Azərbaycan folkloru və milli-mədəni müxtəliflik
209
İradə Əliyeva, tarix üzrə fəlsəfə doktoru,
AMEATarix İnstitutu, elmi katib
Azərbaycan, Bakı
"XIX ƏSRİN BİRİNCİ YARISINDA GÜRCÜ EGZARXININ İNGİLOYLARI
XRİSTİANLAŞDIRMAQ CƏHDLƏRİ”
Açar sözlər: İngiloylar, Gürcüstan, xristianlıq, ekzarx, Zaqatala
Ключевые слова: Ингилои, Грузия, христианство, экзарх Закатала
Key words: Ingiloys, Georgian, christianization, exarchate, Zagatala
Azərbaycanın şimal-qərbində, Car-Balakən camaatlığı və İlisu sultanlığında (indiki Balakən,
Zaqatala, Qax rayonlarının ərazilərində azərbaycanlılarla (yəni muğallar) yanaşı, avarlar, saxurlar,
ingiloylar yaşayır. Əsasən Qanıx – Alazan vadisində məskunlaşmış ingiloylar qədim gel tayfaları-
nın daşıyıcıları olmaqla ayrıca bir etnosdur. İngiloylar konfessional
qrup deyil müstəqil avtaxton
etnosdur.
Alazan vadisində yerləşmiş, əkinçilik və maldarlıqla məşğul olan ingiloyların tarixinə dair
əldə olunmuş faktiki materialların təhlili və onlardan çıxarılan nəticələr göstərir ki, elmin praktika-
sında tarixi keçmişi bu qədər saxtalaşdırılmış və tarixi bu qədər təhrif olunmuş digər bir etnos tə-
səvvür etmək çətindir.
Zaqatala dairəsinin münbit hissəsində yaşayan yerli əhali dağlıq, sərt Dağıstandan köçüb gəl-
mişləri qəbul etmiş və onlara müsəlman dini adətinə uyğun olaraq yeni gəlmiş qonşularına xüsusi
xeyriyyə vergisi olan “zəkat” ödəmişlər [
1, 92-92 arxa].
Çarizm Qafqazın müsəlman əhalisi arasında xristianlaşdırmaq siyasətin
həyata keçirilməsinə
hələ XVIII əsrin ortalarından başlamışdı. Müsəlman əhali arasında xristianlığı yaymaq məqsədilə
Qafqaza pravoslav missionerləri hələ 1745-ci ildə göndərilmiş, lakin bu ilk cəhd uğursuz olmuş,
onlar iyirmi ildən artıq bir müddətdə əsasən osetinlərdən olmaqla 2142 nəfəri xristianlığı qəbul
etməyə məcbur edə bilmişdilər. Qafqazın dağlı xalqları arasında xristianlığı yaymaq məqsədilə
1771-ci ildə təşkil olunmuş Mozdok-Osetin komissiyası da yarandığı vaxtdan 1792-ci ilə kimi
keçmiş iyirmi il müddətində cəmi 6675 nəfəri pravoslavlaşdıra bilmişdi [
7, 24-81]. Şimal-Qərbi
Azərbaycanda isə bu məkrli niyyətin həyata keçirilməsi üçün ingiloylar seçilmiş, bu məqsədlə də
onların xristianlaşdırılması, pravoslavlaşdırılması, gürcüləşdirilməsi
kimi çirkin bir siyasətə əl
atılması nəzərdə tutulmuşdu.Bölgənin tarixi və əhalisi haqqında hələ kifayət qədər məlumatlara
malik olmayan Rusiya generalları və Qafqazda böyük Gürcüstan yaratmaq xülyasına düşmüş gürcü
şovinistləri Şimal – Qərbi Azərbaycan torpaqlarının “əzəli Gürcüstan torpaqları”, bölgənin qədim
sakinləri olan ingiloyları isə müsəlman olmalarına baxmayaraq, “xristian həyat tərzi keçirən” və
gizlində guya bu dinə sitayiş edən “gürcülər” hesab edirdilər. İmperiya maraqları ilə üst-üstə
düşdüyündən Rusiya generalları gürcülərin məkirli niyyətlərini ideoloji silaha çevrilərək ingiloylara
münasibətdə öz planlarını qurmağa başladılar.
