__________________Milli Kitabxana_________________
129
-Ay onu icad eləyənin lap atasına lənət...
-Əbədən... bu bir şairin istər cavan, istər cəvanəzən olsun gözəllik ilahəsinə
büti-siminbərə səcdəsidi, bunsuz şeir yaranmaz... İnsan dimağını incələşdirən,
zərifləşdirən şeir... bu ifadələrdən qərəz tək-tək şəxslər deyil, ümumən gözəlliyə,
xudavəndi-aləmin yaratdığı və peyğəmbər sələvatullahın "fətəbarəkəllahu əhsənül-
xaliqin" - yəni səni yaradan Allaha şükr olsun dediyi bəşəri gözəlliyə ibadətdir.
Xudavəndi-təbarəkin ən gözəl töhfəsidi şeir qabiliyyəti. Qurani-şərif də şeirlə
yazılıb... ya Hafizə bax, şeyx Sədiyə bax... Məgər onlar hamısı əxlaqsız olub,
meyi-nab deyəndə məbz siz düşünən piyanis-keliyi eləyiblər?..
Elə bu anda müridlərindən könüllü nökər vəzifəsini ifadə eləyənlərdən biri içəri
girib Hacı Seyid Məhəmməd oğlu Seyid Əzim ağanın gəldiyini xəbər verdi:
-Buyursun, buyursun... qəlbində düşündü: yaxşı ki, otağa bu gün,bu saatda
gələn yoxdu, oturub bir əməlli əməli-saleh adamla Allahdan, bəndədən söhbət
eleyərik. Əmr bə məuf, nehy əz münker şəri qanunu da mən öz həmvətənim
haqqında yerinə yetirmiş olaram.
Seyid Əzim otağa daxil olub göstərilən yerdə əyləşdi, onların yaşları arasında
fərq o qədər də deyildi, amma buna baxmayaraq, Ağaseyidəli ağa az qala onun
atası yaşında görünürdü.
Əhval pürsandan sonra şair öz məqsədini açıb Ağaseyidəli ağaya bildirdi. Onun
gözlədiyinin əksinə olaraq seyid bu təklifi böyük bir məmnuniyyətlə qarşıladı:
-Mübarəkdir, gözəl işdir, mən əlimdən gələn köməyi əsirgəmərəm. Növbəti
cümə günlərindən birində camaat məsciddə xüsusilə çox olanda bu barədə onlarla
danışaram.
"Yaxşı oldu, başı xeyir işə qarışar, şer və naşər işlərdən əl çəkər, bir də camaat
balalarını urus uşqoluna yox, öz müsəlman qardaşı açan məktəbə verər", - deyə
düşündü. Sonra əlavə elədi:
-Çox gözəl işə iqdam eləyirsən, əmioğlu, mən də sənə qahmar!
Amma bir neçə şərtim var, birinci şərtim budur ki, sən - o, yanındakı rəhilin
üstündən xəttat məktəbinin məxsusən ona hədiyyə üçün gözəl xətlə yazdığı böyük
Quranı aldı, öpüb alnına qoydu və Seyid Əzimin qarşısına tutdu - bu müqəddəs
kəlamullahi-məcidə and içib, içkidən tövbə eləməlisən.
Şair bir an duruxdu, lakin o buna çoxdan hazır idi, o bilirdi ki, Ağaseyidəli ağa
məhz bu andı ondan tələb edəcək; bunu ondan anası da,
__________________Milli Kitabxana_________________
130
ən yaxın əməl dostları da xahi edirdi, o özü də bilirdi ki, içkiyə aludəlik onu
yaman yola apara bilər.
Şair qəlbində gülümsədi.
"Bəli, şərab da olub, musiqi də, çəngi də... Şərabdan tövbə... min tövbə...
Musiqi və gözəllik olmadan yazmaq, şeir düzmək imkanı olsaydı, amalım yolunda
ondan da tövbə edərdim... Lakin bu mümkün deyil, ağa, ya sən bunu unudub
tövbənə daxil etmədin, ya da vallahi ki, zövqün var! Bilirsən ki, bunlardan tövbə
etdirmək, məni yalana mürtəkib etdirmək, mənə nahaq and içdirmək olar. Mən
təbi-şeir qarşısında acizəm; əhdimi, andımı sındıra bilərdim. Yaxşı ki, bircə
şərabdan tövbə etdirirsən, - deyə düşündü. Bu anda o çoxdan hazır idi. Əlini
qaldırıb Quranın üstünə qoymaq istədikdə Ağaseyidəli ağa Quranı ondan kənar
etdi:
-Bir sözün kafıdir, əmioğlu, bir sozün kafıdir. İçki tövbəsi üçün həmmamda
qüsl etmədiyindən Qurana əl vurmagın caiz deyil. Elə bir sözünə qailəm.
Seyid Əzim and içərcəsinə ciddiyyətlə dilləndi:
-Mən o sözü sizə səmimi-qəlbdən verirəm.
Axundun nazik dodaqları səyridi:
-İnanıram... İndi bir nəsihətimə qulaq asmalısan: Sənin barəndə qulaqlarıma
yaman sözlər gəlir, içkidən qeyri... guya xoşməşrəb cavanlara qoşulmusan...
