Microsoft Word Zakir Bayramli 2017 new editted22222. docx
Yüklə 25,81 Mb. Pdf görüntüsü
|
- Bu səhifədəki naviqasiya:
- Kənd əhalisinin məşğuliyyəti.
- Seyidlərin yaşadığı hissə.
- Qədim türk tayfalarının adları ilə adlandırılan məhəl- lələr
~ 93 ~ miş Dəvəçi) ərazisinə göndərilib. Həmin qrup əvvəlcə Dağbilici kəndində məskunlaşmaq istəyib. Lakin kəndin coğrafi mövqeyi, iqlim şəraiti və su ehtiyatı bura gələn qrupun nümayəndələrini qane etməyib. Eləcə də məskunlaşmaq üçün onlara torpaq sahəsinin kəndin baş tərəfində deyil, ayaq hissəsində ayrılması razı salmayıb. Dağbilici kəndində məskunlaşmağa nail olmayan həmin qrup Xəlifə Seyidəhməd ağanın rəhbərliyi ilə gözəl təbiəti, içməli və suvarma suyu ilə zəngin olan indiki Xəlfələr kəndi ərazisində məskunlaşmağa başlayıblar. Burada özlərinə ev- eşik tikib, bağ-bağça salıblar. Öz şəxsi təsərrüfatlarını qurmağa başlayıblar. Xəlifə Seyidəhməd ağa qrupu ilə birlikdə öz missiyasını yerinə yetirib. Lakin o, tapşırılan vəzifəni yerinə yetirsə də ömrünün sonuna kimi bu kənddə yaşayıb. İllər ötüb, o, qocalıb dünyasını dəyişəndə onu bu kənddə dəfn ediblər. Digər rəvayətə görə isə Xəlifə Seyidəhməd ağanın Bağ- daddan ailəsini və yaxın qohum-əqrəbasını qorumaq məqsədilə ziddiyyətlər, çəkişmələr və müharibə meydanından qaçaraq bu ərazidə məskən saldığı güman edilir. Kənd əhalisinin məşğuliyyəti. Gözəl təbiəti, zəngin su hövzələri olan Xəlfələr kəndinin əhalisi tarixən heyvandarlıqla və əkinçiliklə məşğul olub. Yerli sakinlər müxtəlif heyvan növlərini inkişaf etdirməklə yanaşı, əkinçilik məhsullarının da istehsalını daim artırmağa müvəffəq olmuşlar. Burada taxıl- çılıq, tərəvəzçilik, bostançılıq, arıçılıq kimi kənd təsərrüfatı sahələri bu gün də kənddəki əhalinin yaşayış və qazanc mənbəidir. Lakin bağçılıq Xəlfələr kəndində ən çox gəlir gətirən sahələrdəndir. Burada gilas, alma, armud və digər əla növlü meyvə ağacları ilə yanaşı, məhsuldar qoz və fındıq ağacları da əkilib becərilir. Xəlfələr kəndində indi hamı sabaha böyük inamla baxır. Çünki kənddə tikilən fermalar, salınan yeni bağ sahələri gələcəyin iş yeri, qazanc mənbəi deməkdir. ~ 94 ~ Dəvəçiçayın bu kəndin ərazisindən axması, Çinarlar kəndi- Şabran içməli su xəttinin bu yerdən keçməsi kənd əhalisini sevindirir, ona görə ki, bunların böyük təsərrüfat və sosial əhəmiyyəti vardır. Məlumat üçün qeyd edək ki, tarixən Xəlfələr kəndi iki hissədən ibarət olub:
çayın sağ sahilində indiki kənd ümumi orta məktəbin arxasında yerləşib. Deyilənə görə təqribən 100-150 il bundan əvvəl onların əksər hissəsi başqa yerlərə köçüb gediblər. Xəlfələr kəndində yaşayan seyidlərin nəslindən Seyid Alının törəmələrini, Seyid Mahmud kişinin övladlarını, Mirələkbər kişinin oğlu Hacı Ağacavadı, onun qardaşlarını və başqalarını göstərmək olar. Qədim türk tayfalarının adları ilə adlandırılan məhəl- lələr. İkinci hissə isə çayın sol sahilindəki güneydə yerləşib. Bu yerdə yaşayanlar özlərini qədim türk tayfalarının adları ilə adlandırıblar. Məsələn: padarlar, mamaylılar və s. Lakin hər iki kəndin qəbiristanlığı Xəlifə Seyid Əhməd pirinin ətrafın- dadır. Yeri gəlmişkən açıqlayaq ki, qəbiristanlığın cənub tərəfində Yelikəsənlilərin, şimal tərəfində Xəlifəlilərin, qərb tərəfində isə İzmaralıların ölüləri dəfn edilir. Yeri gəlmişkən qeyd edək ki, Xəlifə Seyid Əhməd pirinin ətrafında üstü qədim yazılı daş kitabələr Xəlfələr kəndinin ulu keçmişindən xəbər verir və çoxdandır ki, tədqiqatçıların yolunu gözləyir. Xəlifə Seyid Əhməd piri haqqında topladığım aşağıdakı məlumatı oxuculara çatdırmaq istəyirəm: Xəlifə Seyid Əhməd piri. Xəlfələr kəndində yerləşən Xəlifə Seyid Əhməd piri haqqında müxtəlif rəvayətlər mövcuddur. Demək olar ki, bu rəvayətlərin hamısı mistik xarakter daşıyır. Deyilənləri də əsas götürsək, bu müqəddəs şəxs Bağdad xəlifələrindən olub. Ehtimallara görə islam dinini yaymaq məqsədilə bu yerlərdə döyüşlər zamanı həlak olub və ~ 95 ~ bu torpaqda dəfn olunub. Bəşər tarixində dini yaymaq məqsədilə baş verən belə hadisələr çox olub.
kəndindəki pirdən son illərdə bir sənəd tapilib. Həmin sənədlərdə qocalmış bir sərkərdənin bu yerlərdə qalmaq üçün dövlətdən rəsmi icazə istəməsi göstərilib. Deyilənə görə həmin sərkərdə icazə aldıqdan sonra bu kənddə yaşayıb. Qocalıb dünyasını dəyişdikdən sonra yerli əhali onun qəbrini ziyarətgaha çevirmişdir. Rayonumuzun Xəlfələr kəndindəki Xəlifə Seyid Əhməd piri kəndin yuxarı hissəsindəki təpəliklərin arasındadır. Sadə formada tikilmiş sərdabənin içərisində iki məzar vardır. Ehtimala görə bu məszarların biri Xəlifə Seyid Əhmədə, ikincisi – həcmcə kiçik olanı isə onun oğluna məxsusdur. Zənnimizcə kəndın “Xəlifələr” adlanması da elə bu məsələ ilə bağlı olub. Deyilənə görə pirdən heç bir sənəd tapılmayıb. Lakin onun ətrafındakı qəbirlərin üzərində olan kitabəyə oxşar baş daşları bu pirin beş-altı yüz il bundan qabaq yarandığını deməyə əas verir. Görkəmli tarixçi, akademik Ziya Bünyadovun, tədqiqatçı alim M.Nemətovanın araşdırmalarına istinadən bu pirin yaranması haqqında müəyyən əsaslı nəticələrə gəlmək olar.
Yüklə 25,81 Mb. Dostları ilə paylaş:
|