268
Braxidaktiliya – barmoqlar kaltaligi.
Braxitsefaliya – boshning ko‘ndalang o‘lchami ortib, uzunasiga o‘lchami
kamayishi.
Vitiligo – terining har xil joylarda depigmentatsiyasi.
Vektor – avtonom replikatsiyalanuvchi plazmida, bakteriofag. Vektor yot DNK yoki
RNKni o‘ziga biriktirib replikatsiyalanadi.
Galaktozemiya — laktozaning so‘rilishini nazorat qiluvchi ferment sintezining buzilishi
natijasida kelib chiqadigan autosoma-retsessiv kasallik. Chaqaloqlarda birinchi
kunlardayoq sut ichgandan keyin qusish alomatlari kuzatiladi. Alohida parhez bilan
davolanmasa tezda gepatomegaliya, psixomotor rivojlanish buzilishlari, katarakta kelib
chiqadi va birinchi oylardayoq o‘limga sabab bo‘ladi.
Gametalar sofligi qonuni - gametalarga 2 ta allel genlardan bittasining o‘tishi, o‘sha
gameta ikkinchi alleldan sof ekanligini ta`kidlovchi qonun. Ikkinchi allel meyoz natijasida
boshqa gametaga o‘tadi.
Gen ekspressiyasi - DNKda kodlashgan informatsiyaning oqsil biosintezi, transkripsiya
va translyatsiya jarayonlarida ro‘yobga chiqishi.
Genetik monitoring - odam populyatsiyalarida mutatsion jarayon jadalligini uzoq vaqt
davomida kuzatish tizimi, bu usul bilan har xil avlodlarda mutatsiyalar jadalligi solishtirib
o‘rganiladi.
Genetik yuk — real va ideal populyatsiya individlari o‘rtasida moslanuvchanlikdagi
farqlar. Odam populyatsiyalarida genetik yuk irsiy kasalliklar sifatida namoyon bo‘ladi.
Tabiiy populyatsiyalarda genetik yuk mutatsiyalar va rekombinatsiyalar natijasi bo‘lib,
irsiy o‘zgaruvchanlik rezervini hosil qiladi, turning ekologik kelajagini ta`minlaydi.
Genetik kod — irsiy axborotning DNK (retroviruslarda RNK) zanjirida nukleotidlar
ketma-ketligi sifatida yozilish tizimi. Kod triplet holatida bo‘ladi, bitta aminokislota
to‘g‘risida axborot uchta qo‘shni nukleotid orqali belgilanadi.
Genokopiya — har xil allellar mutatsiyasining bir xil fenotip yuzaga chiqarishi.
Genokopiyalarning sababi - bitta belgining har xil genlar tomonidan nazorat qilinishi,
belgini namoyon qiluvchi oqsillarning bosqichma-bosqich sintezlanishidir. Odamda
irsiy karlikning har xil shakllari 3 ta autosoma va bitta X-ga birikkan genlarning
269
mutatsiyalari natijasida kelib chiqadi. Irsiy kasalliklar geterogenligi asosida genokopiyalar
yotadi, bu esa avlod prognozini aniqlashda qiyinchiliklar keltirib chiqaradi. Masalan —
- ota-onasi kar bo‘lgan oilada kasallikning genetik tabiati har xil bo‘lsa sog‘lom bolalar
tug‘ilishi mumkin.
Genom mutatsiyalari — hujayra xromosomalari sonining o‘zgarishiga bog‘liq bo‘lgan
mutatsiyalar. Quyidagi genom mutatsiyalari bor
1)
poliploidiya (avto va alloploidiya);
2)
geteroploidiya.
Genom — gaploid to‘plamdagi (p) xromosomalar yig‘indisi. Genom turni xarakterlaydi,
genotip esa — individiumni. Diploid organizmlarda genom gametalarning
xromosomalarini ifodalaydi va genetik tahlil birligi sifatida foydalaniladi.
Genotip — organizmning genetik konstitutsiyasi, uning diploid to‘shgamidagi hamma
allellar yig‘indisi. Ko‘pincha genotip termini tor ma`noda, 1,2,3.... belgilar allellari
yig‘indisini ifodalash uchun qo‘llaniladi. Masalan, ko‘k ko‘zli odamning genotipi — aa.
Har xil genotipli shaxslarning fenotipi bir xil bo‘lishi mumkin. Masalan, qora ko‘zli odam
Aa yoki AA genotipli bo‘lishi mumkin.
