Milli Kitabxana
95
Mən qoyundan çox ceyrana oxşayıram. Ayaqlarım isə xalis
ceyran ayağıdır ki, var". Qoyun gecə-gündüz tülkünün yolunu
gözləməyə başladı. Axı onun ceyran olduğunu tülküdən başqa
heç kəs bilmir. "Gör mən necə bədbəxt olacaqdım — deyə
düşünürdü. — Yəqin ömrümün axırına kimi elə biləcəkdim ki,
qoyunam. Elə qoyun kimi də ölüb gedəcəkdim. Halbuki bəlkə
də ceyranların ən gözəli elə mən özüməm."
Bir dəfə alabaş yenə də çəmənliyə gecikmişdi. Tülkü
vaxtı bir dəqiqə də itirmədi. Qoyun onu görən kimi üstünə
atılıb dedi:
—Əziz dost, tezliklə bu çəmənlikdən qaçmalıyıq.
Alabaş gəlib yenə də cır səsi ilə zəhləmi tökəcək.
—Onda dalımca gəl, —tülkü onu tələsdirdi.
Onlar qaçıb meşəyə girdilər. Tülkü qoyunu yuvasına
gətirdi. Balaları ilə tanış etdi. Fikirləşirdi ki, əgər qoyunu bu
saat parçalasa əti iki günə iylənib xarab olacaq. Onu elə yemək
lazımdır ki, bir müddət ölməsin. Buna görə də dedi:
—Ay ceyran balası, sən doğrudan da gözəlsən, amma
bu quyruqların heç sənə yaraşmır. Uzaqdan baxan olsa səni
qoyuna oxşadar.
Qoyun yöndəmsiz quyruğuna nifrətlə baxıb dedi:
—Heç bilmirəm bu quyruq hardan gəlib mənim
bədənimə yapışıb.
Tülkü hiyləsinin baş tutduğunu görüb ürəkləndi:
—Eybi yoxdur, buna çarə tapılar. Gəlsənə sənin
quyruğunu ehmalca qoparıb ataq. Düzdü, azca ağrıdacaq,
amma inanıram ki, buna dözərsən.
—Əlbəttə, dözərəm, təki bu yöndəmsiz quyruqdan
canım biryolluq qurtarsın.
Tülkü ustalıqla işə başladı. Quyruğu dibindən sıyırıb
balalarının qabağına atdı. Əlbəttə özü quyruğun dadına
baxmağı yaddan çıxarmadı. Lap şirin quyruq idi. Tülkü
ömründə bu şirinlikdə quyruq yeməmişdi. "Gör bunun
Milli Kitabxana
96
budlarının dadı nə olar?!" deyə fıkirləşdi. Səhər yuxudan duran
kimi qoyuna ədəblə salam verdi.
—Ay ceyran balası, dünəndən əsl ceyransan ki,
durubsan, amma arxa ayağının biri heç xoşuma gəlmir.
Ceyran ayağından çox qoyun ayağına oxşayır. Mən belə
ayağı bir dəqiqə də gəzdirməzdim.
Qoyun bədən üzvlərindən hansının qoyununkuna
oxşadığı sözünü eşidirdisə həmin hissə o saat gözündən
düşürdü. Tülkünün sözünü eşidən kimi dedi:
—Gör o ayağımı kəsə bilərsənmi? Eybi yoxdur üç
ayaqlı qalmağa razıyam, amma qoyun olmağı ağlıma gətirəndə
az qalıram dəli olam.
Tülkü işə girişdi, nə girişdi. Budu kökündən qoparıb
parçaladı. Yəqin başa düşürsən ki, tülkü qoyunu beləcə yeyib
kef çəkəcək? Lap doğru başa düşmüsən. Bəs alabaş harda
qaldı? Gəlsənə qayıdaq çəmənliyə, görək orda nə var, nə yox!
Alabaş çəmənliyə gələn kimi işin nə yerdə olduğunu
başa düşdü, qoyunun ləpirlərini iyləyib meşəyə tərəf qaçmağa
başladı Alabaş özünü tülkünün yuvasına o zaman yetirdi ki,
artıq qoyun yerə sərələnib can verir. Qoyun alabaşı görən kimi
qışqırdı:
—Niyə gəlmisən. Yenə cır səsinlə zəhləmi tökməyə-
mi?! Birdəfəlik başa düş ki, mən sənin üçün qoyun-zad
deyiləm. — Bu qoyunun son sözləri oldu. О qədər qan itirmişdi
ki, daha dayana bilməyib öldü. Alabaş dostunun sözlərini
qətiyyən başa düşmədi. Kor-peşman doğma çəmənliyə qayıtdı.
