Virulentlik patogen mikrobların fərdi xüsusiyyəti olub, bir çox amillərlə
əlaqədardır. Onlardan biri kapsula əmələ gətirməkdir ki, bu da, məsələn, insanlarda
xəstəlik törədən patogenlərin leykositlər tərəfindən udulmasına və qanın
bakterisidlik xüsusiyyətinə mane olur və beləliklə bu mikroblar orqanizmlərdə
çoxalaraq müxtəlif xəstəlik törədirlər. Həmin amillərdən digəri mikrobun
orqanizmə daxil olması üçün xüsusi fermentlər əmələ gətirməsidir. Bu
fermentlərdən biri hialuronidaza adlanır. O, birləşdirici toxumaların tərkib hissəsi
olan Hialuron turşusunu parçalayaraq toxumanın keçiricilik qabiliyyətini artırır.
Bununla əlaqədar bu fermentə invaziya və yayılma amili adı da verilir.
Virulentlik amilinə patogen mikrobun əmələ gətirdiyi zülal təbiətli xüsusi
birləşmə olan aqressinlər də daxildir. Bunlar orqanizmin müdafiə qabiliyyətini
azaldırlar.
Patogen mikrobların ifraz etdikləri toksinlər də əsas virulentlik amillərinə
daxildir. Mikroblar ekzo və endotoksinlər əmələ gətirirlər. Ekzotoksinlər zülal
təbiətli yüksək zəhərli maddələrə aiddirlər. Onlar mikroorqanizmlər tərəfindən
ətraf mühitə yaşadıcı dövrdə ifraz olunurlar. Ekzotoksinlər yüksək temperatura
nisbətən az dözümlüdürlər. Onların çoxu maye mühitdə 60-70°C qaynadılan
zaman toksikliyini aşacı salır. Yüksək temperatura davamlı ekzotoksinlər də vardır
(məsələn, stafilokokklar, botulizm) ki, onlar qaynadılmaca bir neçə dəqiqə davam
gətirirlər. Ekzotoksinlər endotoksinlərə nisbətən çox zəhərli və qorxuludurlar.
Bunlarda seçicilik qabiliyyəti olub, müəyyən orqan və toxumalara təsir edirlər.
Belə toksinləri Clostr.tetani, Cl.botulinum, Cl.perfringens, Corynebacterium
diphteria kimi bakteriyalar ifraz edir.
Mikroorqanizmlər endotoksinləri ətraf mühitə yaşadıcı dövrdə ifraz etmirlər
və onlar yalnız orqanizm öldükdən və hüceyrə parçalandıqdan sonra xaricə çıxırlar.
Ekzotoksinlərə nisbətən onlar az zəhərlidirlər və zəif seçicilik qabiliyyətinə
malikdirlər. Eyni zamanda ekzotoksinlərə nisbətən temperaturaya dözümlüdürlər.
Onlar 80-100°C-ə, bəziləri isə daha çox qızdırılmaya dözürlər.
Endotoksinlər əsasən qram-mənfi mikroorqanizmlərdə olur. Onlar termostabil
olub, tez təsir etmələri və az zəhərliliyi ilə səciyyələnirlər. Bunlardan başqa
virulentlik mikrobun miqdarından, sürətlə artmasından, bir də orqanizmin həmin
mikroba qarşı həssaslıq dərəcəsindən asılıdır. Mikrobun virulentliyini gücləndirmək
məqsədi ilə onları həssas laboratoriya heyvanlarından bir neçə dəfə keçirirlər.
Nəticədə müvafiq mikrob ştammı virulentliyini o dərəcədə artırır ki, axırda tək bir
mikrob hüceyrəsi xəstəlik törədir.
Bütün patogen mikroblar orqanizmə daxil olducu yerdə ilk dəyişiklik olaraq
iltihab törədirlər, sonradan onlar orqanizmin müqavimət qüvvəsindən asılı olaraq,
bəzi üzvlərdə lokalizasiya edərək(yerləşərək) patogen dəyişiklikləri əmələ
gətirirlər.
Mikrob qan vasitəsi ilə üzvlərə yayılmaqla bərabər, qanda və müxtəlif
toxumalarda artarsa, buna sepsis və ya septisemiya deyilir (qarayara, pasterelloz).
Bəzi patogen mikroblar orqanizmdə öz təsirlərini əsas ekzotoksigenləri
vasitəsilə təsir edirlər, bu da toksemiya adlanır (dovşancıq, botulizm, infeksion
enterotoksemiya və s.).