Genealogik tahlil — genealogiya (avlodlar shajarasi) usuli asosida irsiylanish
qonuniyatlarini tahlil qilish, Bu belgilarni (kasalliklarni) tahlil qilish uchun probandning
avlod-ajdodlari tekshiriladi. Tibbiyot genetikasi maslahatlarida keng qo‘llaniladi, belgini
(kasallikning) oilaning boshqa a`zolarida, shu jumladan kelajak avlodda rivojlanish
ehtimolini prognoz qilishga imkon beradi.
Genlar dreyfi (genetik — avtomatik jarayonlar) — tasodifiy omillar ta`sirida kichik
populyatsiyalarda genlar chastotasining o‘zgarishi. Odatda populyatsiyalarda irsiy
o‘zgaruvchanlik kamayishiga olib keladi, qarindosh-urug‘lar orasidagi nikohlar ortib
ketganida kuchayadi. Bunda populyatsiyada selektiv ahamiyati bo‘lmagan genlar saqlanib
qolishi va ko‘payishi mumkin. Genlar dreyfi demlar va izolyatlar kabi kam sonli
populyatsiyalarda ayniqsa kuchli namoyon bo‘ladi.
Genlarning differensial faolligi -bir xil xromosomalar to‘plamiga ega bo‘lgan
hujayralarda har xil genlarning faol bo‘lishi. Shuning uchun ham turli hujayralarda turli
oqsillar sintezlanadi. Hujayralarda genlar faolligining boshqarilishi transkriptsiya —
270
translyatsiya darajalarida amalga oshiriladi. Replikatsiya darajasida regulyatsiyalanish
natijasida hujayrada har xil vaqtda turli miqdorda gen nusxalari hosil bo‘ladi. Masalan,
genlar amplifikatsiyasida rRNK genlarining ko‘plab nusxalari hosil bo‘ladi.
Genlar dozasi — gaploid to‘plamdagi ma`lum gen nusxalari soni. Genlar dozasi oogenezda
amplifikatsiya natijasida duplikatsiyada, trisomiyalarda ko‘payadi, deletsiyada esa
kamayadi.
Geterozis — duragaylarning hayot qobiliyatlari ko‘rsatkichlarining ota-onalariga
nisbatan yuqori ko‘tarilishi. Geterozisning samarasi faqat ayrim belgilarga nisbatan
namoyon bo‘ladi (boshqa belgilarga nisbatan hatto depressiya kuzatilishi mumkin) va
keyingi avlodlarda yo‘qolib ketadi. Geterozisni tushuntirish uchun bir qancha gipotezalar
taklif etilgan (masalan o‘ta dominantlik gipotezasi). Geterozis qishloq xo‘jaligida katta
ahamiyatga ega.
Geterozigota — bitta genning har xil allellariga ega bo‘lgan organizm (Aa).
Bunday organizm ikki xil (A va a) gametalar hosil qiladi va avlodda belgilar ajralishi
kuzatiladi.
Geterogametali jins — geterosomalarga nisbatan har xil tipdagi gametalarni hosil qiluvchi
organizm. Odamda erkaklar geterogametali jinsdir.
Gemoglobinopatiyalar - gemoglobin sintezini nazorat qiluvchi gen mugatsiyalari asosida
kelib chiqadigan xilma-xil kasalliklar guruhi. Ko‘pincha gemoglobinning har xil
variantlari bir-biridan α yoki β zanjirda faqat 1 aminokislotaning almashinganligi bilan
farq qiladi. Gemoglobin variantlari soni 350 dan ortiq bo‘lib, ularning klinik ko‘rinishlari
ham har xildir. Nobarqaror gemoglobinlar tug‘ma gemolitik anemiyalarga sabab bo‘ladi
(metgemoglobinemiyalar, eritrotsitozlar, o‘roqsimon hujayrali kamqonlik, talassemiya
va boshqalar).
Gemofiliyalar — qon ivish jarayonining buzilishiga bog‘liq bo‘lgan kasalliklar. Ularning
bir shakli X-ga birikkan retsessiv kasallik bo‘lib, antigemofiliya globulini (VIII-omil)
yetishmasligi,
ikkinchisi
esa
plazma
tromboplastin
komponenti
(IV-omil)
yetishmasligidan kelib chiqadi. Gemofiliyaning boshqa autosomalar orqali irsiylanuvchi
shakllari ham mavjuddir.
Dostları ilə paylaş: |