oralig‘idagi modda keyinchalik xujayra po‘sti yemiriladi. Zararlangan o‘simlik a’zosi oldin
yumshaydi, so‘ngra yoqimsiz hid chiqarib xo‘l chirish yuzaga keladi. Bunga misol qilib
kartoshkaning xo‘l chirish kasalligini olish mumkin.
Shishlarning hosil bo‘lishi. Ayrim fitopatogen bakteriyalar o‘zidan xujayrani bo‘linishini
tezlashtiradigan moddalarni ajratadi, bu esa o‘simlikning zararlangan a’zolarida turli xil shishlarni
yuzaga kelishiga sababchi bo‘ladi.
Kasallikning bu turiga misol qilib meva daraxtlarining ko‘chatlarini ildiz rakini va tokning
rak kasalligini olishimiz mumkin.
Parenximali-o‘tkazuvchi to‘qima kasalliklari. Kasallikni bu turi o‘simlikning o‘tkazuvchi
to‘qima naylarini hamda parenxima to‘qimasini zararlanishi tufayli kelib chiqadi. Kasallik
o‘simlikni qisman yoki butunlay so‘lishi, dog‘lar va chirishni yuzaga kelishi bilan namoyon bo‘ladi.
So‘lish. O‘simlikning o‘tkazuvchi to‘qima naylarini zararlanishi tufayli o‘simlik qisman
yoki butunlay so‘lishi, o‘tkazuvchi naylari esa qo‘ng‘ir tusga kirishi mumkin. Bunga misol qilib
pomidor raki va kartoshkaning xalqali chirishini olamiz.
Fitopatogen bakteriyalar ichida faqat dog‘lar yoki chirish ko‘rinishidagi kasallik turini
keltirib chiqaradigan vakillari ham uchrab turadi. Lekin shunday bakteriyalar xam borki,
o‘tkazuvchi to‘qima navlarni zararlash bilan birgalikda parenxima to‘qimalarini xam zararlaydi.
Bunday kasallik ko‘rinishi kasallikning aralash turi deb atalsa xam bo‘ladi. Zararlangan
o‘simlikning yer ustki qismi so‘liydi hamda meva va tuganaklarida dog‘lar yoki chirish kuzatiladi
(pomidor raki, kartoshkaning xalqali chirishi).
Mashg‘ulot davomida gerbariy, fiksatsiyalangan jihozlar, jadvallar bilan tanishish
davomida rasmlarni xam chizish zarur. Kasallikni ko‘rinishiga qarab uni turlarga ajratish
kerak.
MAVZU: GULLI PARAZIT USIMLIKLAR.
Ish rejasi:
I. Gulli-yarim parazitlar:
1. Ildizdagi (Ivan-da-Mariya)
2. Poyadagi (Omela, arsetobium)
II. Gulli-tuliq parazitlar:
1. Ildizdagi (shumg‘iya)
2. Poyadagi (zarpechak)
Zaruriy jixozlar: Gerbariydan namunalar (zarpechak, shumg‘iya, arsetobium, omela).
Omelani fiksatsiyalangan urug‘i. Rangli jadvallar.
Umumiy tavsifi. Deyarli hamma gulli yuksak o‘simlik mustaqil ravishda anorganik
moddalardan organik moddalarni xosil qilishadi, ya’ni avtotrof oziqlanadi. Bu o‘simliklar odatda
yaxshi rivojlangan ildizlarga ega bo‘lib, ular orqali tuproqdan suv va mineral moddalarni oladi
hamda yashil barglari yordamida quyosh nuridan foydalanib, organik moddalarni hosil qiladi.
Lekin bu guruhga kiruvchi ayrim botanik oilalarga mansub bo‘lgan o‘simliklar o‘zining
hayotiy faoliyati tufayli yarim yoki to‘liq parazit holatda yashashga moslashgan. Parazit holda
xayot kechirishi ularni boshqa o‘simliklarning ildizi yoki yer ustki a’zolarida yopishib yashashga
moslashishiga olib kelgan. Ana shunday hayotiy faoliyatiga ko‘ra, gulli parazit o‘simliklar ildiz va
poya parazitlariga bo‘linadi. Bu o‘simliklarning yashash sharoitiga ko‘ra ularning ildizlari qisman
yoki butunlay rivojlanmagan. Shuning uchunular xujayin o‘simlikdan suv, mineral va organik
moddalarni oladilar.
Yuqorida qayd etilgan gulli parazit o‘simliklar o‘zida organik moddalarni hosil etishiga
ko‘ra o‘zaro bir biridan farq qiladilar. Gulli parazit o‘simliklarning ayrimlari yashil barg va poyaga
ega bo‘lganligi uchun organik moddalarni hosil qila oladi, shuning uchun ularni yarim parazitlar
xam deb yuritiladi. Ayrimlari esa yuksak o‘simliklarga xos bo‘lgan organik moddalarni -xosil qilish
xususiyatini (shu bilan birga xlorofill donachasi va yashil rangini) yo‘qotgan. Bunday parazitlar
xo‘jayin o‘simliklardan fakat suv va mineral moddani emas, balki organik moddalarni xam oladilar.
Shuning uchun ularni tuliq parazitlar deb ataladi. Gulli parazit o‘simliklar bir necha guruxlarga
bo‘linib o‘rganiladi.
1.Gulli-yarim parazit o‘simliklar; a) ildizdagi; b) poyadagi
2Gulli – to‘liq parazit o‘simliklar ; ) ildizdagi; b) poyadagi
Ildizdagi gulli –yarim parazit o‘simliklarga Ivan – da-Mariya o‘simligini olishimiz mumkin.