Bölgənin əhalisi və tarixi haqqında məlumat toplayan çarizmin ideoloqları Car-Balakən
camaatlığının tarixi keçmişi ilə bağlı gürcü tarixi ədəbiyyatında kök salmış yanlış iddianı – qədim
gürcü torpaqları olan bu bölgənin Şah Abbasın köməyi ilə dağlılar tərəfindən işğal olunması, yerli
gürcü əhalinin zorla müsəlmanlaşdırılması kimi yanlış konsepsiyanı qəbul etməklə Rusiyanın bu
“tarixi ədalətsizliyi” aradan qaldırmaq, bölgəni işğal edərək Gürcüstana qatmaq zorunda olduğu-
nu qeyd edirdilər [
5, 19]. Tarixşünaslıqda geniş yayılmış bu konsepsiyaya görə ingiloylar “mü-
səlmanlaşdırılmış gürcülər” hesab olunur və Rusiya tarixşünaslığında konkret məqsədlə forma-
laşdırılmış olan bu konsepsiya gürcü tədqiqatçıları tərəfindən böyük dəstək alaraq daha da inkişaf
etdirilmişdir.
Qafqazda Pravoslav Xristianlığının Bərpası Cəmiyyətinin müxtəlif illərə dair hesabatları ilə
yanaşı, bu cəmiyyətin yaranmasının 50 illiyinə həsr olunmuş 1910-cu il nəşri olan yubiley buraxılı-
şında cəmiyyətin 50 illik fəaliyyəti (1859-1909-cu illər) zamanı Qafqazın müsəlman əhalisi arasın-
da xristianlığın yayılması sahəsində gördüyü işlərdən bəhs olunur. Burada
cəmiyyətin Zaqatala dai-
rəsindəki fəaliyyətindən, onun yerli əhali, xüsusilə ingiloylar arasında xristianlığın yayılması üçün
Azərbaycan folkloru və milli-mədəni müxtəliflik
210
gördüyü tədbirlərdən, kilsə kitabxanalarının açılması, kilsələrin, ibadət evlərinin tikilməsi üçün və-
saitin ayrılması, dini-ideoloji təbliğat sahəsindəki fəaliyyəti barədə məlumat verilir. Çar Rusiyasının
Şimal-Qərbi Azərbaycanın işğalı ilə bağlı planlarında ingiloylara xüsusi yer ayrılmaqla yanaşı, böl-
gə əhalisinin assimilyasiya edilməsi məqsədi ilə buraya kazakların köçürülməsi, ayrı-ayrı icmalar
arasında, eləcə də müttəfiq münasibətlərdə olan Car-Balakən camaatlığı ilə İlisu sultanlığı arasında
nifaq salmaq kimi tədbirlər də daxil idi [
8, 17].
Çar məmurları tərəfindən bölgə əhalisinin assimilyasiya olunması məqsədilə hazırlanmış di-
gər bir layihəyə görə isə camaatlıqların qonşu müsəlman xalqlarla əlaqələrini mümkün qədər məh-
dudlaşdırmaq, əvəzində isə gürcü Kaxetiya ilə münasibətlərin qurulması məqsədilə hərtərəfli şərai-
tin yaradılması nəzərdə tutulmuşdu. Bütün bu tədbirlərdən məqsəd bölgədəki əsrlərin sınağından
çıxmış güclü türk-islam ittifaqı amilini məhv etmək idi.
Missionerlik fəaliyyəti ilə məşğul olan digər
keşişlərdən fərqli olaraq, sənədlərdə keşiş İov
Tsiskarovun aprelin 27-dən - iyulun 26-dək olan qısa müddətdə 1145 nəfəri xristianlığa döndərdiyi
qeyd olunur. Keşiş İov Tsiskarovun buna necə nail olduğu sənədlərdə qeyd olunmasa da, artıq
faktiki deyil, “formal xristianlaşdırma” prosesinin başlandığı aydın olur [
10, 2-15 arxa].
İngiloyların xristianlığın qəbulu işinə şirnikləndirilməsi məqsədilə müxtəlif yollara əl atılırdı.