Patogen mikroblardan başqa orqanizmin müxtəlif boşluqlarında (tənəffüs,
həzm sistemi üzvləri, dəri örtüyü və s.) bir qrup mikroorqanizmlər də yaşayır ki,
bunlara şərti patogen mikroblar deyilir. Orqanizmin normal fizioloji yaşayışı
zamanı şərti patogen mikroblar xəstəlik törətməyərək saprotrof kimi yaşayırlar.
Lakin müxtəlif təsirlərdən orqanizmin normal fizioloji funksiyaları pozulduqda,
onlar patogenlik xassəsi qazanaraq xəstəlik törədirlər.
İnfeksiya latın sözü olub (infectio), yoluxdurma deməkdir. Xəstəlik törədən
mikrobun orqanizmə daxil olması nəticəsində orqanizmdə əmələ gələn bioloji
dəyişikliklərin birliyinə infeksion proses deyilir. İnfeksion xəstəliklər xarici
mühitin müəyyən şəraitində mikroorqanizmlərin insan və ya heyvanlar arasında
qarşılıqlı əlaqə prosesidir. Yoluxucu xəstəliklər (cuzam, taun, çiçək, vərəm) hələ
qədim zamanlardan bəri bəşəriyyətin qəddar düşməni olmuş, lakin xəstəliyin
törədicisi, onun nə yolla yayılması, qarşısının alınması məsələsi uzun zaman
öyrənilə bilməmişdir.
əsrin ikinci yarısı və əsrin əvvəllərində yoluxucu xəstəliklərin
mikroorqanizmlərin iştirakı ilə keçdiyi müəyyən olundu. Belə ki, bu dövrdə
L.Paster, R.Kox tərəfindən yeni-yeni xəstəlik törədiciləri kəşf edilib ətraflı
öyrənilirdi. Məlum oldu ki, mikroorqanizmlərin xəstəlik törətməyən və patogen
növləri vardır. Lakin patogenlərin miqdarı saprotroflara nisbətən çox azdır.
Patogenlərin özləri də əsasən xəstə canlının bədənində çoxalır.
Mikrob orqanizmə düşəndən və müvafiq şərait yarandıqdan sonra xəstəlik
əmələ gələ bilər. İnfeksion xəstəliklər həmişə öz gedişi və klinik əlamətləri ilə
qeyri-infeksion xəstəliklərdən fərqlənir. Patogen mikrob orqanizmə düşən kimi
xəstəlik meydana çıxmır. Mikrob orqanizmdə müəyyən müddət gizli dövr keçirir,
çoxalır. Mikrobun orqanizmə daxil olub, xəstəliyin ilk əlaməti meydana çıxana
qədər keçən dövrə inkubasiya və ya gizli dövr adlanır. Bu dövr ərzində mikrob
orqanizmdə çoxalır, orqanizmin də mikrob və onun toksininə qarşı həssaslıcı artır
ki, bu da xəstəliyin əlamətlərinin meydana çıxmasında özünü göstərir. İnkubasiya
dövrünün davamı orqanizmə daxil olan mikrobun xüsusiyyətindən, miqdarından,
orqanizmin həmin mikroba necə müqavimət göstərməsindən asılıdır.
Bu dövr ayrı-ayrı xəstəliklərdə müxtəlifdir. Bunun davamı bir neçə saatdan
bir neçə ilə qədər ola bilər. Məsələn, vəba, difteriya və s. xəstəliklərdə bir neçə
günə kimi, qarın yatalacı, səpgili yatalaqda 2-3 həftə, siflisdə 3-4 həftə, quduzluqda
6 həftə, cuzamda isə bir ildən artıq ola bilər.
Yoluxma xəstəliklərinin klinik əlamətlərindən temperaturun tezliklə yüksəlib
müəyyən dövr eyni səviyyədə qalması, baş acrıları, ümumi zəiflik, ürək-damar
sistemi fəaliyyətinin pozulması, əzələlərdə və oynaqlarda acrılar, bacırsaqların
fəaliyyətinin pozulması və s. əlamətlər nəzərə çarpır. İnfeksion xəstəliklər gedişinə
görə kəsgin və xroniki olmaqla iki qrupa ayrılır. Kəskin infeksiya birdən-birə
başlanır. O, müəyyən müddət öz dövrünü keçirdikdən sonra, xəstə sağalır.
Məsələn, çiçək, qızılca, skarlatina, difteriya və s.
Vərəm, malta qızdırması (brüselloz), siflis və s. çox vaxt uzun müddət davam
edib xroniki xarakter daşıyır, yəni aylar və illərlə xəstəlik davam edir. Xəstəliyi bir
növ mikrob törədirsə sadə infeksiya, iki və ya bir neçə növ mikrob törədirsə qarışıq
infeksiya baş verir. İnsan keçirmiş olduğu yoluxucu xəstəliyə təkrar yoluxursa,
Dostları ilə paylaş: |