Azərbaycan folkloru və milli-mədəni müxtəliflik
85
Beləliklə, Xınalıq kəndinin folklorunu ümumazərbaycan folkloru kontekstində araşdırmağın
vacib olduğu qənaətinə gəldik. Bu yerdə vurğulamaq yerinə düşər ki, müasirləşmə başlayana qədər
folklor insan həyatının əsas tərkib hissəsi olmuşdur. Xınalıq kəndi qədim adət-ənənələrin, folklor
düsüncələrinin arxaik formada təzahürünü qoruyub saxlamışdır. Sanki yuxarıda bəhs etdiyimiz
müasirləşmə başlayana qədər olan bir dövrün siması Xınalıq folklor nümunələri sayəsində günümü-
zədək gəlib çatmışdır.
Dunyanın ən yüksək (dəniz səviyyəsindən 2350 m. yuksək) yaşayış məskənlərindən sayılan
Xınalığın folkloru arxaik inanc və görüşləri ilə qəbilə-tayfa dovrundə mövcüd
olmuş etiqadlara çox
yaxındır. Hətta bəzi alimlər bu yaxınlara qədər Xınalıqda ibtidai icma quruluşunun mövcud olduğu-
nu yazıblar (
6, 27). Şəhər sivilizasiyasından uzaq düşülüb, əsas səbəblərdən biri budursa, ikinci sə-
bəb adət-ənənəyə sadiqlik, onun nəsildən-nəslə ötürülməsinə böyük vəchlə xidmət etmək,
dili qoru-
maq (hansi ki, oxşarı yoxdur, unikaldır) və assimilyasiyaya uğramamaq üçün canfəşanlıqla çalış-
maqdır. Bu, müsbət haldır.
Ona görə də həyata keçirilən multikulturalizm siyasəti əsas hədəflərdən biri kimi Xınalıq və
xınalıqlılara da şamil edilməlidir. Çünki Xınalıq təkcə Azərbaycan tarixində deyil, həmçinin bəşər
tarixində ən zəngin və qədim etnoqrafik yasayış məntəqələrindən biri hesab olunur. Xınalıqlılar isə
çox dəyərli folklor mətnlərinə sahib olduqları üçün onlarla laqeyd davranılmamalıdır. Düşünürük
ki, kəndin dili kimi, onun ağız ədəbiyyatı da bənzərsiz və özünəməxsusdur. Böyük güc sərf edərək
tədqiqatları davam etdirmək mütləqdir. Və bu bölgənin folklorunun araşdırılması zamanı ənənəvip-
lan dəyişdirilərək artıq yeni biçimdə tərtib olunmalıdır; orijinallıq bunu tələb edir. Unutmayaq ki,
Xınalıq folklorunda mifoloji dünyagörüşü hakimdir. Qədim, lakin az öyrənilmiş tarixə sahib xına-
lıqlıların bu istiqamətdə araşdırmaya cəlb olunması çox əhəmiyyətlidir. Çunki mifologiya ilə bağlı
hər bir inamı araşdırmaq paralel olaraq xalqın tarixini öyrənmək deməkdir (
5, 147).
Xınalıq
folklorunu mükəmməl, geniş şəkildə toplayıb tərtib etmək və onu nəinki Azərbaycan,
həmçinin digər dünya xalqlarının şifahi ədəbiyyat nümunələri ilə müqayisəli şəkildə öyrənmək
böyük təşəbbüs və nailiyyət olardı.
Xülasə
Məqalədə Quba rayonu ərazisində yerləşən Xınalıq kəndinin folkloru araşdırılır. Və bu kəndin ilk dəfə
araşdırmaya cəlb olunduğu bildirilir. Folklorumuzun az öyrənilmiş bölgələrindən sayılan Xınalıq
folklorunun primitiv inanc və görüşləri ilə qəbilə-tayfa dövründə mövcud olmuş etiqadlara çox yaxın olduğu
vurğulanır. Azərbaycan folkloru tarixində ilk dəfə olaraq Istar Meram adlı mifoloji varlığın adı çəkilir.
Резюме
В статье рассматривается фольклор Кубинского региона деревни Хыналыг. Исследования в
этой области проводятся впервые. Также впервые в истории Азербайджанского фольклора
упоминается мифологическое существо по имени Истар Мерам. Следует отметить, что фольклор
Хыналыг очень близка к архаическим верованиям.
Summary
In the article the folklore of Khynalyg’s village which is included in the territory of Guba is
investigated. It is also mentioned that this problem is studied for the first time. The Khynalyg’s folklore
which is considered has been learned a little,
it is mentioned, it looks like to old beliefs with primitive
outlook. It is spoken about the mythological creature which called Istar Meram in the history of Azerbaijan’s
folklore for the first time.
