64
1. Abidələrin təbii köhnəlmə və dağılmasının qarĢısını
alacaq problemlər - buraya abidələrin restavrasiya və
konservasiyası, eləcə də fiziki mühafizə üçün metod və
formaları aiddir.
2. Ġnsanların özlərinin mənbəyi olduqları problemlər
Belə ki, onların apardığı müharibələr və hərbi münaqişə-
lər, oğurluq və digər əməllər, mədəni dəyərlərə təbii və zamanın
fiziki təsirindən daha çox ziyan vurur.
Tarixi və mədəni abidələrin qorunması hər bir dövlətin
qanunvericiliyi ilə idarə olunur. Lakin mədəni dəyərlərin qorun-
ması təkcə dövlətin idarə olunması səviyyəsində yetərli ola
bilməz. Burada dövlətlər öz güclərini mütləq birləşdirərək bir
məqsədə nail olmalıdırlar: bütün bəşəriyyətin mədəni irsinin
qorunması və gələcək nəsillərə çatdırılması. Elə bu iki xüsusiy-
yətlərin əsasında da “mədəni dəyərlər” anlayışı beynəlxalq
aləmdə istifadə olunmağa başlanmış və mühüm fiqura çevrilmiş-
dir. Bunlardan ən əsaslarına nəzər salaq:
15 aprel 1935-ci ildə Vaşinqtonda qəbul edilmiş elm, incə-
sənət və tarixi abidələrə xidmət edən müəssisələrin mühafizəsi
sazişində “Mədəni dəyərlər” anlayışına rast gəlinmir. Mühafizə
obyekti Beynəlxalq müqavilənin 1-ci maddəsində belə müəy-
yənləşdirilir: “Elm, incəsənət, təhsil və mədəniyyət məsələlərinə
xidmət edən tarixi abidələr, muzey və müəssisələr”. Beləliklə də
müqavilənin məzmununda “mədəni dəyərlər” anlayışının olma-
masına baxmayaraq, hər halda beynəlxalq sənəddə bu istiqa-
mətdə ilk addım atılır.
Ümumiyyətlə “Mədəni dəyərləri” (biens culturels, cultural
property, bienes culturales) - dövlətlər arasında beynəlxalq-
hüquqi münasibətlərin əsas obyektlərindən biri kimi göstərmək
olar.
İlk dəfə olaraq açıq şəkildə “mədəni dəyərlər” anlayışına
14 may 1954-cü ildə Haaqada imzalanmış hərbi münaqişələr za-
manı mədəni dəyərlərin mühafizəsi Konvensiyasında rast gəl-
mək olar. Bu Konvensiyanın 1-ci maddəsində vurğulanır ki, mə-
dəni dəyərlər dedikdə, hər bir xalqın mədəni irsi üçün əhəmiyyət
65
kəsb edən daşınan və daşınmaz dəyərlər nəzərdə tutulur. Mədəni
dəyərlər anlayışını açıqlayarkən Konvensiya yalnız sərhədləri
müəyyənləşdirir. Hərbi münaqişələr zamanı mədəni dəyərlərin
qorunması Konvensiyasının 1-ci maddəsi isə mədəni dəyərləri
üç kateqoriyaya ayırır:
1. Bilavasitə mədəni dəyərlər: tarix, incəsənət və memarlıq
abidələri, arxeoloji, dini və dünyəvi ərazilər, tarixi və ya bədii
maraq kəsb edən ansambllar, kitablar, əlyazmalar, incəsənət
əsərləri və digər bədii, tarixi, arxeoloji əhəmiyyətli əşyalar.
2. Birinci kateqoriyaya aid olan daşınan mədəni dəyərlərin
mühafizəsini təşkil edən binalar. Buraya muzeylər, kitabxanalar,
arxivləri aid etmək olar.
3. Mədəni dəyərlərin cəmləşmə mərkəzləri. Bu kateqoriya-
ya Konvensiya özündə böyük həcmdə mədəni dəyərləri cəmləş-
dirən mərkəzləri aid edir.