Belə tədbirlərdən biri barədə Car-Balakən vilayətinin rəisinin general adyutant Reada göndərdiyi
1855-ci il 17 fevral tarixli məruzəsində o, Zaqataladakı müsəlmanlar üçün nəzərdə tutulmuş birsinifli
ibtidai məktəbə xristianlığı qəbul etmiş ingiloyların da qəbul olunması məqsədilə həmin məktəbin
həm müsəlman, həm də xristian öyrəncilərin qəbul olunacağı ikisinifli məktəbə çevrilməsinə razılığın
verilməsini xahiş edirdi. Onun fikrincə, xristian və müsəlmanların bir yerdə oxuması son nəticədə on-
ları bir-birinə daha da yaxınlaşdırardı. Bu məktəbdə Cənubi Qafqazdakı digər
bu tipli məktəblərdə ke-
çilən fənlərlə yanaşı, həm də dini mənsubiyyətindən asılı olmayaraq, bütün ingiloylar üçün məcburi
şəkildə gürcü dilinin, eləcə də müsəlmanlara tatar (azərbaycan) dilinin, müsəlman və xristianlara mü-
vafiq olaraq islam və xristian dini ehkamlarının tədrisi də nəzərdə tutulmuşdu [9, 5-8]. Lakin həmin
vaxtı Şimali Qafqazdakı hərəkatın hələ də davam etməsi çarizmin əl-qolunu bağlayır, xristianlığın ya-
yılması işində sərt, repressiv tədbirlərə əl atmağa imkan vermirdi. Lakin bütün bunlara baxmayaraq,
verilən rəsmi məlumatlarda 1850-1856-cı illərdə İlisu məntəqəsinin Qax, Əlibəyli, Qorağan, Kötüklü,
Meşəbaş kəndlərinin əhalisinin bütövlükdə, Şotavar və Yengiandan bir neçə ailənin,
digər kəndlərdən
isə tək-tük adamların zorla xristianlaşdırıldığı qeyd olunurdu [
4, 10-11].
Gürcüstan Mərkəzi Dövlət Tarix Arxivinin fondlarında saxlanılan sənədlərdə xristianlaşdırıl-
mış ingiloyların adları, onlara verilən xristian adı, hansı gün xristianlaşdırılıblar o tarix və xristian
işini aparan keşişin adı göstərilmiş bu sənədlər yüz iyirmi səhifədən ibarət olmaqla 1850 – 1869-cu
illəri əhatə edir [
4, 10-11]. [
Sənəd 1, 2, 3]
Verilmiş bütün güzəşt və imtiyazlara baxmayaraq ingiloyların böyük əksəriyyəti ata-babaları-
nın, əcdadlarının dinindən dönmək istəmir, var gücləri ilə ona qarşı müqavimət göstərirdilər.
Çarizmin yerlərdəki məmurlarının belə etiraf etdiyi kimi “ingiloyların məsələsinin qaydaya
salınması və onlar arasında xristianlığın yayılması işinə kömək etmək məqsədilə 1859-cu il fərma-
nının tətbiqi ilə həyata keçirilən inzibati tədbirlər tükəndiyindən bu işdə yeganə vasitə kimi zor tət-
biqi üsulu seçilir [
2, 63]. Bu barədə dairədə işləmiş müstəntiq Purseladze yazırdı: “...xristianlığı qə-
bul etmək istəməyənlərin, buna etiraz edənlərin döyülərək işgəncə verilməsi, müsəlman din xadim-
lərinin cəzalandırılması və hətta Sibirə sürgün olunması,
hədə-qorxu, şirnikləndirmələr və s. kimi
onlarla faktlar qeydə alınmışdır” [
6, 35].
Edilən bütün ciddi cəhdlərə baxmayaraq, ingiloylar arasında aparılan xristianlaşdırma işi
istənilən nəticəni vermir. Gətirilən faktlardan məlum olur ki, keçmiş müddətdə əhalidən xristianlığı
qəbul edənlərin bir hissəsi onu çarizmin verdiyi yalançı vədlərə inanaraq qəbul etmişdisə, digər
əksər hissəsinə zorakı yollarla qəbul etdirilmişdi. Aldadılan əhali yenidən müsəlmançılığa qayıtmaq
tələbi ilə çarizmə müraciət edirdilər. Onlar dəfələrlə zorla xristianlaşdırılmaları ilə bağlı hakim
dairələrə müraciət etsələr də, bu şikayət və narazılıqlar nəticəsiz qalırdı ki, bu da əhalidə çarizmə
qarşı sonsuz nifrəti daha da dərinləşdirirdi [
3, 210-212].
Zaqatala dairəsinin hakimiyyət orqanları və xristian missionerlərin Qafqaz komandanlığının
himayəsi ilə bölgədə apardığı zorakı xristianlaşdırma – gürcüləşdirmə siyasəti yerli əhalinin ciddi