Azərbaycan folkloru və milli-mədəni müxtəliflik
87
Hacı Abdulla
AMEA Tarix İnstitutu, dissertant,
Azərbaycan Respublikası Prezidenti yanında
Bilik Fondunun sektor müdiri
Azərbaycan, Bakı
“KİTABİ-DƏDƏ QORQUD”DA MULTİKULTURALİZMİN İZLƏRİ
Açar sözlər: multikulturalizm, etnik, Dədə Qorqud, oğuz, epos
Ключевые слова: мультикультурализм, этнический, Деде Коркут, огуз, эпос
Key words: multiculturalism, ethnicity, Dede Korkut, Oghuz, epos
İngilis dilində “çoxlu mədəniyyətlər” mənası verən multikulturalizm insanların sosial-mədəni
davranışlarının, mənəvi–psixoloji dəyərlərinin toplusudur, fərqli dildə danışan, digər dinə, özünə-
məxsus məişət, adət-ənənəyə malik etnik qrupların mədəni müxtəlifliklərinin qorunub saxlanması,
inkişafı, qarşılıqlı hörmət münasibətlərinə əsaslanan birgəyaşayışıdır (
1)
Azərbaycan xalqı əsrlər boyu məhz bu dəyərlərə malik, açıq cəmiyyət toplumu kimi tanınıb.
Bunun ən bariz nümunəsi hazırda ölkəmizin bütün guşələrində yaşayan, öz dil və dinlərini, etnik
özəlliklərini qoruyub saxlayan milli azlıqların mövcudluğudur.
Azərbaycanın gələcək uğurlu inkişafı üçün dəqiq ideoloji hədəf
seçən ümummilli lider Hey-
dər Əliyev öz uzaqgörən, müdrik siyasəti ilə əsrlər boyu formalaşmış çoxmədəniyyətlilik ənənəsini
inkişaf etdirərək onu keyfiyyətcə yeni mərhələyə qaldırdı. Bu mərhələ siyasi mərhələ idi. Əslində,
ulu öndər Azərbaycan multikulturalizminin siyasi banisi oldu, bununla ilk növbədə multikultura-
lizm siyasi modelinin assimilyasiya və izolyasiya kimi digər mümkün siyasi modellərdən üstün ol-
duğunu bütün dünyaya nümayiş etdirdi. "Azərbaycan əhalisinin çoxmilli tərkibi bizim sərvətimiz-
dir, üstünlüyümüzdür. Biz bunu qiymətləndiririk və qoruyub saxlayacağıq" deyən ulu öndər, bütün
sonrakı siyasi fəaliyyətini bu sərvətin əbədi olması istiqamətinə yönəltdi.
Ulu öndərin rəhbərliyi ilə,
nəhayət ki, dönüşü olmayan demokratik inkişaf yoluna çıxmış Azərbaycan Respublikası, onun qeyd
etdiyi kimi, "dinindən,
dilindən, irqindən asılı olmayaraq Azərbaycanın bütün vətəndaşlarının eyni
hüquqlara malik"olmalarını təmin etməli idi.
Təbii olaraq, ulu öndər etnik millətçiliyə alternativ kimi bütövlükdə Azərbaycan xalqının və
cəmiyyətinin, eyni zamanda Azərbaycan dövlətçiliyinin yüksəlişini şərtləndirən və multikulturaliz-
min əsas mənəvi bazası olan azərbaycançılıq prinsipini milli ideologiya kimi irəli sürdü. O qeyd
etdi ki, etnik millətçilik, nəhayət etibarilə, etnik separatizmə, xalqlar arasında münaqişəyə gətirib çı-
xarır. Azərbaycançılıq ideologiyası isə dinindən, dilindən, irqindən asılı olmadan ölkədə yaşayan
bütün vətəndaşları birləşdirir. Ulu öndərin dediyi kimi, həqiqətən də "Azərbaycan onun ərazisində
yaşayan bütün millət və xalqların ümumi vətənidir. Ərazimizdə yaşayan azərbaycanlı da, ləzgi də,
avar da, kürd də, talış da, udi də, qumıq da, başqası da - bütünlükdə hamısı azərbaycanlıdır" (
2).
Bu müdrik siyasətin layiqli davamçısı olan Prezident İlham Əliyevin 2016-cı ili Azərbaycan-
da “Multikulturalizm ili” elan etməsi beynəlxalq aləmin diqqətini çəkir,
respublikaya göstərilən ma-
rağı artırır və müxtəlif mədəniyyətlərə mənsub xalqların birgəyaşayışının mümkün olduğunu açıq
şəkildə bəyan edir. Burada Prezident İlham Əliyevin ölkədə insan hüquq və azadlıqlarının qorun-
masına göstərdiyi yüksək münasibət, dövlətin təməl siyasi prioritetlərinin uğurla davam etdirildiyini
və multikulturalzmin alternativinin olmadığını göstərmiş olur.
Azərbaycan insanının multikulturallığı xalqımızın ədəbi-bədii düşüncə müstəvisində də kifa-
yət qədər aydın görünür. Azərbaycanlıların ulu babası olan oğuz türklərinin qəhrəmanlıq dastanları
sırasında ən önəmli yeri tutan ən qədim yazılı abidəmiz “Kitabi-Dədə Qorqud” dastanında maraqlı
multikultural və tolerant əhvalın təsvirinə rast gəlirik.
«Türk ədəbiyyatının bütün əsərləri tərəzinin bir gözünə, «Dədə Qorqud» o biri gözünə qoyul-
sa, yenə «Dədə Qorqud» ağır gələr” dəyərləndirməsi bu eposun milli-mənəvi, ədəbi-bədii, etik, es-
tetik düşüncəsindəki yerini düzgün dəyərləndirir. Bu eposda xalqımızın bütün mənəviyyatı, düşüncə
tərzi əks olunub.