Azərbaycan folkloru və milli-mədəni müxtəliflik
59
Çox təəssüf ki, bu gün dünya meridianında demokratiyanın qorunması uğrunda mübarizə apa-
ran “multikultural” dövlətlərdə zənciyə qarşı münasibət heç də insani deyildir.
Daha sonra əsərin məzmununda aparıcı rol oynayan hadisələrdən biri də Nizaminin İsgəndəri
gətirib o zaman Nüşabənin hökmdarlıq etdiyi, Azərbycanın paytaxtı olmuş Bərdə şəhərinə çıxarma-
sıdır. Görüş zamanı Nüşabə öz qadın müdrikliyini ortaya qoyur. Belə ki, boşqabda yemək əvəzinə
ləl–cəvahiratı İsgəndərin qarşısına qoyur. İsgəndər təəccüblə boşqaba baxaraq soruşur ki, bu nədir?
Elə bir nemət gətir ki, onu yemək mümkün olsun. Nüşabə cavabında bildirir ki,
madam ki, bunları
yemək mümkün deyil, bunun üçün bu qədər döyüşlərə, savaşlara dəyərmi?, - deyərək İsgəndərə
dərs vermiş olur. Yəni burada dahi Nizami öz multikultural fikirlərini sülhün, qardaşlığın, tərəqqi-
nin inkişafın tərəfdarı olduğunu Nüşabə obrazı vastəsilə oxucularına təqdim edir.
Əslində qlobal xarakter daşıyan bu mövzunu bir məqalə həcmində ümumiləşdirmək mümkün
olmadığından biz problemdən konkret şəkildə danışa bildik. Təkcə bir kiçik həcmli məqalə ilə söz
yox ki, Nizami bədii dühası fonunda onun multikultural görüşlərini tam şəkildə ifadə etmək müm-
kün deyil. Bu mövzu müasir ədəbiyyatşünaslıqda öz tədqiqatçısını gözləyən vacib,
aktual mövzu-
lardan biridir.
Xülasə
“N.Gəncəvinin multikultural dünyagörüşü” adlanan bu məqalədə Nizami Gəncəvinin multikultural
görüşləri tədqiq olunur. Müəlliflər şairin poemalarını tədqiq edərkən, mövzunun tələblərinə uyğun olaraq öz
fikirlərini maraqlı faktlarla sübut edirlər.
Резюме
В статье на тему «Мультикультуральное мировоззрение Низами Гянджеви» исследуются
мультикультуральные взгляды Низами Гянджеви. Авторы, исследуя поэмы поэта с точки зрения
требований темы, доказывает свои мысли интересными фактами.
Summary
This article deals with the multicultural views of N. Gangavi . It inverstigated the poet s ideas a
thoughts about the different culturs itegratiion andproved theideas with facts from the qreat poets sreative
work.
Ədəbiyyat:
1. Məmməd Əmin Rəsulzadə: “Azərbaycan şairi Nizami”, Bakı:“Azərnəşr”, 1991, 227s.
2. N. Gəncəvi: Xosrov və Şirin: ( poema ): Bakı : “Lider” nəşriyyatı, 2004, 391 s.
3. N. Gəncəvi: İsgəndərnamə:(“İqbalnamə”):(poema). Bakı: “Lider” nəşriyyatı, 2004, 254 s.
4.
N.Gəncəvi: İsgəndərnamə (“Şərəfnamə”) :poema : Bakı : “Lider” nəşriyyatı, 2004, 429 s.
5.
N. Gəncəvi :Leyli və Məcnun: (poema), Bakı: “Lider” nəşriyyatı, 2004. 286 s.
6. N. Gəncəvi: Sirlər xəzinəsi. Bakı: “Lider” nəşriyyatı, 2004, 207s.
7. N. Gəncəvi : Yeddi gözəl. Bakı: “Lider” nəşriyyatı. 2004, 334 s.
8. Xalisbəyli. T. Nizami Gəncəvi və Azərbaycan qaynaqları. Bakı:“Azərnəşr”, 1991, 296 s.
Azərbaycan folkloru və milli-mədəni müxtəliflik
60
Adışirinov Kamil Fikrət oğlu, filologiya üzrə fəlsəfə doktoru
AMEA ŞREM, aparıcı elmi işçi
Azərbaycan, Şəki
SURAĞAT QURBANİNİN FOLKLOR GÖRÜŞLƏRİ
Açar sözlər: folklor görüşləri, aşıq, saz, xalq şeiri, qoşma, təcnis, gəraylı, ədəbi məclis
Ключевые слова: фольклорные взгляды, ашиг, саз, народный стих, гошма, теджнис, герайлы,
литературный собрание.
