~ 49 ~
Şabranda tikilmiş Poeziya evinin tikintisi və onun 5 illik
fəaliyyəti barədə reqional televiziyaya verdiyim müsahibədə
də bu tikilini rayonumuzun ədəbiyyatla, seir və sənətlə nəfəs
alan ziyalılarımıza respublika rəhbərliyi və rayonumuzun
başçısı tərəfindən verilən yüksək qiymətin təzahürü kimi
dəyərləndirmişəm.
Azərbaycan Yazıçılar Birliyinin sədri Anar Rzayev
Şabran Xəqani Poeziya evində çıxışı zamanı
Rayonda təhsil, mədəniyyət və səhiyyənin bugünkü
inkişaf vəziyyəti: Şabranda mədəni həyat səviyyəsi ildən-ilə
yüksəlir. İndi burada 3 məktəbəqədər, 5 məktəbdənkənar tədris
müəssisəsi, 20 tam orta, 17 ümumi orta və 12 ibtidai məktəb
vardır.
~ 50 ~
Rayonda mədəniyyət müəssisələrindən ölkəşünaslıq
muzeyi, poeziya evi, 1 musiqi məktəbi, 49 kitabxana və mədə-
niyyət evi, 41 klub fəaliyyət göstərir. Şabran Mədəniyyət
sarayı nəzdində fəaliyyət göstərən “Çıraqqala” folklor xalq
kollektivi (rəhbər Rasim Ağasızadə) və “Xınayaxdı” folklor
xalq kollektivi (rəhbəri Bayram Ağasıyev) rayon əhalisinə
yüksək səviyyədə mədəni xidmət göstərirlər.
Rayonda yeni mərkəzi xəstəxana binası bir neçə ildir ki,
istifadəyə verilib. Rayon əhalisinə səhiyyə xidməti göstərən bu
tibb müəssisəsi yüksək dərəcəli müasir tibbi aparatlarla və
digər texnika ilə təchiz edilmişdir.
Fiziki tərbiyə və idman. Şabranda fiziki tərbiyə və idman
gündən-günə inkişaf edir. Hələ keçmiş zamanlardan bu yer öz
qocaq igidləri və pəhləvanları ilə tanınıb. Məsələn, belə bir
fakt diqqəti cəlb edir ki, Pirəbədil kənd orta məktəbin
yetişdirməsi Şirinbala Xəlilov 1961-1962-ci illərdə Respublika
idman yarışlarında yüksək ustalıqla çıxış edərək sərbəst güləş
üzrə Azərbaycan çempionu adını qazanaraq ilk dəfə Dəvəçinin
idman tarixinə qizıl hərflərlə imza atmışdır. Sonralar Müşviq
və Müqəddəs Cəfərov qardaşları (sambo), Taleh Həbibov,
Ömər İlyasov, Rövşən Fərzəliyev (karate) Azərbaycan çem-
pionları, yunan-roma güləşi üzrə dünya kubokunun qalibi
İlham Umayev, Rövşən Günəşov və başqa idmançılarımız
rayonumuzun adına böyük hörmət gətirmişlər. Gənc Şabranlı
Aqşin Xəlilov (təhsil işçisi Nurulla Xəlilovun nəvəsi) karate
üzrə Azərbaycan və Avropa çempionu,kinq boks üzrə isə
dünya çempionu adını qazanmışdır.
~ 51 ~
Şabran şəhəri, Qala meydanı şəhərə xüsusi gözəllik verir
Şabranın görkəmli və tanınmış şəxsləri haqqında qısa
məlumat. Şabran torpağının təkcə təbiəti ilə deyil, həm də
görkəmli və tanınmış şəxsləri ilə fəxr etməyə, öyünməyə haqqı
vardır. Lakin bu kitabda həmin insanların hamısının adını qeyd
etməyə kitabın təyinatı və həcmi imkan vermir. Biz sadəcə
olaraq həmin insanların yalnız bir qismi haqqında oxuculara
məlumat verəcəyik:
Dövlət xadimi Qəzənfər Musabəyov, ictimai siyasi
xadim Ayna Sultanova, bəstəkar Tofiq Quliyev, keçmiş partiya
işçiləri Niftalı Aşurov, Həsən Mustafayev və Zöhrab Ömərov,
futbolçu Kamran Ağayev, təhsil işçisi, pedaqoji elmlər nami-
zədi Nurulla Xəlilov, Əməkdar mədəniyyət işçisi Nurağa
Rəhmanov, Azərbaycan Prezidentinin iqtisadi məsələlər üzrə
köməkçisi Natiq Əmirov, şair Ağalar Mirzə və Əhəd Murad-
xanlı, yazıçı Sadıq Elcanlı və Aydın Tağıyev, jurnalist Nizami
Rəhmanlı, tibb elmləri doktoru, professor Ariz Xəlilov, tarix
elmləri doktorları Oktay Sultanov və Tofiq Mustafayev,
pedaqoji elmlər üzrə fəlsəfə doktoru Mübariz Əmirov,
filologiya elmləri namizədi Faiq Şahbazlı, respublikanın
əməkdar artisti Əjdər Həmidov və başqaları.
~ 52 ~
Şabranın qədim tarixinə bu günkü göslə baxış. Şabranın
torpağının hər qarışında bir canlı tarix yatır. Şabranda olan bir
çox hərbi istehkamların, qalaların, sədlərin, şəhərlərin yeri-
yurdu hələ tarixçi alimlərimiz və arxioloqlarımız tərəfindən
tam araşdırılıb başa çatmayıb. Çünki qədim Şabran haqqında
yazılmış tarixi salnamələrdə, eləcə də qədim coğrafi xəritə-
lərdə göstərilən Şirvan, Xursan, Basarvan kimi şəhərlərin
dəqiq yeri hələ alimlərimiz və tarixçilərimiz tərəfindən elmi
surətdə tam müəyyənləşdirilməyib. Lakin bu sahədə iş hələ də
davam edir. Məsələn: Keçən illərdə “Aygünlü təpələri
“adlanan ərazidə yeni arxeoloji qazıntıların aparılması zamanı
müsbət nəticənin alınmasını tarixçilərimizin və arxeoloqla-
rımızın yüksək uğuru hesab etmək olar.
Ancaq Şabran rayonu ərazisində öyrənməli, tədqiq olun-
malı və qazıntı aparılaraq araşdırılmalı olan yerlər hələ çoxdur.
Mənə bu yaxınlarda əslən rayonun Qələgah kəndindən olan və
Şabran şəhərində yaşayan bir ağsaqqal qoca söylədi ki, yerli
sakinlər tərəfindən Qələgah kəndi yaxınlığında bir mağara
aşkar edilib. Həmin mağaranın tarixçilər və arxeoloqlar
tərəfindən tədqiq olunmasına ciddi ehtiyac vardır. Zənnimcə
rayonumuzda belə qədim tarixi yerlərin oyrənilməsinə, tədqiq
olunmasına və araşdırılmasına maraq bundan sonra da
artacaqdır.
Dostları ilə paylaş: |