Milli Kitabxana
97
DOVŞANIN ADI
anavar Dovşanı necə qovmuşdusa adı tamam
yadından çıxmışdı. О, Canavarı aldadıb oxuya-
oxuya yolla gedirdi. Birdən qabağına Kirpi çıxdı.
—Kirpi, ay Kirpi, sən bilmirsən mənim
adım nədir? — deyə Dovşan tələsik soruşdu.
Kirpi dayanıb dərin fikrə getdi. Tüklərini qabardıb dedi:
—Sənin adın Yekəqulaqdı. Bəli, bəli, tamamilə əmin
ola bilərsən ki, belədir. Bilirsən səni niyə belə çağırırlar? Axı,
qulağın hamımızınkından yekədi. Amma bu nəyə desən dəyər.
Özün üçün rahatca gəzirsən. Uzaqdan bir səs gəlsə, hamıdan
qabaq eşidirsən.
Dovşan Kirpinin sözlərinə qətiyyən inanmadı. Heç belə
də ad olar: Yekəqulaq?!
Birdən topaquyruq Dələni gördü, dedi:
—Səncə mənim adım nədir?
Dələ cavab vermək üçün heç fikirləşmədi də. Çünki
fıkirləşmək onun adəti deyildi. Buna vaxt hardaydı ki? Tez
dedi:
—Çəpgöz! Sənə ona görə Çəpgöz deyirlər ki, zoğal
dənələrinə oxşayan qəşəng gözlərin çəpdir. Belə gözlə lap
uzaqları da görmək mümkündür.
Dovşan isə onun sözlərini heç eşitmədi də. Çünki bilirdi
ki, adı belə deyil. O, qonur bir ayıya rast gəldi.
—Ayı qağa, siz bilərsiniz, mənim adım nədir? Tamam
yadımdan çıxıb.
Milli Kitabxana
98
Ayı ağıllı görünmək üçün bir qədər fıkirləşib dedi:
—Sənin adın uzağa tullanandı. — Az qaldı ki, özü də
öz sözünə inanmasın. Çünki, ömründə bu uzunluqda ad
eşitməmişdi. Amma ayı meşənin ən böyük heyvanı idi. Sözün
düzünü o da bilməyib daha kim biləcəkdi ki?
Ayı sözünün doğruluğunu təsdiq etmək üçün dedi:
—Bilirsən sənə niyə belə ad qoyublar? Çünki qabaq
ayaqların arxa ayaqlarına nisbətən gödəkdi. İstəsən lap uzağa
tullana bilərsən.
Dovşan istədi ayıya desin ki, bu uzunluqda ad olmaz,
amma demədi. Belə desəydi, onda gör nə olardı.
Yenə oxuya-oxuya yolla getməyə başladı. Gördü ki, iki
çaqqal bir-biri ilə mübahisə edir. Onlar kolun arxasında
olduqlarına görə Dovşanı görmürdülər. Biri deyir:
—Sən Dovşan kimi qorxaqsan.. O biri cavab verirdi:
—Dovşan sənin özünsən. Elə buradaca Dovşanın adı
yadına düşdü. İstədi yüyürüb onlara desin ki, heç mübahisə-zad
eləməyin, Dovşan mənəm. Buna vaxtmı var idi? Tez geri
qayıtdı. Əvvəl bayaqkı ayı ilə rastlaşdı:
—Heç bilirsiniz mənim adım nə imiş? Dovşan. Ayı üz-
gözünü turşudub dedi:
—Bu avaranı bir yaxşıca kötəkləmək lazımdır. Onda adı
yadına düşər!
Dovşan ayının yanından elə getdi ki, bir də gözünə
görünmədi. O, Dələyə rast gəldi:
—Bilirsinizmi? Sən demə mənim adım dovşan imiş.
Dələ sürətlə şam ağacına dırmaşdı və dedi:
—Heç bilmirəm bu sözün mənə nə dəxli var. İstəyir
sənin adın lap Pələng olsun.
Dovşan yenə də oxuya-oxuya yolla getdi. Birdən
bayaqkı Kirpiyə rast gəldi. Dedi:
—Bağışlayın, mənim adım Dovşan imiş!
Kirpi yenə dərin fıkrə getdi. İynələrini əvvəlkindən də
bərk qabardıb dedi:
Dostları ilə paylaş: |