Ivan-da-Mariya o‘simligining ildizida mayda surgichlar bo‘lib, shular yordamida turli daraxtlar va
butalar ildiziga yopishib olib yashaydi. Bu oilaga kiruvchi boshqa o‘simliklar (pogremok, mo‘tnik)
o‘tsimon o‘simliklarda yarim parazit holda hayot kechiradi. Ular o‘tsimon o‘simliklarni
siyraklashtiradi va yig‘iladigan xashakning sifatini pasaytiradi.
Daraxtlarda yarim parazit holda hayot kechiruvchilarga misol qilib omelani olishimiz
mumkin.
Omela (Vissum album L.). Omela yaxshi rivojlangan yashil bargga va tarmoqlangan
shoxlarga ega bo‘lgan ko‘p yillik o‘simlikdir. U ikki pallali, ikki uyli, ya’ni onalik guli va otalik
guli aloxida usimliklarda rivojlanadigan o‘simlikdir. Mevasi-rezavor meva bo‘lib, yopilganda rangi
oq tusga kiradi. Rezavor meva urug‘li bo‘lib, yelimsimon moddaga egadir. Yopilgan urug‘lar faqat
yorug‘likda unib chiqadi. Unib chiqqan maysa katta bo‘lib, uchi yassi. Poyasi qalin kutikula bilan
qoplangan, lekin po‘kak qavati bo‘lmaganligi uchun suvni osonlik bilan parlatib yuboradi, shuning
uchun suvga bo‘lgan talabi kuchli. Ko‘pincha o‘simlikning omela zararlagan qismi yo‘g‘onlashib
ketib, ko‘rinishi shishga o‘xshab qoladi. Agar shishni ko‘ndalang kesib qaralsa, o‘simlikning
po‘stloq qismida omelani ildizi-rizoidlarini ko‘rishimiz mumkin. Daraxtning rivojlanishi tufayli bu
rizoidlar kambiy qismiga qarab chuqurlashib boradi. Bundan ko‘rinib turibdiki, omelada xaqiqiy
ildizlari bo‘lmaydi, balki ularning o‘rnini so‘rg‘ichlar bosadi. Omela olma, nok, terak, eman, igna
bargli daraxtlarda va boshqa manzarali daraxtlarda parazitlik qiladi. Omelani urug‘i qushlar
yordamida tarqatiladi. Ular yopishqoq bo‘lganligi uchun daraxtlarga yopishib keyin, asta-sekin
o‘sib rivojlanadi.
To‘liq parazitlarni o‘rganishda ularning parazitlik hayot kechirishidagi ayrim xususiyatlariga
e’tibor berishimiz zarur. Bular quyidagilardir: ildiz sistemasi yo‘q, bularning o‘rnini so‘rg‘ichlar
oladi, barglari yo‘q, poyasi siyox rang yoki sarg‘ish lekin yashil emas. To‘liq parazitlar ichida
shumg‘iya va zarpechak alohida o‘rin tutadi.
Shumg‘iya (
Orobanche). Shumg‘iya-shumg‘iyadoshlar oilasiga (
Orobanchaceae) mansub
bo‘lib, ildizda parazitlik qiluvchi gulli o‘simliklarga kiradi. U etli, sarg‘ish ostki qismi yo‘g‘on
poyaga ega bo‘lib, barglari deyarli yo‘qolib qipiqsimon tusni olgan. Shumg‘iyani ildizi yo‘q,
gullari-boshoq. Bu boshoqlarda juda ko‘p, mayda bir necha yillar davomida tuproqda o‘z
unuvchanligini yo‘qotmaydigan urug‘lar yetiladi. Shumg‘iya bir yillik o‘simlikdir.
Xo‘jayin o‘simlikning ildizidan ajratilgan moddalar ta’sirida shumg‘iya urug‘i unib
chiqib o‘simlikni ildiziga yopishib rivojlana boshlaydi. Ildizga yopishgan shumg‘iyadan yumaloq
kurtak hosil bo‘ladi. Undan esa ildiz ichiga o‘sib kirgan so‘rg‘ichlar yuzaga keladi, so‘ngra
o‘simlikning poyasi rivojlanadi. Shumg‘iyani quyidagi turlarining zarari kattadir, shulardan
kungaboqar shumg‘iyasi (Orobanche cunana) shoxlangan shumg‘iya (Orobanche ramosa), misr
shumg‘iyasi (Orobanche aeqipthica), sariq shumg‘iya (Orobanche lutea). Shumg‘iya o‘zaro
morfologik belgilari bilan bir-biridan farq qilmasdan, balki ma’lum o‘simlikka moslanganligi bilan
xam farqlanadi.
Zarpechak (Suscuta). Zarpechak o‘simlik poyasida parazitlik qiluvchi gulli o‘simlikdir. U
xlorofilsiz bo‘lib, ildizi xam, bargi xam yo‘q. Zarpechak ingichka, ayrim hollarda shoxlangan
poyasi bilan xo‘jayin o‘simlik bandiga yopishib, so‘rg‘ichlari yordamida undan o‘ziga kerakli
bo‘lgan suv, mineral va organik moddalarni oladi. Zarpechak juda ko‘p miqdorda urug‘ hosil qiladi.
Bu urug‘ tuproqda ko‘pincha xo‘jayin-o‘simlikning urug‘i bilan saqlanadi. Zarpechak urug‘i
ko‘sakchalarda hosil bo‘ladi. Bu urug‘lar madaniy o‘simliklar urug‘i bilan, chirimagan go‘ng va bir
qator boshqa yo‘llar orqali tarqalishi mumkin. Zarpechak faqat urug‘i yordamida emas, balki
poyasini ayrim bo‘laklari orqali xam tarqaladi. Zarpechakning keng tarqalgan va zararli turlari
quyidagilardir: yevropa zarpechagi (Cuscuta europaea), zig‘ir zarpechagi (Suscuta), dala