Seyid Əzim etiraz edərcəsinə əlini qaldırdı, nə isə demək istədi, lakin axund
buna imkan vermədi:
-Axıra qədər sözümə qulaq as. Bilirəm, xeyirxahın olduğu kimi bədxahın da
çoxdur. Bilirəm ki, sözlərin çoxu bədxah qayırmasıdı.
Amma genə də səni xəbərdar eləyirəm, övladım! Mənim nəzərimdə özünü
paklığa, təmizliyə çıxartma, bunun faydası yoxdu! Mən onsuz da sənə inanıram,
tinə-tinə bələdəm. Sən çalış ki, xalqın nəzərində pak ol! Öz millətinə, həmvətəninə
xeyir vermək istəyən insan təmiz,gün kimi aydın və həmişə göz qabağında olduğu
üçün, hərtərəfli pak olmalıdır. Onu hamı görür: biri təmşiyət götürürsə, bir napak
da irad tutmağa yer axtarır. Onun paklığı aftab kimi elə ziya saçmalıdır ki,adamlar
bu şüadan isinə və nur ala bilsinlər. Əks halda, onun bütün ulu və qüdsi arzu və
əməlləri puç olar gedər. Sən xalqa xidmət etmək xəyalına düşdüyün gündən artıq
özünə məxsus deyilsən, ona göre də hamının gözü önündəsən. Bu ağır yoldu, ya
seçmə, ya da seçdinsə,onun bütün ağır və əzablarını, keşməkeşlərini qəbul elə!
Peyğəmbər nəsihətini onu eşidənlərə deyil, qulaq asmayanlara, ağzına daş vuran-
__________________Milli Kitabxana_________________
131
lara eləyib, çünki dininin həqiqiliyinə, öz xalqına xidmət etiqadına inanıb, öz
gözlərində tir görməyənlər, sənin gözündə tük axtaracaq. Sən istər evdə, külfət
yanında, istər bazarda, dost-aşna yanında, istərsə də, gələcəkdə şagirdlərinlə özünü
elə aparmalısan ki, sənə irad tuta bilən olmasın. Di kifayətdi, Allahın köməkliyi
üstündə olsun...
...Seyid Əzim bu qəribə insanın nəsihətlərini sözsüz bir maraqla dinləyib çıxdı.
O elə dərin bir xəyala dalmışdı ki, hətta axunddan xeyir-dua aldığına belə, elə bil
ki, əhəmiyyət vermirdi. O düşünürdü və düşündükcə indicə eşitdiyi sözlər,
Gülüstan qalası, Pirdiroki dağı, Pirqulu zirvəsində əks-səda verən bir xəyali sövt
kimi qəlbində səslənirdi: "Vətənə xeyir vermək istəyən insan gün kimi pak
olmalıdır... Sən xalqa xidmət xəyalına düşmüsənsə, artıq özünə məxsus deyilsən,..
bu ağır yoldu... ya iqdam etmə... ya da işə qədəm qoydunsa, bütün ağrı və acılara,
məhrumiyyətlərə dözməlisən... Sözünü məhz qulaq asmayanlara, nadanlara, sənə
tənə-təriz vuranlara, daş atanlara deməlisən... Səndə belə bir dəyanət varmı?..
Olacaqmı? Yarı yoldan qayıtmayacaqsan ki?.. Atılan oxlara sinən davam
edəcəkmi? Bu bir sənəmin kirpiklərindən, növki-müjganından atılan "oxlar"
olmayacaq ha!.. Sərvəqt ol, Seyyid, artıq sən özünün deyilsən!.. Bu yazıq, məzlum
və nadan xalqınınsan! Sən də sələflərin kimi əlindən gələni etmədi, sonra:
"Bacardığımı etdim, bacarmadığımı da etdim, əziz xalqım, əlim mənim" - deyib
dünyaya rahat göz yuma bilərsən... Malım-mülküm yoxdu ki, bu yolda sərf edəm,
bir canımdan savayı. Onu da İsmayıl qurbanı kimi ayaqlarına, uğruna qurban
gətirirəm; elim-günüm mənim! Nə bacarsam insan iqtidarında olan hər şeyi
edəcəyəm, çalışacağam ki, bəqədri-məqdur, övladının gözünü bu cahana doğru
özlə açam, ona doğru, həqq yol göstərəm.. Zəif çıxsam bu çarpışmadan, bacara
bilməsəm, qüsurlarım olsa, əfv et məni, əziz elim-günüm, millətim mənim! Bil ki,
sənin yolunda nə etmişəmsə, ən səmimi niyyətlərlə etmişəm, nəyi düzgün
etməmişəmsə, qüsurumu əfv et!.." O öz xəyalında eli-günü ilə canlı bir insan,
qarşısındakı bir müsahib kimi danışır, əsil andı indi içirdi.
...O xeyir-dua aldı, o and içdi. Amma bu andın yerinə yetirilməsi, Şirvanın
maarif qaranquşlarından olan, adı dillərə düşmüş, on altı il davam etmiş, Zaxarov,
Çernyayevski kimi müəllim-pedaqoq tərəfindən təriflənən məktəbin açılması üçün
hələ çox çalışmalı olacaq. Bu gün pul tavana sahiblərində, güc güclülərdə- arzu
Seyyiddədir... Arzu... Bu arzunun həyata keçməsi ilə bugünkü and arasında o qədər
hadisələr baş veribki...
Dostları ilə paylaş: |