Key words: folklore thoughts, ashug, saz, folk poetry, goshma, tajnis, garaylı, literary council.
Surağat Qurbani Balakən rayonunun Katex kəndində yaşayıb – yaratsa da, XX əsr Şəki ədəbi
mühitinin formalaşmasında mühüm rol oynamış, “Nuxa fəhləsi” qəzetinin redaksiyasının
nəzdində
fəaliyyət göstərən “Səbuhi” ədəbi məclisinin sıralarında böyük sənət yolu keçmişdir. Şairin ilk ya-
radıcılıq nümunələri 1946-cı ildən “Nuxa fəhləsi” qəzetinin səhifələrində dərc olunmuşdur. S.Qur-
baninin yaradıcılığını mövzu və mündəricə etibarilə dəyərləndirən “Səbuhi”nin aparıcı üzvlərindən
olmuş şair Nurpaşa Hümmətov “Surağat Qurbani” adlı məqaləsində yazır: “ Biz “Nuxa fəhləsi” qə-
zetinin səhifələrində Surağat Qurbaninin şeirlərinə tez-tez rast gəlirik. O, redaksiya nəzdindəki ədə-
biyyat dərnəyinin fəal üzvlərindən biridir. Surağat Balakən rayonunun Katex kənd məktəbində
müəllimdir. O, öz peşəsini sevdiyi kimi, istedadlı bir şair kimi də oxucular qarşısında tez-tez çıxış
edir. Qurbaninin şeirlərində Vətən, eşq və məhəbbət, fədakar əmək
ilhamla tərənnüm edilir [1].
Həssas müşahidəçi, incə hisslərin çoşğun tərənnümçüsü olan Surağat Qurbaninin yaradıcılığı
janr etibarilə qoşma, gəraylı, rübailərdən ibarətdir. Şairin lirik fondu mövzu etibarilə də olduqca
rəngarəngdir. Doğma Vətənə, el-obaya, yurda bağlılıq, saf, təmiz, ülvi sevgi hissləri,
Vətən təbiəti-
nə olan sonsuz məhəbbət, insana xas olan ən incə duyğuların poetik dillə-məharətli, ustad bir şair
dili ilə ifadəsi Surağat Qurbaninin şeirlərinin aparıcı xüsusiyyətləridir. Doğma Azərbaycana olan
sonsuz məhəbbət və azərbaycançılıq ideyalarının tərənnümü Surağat Qurbaninin yaradıcılığının
özəyini təşkil edir.
Vətənini bütün yaradıcılıq fondunun əsas ilhamverici qüvvəsi adlandıran şair “Olmasa”
gəraylısında:
Yaz, əsməsin əldə qələm,
Sıxa bilməz qəlbini qəm.
De, kim idin, Qubani, sən
Vətən sənə yar olmasa [5]?
fikrini “Yolunda” adlı şeirində daha da dərinləşdirərək Vətən yolunda canını belə verməyə
hazır olduğunu bildirir:
Qurbaniyəm öz gülümü dərərəm,
Eldən ötrü dağ tək sinə gərərəm.
Söz nədir ki, canımı da verərəm,
Vətən adlı bu diyarın yolunda [2, s. 9]!
S.Qurbaninin şeirləri canlılıq, dil sadəliyi, tərənnüm və ifadə gözəlliyi baxımından da təsirli
və yaddaqalandır. Kənddə doğulub boya - başa çatan, xalqla birlikdə nəfəs alıb, xalqla qaynayıb –
qarışan S.Qurbaninin lirikasında xalq şeiri, folklor üslubu daha müvəffəqiyyətlidir. Onun poeziyası-
nın janr xüsusiyyətlərinə tənqidi yanaşan “Səbuhi” ədəbi məclisinin üzvü N.Hümmətov yazmışdır:
“Surağatın çoxlu qoşmaları vardır. O, yaradıcılıq yollarından daha müvəffəqiyyətlə keçmək üçün
yalnız qoşma janrında
yazmaqla kifayətlənməməli, müxtəlif şeir növlərindən cəsarətlə istifadə et-
məlidir. Daha çox çalışmalıdır ki, onun əsərlərində poetik dil, şeiriyyət daha yüksək olsun, şeirlərin-
də artıq söz, artıq ifadələr tapılmasın”. Bu fikirlər istedadlı şair S.Qurbaninin yaradıcılığını istiqa-
mətləndirmək üçün görkəmli alim-şairin qələmindən 1961-ci ildə çıxmışdı. İnsafən, yuxarıda ifadə
etdiyimiz fikrə qayıdaraq əminliklə söyləyirik ki, S.Qurbaninin qoşmaları lirika sahəsində uzun za-