Mədəni dəyərlər anlayışını özündə əks etdirən digər
beynəlxalq aktlardan, YUNESKO-nun himayəsi altında qəbul
edilmiş iki sənədi göstərmək olar. Bunlar “Mədəni dəyərlərin
qeyri-qanuni yolla aparılmasının, gətirilməsinin, onların üzə-
rində mülkiyyət hüququnun başqasına verilməsinin qadağan
edilməsinə və qarşısının alınmasına yönəldilən tədbirlər” haq-
qında 19 noyabr 1964-cü ildə qəbul edilmiş Tövsiyə və 14
noyabr 1970-ci ildə qəbul edilmiş Konvensiyadır. Tövsiyənin
1-ci bəndi mədəni dəyərləri hər bir ölkənin mədəniyyəti üçün
vacib sayılan daşınar və daşınmaz əmlak kimi müəyyənləşdirir.
Dövlətlərə, onların ərazilərində yerləşən dəyərləri “ölkənin
mədəniyyəti üçün vacib sayılan mədəni mülk” kateqoriyasına
aid etmək üçün müəyyən ölçülər təyin edir. Tövsiyə bu siyahıya:
incəsənət, tarix və ya arxeologiya, etnoqrafik sənədlər, flora və
fauna nümunələri, musiqi arxiv və digər nöqteyi-nəzərindən
maraq kəsb edən memarlıq və incəsənət əsərləri, əlyazmalar,
kitablar və s. daxil edir.
Konvensiyanın 1-ci maddəsi isə “mədəni dəyərləri” hər bir
dövlət üçün tarix, arxeologiya, ədəbiyyat, elm və incəsənət ba-
xımından vacib sayılan dini və dünyəvi xarakterli dəyərlər hesab
66
edir. Əgər 1964-cü il Tövsiyəsində və 1970-ci il Konvensiya-
sında verilmiş mədəni dəyərlər anlayışını, 1954-cü il Haaqa
Konvensiyasında verilən anlayışla müqayisə etsək, açıq şəkildə
görmək olar ki, həm Tövsiyə həm də 1970-ci il Konvensiyası
dövlətlərin mədəni dəyərləri müəyyən etmək hüququnu onların
öz öhdəsinə buraxır.
1970-ci il Konvensiyası “mədəni dəyərləri” 11 kateqoriya-
ya ayırmaqla onun daha geniş izahını verir:
1) Flora və fauna nümunələri və nadir kolleksiyalar, mine-
ralogiya, anatomiya və paleontologiya üçün maraq kəsb edən
əşyalar;
2) Tarixə aid dəyərlər: elm və texnika tarixi, cəmiyyət və
müharibə tarixi, eləcə də tanınmış milli alimlər, natiqlər,
aktyorların həyatı ilə bağlı tarixlər;
3) Arxeoloji tapıntılar (adi və gizli) və açılışlar;
4) Parçalanmış təsviri və tarixi abidələrin və tarixi yerlərin
tərkib hissələri;
5) Yazı, sikkə və möhür kimi, yüz ildən artıq tarixi olan
qədim əşyalar;
6) Etnologiya materialları;
7) Bədii dəyərlər: bütövlükdə əl işləri olan lövhə, şəkil və
rəsm əsərləri, müxtəlif materiallardan olan heykəltəraşlıq
incəsənətinin orijinal əsərləri, orijinal qravürlər, estamp və
litoqrafiya, müxtəlif materiallardan olan orijinal incəsənət
əsərlərinin yığılması və montajı;
8) Ayrı-ayrı və ya kolleksiya şəklində olan və özündə
maraq kəsb edən (tarixi, bədii, elmi, ədəbi və s.) nadir
əlyazmalar və inkunabulalar, qədim kitablar, sənədlər və
nəşrlər;
9) Ayrı-ayrı və ya kolleksiya şəklində olan poçt markaları,
vergi və analoji markalar;
10) Arxivlər: fono-foto və kinoarxivlər;
11) Yüz ildən artıq tarixi olan mebellər və qədim musiqi
alətləri.
Dostları ilə paylaş: |