədən
ayaqları bir-birinə bağlı iki dovşan çıxdı. Dovşanlar gəlib
tənbəllərin lap yanında bir kola ilişib qaldılar. Nə qədər
dartındılarsa ayaqlarını aça bilmədilər. Ovçunun isə bundan
xəbəri olmadı. Kisəsini götürüb getdi. Tənbəllər əvvəl
sevindilər. Sonra birinci tənbəl öz-özünə fikirləşdi: "Hərəmizə
bir dovşan düşür. Əgər mən dovşanı evə aparsam nənəm
deyəcək ki, indi bunun başını kəs, soy, apar yu. Bu boyda işi
görə bilmərəm. Yaxşısı budur bir kələk işlədim dovşanları
Şaqqulu aparsın».
Şaqqulu isə öz-özünə fıkirləşirdi: "Dovşanları Vaq-
quluya sırıya bilsəm, gör nə olar ey! Evdə bu dovşanları kəsib
təmizləyəndə ona altdan-altdan gülərəm. Gör onda nə qiyamət
olar ha!"
Şaqqulu dedi:
Milli Kitabxana
107
—Gəl bir şeydən mərc gələk. Kim udsa dovşanlar onun
olsun. Vaqqulu ürəyində dedi: "Gərək elə şeydən mərc
gələmki, uduzam".
—Mən razıyam, — deyə ucadan dilləndi.
—Nədən mərc gələk?
Bu zaman gördülər ki, tülkü gəlir. Tülkü su arxına
çathaçat idi. Şaqqulu dedi:
—Tülkü indicə tullanacaq. Mən deyirəm arxdan
keçəndə onun quyruğu suya dəyəcək.
Vaqqulu dedi:
—Dəyməyəcək.
Onlar mərc gəldilər. Vaqqulu ürəyində arzu edirdi ki,
tülkünün quyruğu suya dəysin. Onda mərci Şaqqulu udar.
Dovşanların ikisi də Şaqquluya çatar.
Tülkü sıçrayıb arxdan keçdi. Onu çağırdılar.
—De görək arxdan keçəndə quyruğun suya dəydi,
yoxsa dəymədi?
Tülkü onların yanında ayaqlarından bir-birinə bağlan-
mış dovşanlara baxıb başa düşdü ki, burda nə isə iş var.
Dedi:
—Yox, dəymədi.
Şaqqulu dedi:
—Mərci sən udmusan, dovşanlar da sənin olacaq.
Vaqqulu bərk dilxor oldu. İşi belə görən tülkü dedi:
—Deyəsən quyruğum suya azca dəydi axı. Bu sözü
eşidən kimi Vaqqulu dedi:
—Ura! Mərci sən udmusan. Tez ol dovşanlarını götür!
Şaqqulunun qanı lap bərk qaraldı.
Tülkü dedi:
—Doğrusu quyruğumun suya dəyib-dəymədiyini
bilmirəm. Görürsünüz qupqurudur. Suya düşsəydi islanardı.
Şaqqulu yenə əvvəlki həvəslə qışqırdı: