60
Əlavə 2
Azərbaycan Respublikasının Konstitusiyası
Maddə 16. Sosial inkişaf və dövlət
I. Azərbaycan dövləti xalqın və hər bir vətəndaşın
rifahının yüksəldilməsi, onun sosial müdafiəsi və layiqli həyat
səviyyəsi qayğısına qalır.
II. Azərbaycan dövləti mədəniyyətin, təhsilin, səhiyyənin,
elmin, incəsənətin inkişafına yardım göstərir, ölkənin təbiətini,
xalqın tarixi, maddi və mənəvi irsini qoruyur.
Maddə 40. Mədəniyyət hüququ
I. Hər kəsin mədəni həyatda iştirak etmək, mədəniyyət
təsisatlarından və mədəni sərvətlərdən istifadə etmək hüququ
vardır.
II. Hər kəs tarixi, mədəni və mənəvi irsə hörmətlə
yanaşmalı, ona qayğı göstərməli, tarix və mədəniyyət abidələrini
qorumalıdır.
61
Əlavə 3
Azərbaycan Respublikasının Milli Təhlükəsizlik
Konsepsiyası
4.3.3. Elm, təhsil, mədəniyyət siyasəti və mənəviyyatın
qorunması
Elm, təhsil, mədəniyyət və mənəviyyatın qorunması siya-
səti Azərbaycan xalqının mədəni irsinin, maddi və mənəvi də-
yərlərinin mühafizəsinə, onun mədəni tələbatlarının ödənilməsi
vasitələrinin və elmi-texniki potensialının daxili və xarici təh-
didlərdən qorunmasına, mütərəqqi daxili və beynəlxalq inkişaf-
dan bəhrələnməsinə yönəlmişdir.
Azərbaycan Respublikası ümumdünya mədəniyyətinin
qloballaşması meyillərindən kənarda qalmamaq şərti ilə, milli
mədəniyyətin özünəməxsusluğunu qoruyur və eyni zamanda
dünyanın mədəni nailiyyətlərindən milli mədəniyyətin tərəq-
qisində istifadə üçün imkanlar yaradır.
Azərbaycan Respublikası beynəlxalq öhdəliklərinə uyğun
olaraq öz ərazisində tarixi və mədəni abidələrin qorunmasını tə-
min edir.
Ölkənin davamlı inkişafı üçün adekvat sayda, yaxşı təhsil
almış və təlim keçmiş peşəkar insan potensialını, həmçinin elmi-
texniki tərəqqini təmin etmək zəruridir. Bu məqsədlə, Azər-
baycan Respublikası elm və təhsil səviyyəsinin dünya standart-
larına uyğunlaşdırılması, yeni texnologiyalardan istifadə üçün
inkişaf etmiş ölkələrlə əməkdaşlıq əlaqələrini genişləndirir, bey-
nəlxalq təcrübəni öyrənir və tətbiq edir. Azərbaycan Respub-
likası elmi potensialın qorunması və inkişafına dair dövlət siya-
sətinin uzunmüddətli proqramlarını hazırlayıb həyata keçirir.
62
Əlavə 4
Bakı Ģəhərində Muğam mərkəzinin yaradılması
haqqında
Azərbaycan Respublikası Prezidentinin Sərəncamı
Muğam Azərbaycan xalqının mədəni-mənəvi irsinin möh-
təşəm abidəsidir. Azərbaycan musiqisini zəngin fəlsəfi və ədəbi
zəmində təşəkkül tapmış muğamsız təsəvvür etmək mümkün
deyildir. Klassik ədəbiyyat nümunələri ilə üzvi surətdə vəhdət
təşkil edərək, sintetik sənət növü kimi meydana çıxan muğam-
ların Azərbaycan musiqisinin inkişafında rolu böyükdür. Bəstə-
karlarımızın daimi ilham mənbəyi olmuş muğamlar bir çox sim-
fonik əsərlərin yaradılmasına təkan vermişdir. Təsadüfi deyildir
ki, Azərbaycan bəstəkarlarının qələmindən çıxan simfonik mu-
ğamlar dünyanın hər yerində maraqla qarşılanır. Azərbaycan
muğamının bəşər mədəniyyətinin nadir inciləri ilə bir sırada
YUNESKO-nun Dünya irs Siyahısına daxil edilməsi biitövlükdə
onun nə dərəcədə unikal sənət növü olduğunu təsdiq edir.
Azərbaycanda muğam sənətinin təbliği və tədqiqi işini
təkmilləşdirmək, bu sənətə qayğını daha da artırmaq məqsədi ilə
qərara alıram:
1.Bakı şəhərində Muğam mərkəzi yaradılsın.
2.Bakı şəhəri İcra Hakimiyyəti on gün ərzində Muğam
mərkəzinin inşası üçün müvafiq yer ayrılması ilə bağlı
təkliflərini Azərbaycan Respublikasının Prezidentinə təqdim
etsin.
3.Azərbaycan Respublikasının Nazirlər Kabineti bu sərən-
camdan irəli gələn məsələləri həll etsin.
Ġlham Əliyev,
Azərbaycan Respublikasının Prezidenti
Bakı şəhəri, 8 aprel 2005-ci il
63
Əlavə 5
Beynəlxalq hüquqi sənədlərdə milli-mənəvi
dəyərlərin qorunması
Beynəlxalq hüququn mədəniyyət sahəsində intensiv inki-
şafı daha çox XX əsrin ikinci yarısında baş vermişdir. Belə ki,
bunun üçün bir neçə obyektiv səbəblər yaranmışdır:
- İkinci Dünya Müharibəsində bir çox mədəni abidələrin
və mədəni dəyərlərin məhv edilməsi;
- 1945-ci ildə London Konfransında Birləşmiş Millətlər
Təşkilatının təhsil, elm və mədəniyyət məsələləri üzrə
YUNESKO-nun təsis edilməsi;
- Beynəlxalq hüququn dövlətlərarası münasibətlərin əsası
kimi inkişaf etməsi;
- Müxtəlif səbəblər üzündən mədəni irsin gələcək nəsillərə
çatdırılmasında və onun qorunmasında yaranan çətinliklər və s.
Mədəniyyət sahəsində dövlətlərin bir-biri ilə əməkdaşlıq
və tərəfdaşlığın əsas funksiyası, insanlar və xalqlar arasında qar-
şılıqlı anlayışa nail olmaqdır ki, bu da başqa sahələrdə dövlətin
işini asanlaşdırır.
Beynəlxalq mədəni əməkdaşlıq və tərəfdaşlığın bir növü
də mədəni dəyərlərin qarşılıqlı mübadiləsi və yayılmasıdır.
Məhz dövlətlərarası mədəni münasibətlərdə mədəni dəyərlərin
qarşılıqlı mübadiləsi baş verir. Bu əsasda başqa ölkələrdən olan
insanlar dünyanın müxtəlif mədəniyyət mərkəzlərinin kolleksi-
yaları ilə yaxından tanış olmaq imkanı əldə edirlər (muzeylər,
qalereyalar, kitabxanalar və s.). Lakin, bu proses də özü özlü-
yündə dövlətlər üçün müəyyən problemlərə səbəb ola bilər. Belə
ki, ümumbəşəri xarakter daşıyan problemlərdən biri də tarixi və
mədəni abidələrin mühafizəsi ilə bağlı məsələdir. Mədəni
dəyərlərin qarşılaşdığı təhlükələri öz növbəsində iki hissəyə
ayırmaq olar:
Dostları ilə paylaş: |