__________________Milli Kitabxana_________________
132
Dostlar, Hacı Əsədin dükanına girməyin vaxtı çatıb, burada ruhumuzu açan bir
şey olmasa da, gəlin Bəzzazbazarın əvvəldə tanış olduğumuz, lakin içəri girməyə
münasib vaxtımız olmayan bu mağazasına daxil olaq.
Hacı Əsəd, oğlu Tərlandan xəbər-ətər bilmədiyi ilk aylarda özünü yerə vurmur:
"Mənim oğluma nə gəlib ki? Özüm izin vermişəm, qəriblər ağasının qulluğuna
gedib" deyirdi. Şamaxılılar demişkən "dəvədən düşsə də, höt-hötündən düşmürdü".
Amma aylar keçib il oldu, Tərlandan gəldi olmadı. Arabir Aşqabaddan bəri
keçənlər xısınlaşdılar ki, Tərlanı o tərəflərdən görən olub, guya orda dükan açıb,
ticarət eləyir... Hacı özünü o yerə qoymasa da, camaat, qohum-əqrəba, bazar əhli,
xususilə yaxın qonşusu Hacı Qədir görürdü ki, kişi xiffət eləyir... Buna
baxmayaraq dükan əvvəlki qaydasından, bər-bəzəyindən düşməmişdi, iri naxışlı
şüşlərin dalına mallardan nümunələr qoyulmuşdu. İçərisi geniş olan mağazanın
piştaxtaları dalında indi cavan bir oğlan, Hacının "pirkəşik" adlandırdığı xalanəvəsi
Əli işləyirdi. Hacı özü taxtın üstündə oturub əsasən daxıldarlıq eləyir, gəlib-gedəni
qəbul edir, oturub tez-tez çayçı Əlmuxtarın dükanından gətirilən pürrəng çayı
içirdi. Kişi oturaq həyat keçirdiyindən bir qədər də yoğunlamış, peysərini qatbaqat
ət basmışdı. Kosa sifətinin əlləri az qala beşqat buxaq kimi üzüaşağı sallanmışdı.
Tirmə qurşaq qamına gəlmirdi.
Qapaqlı həmişəki yerində taxt üstündə oturub qəfəsələri ağırlıqdan əyən
mallara baxır və çayı qurtumlayırdı. Birdən Molla Qurbanqulu ilə onun kürəkəni
Məşədi Alış içəri girdi. Hacı "hə-hö" eləyib qalxanacan, pirkeşik Əli qonaqları
qarşılayıb taxt üstündə onlar üçün yer rahatladı. Molla dedi:
-Qalxma, qalxma, sən Allah, zəhmət çəkmə... Salaməleyk.
-Ay əleykəssalam... heç dura bilirəm ki... yaman ağırlaşmışam, axund... Xoş
gəlmisən, səfa ğətirmisən, sən də Məşədi Alış – ürəyində isə deyindi: "Bu
qaraxəbərdən Allah xeyir xəbər göstərərmi? Görəsən, genə kürəkən-qaynata nə
pəstaha açacaqlar, kimin evin yıxacaqlar? Allah özü şərlərindən saxlasın, sən
öləsən heç Alışa məşədi deməyə də dilim gəlmir".
-Əli, bir Rəzini səslə, ağalara çay..,
-Baş üstə...
Əli çıxmaq istəyəndə Molla Qurbanqulu səsləndi:
-Oğul, Hacı Qədirə də de ki, bir balaca onuyla məsləhətimiz var,bir zəhmət
çəkib buyursun bura, buyursun.
__________________Milli Kitabxana_________________
133
-Baş üstə...
Rəzi iri siniyə çaydan və fincanları qoyub çıxanda, mollanın məsləhəti ilə
Qapaqlı, Əliyə emr elədi:
-Əli, get karvansaraya, gör kərbəlayi Vəlidən bir xəbər-ətər varmı?
Əli çıxanda Hacı Qədir dəvə kimi uzun boynunu əyib içəri girdi,lök dodaqlarını
marçıldadaraq salamlaşdı və məhz dəvə kimi də diz çöküb taxtın bir küncündə
əyləşdi.
Oturanların hamısı intizar içində gözlərini Molla Qurbanqulunun üzünə dikib
durmuşdular. Molla Qurbanqulu adəti üzrə hər bir cümlənin son sözünü təkrarlaya-
təkrarlaya sözə başladı:
-Hacı, Məşədi Alış da, özüm də eşitmişəm ki, bu təzələrin bir-birinin dalınca
bağlanan təzə uşqolları elə yağışdan sonrakı göbələk kimi genə də bir-birinin
dalıncan yerdən dombalıb çıxır... bəli, bəli, çıxır.
Güllübəyim-kəsmiş elə getdi, İrza bəyinki belə getdi... indi də deyirlər ki, o
naseyid Əzim təzə qaydada bir məktəb acmaq üçün dost-aşnaynan xosunlaşır, bəli,
bəli, xosunlaşır... lap səhih xəbərdi...
-Nə danışırsan, canım? Onda pul hardeydi uşqol aça? Uşqolun bir aləm xərci,
dərdi-azarı var.
-Əh, özü günorta durur yuxudan ki, qarnım acar, sən də, ay axund, görəsən
hansı yuxu görənə inanmısan?
-Nə danışırsan? Əşədənbillah, peyğəmbər haqqı doğru sözdü, Hacı! Mən
bəyəm yoxlamamış, bir işə iqdam elərəm, cənabını narahat elərəm? Sən baxma
lütün biridi, amma o Kərim bəy var ha, deyirlər o da elə əvvəl əldən 120 manat
ianə verib... süftəsinə, verib...
Hacıların gözləri kəlləsinə çıxdı, hər ikisi əllərini dizlərine çırpdı:
-Pah atonnan, bu babi uşağı babi, pul qoymağa yer tapmırlar da...
-Bəli, elədi ki, var... Mahmud ağa da, Əlyar bəy də, siyahı eləyiblər, hərə karına
göre 20-dən, 30-dan, 100-dən söz verib... Sonra da naseyid Əzim gedib
Ağaseyidəli ağanın qulluğuna, ondan izin alıb... rüsxət istəyib... bəli, bəli, istəyib...
-Hə, o nə deyib? İçkiçi, qumarbaz, çəngibaza izin verib? Elə şey olar?
-Ele iş də ondadı ki, Ağaseyidəli ağa ona inanır, niyəsini bilmirəm, amma
inanır. Deyirlər ki, Qurana əl basdırıb, tövbə elətdirib ki, bir də dilinə içki
vurmayacaq... bəli, vurmayacaq...
Bu xəbəri Qapaqlı ilə Hacı Qədir hərəsi bir növ qarşıladı. Hacı Əsəd dərhal
səsləndi:
-Ay tövbə elədi ha... yalansa tövbə ona qənim olsun...
__________________Milli Kitabxana_________________
134
Hacı Qədir dilləndi:
-Tövbə eləyibsə, Ağaseyidəli ağaya söz veribsə dayı nə söz?
Hacı Əsəd səylə nəyi isə yadına salırdı. Birdən od götürmüş kimi coşdu:
-A kişilər, nə tövbə? Nə söz? Hələ dünən Cinin başına yığılan gədə-güdə
bazarda hırıldaşa-hırıldaşa onun təzə qəzəlini oxuyurdu,yadımda ilişib qalan da bu
beyt oldu:
Hər işindən eləyə tövbə, yəqindir, Seyyid
Çəkməz əl badədən, etməz bu xətadan tövbə!
Bu da sənə onun tövbəsi! Təpəsinə dəysin...
Məşədi Alış söhbətə qarışdı:
-A kişilər, siz də ona inanırsız? Getdiyim qəriblər ağasına and olsun ki, dünən
öz gözümnən onu Gürcübazardan Aleksan bəynən qol-boyun çıxan görmüşəm...
-Pay atonnan seyid yiyəsi, ay sənin cəddin özünə qənim olsun...
-Bu ola bilməz, əgər söz veribsə... - yenə də şübhə Hacı Qədiri dilləndirdi.
Bu pir və ocaq dəlisi omründə Ağaseyidəli ağaya inanan kimi heç Allaha da
inanmırdı.
-Olar, olar, deyirlər ki, hələm onun uşqolunda urus dilindən də bir erməni
dığası dərs verəcək; belə qayda qoyub...
-Əh... ay cəddi onun üzünə tüpürsün, onda hansı imansız ona uşaq usburt olar?
-Heç kim, heccə kim... O da gedər inşallah urus İrza bəyin məktəbinin
dalısıycan...
-Bu babi köpək uşaqlarından bundan artıq nə gözləmək olar? İçkixana,
həcvxana onlara azlıq eləyir?
-Əl çəkmirlər... Din eldən gedir...
Molla məsləhətə xitam verdi:
-Hacılar, bax borcumuz avamı başa salmaqdı, baxmasınlar ki,seyiddi, nə bilim
ağadan izin alıb, çoxunun gözünü bu məsəfələr örtə bilər... odu ki, bizim borcumuz
camaatı başa salmaqdı, bəli, salmaqdı!Qoy öz fərzəndələrini öz əlləri ilə odun içinə
atmasınlar! Onlardan babi qayırmasınlar, urus-erməniyə tay eləməsinlər,
eləməsinlər!
Hacı Qədiri isə fikir götürmüşdü. Şübhə onun inadkar və etiqad sahibi qəlbinə
yol tapmışdı. Əvvələn, Seyid Məhəmmədli böyük və nəcib ocaqdı, onlar hələ heç
kimin bir həbbəsinə kəc baxmayıblar...
Dostları ilə paylaş: |